الغد صباح في
كانت شمس متكيا فوق نموسية و عينيها على شرجم و كتشوف نهار طالع و هيا عينيها مبغاوش يتسدو تفكيرها مبغاش يحبس و هادشي لي طاري ليها صعيب تقبلو بقات كتخمم شوية حست شي ايد على كتفها ضورت وجها لقات نور حالة فمها و كتشخر و معنقاها ب ايدها بتاسمت شمس بكل هدوء حتا كتسمع فاطمة كدق باب و هيا ترجع تغمض عينها دارت راسها ناعسة "
فاطمة : نور فيقي يلاه راه فات حال
نور : " حلات عينيها لقات شمس مغمضا عينيها كيصحب ليها ناعسة بتاسمت و هيا تنوض حلت باب ديال البيت و هيا كتجر في رجليها "
نور : ماما غير بشوية دريا راه ناعسة
فاطمة : نسيت مهم سيري لبسي راه خدمة كتسنانا
نور : اوف وخا ا ماما ها انا تبعاك
دخلت نور مشات ل دوش لي كاين في بيتها كتغسل في وجها و شعرها مشعكك و كتشوف في مريا
نور : يع يع هادي انا اويلي مالي
( صرفقت راسها و هزت صبعها قدام مراية )
نور : بغيت شي نهار نصبح زوينة والو بحال ديما او مشكيلة ديما كنصبح مصدومة بحالي اول مرة كنشوف راسي في مراية
"غسلات سنانها و وجها
خرجات من دوش دخلت عند شمس لي كتمتل بلي هيا ناعسة وقفت فوق نموسية و بركت تنقز و كتغني فوق راس شمس "
نور : /الشمس قد سطعت و جو جميل هاذا اليوم و فراشة قد قالت هادا فصل صيف و انا و رفيقتي قلنا هيا لي نزهة هيا ما اجمل هاده رحلة هيا يا اصحاب /
شمس : "حلات عينيها كتشوف في نور كتنقز فوق نموسية و كتغني بقات كتشوف فيها "
نور : ياه اخيرا شمس فقتي ( شدتها من ايدها وقفتها حداها )
نور : شوفي تبعيني انا نقز و نتي من ورايا وخا
شمس : اويلي غادي تجي خالتي فاطمة
نور : عرفاني مصطية غير خلينا نخلقوها مطلعاش مطلعاش مهم كتعرفي هاد أغنية شمس قد سطعت هذا اليوم
شمس : اه كنعرفها
نور : يلاه انا غادي نحسب و خلينا نقزو بزوج قد قد
شمس : ( قالت مطلعاش مطلعاش اللهم تنقز مع نور و تفكر ايمها قديمة شدت في ايدن نور و حسبو حتال تلاتة و بركو يغنيو و ينقزو و اصواتهم تملأ لغرفة بحال شي دريات صغار "
نور : يلاااه
"و هيا دخل عليهم فاطمة شافت شمس كتضحك و كتغني مع نور عايشين عالم ديالهم بتاسمت براحة على اقل مرتاحة هنا و نور غادي تأقلم معاها نطقت ب هدوء حمد الله و سدات باب و خرجات "
