"مشات شمس و خلات مها مصدومة معارفة شنو دير من غير سكات معندها ما دير خارجة راسها قاصح و باها كتر منها مخلينها حايرة فيمن تشد واش هادشي صح ولا خطاء خصوصا ان شمس هيا صغيرة "
"دخلت شمس بيت لقات مزالين بنات فيه حتا قالت ليهم بكلام حاد "
شمس : خرجو بغيت نبدل حوايجي
"بقاو غير كيشوفو عرفوها معصبة ولا مشات حتا شدات شي وحدة تريشها مقدوش يسولوها علاش قالت داك كلام حيت شمس كتعصب وخا كتبر راسها على قبل مالين ضار "
خرجات دنيا و هادية بقات غير نريمان
شمس : (ضارت لقات انسة ناريمان ناعسة فوق نموسية و شادة تيليفون سولتها و هيا عطيها بضهر كتقلب على شنو تلبس)
شمس: مغاديش تخرجي
ناريمان : كيفاش نخرج هذا راه بيتي
شمس : وخا خودي راحتك بيت بيتك و ضار ضارك ا لالة
ناريمان : ههههه ضحكتيني الى كان على ديك هضرة لي قلت قبيلا بلي غادي نبدل بيت غير في لحضة غضب معمرو شي حد يخلي حاجتو لبراني
شمس : ( صمت مبغاتش تزيد معاها في هضرة ياك هيا غدا غادي تخلي كلشي و تمشي لاش غادي تبقا تعمر راسها بلخوا خاوي و هضرة ناريمان عرفاها كلها خاوية بحال عقلها )
بدلت حوايجها قرارت تطلع سطح على اقل تنفس شوية على هاذ لهم لي نزل عليها بحال شي صاعقة لي معرفت اشنو دير فيه قرار لي باقي مستوعب عقلها بلي هيا وافقت عليه
طلعات وقفات في سطح خاوي غير هراج ديال الدرب و ناس غادية جاية و مدينة دار البيضاء كلها شعالة ضواو هزات راسها في سماء لي كان فيها قوة نجوم و قمر ساطع كان كيبان كبير و قريب ليها تنهدات و نطقات بصوت يسكنه الالم
شمس : القمر و نجوم منورين سماء مظلمة معرفتش واش حياتي مظلمة غادي تزورها نجوم ولا غادي ينورها قمر (نزلت دمعة على خدها )
عيت بزاف و كان حس هاد حمل تقيل عليا ا سيدي ربي بحال شي حجر فوق ظهري هادشي بحال سم في قلبي ( حطات ايدها على قلبها لي حسا بيه مخنوق )
ياربي فجيها عليا و دير ليا لي فيها الخير لي اول مرة مقدارش نوصف خوف لي انا فيه ا سيدي ربي خديت خطوة و سبب هيا كرامتي ( بداو كينزلو دموع ركعت على الارض و هيا كتحس بحالي حطو هم دنيا كاملة فوق ضهر ديالها عينا مسدودين كتحاول تحبس دموعها لي خدات طريقها )
شمس : انا كنموت ميمكنش نتزوج ب هذاك راجل و ما يمكنش نكون عليه مرا ولكن ا سيدي ربي خديت قرار وخا عارفة هاذ قرار تمن ديالو حياتي
ضعت في قرايتي و مبغيتش نضيع حتا في قلبي ياربي كون معايا و يسر لي امري و ياربي تنزل عليا شي معجزة تخلي كلشي يتغير
