في صباح الباكر
فاطمة : شمس بنتي واش واجدة
شمس : اه وجدت ا خالتي
نور :ديوني معاكم
فاطمة : سيري ݣلسي واش حنا غادي نضورو
نور : قربت عند شمس و هضرت بشوية "
متنسايش ا تعاودي ليا مني تجي
شمس : بتاسمت "
اوكي صافي غير كوني هانية
فاطمة : يلاه ا شمس نور سدي معاك باب
نور : وخا غير كوني هانية
خرجت فاطمة و شمس غادين شادين طريقهم لشركة "هادي لتسير "
وصلو نزلو من طاكسي كانت شمس متوترة و زاد توتر ديالها مني هزت راسها و لقاتها شركة قذها قذاش و ناس داخلين خارجين كيقديو في العمل ديالهم حتا جرتها فاطمة من ايدها و دخلو و شمس باقية كتشوف في داكشي حتا وصلو عند سكرتيرة هزت و حطت شمس بشوفتها لي كان لبسها عادي مجرد تجين و تريكو كحل من فوق و سبرديلا بيضا
فاطمة : عفا ا بنتي سي هاني مسالي
سكرتيرة : وي شكون نقول ليه
فاطمة : قولي ليه ا بنتي دادا فاطمة راه غادي يعرفني
سكرتيرة : ok
دوزت ليه و هيا باقية كتشوف في شمس لي حادرة راسها حتا شوية و هيا تنطق سكرتيرة
سكرتيرة : تفضلي ا لالة راه كيتسنا فيكم
فاطمة : شكرا
"مشاو جيهت بيرو دقو و دخلو لقاو هاني شاد ستيلو و كيتسنا بتاسمت ابتسامة عريضة و مشا باس ايد فاطمة "
هاني : دادا فاطمة لباس
فاطمة : لباس ا ولدي توحشناك
هاني : شعور متبادل ا دادا فاطمة
"كلس فوق كرسي "
تفضلو كلسو بغيتو شي حاجة تشربوها؟
شمس : لا مبغيناش كلسي ا خالتي انا غادي نبقا واقفة
فاطمة : كلسات فوق كرسي و شمس بقات واقفة حتا قاعطت صمت فاطمة "
ايه ا ولدي قول لينا على هضرة لي قلتي بارح
هاني : و هو باقي كيشوف في شمس لي محلهاش "
اه بصح شفت هاد بنت قلت بلاما نخليها تبقا خدامة فديك ضار تضيع تماك باقية صغيرة
فاطمة : ربي يخليك ا ولدي نتا مول الخير
هاني : ولو ا دادا خيرك كبير راه حنا تربينا على ايدك
