هاني : لي كيضحك هو حسابك معيا غادي يكون في هاد ضار لا على ديك كلمة لي قلتي ولا على هاد كلام لي قلتي دبا كتفهمي واش عارفة راسك معامن
"شوية صونا ليه تليفون طلق من ايد شمس و جاوب و هو طالعة ليه قردة فوق راسو "
هاني : وي شنو كين
"شمس بقات كتشوف فيه و كتخنزر شوية حتا شافتو بتاسم بشر "
شمس :في خاطرها "
ياربي سلامة هاذا مالو يلاه كانت طالعة ليه قردة و دبا كيضحك شكون غادي يكون عيط عليه يا ترا و خلاتو تقلب
"شوية حتا نطق بين سنانو و حتا قفزت شمس لي كانت ساهية "
هاني : لاش باقية هنا ماعندكش شغل
شمس : قلبت عينها لتحت "
مغاديش تجري عليا
هاني : بلاتي نسالي ابيل و نكمل معاك
شمس : بتاسمت "
خود راحتك
هاني :رجع لي ابيل "
مهم شوية و نعيط ليك
"قطع عليه و عاود شاف في شمس "
هاني ؛ مهم غير رجعي لخدمتك ولكن و اللهم تدوز عليك ساهلة ديك هضرة كوني متأكدة غادي تخرج منك كلمة بكلمة
شمس : قلبت عينها "
وخا دبا نقدر نمشي
هاني : طلع و هبط فيها "
سيري
"مشات شمس كوزينة لقات نور كتسناها مع دخلت مع وقفت حداها و هضرت "
نور : شنو شنو قال ليك يكما عيرك ولا قال لك شي حاجة يكما جرا عليك اصلان ميقدرش غير قولي انا نحل الامر
شمس ؛ بتاسمت "
غير تهدني مقال والو حدو قال ليا شكون نتي عرفتو على راسي و جيت صافي هادشي لي كين
نور : متأكدة هادشي لي كاين صافي ؟
شمس : هادشي لي كين ا نونو
نور : حطت ايدها على قلبها و تنهدت "
اوووف حمد الله
شمس ؛ مهم يلاه نخرجو ساليتي الماعن لي بقاو في مسيح
نور : وي وي ساليتهم يلاه نمشيو أصلا نهار كامل و حنا خدامين
شمس : ام اوكي يلاه
"كان هاني فديك وقيتا شاد طريق دوز ابيل في طنوبيل حتا جاوبو "
هاني : الو
مساعد : الو سي هاني كنسمعك
