من بعد مراسم دفن كانت شمس ناعسة فوق نموسية في سابع نومات من بعد ما خدتها فاطمة و داتها لضار عطاتها دوى و كلتها
في بلاصت نور لي ݣلسات فوق كرسي في ڤيلا باقية غير كتخمم و فمها محلول
و ناس ݣاع لي كانو مشاو تحت طلب هاني عيط على لي كارض كول يخرجو زمر كامل اصلا كلشي كان ناوي غير يبرݣݣ هو اصلان طلع ليه دم بشار كامل حتا من صحافة مبقاوش حسهم قدام لباب كلشي زاد خلفا بقاو غير الخدم
شوية سمعو صوت طنوبيلات وصلو كانو هوما ولاد عمراني كل واحد نازل من لوطو ديالو
الى هادي لي خدا طنوبليتو من مقبارة و زاد قدام عينهم معرفوش فين صدها دار معاهم الغراض و مشا و معرفينش حتا شنو تحت راسو خلاهم في غفلة
نزل هاني او فهد زاد بحالو بي طنوبيلتو معرفوش فين مشا او هود دخل حتا هو لضار تحت انظار نور لي غير كتشوف و ساهية
شوية و هو يدخل هاني كان عيان بزاف و بينا عليه
شافتو نور جاي داخل حط سوارت فوق طابلة ݣلس فوق كرسي حدا نور
نور شافت فيه بنص عين "
هاني : متكي راسو على كرسي و مغمض عينه "
غير قولي شنو باغية تقولي
نور : بلعت ريقها "
والو شنو غادي نقول دبا وقت شي قولان الله يهديك و يهدينا اجمعين امين صدق الله العظيم
هاني : حل عينه دور وجهو جيهتها بقا غير كيشوف في ديك مسطية لي حداه حتا هضر بصوتو خشن "
كليتي شي حاجة
نور : لا مكليتش "شوية بدات تفكر و هيا تشهق نقزت من بلاصتها "
ناري شمس
هاني : خنزر "
مال شمس ؟
نور : نسيتها من وراء حيط
هاني : الحيط ؟
نور : قصة طويلة يعني قصيرة معرت ليها مهم راني كحلتها ويلي ناري "تلفات "
حتا وقفت ليها فاطمة على راسها "
فاطمة : تبارك الله على بنتي
نور : بلعت ريقها مني هزات راسها في وجه فاطمة "
ماما لعزيزة
فاطمة : تحنات عندها و هيا تقرصها واحد مولاتي قرصة حتا شهقات "
علاااااش هاد دودة لي نهار و مطال و هيا فيك مبغيتش تحييييييدهااااا منك يا بنت كرشي علاش غيييييير قولي ليا
نور.: اي اي و اللهم درتها بلعااااني اعئ اهئ
هاني :نقز من بلاصتو شد نور جرها من وراء ضهرو خباها و حبس فاطمة بي ايدو "
ا دادا غير بشوية راكي عارفة نور فيها عشرة كل نهار مشكيل راه باقية صغيرة شنو غادي ديري نتي مولات عقل ا دادا
