كانت وقيتا ديال عشية و شمس باركة كتمسح في ماعن بقات غير هيا و نور في ضار من بعد ما مشا كلشي سلاو شغالهم بينما كانت نور كالسة فوق كرسي و حطا ايدها على ظهرها
نور : اوف ياختي هادشي غير مكانوش مالين ضار او حاسة عظامي وكلين دقة ديال عصا
شمس : كانت ساهية و هيا كتمسح في كاس مستمعتش كلام نور"
نور : لاحضت شمس و كيفاش ساهية كتخمم "
ايهههه هوووو شمس
شمس : فاقت من سهوتها "
اه وي نور
نور : واش كتخمي في موضوع عائلة ديالك
شمس : تنهدت "
امم صراحة كلشي مخلط عليا و زاد عليا حتا داك خينا لي صبحنا عليه تفو
حطت كاس و ظارت عند نور "
انسان على اقل يحترام بارك يطلع و يهبط فينا بحالي شاف سم كحل تفو
نور : حتا نتي ا شمس ݣعما ديري في بالك هذاك راه من صغرو بحلكاك وجهو قاصح يصحاب ليا تبدل ساعة والو و حتا انا خاصني عصا حيت مشيت نسلم عليه فيا دودة
شمس : بعلكس نتي مشيتي درتي غير صواب حيت سلمتي عليه و بينتي قيمتك و إحترامك لي ولد ناس لي كبرتي عندهم
نور : ويه عندك الحق اصلان كل واحد كيعامل بي اخلاق ديالو ولا ماشي بصح
شمس : اه بصح ا ختي بصح
"حتا شوية قاطع صمت خدامة دخلت عليهم و كتبقلل بعينها"
نور : بي استغراب"
لاش رجعتي بسلامة ياك سلات خدمتكم
خدامة : راه بغيت نخرج ولكن تلاقيت مع سي هاني
نور : وقفت "
مال هاد سي هاني شنو باغي ؟
خدامة : ا ختي انا معرفتش شنو باغي سول على شمس قال واش جات شي وحدة جديدة خدامة هنا
نور : ايه كملي شنو قلتي ليه ؟
خدامة : قلت ليه اه و سول على سميتها قلت ليه شمس قال ليا رجعي كلميها ليا تجي عندي صالون عاد سيري و جيت نكلمها مهم وصلت ليكم وصية ها انا غادية بحالي
مشات خلاتهم كيفكرو شنو باغي شمس حتا هضرت نور و هيا معصبة و عينها خارجين "
نور : هذا شنو باغي بسلامة عندك ياك لباس
شمس : نتي في نظرك شنو باغي راه غير حيت سمع معيور لي عيرتو قبيلا وقيلا بقات واحلة ليه
نور: اوا صافي نتي غير بقاي هنا انا نمشي نهضر معاه و نجي.
شمس ؛ لا لا غير بقاي ا نور انا غادي نمشي نشوف شنو باغي عندي حيت بحال دوك دراري غير زواق على خاوي كعما كيخلعوني
