خرج من طنوبيل زدح الباب بجهد حتا تسمع صوتو حل لباب لاخر خرج شمس شدها من شعرها دخلها لكميسرية و مشا عند شرطي لاحها قدام رجليه حتا جا وجها على الأرض و داز دم من نيفها حطت ايدها على نيفها بان ليها دم هزات راسها فيه حقد في عينيها حتا غوت هاني و صوتو تسمع في ارجاء
هاني : جبت هادي تعفن هنايا و دبا غادي تدخلوها فين تربا هزوها من حدايا دبا منشوفهاش قدامي
شرطي: قرب حدا شمس شدها من ايديها هزها من ارض و كلسها فوق كرسي "
تعالي كلسي هنايا تسناي نهضر معاه و نجي
شمس : هزات راسها بمعنى كلمة نعم "
شرطي : شوف ا خويا راه هادشي لي كدير فيه عيب و حشوما جيب لبنت لهنا ليحها بهاد طريقة
هاني : واش نتا كتسطا عليا راه قتلت وليد ولكن انا لي حمار جبتها هنا كان خاصني نديها فين تربا
شرطي : الله يرحم ليك ولدين راك غير كتخربق حنا قلبنا كاميرات ديال ضار و باك هو لي كان هاز فردي بين ايده و داه حتا وراء ضار و زيدون هاد بنت كون كانت ديرا شي حاجة ݣعما تعيط اسعاف و تعيط لينا فكر بشوية منطق و حتا حنا عارفين شنو كنديرو و عارفين خدمتنا
هاني : مغادي نرتاح حتا نشوف بصمات ديال فردي و مغاديش نخرج من هنا حتا دخلوها فين تربا قدامي حيت متأكد هيا لي درتها هادي شي واحد سيفطها لينا من نهار لول و هيا بينا في عينيها
شرطي : وخا صافي اصلا بصمات نص ساعة و غادين يخرجو و نوشفو هاد حريرة كاملة كلس ا سي هاني هنا و كيفما قلت حنا غادي نديرو خدمتنا
مشا شرطي شد ل شمس في ايديها كم غادي بيها "
شمس : طلق مني ا خويا اللهم درت شي حاجة علاش انا غادي نقتل هاذ راجل اصلان و الله انا خرجت غير نشوف شنو كين عيت منقول ليه طلق فردي ولكن مبغاش والو عفاك طلقني ا خويا
شرطي : ششش صافي اصلان كاع أدلة ما كنتش ضددك ولكن حيت كين بلاغ عليك خاصك تبقاي تحت حراسة ديالنا و دبا غادي ندخولك هنا تسناي واحد ساعة بينما خرجو بصمات و من بعد نوشفو
شمس: اصلان انا عافرة راسي ما ديرا والو غير لاش غادي تدخلني هنا على اقل بغيت نعيط على ختي بقات حدا طريق ظارها رجليها عفاك راه لاحها داك كلب الله يعطيه دقة
شرطي : اوكي نتي غير دخلي دبا و انا غادي نتكلف
دخلها لتماك لقات شي عيلات كالسين مشات دخلت كلشي بقا كيشوف فيها وجها ماشي ديال ديك بلاصة دخلت كلسات فوق كرسي و هيا كتحرك في رجليها و كدور في عينيها شوية و هيا تقوف بقات غادية جاية
