بنت دنيا دواره & قصص سلوى .
صبح الصباح و عصافير تزقزق فوق أشجار دنيا زوينة و مبهجة
شمس : كانت ناعسة شوية حلات عيونها على صباح جديد تكسلات و بتاسمت بدون شعور و هيا كتفكر احدات البارح و نفس وقت تفكرت كيفاش عاود ليها على حياتو و كيفاش داز من شي حوايج صعاب بزاف لي شافو بحلك بهاد شموخ و القوة ميقولش دوز هادشي كامل .
حست براسها تقرصت و جمعت ضحكتها تنهدت و ضارت جيهت نور لقاها عاطية بضهرها اول مرة متلقهاش ناعسة حداها و معنقاها جاتها فشي شكل ممولفاش ليها ستغربت حطت ايديها على كتفها "
شمس : نور
نور : هضرت و هيا وسط نعاسها مابغاتش تظور عندها "
خليني ا شمس فيا نعاس
شمس : بعدت ايديها بشوية اول مرة تعاملها بحلك ولكن مابغاتش تبزز عليها باستها في كتفها بشوية و ناضت لدوش غسلت وجها غير بخفة حيت مجروح غسلت سنانها مسحت بلفوطة خرجت من دوش لقات نور على نفس وضعية تنهدت و مشات حلت باب و قصدت طابلة فطور ملقات والو ستغربت مولفة تلقا داكشي موجود جاتها فشي شكل ان فاطمة ماشي من عويدها وخا كانت ديما كتقول ليها متوجدي والو ولكن لي فيها فيها ليوم كتشوف طابلة و دار خاوية و مرونو
تنهدت و قصدت بيت فاطمة دقت بشوية
شمس : ماما فاطمة "بقات كتدق مكينش جواب حلت باب حيت هيا كتفيق بكري مع فجر كيفاش حتال دبا مكينش حسها شافت في غرفة لقاتها خاوية دخلت تشوف واش كينا في دوش لقاتو محلول و خاوي جمعت حجبانها ضورت وجها في بيت لقاتو مرون حتا جات عينها واحد تصويرة في جوج بنات صغار تحنات هزتها
شمس : بدات كتحقق فيها "
شكون هادو كيبانو توأم "ضورت تصورية لقات مكتوب فيها 2000 /5/20 لقاتو عيد ميلادها في نفس نهار حتا كتبان ليها كتبة صغيرة وسط صورة كتحقق فيها هيا تقزف مني سمعت نور دخلت
نور : شمس شنو كديري هنا ؟
شمس ؛ ا ا حتا انا معرفتش "خبات صورة جنب "
نور : مع طالع ليها دم مافيهاش لي يحقق "
اوكي انا غادي نوجد شي حاجة ا حبيبتي
شمس ؛ اه سيري انا نجمع بيت و نجي عندك
نور ؛ اوأمات بي راسها بمعنى وخا و خرجت "
شمس : تنهدت رجعت تشوف في تصويرة كتحقق في الكتبى لقاتها بالفرنسية مفهمت شنو مكتوب مع خط صغير بزاف بحالي مخبي في جنب قد نمل صعيبة بزاف باش تفهم بسهولة"
شنو هادو واش هادي انا
"شافت في صورة مزيان عمرها شافت شي تصويرة ديالها و هيا صغيرة عجبها الحال "
واش هادي هادي انا انا "ضحكت ببلاهة " ياه اخيرا شفت راسي و انا صغيرة كنت كيوت وقيلا هادي نور "شافت في نور و فيها لقاتهم كيتشابهو بزاف
