هادي :جيتي
سامر : لا جابوني
هادي مدهاش فيه مشا طحن كاس ديال عصير و هزو و مشا كلس حداه و هز الفون ديالو حتا هضر سامر
سامر : شنو زعما على اقل جيب غير كاس ديال عصير معاك واش حول
"هادي و هو باقي على نفس وضع كيهضر بهدوء "
هادي : نوض دير لي بغيتي رزق رزقك
"سامر قلب عينيه و شاف شوفة مطولة و هضر "
سامر : واش مبغايش تعيا راه هاد برود ديالك و هاد هضرة لي خاوية طلعت ليا في راسي
هادي : ( شاف فيه ببرود )
ها انا شفت فيك عجبك حال
سامر : راه ديما كنشوف كمارتك دبا شنو طفرتيه يكما كتصحبني بنت من بنات الى صافي شفتي فيا غادي نحوال نوض جمع قلوعك راه غملو
"هادي شافت في تليفون و سكت "
سامر : شغادير حسن لك تبقا ساكت
"سامر كان غادي كوزينة و هو يتفكر و هو يرجع عند هادي "
سامر : اجي بعدا واش بصح مبغيتش ترجع على قرارك
هادي : إنا قرار
سامر : بلاما دير راسك معارفش واش مزال باغي تمشي المغرب ؟
هادي : هضرة لي قلت ليك هيا لي كينا إلى عندك ما ضيف خويه في رمل
"سامر دار ايديه على ذقنو كيحاول يمتالك راسو و مشا وقف قدامو و هو مخنزر و قرودة كيشطحو فوق راسو "
سامر : لاش باغي ترجع ياك هضرت معاك في هاد موضوع شوف في حياتك متبقاش تشوف لور ا صاحبي واش كتفهم نتا راك باقي حاقد و هاد الحقد ديالك مغادي ينفعك بوالو انا عارفك شنو كتسوى من داخل نتا انسان حنين و غير كتبغي تقصح راسك و تقصح قلبك على والو
"هادي ناضت تقابل معاه و هضر تحت سنانو "
هادي : انا جيت هنا باش نمشي و نرجع حقي لي خليتو تماك
سامر : وايه فاهمك كلنا جاتنا دقة خيبا و كلنا تعدبنا حتا واحد ملقاها كيف بغاها ا هادي تقبل واقع لي فات مات ا خويا
"هادي غوت حتا سامر نقز من بلاصتو "
هادي : لاحوني كاملين ا سامر حتا واحد معقل عليا حتا وااااحد واش كتعرف لقيت الخير في ناس غراب عليا ما لقيتها فيهم نتا متحطيتش في نفس موقف
سامر : خويا هادي راك غير كتقهر في راسك هادشي مغاديش ينفعك شوف صحتك غادية و كترجع لور كاع عصبية ديالك كتخرجها في موظفين لي فشركة رخف على راسك راه حقنا و حقك عند الله و دير عقلك دنيا فيتا و معندنا منديو من غير خير لي درنا ام حقد مغادي ينفعك لا هنا لا لهيه
