فهد : ماما
"مشا ديركيت يجيري شد ليها وجها بين ايده "
فهد: ماما فيقي ماما عفاك نوضي متخلنيش بوحدي ماما نوضي مالك شنو وقع لك
كميل ظارت ليه دنيا فوق راسو هزت تليفون و هو كيترعد عيط على الاسعاف عطاهم عنوان ديركيت مشا عند فاطمة كيضق عليها حلت باب و هو كينهج نفس مبقاتش عندو
فاطمة : سي كميل كين شي مشكيل
كميل ؛ فاطمة نعمية طيحا في ضار و حالة ديالها ما مكتبشرش بالخير
فاطمة : اويلي شنو كين واش هيا بخير
كميل. معرفتش معرفتش عفاك عاونيني
فاطمة :هزات صبطها و هيا كترعد و خرجات كانت ديك ساعه خارجة شمس من بيت سمعتهم شنو كيقولو و سمعت كلشي تبعتهم و هيا كترجي و شعرها سارد من وراها
مشاو كيجيرو و شمس من وراهم كتشوف في كميل مخلوع و مسكين صحتو على قد حال قلبها ضرها حتا حلو باب كان فهد كيبكي و شاد نعمية ايدها بحال شي دري صغير خايف مو تمشي و تخليه مشات فاطمة كتجري هيا و كميل
فاطمة : عيطتو ل اسعاف
كميل ؛ عيطت ليهم قالو ليا دبا جين
شمس مشات كلسات في ارض يلاه بغا فهد يهز راس نعمية و هيا تحبسو
شمس : مخاصكش تهز راس ديالها خليها كيفما هيا غادي يجيو ناس طوارء و غادي يتكلفو بكلشي
فهد : واش غادي نخلي ماما كتموت قدامي و انا كنشوف انا غادي نديها مستشفى
شمس قربات عندها نعمية قاست ليها عرق جيهت عنقها لقاتو مزال كيضرب و حطات راسها على قلبها لقاتو باقي خدام رغم ان دقاتو تقيلة رجعت شافت في فهد
شمس : باقية حيا و غير تفائل بالله سبحانه وتعالى و كلشي غادي يكون مزيان راه غير سخفانة
فاطمة :مشات جابت كاس ديال ماء رشات ليها على وجها والو "
لحبيبة نعمية فيقي شوفي ولدك و راجلك مخلوعين عليك على وجه ولادك ها لعار الى ما نوضي
شمس : خالتي غير صبري كلشي غادي يكون مزيان بلاما تسبقو احدات خيبين يكون خير
فاطمة : شنو سباب لي خلاها بحلك
كميل : تعصبات و طاحت كتغوت انا مافهمت والو حتا جيت لقيت دم من نيفها دايز و سخفانة
شوية سمعو صوت Ambulance وصلت دغيا دخلو كيشوفو في نعمية و يفحصو فيها دغيا هزوها في اسعاف و ضيمارو تبعهم كميل بطنوبيل ركبت معاه فاطمة و مشاو
فهد ركب و هو كيبكي و يتنخصص شمس شافتو بحلكاك حسات بقلبها ضرها شافتو ديمرا طنوبيل و خرج و هيا بقات واقفة في جردة كتشوف فيهم مشاو حتا جات عندها نور متجري
