شمس : ناريمان مالكي
ناريمان : ماشي سوقك بعدي ايدك
شمس : انا غير سمتعك كتبكي قلت نشوف مالك على اقل عاودي ليا راني ختك ماشي عدوتك
ناريمان : (ناضت وقفت قدام شمس )
ماشي سوق كتفهمي نتي ماشي ختي و انا ماشي ختك و هاد بيت خليتو ليك انا غادي نبدلو مع هادية تجي هيا هنا و انا نمشي حدا دنيا حيت ريحتك مبقيتش حاملة نشمها
شمس : بغيت نعرف مالك معيا باغية تجبدي معيا صداع على والو و نتي عرفاني غير صابرة لك كنقول ختي كبر مني لا حشوما حيت عرفاني الا نضت راه مجا لي يحبسني ولكن كنشوفك شادة معيا ضدد على والو راني ختك
ناريمان : ياك ا لالة او تسناي نوريك انا شنو كنسوى(حماتها ل غوات و تنتف في راسها و تعاود شمس بقات مصدومة قدامها )
ناريمان : بعدي مني خرجي بحالك نتي مشي ختي نتي عودتي الله ياخد فيك الحق
" حتا دخلو مالين ضار لقاو ناريمان كتنتف في راسها و شمس غير باركة و صدمة على وجها باغين يشدو في ناريمان باش تهدن "
دنيا : ناريمان ختي اويلي مالكي تصطيتي استغفري مولاك
خديجة :(و هيا كتشد فيها ) الله يا بنتي و مالكي عليها نتي في عار الله شمس مالها
شمس : و اللهم معرفت كانت كتبكي قلت نشوف مالها حتا جعرت عليا
ناريمان : كذابة ناضت بركت تعير فيا مخلات فيا غير لي نسات اهئ اهئ تقول انا عدوتها ماشي ختها شكون لي خاصو يحتارم انا ولا هيا راه كبر منها
هادية : شوفي شمس مدير ليك والو غير لا بغيتي تشدي معاها ضدد اصلان كلشي عارفك خاصك غير منين باش تنوضي قربالة
ناريمان : نتي سكتي ماشي سوقك ا براهش طلعو ليا فوق راسي الله اهئ اهئ
هادية : معرت شكون برهوش
"هو يدخل حاج مصطفى لقا ناريمان باركة تبكي و مني شافتو عاد ما زادت فيه عينه ديركت في شمس "
مصطفى : شنو كين عوتاني صداع راس وجه مشاكيل
ناريمان : اهئ بابا شمس ناضت باغية تضربني و عيرتني مخلات فيا غير لي نسات اهئ اهئ
مصطفى : عوتاني نتي سباب ياك عوتاني واش مبغاش تخلينا هانين (هز صبعو قدام وجها )
غير نهار واحد بغيتو يدوز هاني بلا مديري شي مصيبة غير نهار
خديجة : تا اش ساير تقول ا سي مصطفى معرفتي شنو كين ديركت مشيتي ل شمس تقا الله راه غير بنات مع بعضياتهم
مصطفى : قلت لك تفرق على بناتي بغيت غير نعرف هاد عيفت بنات منين جبتيها هضري بقيتي حتا ولدتي ليا برهوشة شوفي لاليتها كيقراو و هيا مقابلة غير مشاكل
خديجة : حتا هيا كانت كتقرا و هادشي في كل عائلة كيوقع متكبرش موضوع ا حاج
مصطفى : بنتك ا لالة هيا لي زايدة على هاذ عائلة بمشاكل من نهار شفتها ما شفت رباح غدا تبات ما تصبح غدا غادي نضرب حديد ما حدو سخون
شمس : ( بقات غير كتسمع و كتحس جناوي في قلبها كيفاش يعطيه خاطرو يقول بحالك هيا باش زيدا عليهم اه باش واش حيت صغيرة واش حيت فهم كاع هادشي بغلاط و معمرو فكر يسمعها ولا يقول هادي حتا هيا بنتي و غير كيوقعو اخطاء غلاط كيوقع ما فيها باس ولكن ديما كيتسنا منها مجرد خطاء صغير باش يدوز ليها
جمعت كاع جروح و نطقت بكلام ماكنتش متوقعة تقولو كلام كانت صباح تقول مستحيل نوافق نهضر بيه ولكن مني الامر كتشوفيه كيهن كرامة ديالك و انها كالسة هنا على قلبهم قررت في هاد لحضة بدون تفكير قالت جملة بقا كلشي حال فمو )
