عشقتك يا عهدى

الجزء السابع عشر

استيقظ الجميع من النوم لينزل كلا منهم إلى أسفل ويأتى الباقى من عند فيلا فريد لفيلا مليكه ليجتمع الجميع حول مائدة إفطار واحدة .

يوسف : فين عهد .

ليث : ولهى يا يوسف قعدت اصحيها مش عاوزة تصحى شكلها تعبان اوى من سهرة امبارح خليها نايمه .

يوسف : يا ليث عهد مش تعبانه ولا حاجه دى بتحب النوم دى ممكن تنام لحد بكرا عادى انا هقوم اصحيها .

ليقوم يوسف ويصعد إلى الغرفه ويفتحها ويجلس بجوار عهد التى كانت غارقه فى أحلامها .

يوسف : اصحى يا عهد .

عهد : سيبنى انام يا ليث شويه كمان .

يوسف بضحك : انا مش ليث يا قلبى انا يوسف .

لكن لم تستيقظ عهد أيضا ليأتى بباله فكرة ليخرج هاتفه ويشغل رنه ما لتستيقظ عهد مباشرة .

عهد بنعاس : ايه الهزار البايخ دا يا يوسف

يوسف بضحك :قولت مفيش حاجه هتصحيكى غير نغمه التدريب .

عهد : ظريف اوى عايز ايه .

يوسف: جاى اصحيكى علشان تفطرى معانا .

عهد : تمام هغسل وشى وانزل .

يوسف : كنت عاوز أسألك سؤال انتى ليه جايه ضد قاسم كدا .

عهد : أصله هيضيع نفسه بلى بيعمله دا وكمان انا مرضاش لشهد انها تكون فى بيت واحد مع لارا .

يوسف : تمام يا عهد بس بلاش تضغطى على قاسم اكتر من كدا .

عهد : سبها على ربنا يا يوسف .

بينما فى الاسفل حيث الجميع جالس حيث محمد جالس بجوار روان ويمسك يدها بحب شديد وكذلك ممدوح وفرح ومليكه واسامه بينما قاسم جالس ينظر إلى شهد التى تتجنب النظر إليه وملاحظه لارا وغضبها ومحمود الذى ينظر الى سارة ولاحظ أنها متغيرة كثيرا وجيسيكا الجالسه بجانبه تتحدث فى الهاتف ولاميس التى تضحك وتتحدث مع علاء ونبيل يتحدث بحب مع ريهام ومازن ينظر إلى جودى بإبتسامه وجودى تتحاشى النظر إليه وتتحدث مع شهد لتأتى عهد ويوسف .

ليث بحب : صباح الخير يا قلبى .

عهد بإبتسامه : صباح النور يا ليث .

لتجلس عهد بجانب ليث ويوسف بجوار ايمان لتلاحظ عهد أحوال الجميع ليبدأ الجميع فى تناول الطعام .

عهد بجديه : اجهزوا يا جماعه هنرجع مصر بعد الفطار .

مليكه : متقعدوا كمان يومين يا عهد .

عهد : معلش يا مليكه ورايا شويه شغل لازم يتم .

اسامه : تمام .

عهد : بس انت يا اسامه مش هتيجى معانا هتخليك هنا مع مليكه .

اسامه بفرح : من عنيا تحت أوامرك .