نور ؛ ش ش شنو كدير نتا هنا ؟
هاني : هز ايدو بغا ييحطها على كتف نور و هيا تبعد بزربة "
نور : كترجع بلور "
ب ب بعد بعد ايدك متقيسنش
هاني : هبط ايدو "
ها انا صافي غير تهدني انا مغادي ندير والو لك جيت باش نشوفكم نتي و شمس واش خاصكام شي حاجة صافي .
نور : هزات صبعها قدام وجهو "
عمرك تحلم تقيسني انا و ختي كتفهم الى كان كيصحاب ليك معندهاش لي يدافع عليها انا انا كينا كتفهم انا نقدر نقوف قدامك و قدام عشرة منك الى كان كيصحاب ليك بلي نتا هاني عمراني وراه انا نور زهراني
هاني : بتاسم على كلامها شدها من ايديها و خرجها برا الغرفة مبغاوش يفقو شمس "
نور : بعدت على هاني بجهد "
طلق مني ا زمرررر
هاني : دبا نتي غير سكتي غير شوية مني كنتي صغيرة و نتي فمك صابقك واش مكتعيايش
نور : قربت حدا وجهو و هضرت "
لا مكنعيايش و مغاديش نعيا كتفهمم و بحالك هوما لي خاصهم القاصح حيت وجهك ديال معيور
هاني : زاد قرب حتا وصل لي حدا نيفها "
كون كنتي قادة بي هضرتك علاش لا ولكن الى حطيتك تحت رجلي دبا مغاديش نسمع صوتك كيخرج و تبداي تنزلي دوك جوج دميعات
نور ؛ واش معيتيش واش مبغايش تهد غير قول ليا منين مصنوع ا هاني منين
هاني : تهديت من بارح و انا مهدود بارح ماتو ولديا ولكن مت حتا انا معاهم حتا انا مشيت بارح "نعت في راسو "
هاذا لي واقف حداك مجرد جسم بلا روح عايش غير هكاك شفتي انا خاصني نكون هنا في هاذ سبيطار لي هزو فيه وليدة و وليد يحطوني جنبهم و نمشي معاهم بعيد على هاد ألم و دموع و نفاق و كدوب و طمع لي كنت عيش فيهم قبل يومين كرهت راسي و كرهت حتا دنيا لي خلاتني نعمى لدرجة منعرفش شي حاجة من غير راسي كنت سباب خويا و ماما و بابا و دبا ها انا كندفع تمن تنفس لي كنتنفسو ا نور كنموت كل دقيقة و معرفتش راسي حتا باش واقف معرفتش حتا كيفاش نشوف راسي في مراية انا هنا كنموت ولكن شكون غادي يحس بيا و حتا الى قلت راني عيت حتا واحد مغادي يتيق حيت كلشي كيعرف هاني عمراني حتا حاجة مكتحطمو ولكن لي معرفينش بلي هاني مات مع ولديه بارح دبا نتي كتلوميني حيت درت ليكم بحلك ولكن حطي راسك في بلاصتي يجيو يقولو لك بابا و ماماك ماتو في نفس نهار بواحد طريقة خيبا بزاف كتألم في القلب نتي مجربا فقدان الاب ولكن باش تفقديهم بجوج في نفس نهار بلا حتا كلمة ولا وداع منهم هادي بي راسها كتموت ا نور كتموت كتقتل لواحد بشوية بشوية " كرز على سنانو " و انا قتلتني بشوية بشوية .
نور : نزلت دمعة من على خدها و كل جملة خرجها من فمو كانت بحال موس في قلبها بحالي فعلا حطت راسها في بلاصتو و فعلا فراق ناس عزاز كيقتل شي حاجة فينا مهما كانت ضروف الا ان ناس لي كاينين في حياتنا هوما نقطة ضعف فينا مهما دارو كتبقى ديك محبة غير مخبية جنب قلبنا
