من أنت .. وميمو .. ولفى بيا يا دنيا

لفى بيا يا دنيا ❤13

لفى بيا يا دنيا ❤13
سبحان الله وبحمده وسبحان الله العظيم
لا إله إلا أنت سبحانك إنى كنت من الظالمين
أعوذ بكلمات الله التامات من شر ما خلق
بسم الله الذى لا يضر مع إسمه شئ فى الأرض ولا فى السماء وهو السميع العليم
ربِّ أعنِّي ولا تُعِن عليَّ، وانصرني ولا تنصُر عليَّ، وامكُر لي ولا تمكُر عليَّ، وانصُرني على من بَغى عليَّ، ربِّ اجعلني لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطواعًا، لَكَ مُخبتًا، إليكَ أوَّاهًا مُنيبًا، ربِّ تقبَّل توبَتي، واغسِل حوبَتي، وأجِب دعوتي، وثبِّت حجَّتي، واهدِ قلبي، وسدِّد لِساني، واسلُل سخيمةَ قلبي
اللهم صل وسلم وبارك على سيدنا محمد وعلى آل وصحبه أجمعين
❤❤❤❤❤💙💙💙💚💚💚💚💚💛💛💛💛💛💛
باسل بيشاور بأيده : أتفضلى
لولو بتتعدل وبتلبس النضاره الشمس باسل وقف قدامها .. انتى بتهببى إيه إحنا المغرب ياختى هاتطلقى على الضلمه ها تحسسى على الدفتر ... وإيه دا وإيه دا وبيمسح الروج بايده راحه فرح دا طلاق .. طلاق
لولو بتفرد نفسها : اولا دى عشان الشياكه يا أستاذ وافرد عيط تاخد بالك وتقول إنى ضعفت عشانك مثلا
باسل : مايصحش الأنسه جبروت واقفه قدامى .. وايه الشراشيب دى وبيهز البلوزه بايده  عشان ايه
لولو مسكت البلوزه : اناقه روقى شايف التدريجه مع الجيب تحفه ..
باسل : انال طول ما انا متجوزك مش شايف فى البيت غير كشافين وبيعمل إيده لفوق وصباع أبو فاس ماشيه تشمى فيه زى الشمامين وبينطر إيده على جوا .... أتفضلى
لولو : أستنى لو سمحت  انت ها تعمل إيه بعد الطلاق هاتنحرف وإلا هاتمشى جمب الحيط
باسل بتريقه : ها أمشى على طراطيف صوابعى .. انتى مالك .. إيه حشرك فى حياتى خلاص ها أبقى حرررر وأطيرررر
لولو بتنطر ايديها : أتفضل طير على جوا ... ودخلو واول ما دخلو لولو بتسلم ... ازاى يا عم الحج الشيخ المأذون ..، عامل إيه
باسل : انتى جايه تتصاحبى عليه اقعدى وإهدى
المأذون أبتسم : والله مستبشر فيكم خيرا
لولو : خيرا إن شاء الله ... ياله تصبحو على خير وقايمه تمشى
باسل : أستغفر الله العلى العظيم يابنتى إهدى وأقعدى
لولو عيطت : إهئ إهئ
المأذون : إهدى يا بنتى وتماسكى أنتى عايزا تطلقى فعلا زى ما جوزك بلغنى
لولو هزت راسها : لاء
المأذون : يعنى مش عايزا الطلاق
لولو هزت راسها تانى : لاء
المأذون : إمال عايزا ايه لا طلاق ولا جوز 
لولو : عايزا أمشى يا عمو الحج الشيخ المأذون
باسل : والطلاق ياهانم .. مش دا إلا أنتى عايزاه ووصلتى له ... لولو عيطت أكتر ... وبعدين معاكى يوم ما خدتيها جد خربتيها ... ياله شيخ لو سمحت ورايا سفر وشغل مش فاضى لدلعها
المأذون : ممكن يابنى تسيبنى معاها خمس دقايق
باسل قام وقف وخرج برا وهو ها يطق وعياطها واجعه قوووى نفسه ياخدها من إيديها ويروح
المأزون : أهو خرج برا إسمعينى يا بنتى ... انا كل يوم بيجيلى بالكوم عايزين يطلقو فى إلا بيضربو بعض وفى إلا قاعدين مهمومين وفى إلا بيعيط وفى إلا بيطلع يجرى انتى بقى ولسا مكملش
لولو نطرت ايديها على برا  : أطلع اجرى انا عيله ياعمو الشيخ المأذون وبرجع فى كلامى عادى جدا
المأذون ضحك : لو انتى جدعه خوديه وأجرى وكملى حياتكووو وإن شاء الله ربنا ها يكتبلكم الخير فيها ما يهمكيش حاجه
لولو : قوله هو عشان هو إلا مصمم بص وبتشاور على البلوزه  لبستلو كرانيش ومضعفش وربنا
المأذون ضحك بصوت عالى وباسل دخل
باسل : هو فى إيه
المأذون : خد مراتك وروح ربنا يهدى سركم الطلاق مش حل لأتنين لسا بيحبو بعض وفى بينهم موده زيكم إن شاء الله حياتكم هاتبقى من أسعد الناس
باسل ربع إيده وبص للولو : لو ها توصل للمعايره ليا يبقى صعب نعيش ونكمل حياتنا ها نفقد الأحترام وهانفقد الحاجه المميزه فى حياتنا ... إلا قدامك دى حبيتها وإحترامتها وبعشق ضحكتها وروحها الحلوه كان كل همى أسعدها والله ولا فى نيتى أشقيها ولا أتعبها كل أحلامى  اقعدها فى شقه حلوه أركبها عربيه حلوه كنت عامل لها مفاجأه وجايب لها عربيه هى مش واو ولا غاليه بس كل همى راحتها وما تتمرمطمش وأنا مش موجود  وهى أختارت تعايرنى وأستعجلت قوى وطلع ورقة المبايعه بتاعت العربيه ..، تاريخها من قبل ما أسافر وكانت بتتظبط والمفروض أستلمها لما ارجع من سفرى إلا جيت اتعكننت فيه وشوفت لولو غير لولو إلا أعرفها ... فهمها وعرفها إن إلا زيى يوم ما بيعمل قرش وإلا ها يسيب شقه وإلا عربيه هايبقى لها ولإبنى عشان أنا مش ضامن أعيش لبكرا
لولو عيطت جاااامد وموطيه راسها
المأذون : يابنى ربنا يبارك فى عمرك  ... محدش فينا ضامن عمره لساعه واحده ربنا يهنيكو ويسعدكم بحياتكم  ... عشان كدا لما نفكر نعيش مع بعض نعيش بحب وموده مش مشاكل وكره وعفى الله عما سلف .. البنت عايزاك وبتحبك .. ياما ها يقابلك فى الحياه ولازم تستحمل ومره تعدى ومره تعاتب ومره تعمل مش واخد بالك  ... يابنتى قومى شوفى زعلتيه فى إيه وراضى جوزك وعمرى بيتك خلافات انهارده إلا كلها كبيره مع الأيام بتصغر وبتبقى تافهه ... قومى .. قومى .. لولو ما اتحركتش من مكانها خالص وصوتها سكت ... وباسل خد باله .. راح لها بيمسك ايديها وقعت على الأرض ... شالها قعدها وبيفوقها .. مفاقتش ... شالها وطلع جرى بيها وهى فى العربيه خدت نفسها وفاااقت وهى حاطه إيديها على صدرها وبتعيط ...
باسل نزل جاب عصير وبيشربهولها لاحظ إن إيديها متجله : عامله إيه دلوقت
لولو بعياط وخنقه : تعبانه ومخنوقه ... حاسه انى هبطانه وبتهوى قدام وشها ..
باسل ركب ومشى بالعربيه ... وصل عند شقته وخدها وطلع فوق نيمها على الكنبه وقعد جمبها يبص فى وشها لدرجه إنها إتحرجت وبصت الناحيه التانيه ... أحممم .. ها أقوم أعملك اى حاجه تاكليها شكلك ما بتكليش ..
لولو بالهفه : هاتاكل معايا
باسل هز راسه : لاء يا لولو ... ها انزل عشان طريقى طويل والمفروض أكون موجود بكرا بعد الضهر فى الكتيبه بتاعتى
لولو عيطت تااانى : أنت لسا زعلان منى دانا هبله ومدب
باسل كان لافف وشه أبتسم  ورجع قعد جمبها تانى : كان نفسى أزعل منك بس ماقدرتش أتخيل حياتى وانتى مش موجوده فيها باسن هان عليكى تقللى منه قدام أهلك
لولو أتعدلت وحضنته جااااامد : بحبك يا باسل .. بحبك ... ماتزعلش منى والله كان كل قصدى أدايقك مش أكتر أحسسك ازاى جرحتنى بكلامك واساسا محدش صدق كلامى عشان شايفين انت بتعمل إيه معاياااا
باسل : تعرفى إن كان اخر أختبار ليكى هو المأذون عشان أشوفك شاريانى وإلا خلاص ما بقتش فارق عندك والكلام من قلبك فعلا وإلا لاء 
لولو : ولقيت إيه إن كل كلمه كانت ورا قلبى
باسل ضرب راسها وضمها : من ورا قلبك بس بينا وبين بعض هنا .. انا ما قدرتش أكلمك عند ابويا ولا أهلك جبتك هناااا واتكلمنا .. صعب على أى راجل يتحط مكانى وحرام لو قولتيله اوعى تتنفس او تطلع إلا جواك ممكن يموت من حصرته والشك إن ممكن حد تانى بس لمسك أوعى تخبى عليا حاجه تانى مهما حصل فاهمه أوعى تقلقينى عليكى  بقلم : لبنى طارق
لولو : خلاص والله ما ها أعمل اى حاجه من وراك وعشان تبقى عارف انا روحت لعمووو واشتكيتك له
😂😂😂😂
باسل عدلها وبص لها بنص عين : وعارف إنى هنا ما سافرتش
لولو هزت راسها وبتمسح دموعها : ااااه عارف منا قولتله
باسل تخن صوته وبيقلدها : ااااه عارف .. إنتى إيه يا شيخه
لولو : الله مش قولتلى ما تخبيش حاجه عليااا
باسل : علياااا مش على الدنيا كلها وقام
لولو : إيه زعلت تانى
باسل ضحك : ها اعملك لقمه تاكليها يا مجنونه وجايلك تحكيلى كل حاجه فاهمه
لولو : ماشى ما تتأخرش يا باسن  وقامت تتسحب وجابت التليفون واتصلت على ابوووه وبهمس ... ايوا يا عمووو خلاص الخطه نجحت وإتصالحناااا .. اااه بلغهم بقى مع السلامه باى .. باى وبتلف إتخبطت فى باسل ... اعاااااااا
باسل مسكها من قفاها وماشى بيها : خطت إيه يا لولو بتتفقو عليا 
لولو بتمشى إيديها عليه وعليها  روجعنا لبعض يا بسبوسه
باسل : وحياة أمك .. ايه هى بقى
لولو : مش حناكل لاول
باسل : لا مش حناكل لاول ... تعالى يا اموره .. تعالى انتى مالكيش حل ولا اخر
لولو هزت ايديها وراسها وبتقول : لاء  ... وقعدت وباسل قعد قدامها إشجينى لحنى وسمعينى
لولو بتكمل حركه الكمان : تيرارارا   رارار رارا 
باسل : لولو بطلى تهريج ما تخرجنيش عن شعورى بجد
لولو : خلاص خلاص ... بص يا سيدى  بعد ما شدينا انا وانت فى التليفون تانى يوم روحت لعمووو أنا وبابا عشان بابا رافض الطلاق وشايف ان حرام نهد البيت وبعد ما دخلنا وأطمنا على عموووو وقعدا وزيزو نام ومنونه قعدت معاناااا هما إلا فتحو الموضوع ..
فلاش باك
*******
منى بصت للولو : فى ايه بينك وبين باسل وماتخبيش عليااا
صبحى : صلى على النبى يا ام باسل
منى واحمد : عليه أفضل الصلاة والسلام ..
صبحى : أنا جاى أطمن على الحج والله وعشان الحلفان جاى تعقلو الأتنين أنا غلبت فيهم وأل إيه عايزين يطلقو ..
منى شهقت : طلاق ... طلاق ايه يا ولاد دانتو لسا بتقولو يا هادى
أحمد : إيه حصل وصل الموضوع للطلاق .. وازاى ما تجيش يا لولو تعرفينى من ساعتها
لولو : ياعمو انت كنت تعبان وما ينفعش نجيلك ندايقك وإلا بنعمله دلوقت غلط بس والله وبدئت تعيط بحبه وعايزاه بس العند بينا وصل الموضوع للمأذون والطلاق وانا خايفه يكون بيتكلم جد
أحمد : هو مسافر يعنى لو جد ها تلاقيه هنا إنما هو بعد
لولو هزت راسها : لاء ياعمووو ... هو هنا وقاعد فى الشقه اتأكدت من رشا جارتى انه هناك ..
منى بصت لأحمد : قولتلك إبنك فى حاجه وبيهرب من قدامنا
أحمد : أستنى يا منى نفهم الموضوع ... احكى يا لولو سامعك
لولو بدات تحكى كل الموضوع من يوم المستشفى لحد ما حصل إلا حصل والتحقيقات إلا عرفت فيها ان عاطف مستنقع زباله وباسل كان عنده حق فى كل كلمه قالها وهى فعلا أتسرعت .. بس ياعمو دا كل إلا حصل حتى الكلام إلا بينه وبين بابا لما بابا قالنا قلتوهولك ..
أحمد قاعد بيقلب الموضوع وبيفكر ومنى قاعده مدايقه جدا على باسل ووضعها زيها زى اى أم ..
منى : بعد إذنكم ها أقوم أعمل شاااى ...
أحمد : أقعدى يامنى انا مش عايز حد يشيل من حد دول اتنين لهم حياتهم وإحنا بينهم محضر خير .. إبنك غلط وهى غلطت ومش ها نفضل نعيد ونزيد هى عارفه هى غلطانه فى إيه وهو لو مش عارف انه غلطان ماكنش راح لها
منى عيطت : زمان إبنك قاعد مقهور دلوقت مش كفايه راميته برا بيته والقرف إلا شايفه نزيد همه همين ..
أحمد : دا شغله ودى حياته ... وهما الاتنين أحرار ..
صبحى : يعنى يا حج أحمد نسيبهم يهدو حياتهم
أحمد : حج صبحى الشعر الابيض إلا فى راسنا دا علمنا وعلم عليناااا كتيرررر ..، إحنا عارفين إن إلا ها يتدخل بينهم هو إلا ها يبقى وحش بعد كداااا ... هو ها يقول لها أبوكى وهى هاتقوله أمك وبدال ما نقرب المسافه بينهم هانبعدها عننا كلناااا ... أنتى يا بنتى بتحبى جوزك وعايزاه
لولو هزت راسها : اه
أحمد : رجعيه ... اقعدى قدام المأذون وعيطى وقولى لاء مش عايزا أطلق لو فعلا نفذ كلامه ورا للمأذون أساسا  وسيبى حبل الموده إلا بينا كلنا ممدود زى ماهووو .. لو انا وقفت وقولتلك ابنى وانتى فيكى وفيكى هاتكرهينى وهاتقولى إنى راجل مش حقانى ونفس الحكايه لو ابوكى عمل كدا مع باسل باسل ها يكرهه ...   لو واحد فيكووو باقى على التانى  مفيش طلاق ها يتم  الأهل كلامهم وأفعالهم تقيله انتو شورة خير مع بعض
صبحى : ياحج احمد انا غلبت فى باسل كلام ومحايله إلا فى دماغه ها ينفذه وفى حاجات كدا لازم نقف لهم فيها
أحمد : انت يا صبحى غير لولو .. إلا بينهم الاتنين أقوى من اى كلام بينا وبينهم ...  ومش دا إلا نقف فيه دا لعب عيال ... قومى يابت إلبسى إلا على الحبل واتشيكى ونضاره شمس كدا وحسسيه ان انتى ها تضيعى من إيده ورجعى جوزك بلاش كلام فارغ .... خلاص راجل مش مظبوط وغااار وربنا عمل دا كله عشان يقع وما يأزكيش عشان انتى بنت حلال مصفى ونضفيه
صبحى ابتسم : ربنا يعزك يا حج احمد
احمد : وإلا إيه يامنى
منى بزعل : كدا يا لولو اخص عليكى دانتى بنتى وحبيبته وقولت خلاص لو جرالى حاجه لولو ها تسعده 
لولو : والله يا منونه كان ها يعلقنى فى الشقه ورب العرش نجانى
منى ضحكت واحمد وصبحى ...
احمد : هاتقدرى تستغنى عنها وإلا تزعلى منها يا منى
منى فتحت إيديها وحضنت لولو : لاء دى بنتى والله ياحج صبحى ما كلام ..،
لولو : ايوا بتحبنى أكتر منك انت وزينبوووو
صبحى : شوفتى البت وضرب لولو على ضهرها والله كياده وغلبانه
باااااك
******
لولو : بس يا باسن
باسل : هههههههه ابويا إلا قالك البسى النضاره لما أشوفه ومين قالك البسى الشراشيب دى وبيهز بايده فى البلوزه تانى
لولو : دا عمر بس بيفهم والله عندو ذوق جبار
باسل : قلبى كان حاسس وربنا ..  الواد دا لازم اخده شهرررر معايا وقرص لولو وانتى إزاى تخليه يختارلك هدومك
لولو : لاء حرام عليك .. هو جيبهالى هديه كام طقم كدا
باسل : طيب يا أموره اللبس دا ممنوع تخرجى بيه لوحدك يا انا معاكى يا ابوكى وعلى صوته عمر لاء ... عمر إيه
لولو : لاء .. لاء .. خلاص إيدك تقيله ... فين الأكل أنا جعانه ماكلتش من ساعة ما قابلتك المغرب 
باسل تنح : بس ... يعنى اليومين إلا فاتو كنتى بتاكلى ونفسك مفتوحه
لولو : جدا ... جدا مش عايزا اقولك اخش الاوضه أسمعه يقولى بتسبينى ليه  ... أخرج الصاله يقولى تعالى قرب بص وبص بص ... أدخل المطبخ يقولى  بالأحضان بالاحضان .. ما اقدرش ازعله فا باكله 
باسل : ماشى يالولو .. وقام وقف مفيش غير  جبنه أعملك بيض
لولو بتلف إيديها : إزاى مفيش غير جبنه وها أكل بيض دا صنف جديد ... وزعقت باسل تليفونك بيرن ..
باسل : شوفى مين
لولو بصت فى الفون : حاتم أرد
باسل : ردى قوليله جاى
لولو : الووو .. عامل إيه يا حاتم .. هو جاااى بيعمل حاجه جوا بس وقالى اقولك انه جاى على طول ... لولو تنحت .. ما يجيش ليه رافدوه وإلا إيه وباسل نتش الفون ..
باسل : خير يابنى فى إيه طلعونى معاش مبكر وإلا إيه... ضم حواجبه .. ليه يعنى بس القائد ما كلمنيش يعنى كلكم ها تنزلووو
حاتم : أيوا بعد التدريبات والمرمطه العمليه إتلغت والله إدايقت لا وكتب ايه ليك أجازتك ممتده بيقولى خليه مش نفسه فى أجازه أهى جاتله
باسل بقلق : ماتعرفش سبب إلغاء العمليه .. يعنى مافهمتش اى حاجه
حاتم : ولا اى حاجه غير إننا هانبقى فى خطر كبير دلوقت وممكن يزودونا بفرقتين كمان لو لازم الامر لتنفيذها .. ياله استمتع بقى يومين ما تقلقش ها تروح فين يعنى ها يجيبوك ها يجيبوك العمليات كتير يا اخويا ماتعدش وإن شاء الله خير
باسل : إن شاء الله .، ها تنزل أمتى
حاتم : فى طريقى إلى هدير 15 ساعه واجيلها أصالحها هى كمان أصلها خدت هدوم محمود كلها عشان غضبانه بقول لها وهدومك قالتلى لاء ها البس اى حاجه من عند مامى عشان تيجى تصالحنى
باسل : هههههههه .. محمود كان لبس من عند بابى وريحنا
حاتم : ويبقى محمود أبو شنب وضحك هو وباسل بصوت عالى جدا ... ياله سلام يا حبيبى اتمنى ليك ليله سعيده
باسل : الله يسلمك يا بطل لا إله إلا الله
حاتم : محمد رسول الله وقفل ..
لولو : ايه فى إيه
باسل قومها وقرب عليها ووشه فى وشها : فى إنى معاكى وها أدبك من اول وجديد
لولو مسكته من لياقة قميصه وشدته وبدلع : بسبوسه الكحل نزل على وشى
باسل : دا فى بلكه على وشك مزوت مش كحل 😂😂 تعالى .. تعالى اظبطلك الميكب وأهو يبقى عملت حاجه وشالها بين إيديه
لولو بتحرك رجلها ومبتسمه : والبيض يا باسن
باسل : يخربيت رومنسيتك وقرب باسها وهو مبسوط انها بين إيديه وفى حضنه ما خسروش بعض ... عاشووو ليله من الف ليله وليله  وبعد وقت خدها واتعشووو برا وراح اطمن على أبوه وأمه وخد زياد وراح لحمااااه  وإلا فتح الباب عمر
عمر بضحكه : إتصالحووو ..، إتصالحوووو
باسل : انت قاعد ورا الباب ماتهدى وقول هديت بقى ..، تعالى يابنى وماسكه ولولو داخله جرى بتضحك ومدخله زيزو معاها وبتحضن أمها وابوها وأختها ..،
عمر بقلق : والله ما عملت حاجه
باسل : انت عملت كتير والواحد مفوتلك .. كان فى إقتراح كدا وعايز اخد رايك ..، بص انت ها تعمله ها تعمله
عمر : إيه
باسل : ها اخدك ال15 يوم أجازه وأدربك لما اطلع الكبت إلا جواك وجوايا أنا كمان
لاما سقفت : ايوا يا باسل ..، عشان يشيلنى
عمر ساب إيد باسل وبيجرى وباسل طاير وراه عايز يمسكه وكلهم بيضحكو من قلبهم ... وفرحتهم تمت لما عرفو إن لولو حامل وكانت مخبيه علهم كا مفاجأه وباسل شالها وفضل يلف بيها وعمر يسقف 😂😂😂😂😂😂 وتوتا توتا عمرها ماكانت نهايه حدوته فرحت معاكم يومين وخرجت الكبت انا كمان 😂😂😂 ويارب إلا تابع يكون إتبسط معاياااا وحبها من قلبه  أسفه لكل إلا كان نفسه أطول فصولها شويه  وإن شاء الله تتعوض ... خمسه أمواااه وخمسه هاون يوووواه إتفاعلو بقى وقولو رأيكم وإن شاء الله نتقابل فى روايه جديده وانتو بألف خير ... اوعو تنسو كل رواياتى فى جروبى كوميكس روايات لولو طارق ❤❤❤❤❤❤
تصويت للحلقه يا حبايب
❤❤💙💙💚💚💚
بقلم : لبنى طارق
💙❤❤💙💙💚💚