من أنت .. وميمو .. ولفى بيا يا دنيا

لفى بيا يا دنيا 6

لفى بيا يا دنيا 6
************
سبحان الله والحمد لله ولا إله إلا الله والله أكبر ولا حول ولا قوة إلا بالله
سبحان الله والحمد لله ولا إله إلا الله والله أكبر ولا حول ولا قوة إلا بالله
سبحان الله والحمد لله ولا إله إلا الله والله أكبر ولا حول ولا قوة إلا بالله
اللهم صل وسلم وبارك على سيدنا محمد وعلى آل وصحبه أجمعين
💗💗💗💗💙💙💙💙💙💙💚💚💚💚💚
لولو واقفه مصدومه والدكتور محمد واقف قدامها
محمد بيشاور على العربيه : أركبى يا بنتى مالك متنحه كدا ليه وقرب عليها .. لولو لما تحسى ان أعصابك مش مستحمله حاجه تاخدى من البرشامه الا ادتهالك عند اللزوم ماشى ... فى ارق ومفيش نوم نهائى تاخدى التانيه بردو لو لها لزوم
لولو ضحكت : يعنى سيبك من البرشام دلوقت يا دكتور عشان الشخص دا ممكن يخلينى أعملهم كوكتيل واخدهم مره واحده و أكيد مش ها اركب مع البنى دا وبتشاور على باسل .....
باسل بصوت عالى نوعااا ما : ولا انا أساسا ها ارضى انى اوصلك لاخر الشارع انا ناقص خاوته ووجع قلب 
لولو طلعت على كبوت العربيه وبعصبيه : عارف يا بحلوك   مش ها اعديهالك اناااا .. انا لازم انتقم منك من يوم ما شوفتك ما شوفتش يوم عدل اه وبتشوح وبتعمل ايديها على شكل خربشة لو مسكت  راقبتك ها أقطها بسنانى
باسل ضحك باستهزاء ومحمد متنح من الاتنين وعمايلهم : نعم يا دريكولا هانم المفروض أخاف واطلع أجرى أنزلى يا بت العربيه مش بتاعتى ومش ناقص قرف
لولو بتلف بدامغها : انا قرف .. اناااا .. لا دانت زوتها  .. طب اهوووو وقعدت وربعت رجلها على كبوت العربيه
باسل بيوطى براسه لها وبتوعد : طب جبتيه لنفسك أنا ها أطلع على جتتك كل البحلايك يا أم بحلوك انتى وركب العربيه وبيدورها كان محمد ركب جمبه ومسك ايده
محمد : ايه الجنان الا انتووو فيه دا تقع تكسرها والا تخبطها
باسل طلع من الشباك بجسمه : الا زى دى لازم تعملها فرمته رايح جاااى يمكن تتهد
محمد : انا متصل بيك عشان كدا يا باسل اول مره اطلب منك خدمه
باسل : لو أعرف ان دى خدمتك ماكنتش قبلتها
لولو : ولا انا كنت قبلتها وواقفه تبرطم
باسل بيشاور عليها : شايف بتبرطم عليا ازاى
لولو نزلت ودخلت براسها من الشباك ناحية محمد ومحمد رجع براسه لورا : البيه بيتكهن ايش عرفه ان عليه والا إلا على راسه ريشه سعته انت ايه جننتنى
محمد بزعيق : وبعدين معاكووو بطلو بقى .. ونزل اتفضلى اركبى
لولو : مش راكبه ها اروح موصلات
محمد خبط على ايده : ها تروحى موصلات وتقعدى يوم كامل ويمكن أكتر بسبب التفتيش ..   دا  وبيشاور على باسل .. ها يعدى على طول اتفضلى عشان ما تتعبيش فى الطريق
لولو ربعت ايديها : هه مش عايزا
باسل بص ناحيه الشباك بزهق : لا انا الا عايزا خلاص مش قادر على بعدك
محمد بصرامه : يا تركبى يا ترجعى شغلك ومش ها أسمحلك بأى حاجه انتى عارفه انى رحيم  بيكى  لاخر لحظه
لولو بترجى : يا دكتور
محمد : يا تتفضلى وبيشاور على العربيه يا تتفضلى وبيشاور وراه ..
لولو رمت شنطتها على كنبه العربيه من ورا وبتفتح الباب عشان تقعد ..
باسل : لا بقى .. الشوفير بتاع سعتك انااا ..اركبى قدام
لولو حطت ايديها فى وسطها وكرمشت وشها وإخنفت : ليه إن شاء الله خطيبى .. جوزى .. ابن خالتشى ابن عمتشى
باسل : عمتشى .. ولخبط وشها بايده وهو قدامها .. بقى دا منظر يتبصله .. انا عرفت يعنى ايه وشها يقطع الخميره من البيت ..
لولو بزعل بصت لمحمد : شايف سامع وضربت باسل على ايده ايدك ما تتمدش عليااا ما يحئلكش
محمد خبط على العربيه : يالهوووى .. اركبى .. اركبى .. ارحم أمى خرجتونى عن شعورى عديها الكامين ونزلها وارحم أمى .. اركبى وريحى وأرحمى امى
لولو لسا بتركب ورا باسل قفل الباب وفتح الباب الا قدام : اركبى عشان محدش يحقق معايا على الطريق ودى مين وراكبه ليه واشمعنا
محمد بصلها ؛ كلامه صح انتى راكبه فى ناحيه وهو فى ناحيه خايفه من ايه اتفضلى
باسل بتريقه : خايفه من العوووو وهى اساسا عووو  .. وركب ومشي بالعربيه ومحمد وقف قعد يشكر ربنا انهم مشيوووو .. الوقت بيعدى والاتنين فى صمت رهيب عدو كامين ورا كامين .. ورا كامين .. وواقفين فى زحمه وباسل بسبب خبرته فى التعامل مع الطرق دى كان بيعرف يطلع من الزحمه .. يمين فى شمال .. فى مطبات على الرمل لجرى على الأسفلت
لولو بعصبيه : انت ازاى مستحمل نفسك كدا انا تعبت انت قربت تطير بالعربيه 
باسل بتريقه : ماهو لو الهانم عندها فكره عن حاجه مفيده بتعملها فى حياتها كانت عرفت انا مستحمل كدا ازاى ..  وتليفونه رن .. ابتسم اول ما شاف الاسم ورد بهدوء  ونبرته اتغيرت تماما وهى بصاله ومتنحه من تغيره دا ..
باسل بابتسامه : الووو .. حبيبتى .. والله  أبدا .. وحشتينى جدا جدا جدا .. انا فى الطريق اهووو طاير وجايلك .. ضحك حاضر والله ها أخلى بالى على نفسى..مع السلامه لا إله إلا الله .. وقفل
لولو : اهم حاجه التقوى والايمان اللى فى الاخر ناقصك زبيبه الصلاه وسبحه واقولك يا شيخنا
باسل ديق عيونه وبص للطريق ويبصلها وبعدين لف وشه وبيقول : أستغفر الله العظيم  وسكت .. طلعت تليفونها واتصلت على ماماتها ..
لولو بتريقه : حبيبتشى
باسل بيقلب شفايفه : تشى نصيبه .. وبهمس انتى مصيبه  او كارثه  ..
لولو : عامله أكل ايه وحشنى أكلك
باسل بيعمل كرش : مركب كرشه هانم جمبى دماغها فى البلاله
لولو بتحرك شفايفها : الله يا ماما .. ارجوكى شيليلى من الاكل دا .. اه جايه اجازه عشان اشفكو .. أصلكو وحشتونى .. طيب يا حبيبتى مع السلامه وريحت ضهرها ومبتسمه
باسل : هو الاكل حلو قوووى كدا
لولو اتعدلت واتكلمت بعفويه : عامله أكتر أكله بحبها ..
باسل بفضول : ايه يعنى 
لولو بتخن صوتها ومبتسمه : بونباااار
باسل فرمل مره واحده وحط ايده على مناخيره : بون ايه بااار .. ايه بونبار دا يع
لولو : نعم انت الا بتتكلم
باسل : اه انا ماله انا مش مالى عينك باكل بونبار زيك مثلا
لولو : لا يعنى بس بتاكلو تعابين صاحيه وفراخ واى حاجه  وقرفان من البونبار .. المنابير
باسل : اعععع عليكى .. إع .. يعنى عرفت ايه البونبار لما يتقلب ويقلب زحلايق الا قولتيها دى .  انتى بتجيبى الكائن الحى المجهول الهاويه بتاعك دا لأكلنا احنا طيب بنتدرب على التعايش عشان لما أقابل واحده زيك أقدر استحمل واتعايش .. صحرا اتعايش وما موتش من الجوع والعطش .. انتى مبررك ايه بقى
لولو : وبعدين معاااك ايه دخلنى دلوقت .. ايه عمرك ما كلت ممبار
باسل اتنهد : ممبااااار .. كرهتينى فيه وبيمد شفايفه وبيتخن صوته بونبااار .. انتى ايه يا شيخه
لولو : انا لولو عادى يعنى
باسل : عارفه انا لو مش متدرب على ضبط النفس كنت فتحت باب العربيه واديتك بالرجل طيرتك وصلتك بلدك على السريع خنقتينى وربنا
لولو : شكرا وبصت على الشباك وزعلت بجد وعيونها بتلمع  بالدموع .. فضلت ساكته وهو ساكت ومكمل طريقه وبيلوم نفسه وبيحاول يحسن طريقته معاها ..
باسل : جعانه .. مردتش ومربعه ايديها .. على صوته .. جعانه
لولو ولسا زعلانه وباصه للطريق : اااه
باسل : وقف وبهمس .. عليكى تناكه غريبه .. نزل اشترى رانى انانس ساقعه جدا وكسين شيبسى وبسكوت ورجع تانى حط الحاجه جمبها وساق العربيه .. افتحى وناولينى
لولو : ليه ما تاخد انت
باسل هز راسه : ماشى وخد البسكوت بياكله وبيشرب الرانى .. ايه ما تاكلى
لولو طلعت 10 جنيه : دى فلوس حاجتى .. اتفضل
باسل بصلها وسكت وكمل أكله وهى حطت الفلوس على الطبلوه وخدت الحاجه وبتاكل .. خلصت وبتتواب .. رجعت راسها ونامت تماما .  استسلمت .. فردت ايديها لا اريدى ونزلت على إيد باسل .. بص لها وبيشيل ايديها براحه يحطها جمبها تبت فيها جااامد وباين على وشها انها بتحلم بحاجه مزعجه مسك ايديها براحه وسكلها من ايده وحطها على شنطتها الا عل رجلها  ..فتحت عيونها بتقل وبتاخد نفسها وبصوت ضعيف : هو لسا ما وصلناش
باسل بيرد بهدوء : لسا بدرى .. يدوب نخلص كامين ندخل فى غيره والزحمه معطلنا شويه .. مره الطريق ماشى ومره لاء
لولو طلعت تليفونها تبص فى الساعه وبتعدل ايديها عشان وجعتها ناحية الشباك بالتليفون طار من ايديها غصب عنها وعربيه جمبهم داست عليه . لولو خرجت من الشباك وبعياط مصطنع : تليفونى .. تليفونى ..
باسل وقف ونزل جابه وبيديهولها : خدى ربنا يعوض عليكى وحطه فى ايديها ..
لولو : اعااااا .. تليفونى .. تليفونى
باسل بعد ما ركب وبتريقه : ايه الا اعااا تليفونى ماهوفى ايدك اهووو وزعلانه على تليفون ب3 جنيه
لولو بتشيل فتافيت القزاز الا على الوش وبترميها واحده واحده  وبتكمل عياط : اعاااا .. أعنى عليك ازاى ما ازعلش عليه 
باسل بعصبيه : انتى بتعملى ايه بتنقى رز  والا قزاز ما تاخدى الشريحه وترميه
لولو : مش ها ارميه.. لا يمكن دا عشره عمر عارف يعنى ايه عشره . اعاااا .. قولى انك ها تشتغل تانى .. قول
باسل : اللهم طولك يا روح  .. دا ما صدق خلص منك ومن زنك ..
لولو : لاء انا لازم اسمع كلام الدكتور محمد وبتاخد نفس وأهدى ..وطلعت برشامه من شنطتها وحدفتها فى بوئها وبتشرب ميه
باسل : بتبلبعى ايه انتى .. خدتى ايه انطقى
لولو : دى برشامه الدكتور محمد قالى لما يبقى جمبك حد مستفز خوديها عشان ما تحسيش بيه
باسل : انا عارف إيه الا راماكى عليااا .. انتى يا بنتى .. الوووو .. هاااى ..
لولو : أخخخخخ .. تشششششش .. أخخخخخ .. تششسس
باسل : والله محمد دا بيفهم ... وخد نفس وبيكلم نفسه .. هدوء .. هدوء كل ما تقوم تعمل زوبعه ..  فضل مكمل طريقه لحد ما وصل وبيحاول يفوق لولو .. مفيش .. طيب عنوانها ما يعرفش .. طلع تليفونه لقاااه فاصل شحن ..وكلم نفسه تانى
باسل : دا وقتك ها اتصل ازاى انا على المستشفى عشان أعرف عنوان البلوه دى ازاى .. خدها وروح بيته .. رن الجرس وبينهج ولولو على كتفه .  واول ما أمه فتحت دخل على طول
أمه شهقت وضربت على صدرها : مين دى يا باسل وازاى تجيبها هناااا
باسل رامها على الكنبه بعنف .. وقعد ياخد نفسه : شايل تهمه .. ااااه لاء الواحد لازم يحدد وزن الواحده ليدبس صحتنا ها تروح كدا
أمه : انت بتقول ايه .. ووزن ايه .. ابوك كان واخدنى مهلبيه وفيا الرمئ أمال تاخد واحده معصصه
باسل : بلا رمئ بلا مرقه .. الله يسترك يا ماما ..احنا ماشين ببركة ربنا
أمه هزت ايديها  : مين دى يا بركه
باسل ضحك : الله يسترك يا أم البركه  .. دى بقى وبيشاور على لولو وقلب وشه  .. عملى الاسود .. الذنوب الا عملتها فى حياتى ورفع ايده لفوق أرفع مقتك وعضبك عنا يارب كنت شاب وطايش وانت غفار الذنوب سامحنى
امه : ايوا يعنى مين .. وجايبها عامله كدا ليه اعدل رجلها وايديها الا نازلين على الارض دول
باسل بقسم : والله وقسما بالله  منا معبرها خليها كدا شبه الفسيخه وهى نايمه .. اوعى ياماما عشان الموضوع محتاج شرح وانا مش قادر .. ودخل على الحمام .. خد شاور وبينادى .. ماما .  ماما هاتى فوطه وهدوم
أمه قامت بعد ما كانت قاعده وبتبص على لولو الا مسافره مش هنا خالص وجابتلو الا هو عايزه ..
أمه : خد قولتك ميت مره ابقى طلع حاجتك قبل ما تدخل الحمام
باسل ابتسم وبعت لها بوسه : البركه فيكى يا ست الكل .. جهزتى الاكل . جعااان جعااان جعااان
أمه : مش قبل ما تقولى مين دى 
باسل : جهزى الاكل ونتكلم واحنا بناكل .. وجهزت فعلا الأكل وقاعده بتاكل هى وباسل ..
باسل : ست منى ارجوكى أكل أصبرى شويه
منى : ابدا لازم اعرف حكايتكم ايه .. طبعا الجيران شافتك وفكرهم بيودى ويجيب .. وعلت صوتها اذا كان انا ها اتجنن وأعرف
باسل : دى يا ستى ممرضه ودكتور معرفه طلب منى اوصلها عشان مرهقه شويه قوووم ايه الهانم بلعت برشامه اد كف إيدك وأتسطلت زى ما انتى شايفه كدا
منى : برشامه اد كف ايدى هى تدخل بوئها أصلا
باسل : مجازا يعنى .. ثم كمان دى أكبر حنجره فى التاريخ عليها زور .. يالهووووى لما بتصرخ او بتعترض إعصار يا ماما
منى : 😂😂 .. كل دا عرفته انهارده
باسل ضحك وضم حواجبه : محازا يا ماما مجازا
منى ضربته على ايده : انت كل كلمه تقولى مجازا ..
باسل ميل براسه : شوفتى أهى ايديها طول لسانها بالظبط كل كلمه تضرب
منى : طيب وها تفضل نايمه لأمتى
باسل رفع كتافه : الله أعلم انا جعان نوم ومش قادر أقعد خالص .. ونفض ايده ولازم اقوم
منى شاورت على لولو : ودى ها تفضل نايمه كدا عل  الكنبه
باسل : دى بقى يتعمل فيها كدا وشد فرشة الكنبه التانيه ورامها على لولو .. ورفع ايده لفوق .. الله يسهلها ويهديها للصبح عشان ارتاح
منى :  خد يابنى نيمها جوا ونام انت هنا او فى اوضتى انت عارف ابوك بيجى من برا ينام يبقى ينام جمبك
باسل : والله ما يحصل سيبينى بقى .. ياله تصبحى على خير
منى : وأنت من أهله .. وقامت شالت الأكل .. وأبوه وصل واول ما شافها سأل منى وحكتاله على كل حاجه .. ومن تعبه دخل نام وكلهم نااااموووو وراحو فى النوم ..
*************
زينب : انا قلقانه يا صبحى بقالها وقت كبير تليفونها مقفول  وقربنا على الفجر ولسا ماجتش
صبحى : يا زينب أكيد تليفونها خلص شحن وانتى عارفه الطريق والتفتيش الناس ممكن تقعد فيه يوم كامل باليله هما ونصيبهم بقى .. نامى واستهدى بالله
زينب : انام وبنتك على طريق زى دا
صبحى : الطريق دا زى غيره ربنا معاهاااا ويبعد عنها الشر .. استغفر الله .. وقام طلع برا وقعد فى الصاله ..
*************
لولو قايمه بتقل رهيب واتعدلت وبتبص حواليها بأستغراب بتدعك راسها وبهمس : انا فين .. وبتلف بجسمها الساعه كام .  وعيونها جت على الساعه الا على الحيطه .. 10 .. والنور . معقول .. بيت مين دا .. قامت تفتح باب الشقه مقفول بالمفتاح .. راحت على اوضة منى وبتخبط .. خبطت تانى الباب اتفتح بصت فى الاوضه فاضيه فى المطبخ او الحمام مفيش دخلت الحمام وخرجت .. وراحت على الاوضه بتاعت باسل مفيش غيرها الشقه اوضتين وصاله .. خبطت مفيش رد .. خبطت تانى مفيش .. فتحت الباب براحه وداخله الاوضه برغم ان النهار طالع بس ضلمه كحل بتدور على النور  على نور الصاله الا يا دوب عامل ضى خفيف عشان فى طرقه صغيره ... ورجليها اتكعبلت ونزلت على حد بعزم ما فيها . وصرخت ..
لولو : أعاااا .. اعااااا .  انا بخاف .. أنا بخاف
باسل لف ايده حواليها من الخضه وبيحاول ستوعب الكائن الا بيخاف وبيصرخ فى ودنه ..
باسل خد نفس وبعصبيه وهو متبت فيها : ودنى اترشت .. انتى جايه تخافى  فى ودنى أرحمى الا جابونا اخلص منك ازاى
لولو بتحسس على وشه وبتبلع ريقها : انت مين .. باسل صح
باسل : ايوا تعالى بقى ولسا ها تقوم النور  اتفتح وبصوت رجولى كبير والاتنين باصين ناحيته
أبوه : انتووو بتعملو ايه بتبوسو بعض
لولو اتعدلت وزقت باسل : والله لاء .. هو مسكنى
ابوه : الراجل نايم على سريره ايه جابك عنده بتتحرشى بأبنى قوليلى يا عمى بحبه وعايزاه ها اقولك اتفضليه انما كدا لاء والف لاء 
باسل ضحك لها ضحكه شماته : ردى يا أم العريف .. ايه جابك اوضتى  وعلى سريرى عينك منى  .. انا لازم أعمل محضر يا بابا  ..
لولو عيطت وبصوت مهزوز : والله ماعملت حاجه .. هو الا بيتحرش يا عموو  .. وكمان خدرنى وجابنى هناااا ..
باسل تنح : يخربيت كدبك دى قلبت الليله كلها فى ثانيه
ابوه ضحك : تعالى يا بنتى وقوليلى ايه حكايتك والاهم نمرة أهالك زمانهم قلقين عليكى
لولو ضربت على اورتها فى دخلة منى من الباب وشدت شنطتها وخبطت فيها وهى نازله جرى بعد ما وطت شالت الكوتشى بتاعها من الارض
💗💗💙💙💚💚
بقلم : لولو طارق
💗💗💙💙💚💚
أستغفر الله الذى لا إله إلا هو الحى القيوم واتوب إليه
أستغفر الله الذى لا إله إلا هو الحى القيوم واتوب إليه
أستغفر الله الذى لا إله إلا هو الحى القيوم واتوب إليه
على فكره النت عندى والله وحش جدا وبيحمل بالعافيه وساعات لاء
كل رواياتى فى جروبى كوميكس روايات لولو طارف
لو سمحتم تفاعل على الحلقه ورأيكم عليها
بعتذر عن عدم نزل الحلقه النت عندى وحش جدا ومش محمل واتباد كل ما انزل يقولى حدث خطأ
تصويت