مشات شمس كوزينة عطاتها فاطمة لبسة الخدم جمعت شعرها ديل حصان و تبعات فاطمة و حاجة لي قالت ليها كتنفذها بكل معنى كلمة حتا مخلات دوك خدمات خرين باش يضهرو وصل وقيتا ديال عشية كانت كتغسل في معان في كوزينة و خدمات خرين كيتغداو في بيت الخدم اما شمس حلفت لا بغات تغدا حتا تسالي دوك معان لي كيشطحو في كوزينة شوية سمعت شي حد دخل ضارت عندو "
شمس : شنو حب خاطر ا سيدي
شخص : نتي خدامة هنيا
شمس : وي ا سيدي يلاه بديت غير ليوم واش بغيتي كاس ماء ولا شي حاجة تاكلها
شخص : ( بتاسم بهدوء و نطق )
لا لا بغيت دادا فاطمة واش مكيناش
شمس : دادا فاطمة قصدك اه اه صافي صافي فهمت هيا كينا بغيتي نكلمها ليك ؟
شخص : اه
شمس : وخا
شخص : ههههه اه و بلاتي عطيني كاس ماء عاد سيري
شمس : ايه وخا
"مشات خدات كاس ديال زاج و جابت ليه ماء من روبيني و عطاتو ليه "
شخص : لا لا بينا أول نهار ليك
شمس : كيفاش ؟
شخص : لا والو غير انا كنشرب ماء معدني ماشي ديال روبيني غا مديرهاش قدام ضار حيت عايب
شمس : ( هضرت بي إنفعال بلاما تحس شنو كتقول)
و انا اش عرفني نتا جاي داخل و باغي داداك فاطمة دبا غادي تخلينا نكلموها لك ولا غادي تبقا هنا تشرط علينا و على ماء ديال روبيني مالو عالم كلو كيشربو
شخص : لا صافي ضربيني ها حنكي
شمس : ( سرات معاها )
ا ا سمح ليا نفعلت
شخص : سربينا خلاص سيري كلمي دادا ولا غير قولي ليا فين كينا و انا غادي نمشي نشوفها
شمس : و صافي هضرنا ا خويا انا غادية نمشي نكلمها ليك غير كون هاني
"مشات كتجري و هيا كتعير في راسها و في داك خينا لي دخل عليها على غفلة ديما فمها سابقها وصلت البيت الخدم و لقات فاطمة كالسة كتغدا "
شمس: مدام فاطمة كيسول عليك واحد دري
فاطمة : شكون ؟
شمس : معرفش قال ليا كلمي دادا فاطمة
نور : العار
