"حل صباح على شمس لي بقات ليل كامل في نفس بلاصة لي كلسات فيها راسها على حيط داتها عينها "
شوية كتسمع صداع ديال درب بدا كيعمر و بدأ الهراج شي غادي شي جاي صحاب مدارس و صحاب حوانت حلات عينها بشوية كتحس عنقها ضارها و بدات كتستوعب فين هيا تكفرت سبب لي خلاها تجي ل ضروج و تنعس "
ناضت بشوية مشات ل دوش غسلت وجها شافت في مرياة ضحكت ضحكة ديال استهزاء و نطقت
شمس : صافي هادي هيا شمس لي تواحد ما يغلب عليها باعوك برخيص
(خرجات من دوش مشات ل صالون كلسات حدا شرجم و بقات كتخمم شوية حتا دخلات عليها خديجة و كلسات حداها و نطقات بكل هدوء
خديجة : شموسة بنتي ( جراتها عندها بغات تعنقها و هيا شمس تبعد و نطقات و عينها شاعلة فيهم عافية )
شمس : طلقي مني معمرك تقيسني كتفهمي
خديجة : بنتي شمس نتي في عار الله
شمس : (هزات صبعها) متحاوليش تبيني ليا داك فيلم لي كل نهار قصة ديالو كتعاود انا شمس و ميمكنش تدوز عليا هاد قصة لا نتي لا راجلك كتفهمي حاجة وحيدة لي بغيت هيا نمشي بحالي حتا لو كان جهنام كحلة اللهم براني ولا عائلة من دمي و لحمي و عافتني و باعتني برخيص
خديجة: ( صدمة في وجها ) شنو كتقولي ا شمس
شمس : كيفما كتسمعي انا غير مجرد حتالة قدامكم ارض غلا من شراف ديالي و جا نهار لي كلشي غادي يتهنى مني ا خديجة
(مشات ل بيت دخلت سدات عليها خلات خديجة في حيرة ضايرا بيها حتا كتسمع شي حاد تنهد كانت فاطمة كلسات حداها و حطات ايدها على ضهرها كطبطب عليها
فاطمة : اح يا ختي يحسان عوانك ولكن دبا تحل الامور دبا تحل
خديجة : شنو غادي يتحل درية مبقات حاملة حتا حد انا و عافتني مبقاتش قادرة تشوف حتا في وجهي تكون سمعتنا بارح باينا سمعات ا فاطمة (ضربت فخدها )
فاطمة : على حساب ما قالت راه سمعتنا شوفي غادي ندويو مع حاج مصطفى ياك و غادي نفهموه بلي هادشي ماشي حل و في الاخير هادي شمس بنتو و كبدتو
خديجة: معامن ا ختي غادي تفاهمي داك راجل مبغاش يتهد والو معامن هانتي غادي تشوفي بي عينك شنو غادي يطرا
فاطمة : و اللهما غادي نخليه يلوح البنت هاد لوحة اويلي ولات سيبة
خديجة : راه ولات سيبا ولات ا ختي
فاطمة : ( كتشوف في خديجة في هاد الهم و مقادر دير ليها والو من غير تصبرها )
داز نهار و شمس كانت جالسة في بيت دقو عليها مبغاتش تحل معرفوها شنو كدير و دريات خارجين قراين و فاطمة و خديجة بقاو حايرة بيهم دنيا دغمة ما كالوها حاج مصطفى نهار كامل خارج حتا جا مع خمسة ديال عشية و سمعو صوتو بحالي جايب معاه ناس كيرحب بيهم
