{ بعد أسبوع }
من بعد ما دازت سمانة شمس كانت كالسة غير في ضار باب مكتفوتوش و غير ساهية رغم ان نور كانت كتاحول تغير مود ديال شمس ولكن باقية كتحس ان هادشي صعيب عليها وخا هضرات مع خديجة و طمنتها انها بخير على اقل سمعت صوت ماماها ولكن كلام شمس كان أغلبية برود و معطاتش حب و طمئننة ل خديجة اما بنسبه فاطمة و نور كيمشيو يخدمو في ڤيلا و يرجعو
كانت شمس كالسة فوق كرسي حدا طابلة ديال ماكلة بحال كل نهار غير كتخمم و ساهية و كتسنا نور و فاطمة يجيو ولكن ليوم بغات تهضر معاهم في واحد موضوع لي بقا شاغل بالها هادي يومين لي قررت ديرو على اقل تحس بشوية راحة مهم جات فاطمة دخلت كلسات و نور مشات بيت تبدل عليها حتا نطقت شمس بصوت خافت لي قليل فاش كيسمعوه
شمس : خالتي فاطمة بغيت نقول ليك واحد حاجة
فاطمة : "جات كلسات حدا شمس و حطت ايدها على وجها بشوية ولكن شمس بعدات و فاطمة متفهما وضع ديالها نطقت بكل حنان "
فاطمة :نعام ا بنتي قولي شنو كين خصاك شي حاجة متحشميش
شمس : لا لا مخاصني والو داكشي لي درتي معيا كان فيه الخير كامل غير انا مبغيتش نبقا غير كالسة هنا نتي و نور كتخدمو و انا غير كناكل و ناعسة حشومة خاصنا نتقاصمو العوين ا خالتي "شدت ليها ايدها "
شوفي انا عرفت بزاف قيمة ديالي عندك و عند ماما الى كان ممكن خليني نخدم اي خدمة مكين مشكيل انا قادة متخافيش عليا خليني على اقل نعاونكم على زمان
"فاطمة جاوبتها ب إستلطاف "
فاطمة : ولكن ا بنتي شمس راه خدمة في هاد وقت صعيبة و نتي باقية صغيرة بلاما ديري بالك غير كوني هانية راه بحالك بحال نور و اصلان ا بنتي شنو هاد مصورف كبير و نتي ا بنتي دغمة ما كتحطيها في فمك و نعاس متشوفيه شوفي عينك كيف حمرين علاش ا بنتي متبقايش تخمي في هاد شي نتي غير رتاحي و متخمي ل والو راه نتي في مكانت نور
شمس : اه انا متافقة معاك ولكن على اقل غير باش نرتاح شوية في نفسية ديالي خاصني نخدم حيت ميمكنش نبقا بحلك مهما كان الامر و مهما كانت ضورف خاصني نعاونكم ا خالتي الى بغيتي نبقا مرتاحة راه انا متأكدة الى حتا نتي الى تحطيتي في نفس موقف غادي تفكري بحالي ولا لا
فاطمة : ولكن " قاطعتها نور كانت جيا و سمعات كلسات حدا شمس و نطقات "
نور : ماما تعقلي نهار كنت باغية نخرج من مدراسة باش نعاونك و ماوفقتيش باقي نعقل كان مصروف فوق راسنا و كانت خاطري ما مرتحاش و انا كنشوفك كتخدمي باش تشري ليا كتوبا و لبس قراية وخا كان عندي منلبس و منقرا ولكن عمرني كنت فرحانة حيت كنتي كتحطي قلبك و دمك في فداك شي باش تجيبه ليا حتا مرضتي مرضة خيبا حمد الله دازت ولاكن كان قرار وحيد و هو نعانوك و درجة ضربتيني ولكن في اخير وافقتي حيت عارفة راحتي من راحتك و بحال شموسة دبا مغاديش تبقا مرتاحة حيت داك احساس مجربااااه ا فاطمة و خلي شمس ترتاح و تكون على راحت بالها بخير
