Loving Him Is Red (Sanford Series #3) [COMPLETED]

CHAPTER 8

MEOW! Iyon ang nagpagising kay Cameron ngunit sobrang saya niya upang pagalitan ang pusang nasa sulok ng kanyang bahay at ngumingiyaw. Hindi niya alam kung paano ito nakakapasok doon.

Nag-inat siya ng katawan bago tumayo mula sa pagkakahiga. Nilapitan niya ang kanyang maliit na lamesa, kinuha ang pagkaing natira ng nakaraang gabi at lumabas ng kanyang bahay.

Inilapag niya ang pagkain sa plastic na plato na nasa gilid ng rooftop. Agad naman iyong nilantakan ng pusang nakasunod sa kanya. "Pakabusog ka. You're lucky, maganda ang gising ko," kausap niya sa pusang hindi man lang siya sinulyapan at abala sa pagkain.

Muli siyang pumasok sa loob ng kanyang bahay, isinarado niya ang pinto at hinubad ang lahat ng damit. Inilagay niya iyon sa hamper at pumasok sa maliit niyang banyo.

She was singing and dancing while scrubbing her body. Ngayon ang simula niya sa trabaho sa firm na pagmamay-ari ni Anton Carlos and she felt delighted.

Nang matapos sa paliligo ay agad siyang nagsuot ng damit pang-opisina. Sukat na sukat niya ang gray suit at tila ba ginawa talaga iyon para sa kanya. Kitang kita ang kurba ng kanyang katawan at hindi niya maiwasang 'di mapangiti sa nakikita.

Pagkatapos mag-ayos ay dinampot niya si Terry at Lerry na nasa isang panig ng kanyang bahay at dinala sa labas. Umulan kagabi kaya ipinasok niya ang kanyang mga alagang cactus.

Maingat na inilapag niya ang dalawa sa pinagawa niyang concrete pillar. Pinasadya niya talaga 'yon para hindi na muling makadisgrasya ang kanyang mga halaman.

Kinuha niya sa loob ang kanyang mga gamit at pagkatapos ay isinarado ang pinto ng kanyang munting bahay.

Habang pababa ng hagdan ay napakunot-noo si Cameron nang makarinig ng mga kalabog at sigaw. Binilisan niya ang mga hakbang upang agad na makapasok sa bahay ni Pauleen. Nakikilala niya ang sumisigaw na 'yon dahilan upang unti-unting bumalong ang galit sa kanyang dibdib.

Pabalyang binuksan niya ang pinto ng bahay at agad na lumapit sa dalawang nag-aaway.

Dahil sa kanyang pagsulpot ay siya ang tumanggap sa sampal na igagawad sana ni Cristopher kay Pauleen.

Napasinghap si Pauleen at natigilan si Cristopher na parehong hindi inaasahan ang kanyang pagsulpot. She abruptly pointed her darting eyes at Cristopher who was still astonished.

She raised her hand and convene all the strength left in her body. He didn't saw it coming and he took all the blow, her palm seamlessly landed on his shameless face.

"You don't have the right to hurt Pauleen, or anyone you shameless frog! Get out of this house, now! Or I'll sue you for domestic violence, you scum-of-the-earth bastard!" Halos maputol na ang litid niya sa galit dito. Gusto niya itong kalmutin at suntukin subalit alam niyang hindi iyon makakabuti sa kanya, kaya matinding pagpipigil ang kanyang ginawa. "Leave now! Or I'll call the police!" Matapang na sinalubong niya ang mabalasik nitong tingin at hindi nagpatalo. She will never cower just because the man was twice much bigger than she was. He's just a coward who hurts someone who was weaker than him. A complete thug!

"Bitch!" bulalas nito na madilim ang mukha at sinipa ang center table. Natumba iyon at nabasag ang salamin.

Tumalikod ito at marahas na kinuha ang mga gamit sa loob ng silid. Pagkalabas ng lalaki ay tinapunan sila ni Pauleen ng isang masamang tingin at tuloy-tuloy na lumabas ng bahay. He even slammed the door and the gate.

Binalingan niya si Pauleen na kanina pa tahimik sa kanyang likuran, hinawakan niya ito sa kamay at hinila paupo sa sofa.

Naninikip ang kanyang dibdib habang nakikita ang mga pasa nito sa mga braso, binti at sa mukha. Agad niyang kinuha ang first aid kit at nilapatan ng paunang-lunas ang mga pasa nito sa katawan.