عشقتك يا عهدى

الجزء الخامس والعشرون

انتهى حمزة من عمله ليستدعى عهد لتدق عهد الباب وتدخل .

عهد : ايوة يا فندم .

حمزة بجديه : فى اجتماع كمان يومين للمستثمرين ألغى اى معاد اليوم دة واعملى حسابك هتحضرى الاجتماع .

عهد بإستغراب : مفيش سكرتيره بتحضر اجتماعات يا فندم .

حمزة بإبتسامه: بس انا عاوزك جنبى ممكن .

عهد بهدوء : حاضر يا فندم .

ليدخل ماركوس مكتب حمزة وعلى وجهه علامات الغضب .

حمزة بجديه: فى ايه يا ماركوس .

ماركوس بغضب : فى شركه بتصنع احسن ماركات السيارات وبسعر أقل من بتاعنا ولو استمرت على كدا شركتنا هتخسر كتير .

حمزة بغضب : ظهرت منين دى .

ماركوس : مش عارف كل الى اعرفه ان صاحبها عندوا اكتر من شركه وشركاته من احسن الشركات فى الشرق الأوسط ومفيش حد بينافسها فى اى مجال .

حمزة : طب وايه الحل .

ماركوس : نعمل اتفاق مع صاحب الشركه انو يرفع اسعارة .

حمزة : اذاى .

ماركوس : نعمل شراكه بين الشركتين .

حمزة : وفكرك صاحب الشركه هيوافق .

ماركوس : هحاول بس دا امل ضعيف .

حمزة : تمام حاول ابعتلى كل بياناته على تليفونى .

ماركوس : بعتها .

حمزة بجديه : تمام اتفضل انت وعاوز كل حاجه تخلص انهاردة .

ليغادر ماركوس ليرجع حمزة رأسه للوراء بضيق .

عهد بحزن : انت كويس يا فندم .

حمزة بهدوء : تعبت يا عهد اول مرة يحصلى كدا .

عهد : بس شركات حضرتك إلى فى أسبانيا مبيحصلهاش اى مشاكل .

حمزة : علشان محدش يتجرأ انو ينافس شركات الحوت فى أسبانيا بس هنا حاجه تانيه .

عهد بستدراك : اذاى يعنى .

حمزة بهدوء : مش مهم .

ليدخل ماركوس سريعا : وافق أننا نعمل اجتماع معاه.

حمزة بإبتسامه: بجد .

ماركوس : ايوة بس هنعمل الاجتماع عندة فى شركته .

حمزة بغضب : ايه يعنى .

عهد بهدوء : عادى يا فندم المهم الشركه متخسرش لازم نستحمل .

حمزة بإقتناع: ماشى المعاد امته .

ماركوس : سكرتيرة مكتبه قالت بكرا .

حمزة : تمام هتيجى معانا يا عهد .

عهد : حاضر يا فندم .

ماركوس : هروح اضبط اوراق الصفقه .