من أنت .. وميمو .. ولفى بيا يا دنيا

ميموووو 2

ميمو  2
******
سبحان الله والحمد لله ولا إله إلا الله والله اكبر
لا حول ولا قوة إلا بالله العلى العظيم
سبحان الله وبحمده وسبحان الله العظيم
أستغفر الله الذى لا إله إلا هو الحى القيوم واتوب إليه
💗💗💗💙💙💙💙💚💚💚
محمد بيشد ميمو من على السرير وقعها فى الارض وبيضحك ..غورى بقى وبطلى الاحلام الورديه بتاعتك دماغك لاسعت .. امك الست الطيبه عايزاكى
ميمو قاعده فى الارض وبتبص لمحمد بغيظ .. تصدق يا اخى نفسى احقق حلمى واكيدك انت والست داليا بتاعتك .. وسابته وخرجت وهى بتلم شعرها بايديها : نعم يا ست ماما
أمها : مفيش صباح الخير اى حاجه على الصبح
ميمو : اهووو انتى قولتى بلسانك يا صباح الصبح .. انتى وابنك ارزل خلق الله دا عايزين منى ايه
صباح : صاحيه تقولى شكل للبيع 
محمد ضربها على قافها واداها بالرجل : عيله رخمه لا زوق ولا إتيتك لا وبتحلم بالعربيات حته واحده
ميمو جريت وراه عايزا تضربه وابوهم خرج من الاوضه وبصوته كله : اصطبح انت وهى .. وانت ما روحتش شغلك ليه
محمد جرى من قدامه ابوه : ماشى اهووو يا حج وبيغيظ ميمو وهو ماشى .. ماما عايزا حاجه
صباح : لا ياحبيبى ربنا يفتحها فى وشك ويرزقك .. فطرت
محمد : اه .. بعد اذنك يا حج سعد
سعد : بالسلام ..
ميمو : بابا انا ها انزل ادور على شغل 
سعد : مفيش شغل معنديش بنات تشتغل قولتلك قبل كدا
ميمو : يووواه بقى هو  فى كدا .. انا عايزا اشتغل واجيب الا نفسى فيه
سعد : عيشى على قدك يا بنت سعد
ميمو دخلت اوضتها وهى بتعيط وبتبدب برجليها
سعد : حلوه تربيتك ودلعك لها
صباح : عشان خاطرى سيبها البنات كلها بتشتغل هو فى بنات قاعده فى البيت زيها كدا يا سعد
سعد : وانا ماعنديش بنات للشغل دى مسيرها لبيتها وعيالها وجوزها ها تهبب ايه بالشغل
صباح : اهو قرش يسندها وتجيب حاجه فى جهازها .. عشان خاطرى
سعد بصوت عالى : يووووه منك ومن بنتك ودلعها .. اعملى الا انتى عايزاه بكرا تفتكر ان كان عندى حق لما الدنيا تمرمط فيها ..
صباح : ما تحبكهاش كدا الدنيا والناس اتغيرت ... بت يا ميمو .. انتى يا مضروبه ودخلت لها ..
**********
ميمو : ياااه يا بابا سنه عدت بسرعة البرق من يوم ما وافقت على شغلى وكمان قاطعتنى هو الا نفسه يحقق حلمه ليه الدنيا بتبقى ضده كدا .. بس محمد ما اتخلاش عنى .. عيل معفن هههههههه واحد بينادى عليها بصوت عالى .. ميمو خلاص جاهزه ...ردت بصوت اعلى  ثوانى  وخارجه....  طلعت على مسرح كبير والاضاءه بتحاوطها من كل مكان .. وبكل خفه ودلع وصوتها الساحر وجسمها الخفيف اللين
أوفت ...  ياربى تعبت تعبت  من سينما لمسرح لأذاعه .. بقالى يومين لا أكلت ولا شربت ولا نمتش أكتر من ساعه ..خلصت استعراضها بخفه وجريت على الاوضه والجمهور بيسقف.. وها يهد المسرح من كتر التسقيف .. اللابيسه بتاعتها بتجرى وراها وداخله الاوضه معاها ..
ميمو قاعده بفرحه : ياااه كنت خايفه قوووى يا تمارا من استعراض شرين محدش زيها
تمارا بفرحه كبيره : الله اكبر عليكى .. شرين فى عزها واحسن كمان
ميمو : تعرفى انا فرحانه عشان حاجه واحده وبتديق عنيها عشان اخويااا محمد البارد إلا كل ما يشوفنى  يحبطنى .. ها يقول ايه بعد ما بقيت اشهر نجمه استعراضيه على المسرح .. طبعا ملوش عين
محمد قرب عليها بعد ما فتح الباب ودخل : نجمتناااا .. اخيرا يا فاشله بقالك دور راقى فى المجتمع
ميمو مسكت المسكره الا قدامها على التسريحه ورامتها عليه .. انت ايه ياخى
محمد : 😂😂😂 يابت صدقتى نفسك .. يا فاشله دا بدال ما تعملى حاجه مفيده فى حياتك وتروحى تستسمحى ابوكى الحج سعد
ميمو : منا كل ما أعمل القيك فى طريقى زى العمل الرضى وبزعل مهما استسمحه مش ها يرضى يا محمد
محمد : لا يأس مع الحياه ولا مع ابوكى .. اقنعيه بموهبتك النص كم دى
  ميمو : 😂😂😂 انت عيل غتت .. فين دالياا
محمد : راحت عند أمها .. انتى عارفه بقى جو الشوق ولهفة الاهل بعد الجواز .. تلاقيهم ماسكين فى بنتهم بعد الجواز .. وقبل الجواز كانو بيدعو ليل ونهار زيى كدا امتى يخلصو منها ويجى الموكوس يشيل الليله
ميمو : 😂😂😂😂 طيب يا اخويااا يا موكوس .. ياله بالاذن عشان اغير
محمد : والجمهور يا نجمه دا واقف بالشباشب برا فى وضع الاستعداد عشان يرجموكى  وطلع يجرى وبيضحك وهى ابتسمت وتمارا بتضحك ..
ميمو : حلو الواد دا يا تمارا
تمارا بهيام : قوى يا ست ميمو .. يهبل
ميمو : لا بقولك أيه يا تمارا داليا شرانيه ومش مضمونه والشهاده لله استحملته واستحملت رزلاته كتيرر .. ابعدى كدا بقى خلينى أغير الجو تلج .. وغيرت نزلت من باب خلفى ماشيه فى شارع هااادى بعد يوم طويل .. قربت من البحر إلا موجه بيتسابق وبيخبط فى بعضه واصوات البحر مجنناها .. قعدت قدامه وحاضنه نفسها .. والهوا بيطير شعرها .. حست بايد بتلف حواليها بجاكت تقيل وبيبص لوشها بأبتسامه
ميمو باحراج : شكرا
الشاب : ايه مقعدك هنا فى الوقت دا
ميمو : زهقت من الدوشه والناس حبيت أهرب منهم ودا احسن مكان بيريحنى .  بيخطفنى لدنيااا بعيده وبتشاور بايديها لبعيد  كل البعد عن البشر وبياخدنى لدنيااا مليانه سحر خاص بيه
الشاب ابتسم : شكلك شاعره واحساسك عالى
ميمو : ابدا .. انا انسانه عاديه بتحب الحياااه بس ليا وقت خاااص بنفرد بيه مع نفسى
الشاب : ااااه .. وانا بقى المتطفل إلا دخل فى الوقت الغلط
ميمو بابتسامه : ابدا .. ابدا  تحب تشاركنى
الشاب ميل راسه : ياريت
ميمو : ابعد شويه كدا .. وبتعلى صوتها لما صوت الموج عيلى : اسمك ايه
الشاب : أمير وانتى
ميمو : ميمو
الشاب : اهلا يا ميمو .. ها تعملى ايه
ميمو : كل واحد فينا يعمل بيت من الرمل إلا بيحلم بيه .. ايه رايك
امير  موافق .. ها أعد وقدامنا بالظبط وبيبص فى ساعته نص ساعه
ميمو بتذمر : قليل يا أمير
أمير : لا هو كدا مظبوط .. وبدئو الاتنين منافسه ..وبيرفع ايده وبيفرد صباع صباع ..  1..2..3.. وبدئو  وامير بيفحر خط ويغوطه بسرعه عشان مية البحر توصل عند المكان الا ها يعمل فيه البيت ويشتغل فى تصميمه الخاص والمميز ..وميمو شافته وفهمت لان مفيش جردل ولا اى شئ تنقل بيه الميه  فا قلدته ..  وابتدت منافسه شرسه .. امير رفع ايده بعد ما الوقت ما خلص .. واول ما شاف بيت ميمو ضحك بصوت عالى جدا .. وهى ضحكت معاااه
ميمو : على فكره احلى من بيتك
أمير : هههههههه فعلا لا وقايل للسقوط
ميمو : انت جبار يابنى .. عملت دا ازاى دا جميل قوووى
أمير : خلاص اتفضليه أدام عجبك
ميمو : اكيد ها اتفضله وقعدت جمبه ايه رايك اخد انا الاوضه دى
أمير رفع عيونه لعيونها : بس دى اوضتى .. كدا انتى طماعه وبتشاركينى عافيه
ميمو : لا انا اختار وانت تقول أمين وبتشاور امير مسك ايديها
أمير : انتى تأمرى
ميمو بتسحب ايديها  وبتغير الموضوع : انت بتشتغل ايه بقى
أمير : مهندس بترول
ميمو ضحكت بصوت عالى ومش قادره توقف ضحك
امير : هو بيضحك كدا
ميمو : انا صاحيه والا نايمه
أمير : صاحيه وبكلمك .. وحقيقى قدامك بشحمى ولحمى
ميمو : متجوز
أمير هز راسه : لا وانتى
ميمو : لا لسااا ... انا لازم اقوم ولسا ها تشيل الجاكت ..
أمير : لا خليكى ها تبردى وكمان هدومنا كلها بقت ميه تسمحيلى اوصلك
ميمو هزت راسها : ممكن .. ياله .  وخدها ومشى بالعربيه وبيلف  فى الشارع وبيتكلمو وصوت ضحكهم مسمع الدنياااا ..
أمير وقف قدام شقتها وهى بتنزل : بسسسس ..
ميمو بصت له : ايه
أمير بأبتسامه : ها أشوفك تانى أمتى
ميمو : مش عارفه ظروفى ..
أمير : طيب تليفونك عشان نظبط مع بعض
ميمو طلعت تليفونها : قولى نمرتك وانا لما احس انى عايزا اتكلم ها اتكلم ..
أمير : يا سيدى على التقل .. اكتبى ........012
ميمو : تمام كدا ياله بااااى
أمير : باااى بيلف الدريكسيون بايده وطلع بعربيته من المكان وهو فرحان ومبسوط .. عدى يوم والتانى ومنتظر منها مكالمه .. اما ميمو فا هالكه نفسها فى الشغل عايزا تكبر بأى تمن مش مهم اى حاجه هى عايزا تحقق طموحها .. بقى عندها شقه وعربيه بس عايزا اكتر .. دخلت اوضتها ومسكت تليفونها وسرحت فى اليوم الا اتقابلت فيه مع أمير .. فردت نفسها ونامت على بطنها وبتقلب فى النمر .. واتصلت عليه
أمير بصوت هامس : يااااه قولت خلاص نسيتينى
ميمو : ازاى بقى والجاكت بتاعك
أمير : شكلك كدا طمعتى فيه يا ميمو ..
ميمو : هههههههه .. ما تقولش كدا انا ازودهولك
أمير : تعرفى انى اتفاجئت لما لقيت ليكى استعراض على المسرح .. مش تقولى يا فنانه
ميمو : استغربت جدا انك مش عارفنى
أمير : مليش تقل على الفن واخبار التلفزيون .. مش مهمين عندى للاسف
ميمو : فى حد مابيهتمش بالفن
أمير : اسمحيلى يعنى انا اسف .. انتى لما تقفى تهزى وسطتك وتتنططى والكل يعجب بيكى وبجسمك دا يبقى فن .. بصراحه يا ميمو كنت فاكرك اعقل من كدا
ميمو اتخنقت ووشها اتقلب : ايه الا بتقوله دا
امير : مش عايزك تزعلى منى .. الفن رساله .. ايه رسالتك الا انتى قدمتيها وصلتيلى ايه استفيد بيه فى حياتى
ميمو : البهجه يابنى والحماس
أمير : ها اقوم اهز وسطى وافضل فرحان عشانك انتى .. طيب انتى مبسوطه
ميمو : هااا
امير بيقولها مقطعه : م.ب.س.و.ط.ه
ميمو هزت راسها : لا مش مبسوطه
امير : عارفه لو انتى بتقدمى حاجه مفيده .. وفى نفس الوقت محافظه على نفسك كنتى ها تبقى اسعد انسانه فى الدنيا
ميمو : على فكره انا محافظه على نفسى كويس جدا
أمير : انك تحافظى على نفسك مش معناه ان محدش يلمسك وبس .. لاء .. محدش يكلك بعيونه وينهش جسمك ما يخليش حاجه مميزه فيكى ..
ميمو : انا ها اقفل عايز حاجه
امير : ميمو ما تزعليش منى
ميمو : دا رايك وانت حر فيه مع السلامه .. قفلت وافتكرت كلام ابوها .. روحى بيعى نفسك عشان الفلوس .. عرى جتتك عشان الناس تنهش جمالك الا انتى فرحانه بيه .. بكرا ها تسوى فى عيونهم قرش وبعد بكرا مش ها تسوى ولا قرش .. وعيطت كتيرررر ... وبتتشنهف جامد وخنقتها بتزيد .. عدى اكتر من اسبوع وهى مكتأبه فى البيت .. وفى يوم الجرس رن .. وفتحت ملقتش حد .. بتبص تحت رجليها لما قدمتها وخبطت فى حاجه .. ولقت علبه شيكولاته نوعها فاخر واصلى .. علبه صغيره ومكتوب عليها كارت .. ها تخليكى اسعد انسانه دوقيها وادعيلى ... مسكت العلبه والابتسامه على وشها وقعدت وحاطه العلبه على رجليها شدت الفيونكه وفتحتها ولقت على كل شيكولاتيه وش مضحك جدا زى الايموجى .. واحد مطلع لسانه .. والتانى بيضحك جامد.. والتالت بيغمز لها وكل ما تمسك شيكولاتيه تضحك من قلبها .. خدت واحده وبتفتحها عشان تاكلها وبمجرد ما حطتها فى بوئها دابت وطعمها جننها وغمضت عيونها .. تليفونها رن وكان أمير .. وردت
أمير : عجبتك الشيكولاه ..
ميمو : بتصالحنى
امير : لاء .. بس عارف انك ما نزلتش من اسبوع .. فا قولت أمسى .. وحشتينى ومش عارف ليه
ميمو : ههههههه .. معقول والناس الا بتنهشنى
أمير : ممكن اخطفك من الناس كلها وادارى عيونهم عنك وتبقى ليا لوحدى
ميمو :  انت غريب
امير : بقولك وحشتينى .. وحشتينى وجننتينى
ميمو : سلامتك من الجنان  انا ها اقفل
امير : ها احقق كل احلامك وانتى معايا وفى حضنى موافقه
ميمو : على ايه
امير : اتجوزك .. عايز اتجوزك
ميمو بابتسامه : موافقه ..
مر شهر .. وميمو وامير اتجوزو .. وواخدها فى العربيه وطاير بيها وهى طالعه بنص جسمها من الشباك والدنيا بتمطر وفارده ايديها وبتصرخ بجنون وامير بيضحك بأعلى صوت .. خدها وروحو شقتهم الا جمعتهم مع بعض .. وشايلاها بين ايديه وهى زى الاطفال نصها مبلول .. وقفل باب الشقه برجله ونزلها وهى لسا فى حضنه .. ضمها وبيقول لها .. مجنونتى ..
ميمو حاوطت راقبته : حبيبى .. بحبك قوووى يا امير
أمير شدها من وسطها اكتر .. وعيونه نزلت لشفايفها وقرب بشوقه ولهفته وهى بادلته الشوق ..
محمد ضربها بالقلم وامها بتضحك بصوت عالى وبتمسح وشها مكان ما كانت ميمو مساكها من رقبتها وبتبوسها ..
ميمو فتحت عيونها وبرقت وبتبص لمحمد وامها وبتلف صباعها فى الهوا .. انت تانى .. فى نفس ذات اللحظه .. انت ايه يالا جبله ما بتحسش يالا
محمد : 😂😂😂😂 انا شديت امك بالعافيه من تحت ايدك وديق عنيه .. كنتى بتحلمى بايه يا أم دماغ مفوته
صباح : هههههههه مين امير دا يا ميمو
ميمو : اهئ اهئ .. هو مش عايز يبقى واقع ليه .. يعنى انا مابقتش فنانه استعراضيه
محمد : انتى فنانه مهلبيه
ميمو : مفيش بوكس فيه شيكولاته بتدوب تدوب ..
محمد : لا فى قرطاس طعميه جايبه معايا بعد ما خلصت شغل عشان تتعشى وتكملى هطل
ميمو : والعربيه .. وبتشاور بايديها والمطر .. والشقه
صباح خارجه : ربنا يكلمك بعقلك يابنتى
محمد قعد جمبها : يابنتى عيشى فى الواقع .. وافتكرى اننا اهلك وارضى ان دا بيتك
ميمو بتهز راسها جااامد : ابدا .  مش ها ابطل احلم ..اعااااا  ها احلم .. اعااا ها احلم .. احلمووو 
محمد : انتوو  تانى .. طب اتنيلووو .. اتنيلووو .. ياله سلام
😂😂
💗💗💙💙💚💚
بقلم : لبنى طارق
💗💗💙💙💚💚