TARAXACUM

episode (3)Unicode

Dandelion မျိုးစေ့ လေးတွေကို မျက်လုံး မှိတ်ပြီး လေထဲ မှုတ်ထုတ် လိုက်ရင် ဆုတစ်ခုတောင်းလို့ရတယ်တဲ့...
ဘာလို့လဲဆိုတော့ Dandelion မျိုးစေ့လေးတွေက သင့် အိပ်မက်နဲ့ အတွေးတွေကို သယ်ဆောင်ပြီး ချစ်ရတဲ့ သူတွေဆီကိုပို့ဆောင်ပေးတယ်လို့ လူတွေက ယုံကြည်ကြတယ်။
အမှန်တော့ အဲ့တာက မျှော်လင့်ချက် စိတ်ကူးသပ်သပ်ပဲမလား။

ချစ်သူသာ Dandelion လေးဖြစ်ခဲ့မယ်ဆိုရင်။
ခင်များတို့ကော အဲ့လို အဝေးကို ပို့ဆောင်ပစ်မှာလား။
🍃🍃🍃🍃🍃🍃🍃🍃🍃🍃🍃🍃

Taraxacum ဆိုတဲ့ကောင်လေးက ရေချိုးခန်းထဲက ထွက်လာတော့ သူ့ဆံပင်တွေက နဖူးပေါ်မှာ ဝဲကျနေသည်။အနက်ရောင်မဟုတ်ဘဲ အညို ဘက်သန်းနေသည့်ဆံပင်က မွေးရာပါလား မသိပါ။ မီးခိုးရောင်မျက်လုံးတွေကတော့ မွေးရာပါဖြစ်လိမ့်မည်။

ရေချိုးခန်းက ထွက်ထွက်ချင်း အကြည့်ဆုံချိန်ပြုံးပြလာတဲ့ Taraxacum ကို သူအကြည့် လွဲပစ်လိုက်သည်။

"ကျွန်တော် ဘာလုပ်ရမလဲ"

မျက်နှာအနီးသို့ ကပ်လုနီးပါး ငုံ့ကာ မေးလာတဲ့ Taraxacum ကြောင့် သူခုံပေါ်ကနေကပုတ်ကျလုမတတ်ဖြစ်သွားကာ ဘေးနားရှိ ခုံပေါ်တင်ထားသော ဘောပင်များ ကို အောက်သို့ ဆွဲချမိသွားလေသည်။
"မင်း အဲ့လို ရုတ်တရက်ကြီးကပ်လာရသလား!"

"Mi dispiace! Oh ..no.. တောင်းပန်ပါတယ်"

ဟင်း... သူသက်ပြင်းချလိုက်ပြီး ဘောပင်တွေကိုပြန်ကောက်တင်လိုက်သည်။

"ဘာမှ မလုပ်နဲ့ ငါနဲ့ဝေးဝေးမှာနေ! ငါပြောတာ နားလည်လား!Go! Away!"

မျက်နှာငယ်ဖြစ်သွားတဲ့ Taraxacum ကတကယ့်ကို ကလေးသာသာ! အနောက်နိုင်ငံသားအများစုက ထွားကြပါတယ်။ သူ့ကျမှ ဘာလို့ သေးညှက်နေရတာလဲ။စောက်ကလေးက ဒါတောင် ငါ့ကို ရည်းစားစကားပြောသေးတာ!
သနားကမားရုပ်ဖြစ်သွားတော့လည်း သူ့မှာ အသည်းမမာနိုင်ပါ။
မြန်မာ ဖတ်စာအုပ်ထုတ်ပေးလိုက်ပြီး တဖက် ခုံပေါ်ကိုပစ်တင်ပေးလိုက်သည်။

"အဲ့တာ ဖတ်နေ! နားမလည်ရင်မေး!"

Taraxacum ရဲ့မျက်နှာက ချက်ချင်းကို ဝင်းလက်သွားပြီး သူပေးတဲ့စာအုပ်ကို ယူကာ ချက်ချင်းပင်အလုပ်လုပ်တော့သည်။
အဂ္ဂါသည် ချက်ချင်းပင်တွေးမိသွားသည်။