بنت دنيا دواره & قصص سلوى
نور : جات حداها شدت ايديها بفرحة "
واش ا شمس وليتي كتنطقي مزيان ؟ قولي شي حاجة عاودي
شمس : ضورت وجها فيهم شوية حست بصداع في راسها غمضت عينها و كرزت عليهم و زادت ݣلست جمعت رجليها عندها بحالي مقالت والو "
هادي : شافها ݣلست ببرود تنهد هز راسو كيشوف في سقف "
نور: حطت ايديها على خصرها تنهدت و رجعت شافت فيهم "
دبا نتوما لاش جاين ؟
سامر : دفع نور و مشا ݣلس حدا شمس "
حيدي من قدامي
نور :خنزرت في سامر "
يلاه بقا ليا غير هاد صوبيصة لاش جبتوه معاكم
سامر : تجيك في هاديك لي متسماش انتي هيا صوبيصة
هاني : زيدي زيدي تݣلسي " شدها من ايديها و ݣلسو في صالون "
نور : شافت في هادي لي باقي واقف معصب "
زيد ݣلس مالك واقف
هادي : مشا ݣلس حدا هاني "
هاني : شد ليه ايدو غمزو بي عينيه و هضر بشوية "
غير صبر دبا كلشي يتحل
هادي : دار ابتسامة بخفة "
انشاء الله
نور : هضرت بتسأل قوست عينها و شافت في هادوك جوج ىي مفهمت فيهم والو "
ايه ا سي هاني و هادي اش جاكم حتا تصالحتو يكما كينا على شي مصيبة ؟
هاني : شاف فيها و ضحك "
نور ؛ خنزرت درت ايدها على جنبها "
دبا غير قولو ليا شنو كين دماغي راه تقال عليا عاتا جيتو هجمتو علينا ياك لباس ؟
هادي : جينا غير نتعشاو معاكم رتاتحيتي
نور ؛ اممم هادشي و كان "ناضت شدت داكشي
و مشات تقادو في طباسل هاني تابعها "
هادي ؛ كيشوف في شمس ساكتة كتلعب بي ايديها في سليب ديالها تنهد سمع تيليفونو كيصوني جبدو و جاوب "
الو
بقا كيهضر و يضحك ناسي شمس لي كتشوف فيه و قلبها كيتحرق بلا شعور لقات دمعتها نازلة على خدها عيات ما تحبس فيها ولكن مقدرتش
سامر : شاف شمس دمعتها نازلة و كازرة على ايديها قرب حداها "
شمس نتي بخير ؟
شمس : شافت في سامر و هضرت بين كلماتها متقطعين خجرتهم بزز "
انا ....ماش ماشي بخير ..... "بدات شهقاتها كتر من لول "
هادي : سمع لبكى حيد تيلفون ضار عندها لقاها غادي تسطى مشا عندها شد ليها ايديها "
شمس مالك ؟
سامر : خنزر في هادي "
نتا سباب
"نور جاية هازا الطباسل و هاني تابعها شافت شمس كتكبي حطت داكشي فوق طبلة دغيا و مشات عندها مخلوعة"
