من أنت .. وميمو .. ولفى بيا يا دنيا

لفى بيا يا دنيا *❤17

لفى بيا يا دنيا ❤ 17
سبحان الله وبحمده وسبحان الله العظيم ... الله أكبر ولله الحمد
اللهم لك الحمد ولك الشكر كما ينبغى لجلال وجهك ولعظيم سلطانك
اللهم صل وسلم وبارك على سيدنا محمد وعلى آل وصاحبه أجمعين
❤❤❤❤❤❤💙💙💙💙💙💚💚💚💚💛💛💛💛نسمه باحراج وارتباااك : دكتور .. أصلى كنت .. اتفضل اتفضل وبتمد إيديها بالورق المريض حالته ممتازه ومستقره جدا جدا دا خلاص وبتنفض ايديها قرب يخرج دا أصلا خرج
محمد أبتسم : يا شيخه
نسمه : مش مصدق طب بص فى الورق كدا ... ودخلو ممرضين بسرير متحرك بالحاله إلا شبه متغدغده تماما وفاقده الوعى ومعاه مرافق فى الغرفه .. نسمه إحولت وبتشاور لمحمد .. دى الحاله
محمد : ايوا الا خرجت وحالتها مستقره وزى الفل انتى قريتى التقرير
نسمه بتحرك راسها يمين وشمال : لاء
محمد : إمال عرفتى منين
نسمه : بفرحك وبديك الامل فى الحاله يا دكتور أزعلك يعنى وبتنطر ايديها وتتصدم
محمد : لا ما ينفعش ما يصحش وبيشاور اتفضلى قربى عشان تفهمى الحاله فين لولو
نسمه : تحت حالتها تعبانه جدا جدا
محمد رفع حاجبه الاتنين باندهاش
نسمه : اكدب يعنى وتتصدم للمره التانيه ويبقى انا السبب بردو
محمد : ياله اتفضلى عشان انزل اطمن عليها ... وفحص الحاله كويس هو ونسمه .. وطمنو المرافق وخرجو مع بعض محمد من غير ما يبص لها .. كنتى بتعملى ايه فى الاوضه قبل ما ادخل
نسمه باحراج ورد فعل سريع : كنت بحاول أغتنى وأطير فلوس
محمد : ههههه واغتانتى
نسمه : بحاول
محمد : خدى بالك ممكن حد يصورك ويكون مؤذى او مريض نفسى يعنى ما تثقيش كتير فى الهيئه او الشكل وتفتكرى ان كل الا حواليكى محترمين فا ياريت تخلى مكان شغلك للشغل وبس اعتبرينى اخوكى وبينصحك
نسمه : ليه أخويااا
محمد : نعم
نسمه : إحم .. قصدى يعنى انت اكتر من أخ والله .. واتقدمت خطوه ممكن ادخل انا عليها الاول لتكون قالعه البروكه
محمد شاور : اتفضلى ولف وشه وبيضحك .. خبط ودخل ولولو اتعدلت .. هااا يا ست لولو مالك
لولو : مفيش يا دكتور .. شوية إجهاد من الطريق يمكن
محمد : انتى فى الشهر الكام
لولو : اخر التالت
محمد : مجنونه وها تفضلى مجنونه كنتى فضلتى هناك احسن مش لازم سفر وتعب
لولو : انا ارتحت هنا وعايزا أكمل هنااا .. تحس يا دكتور ان البلد دى فيها حاجه بتشدك بتقولك اوعى تمشى وتسيبنى حتى باسل رافض يسيب الشغل هنااا بيقولى مرتاح فيها وحاسس بقيمتى وانا بردو حسيت بقيمتى وخصوصا وانا وسطكم
محمد : يا ماشاء الله ... انا شايف حد مختلف بجد كل مره بتبقى اجمل واحلى من جواكى وبتثبتى ان نظرتى فيكى صح فى كل حاجه .. المهم انتى تتفضلى دلوقت ريحى خالص والنوم يبقى على ضهرك تمام وانا ها اخفف عنك الشغل خالص على قد ما اقدر وها اخليكى معايااا تمام وها اطبق عشان خاطرك واغير مع الدكتور حسام معاد الشغل
نسمه بصعبانيه : وانااا
محمد باستفهام : انتى ايه
نسمه : مش ها ارتاح وتخفف عنى
محمد بعدم فهم : اخفف ايه انتى حامل
نسمه شهقت وضربت على صدرها : يا مصيبتى وربنا ما حصل لسااا
لولو : 😂😂😂 دى انسه يا دكتور
محمد : انتى شكلك كدا مشكله زى صاحبتك ... انتى ها تشتغلى شغلك كله وهاتفضلى معايااا لحد ما تسلمى لأخر دقيقه تمام
نسمه : ان كان كدا مااااشى ياله يا ابله وبتنطر ايديها روحى ريحى وعيشى حياتك وانا مع الدكتور ما تاكليش غير لما أجى
محمد خبط ايده فى بعض وضحك وخرج على برا
لولو : بطلى جنانك واهدى لازم يحس انك عاقله
نسمه بفرحه : مش قادره يا لولو ،، ايه دا فى كدا وربنا ما مصدقه هو دا دكتور بجد انتى عارفه بيعملو ايه والا بيكلمونا ازاى يابنتى بيرفعو مناخرهم قبل ما الكلمه تخرج منهم اصلاااا ... دا تحسى انه من الكوكب بتاعنا ومننا وزينا والا حلوته ااااه من ام حلوته يا خرابى يا عرابى
لولو : ههههههه يابت دا لسااا فى شهور وايام وليالى وجايه ان شاء الله.. إتلمى عشان ما ياخدش موقف منك كان فى واحده امبارح متعقده من الجواز والرجاله انهارده العقده فكت لحقت يعنى
نسمه : ها تتفك على إيده إن شاء الله ورفعت إيديها وبتقلد عبد السلام النبولسى إبسطها يا باسط .. لولو شالت حاجه بلاستك من على مكتبها ورامتها فى وشها ونسمه مدت ايديها فى وش لولو .. خلاص ما تبسطهاش أكتر من كدا وسابتها وخرجت جرى ورا محمد ..
لولو : ههههههه مجنونه
*************
عمر داخل بيرن الجرس وبيزمر بالزماره الا خدها من رفيق لاما فتحت ودا داخل يرقص ويزومر وجومانا طلعت جرى هى وزياد ..
زينب اول ما شافته : إلهى يقلب دماغك يا بعيد ايه الا رجعك من عند أمك كنت خليك هناااك
لاما : عمرررر .. ايه دا هو الراجل مستنيك تحت على ما ننقى غزل البنات أصل الوانه جميله قوووى
عمر : ههههه لا ضحكت عليه وخدت منه العصايه كلها بالزماره يا حبيبتى وقرب باس خدود لامااا وبينادى .. تعالى يا جوماناااا تعالى
زياد شد جومانا وبيقوله : سيب أسحلك ( احسلك )
عمر ساب جومانا وبيرفع إيده : سيبتها خلاص
زياد : هات ومسك الزماره وبيجر غزل البنات وبيزعق .. تعالى .. تعالى وجومانا ماشيه وررراه
لاما وزينب : 😂😂😂 ..
لاما : استنى يا زيزو ناخد غزل البنات انا وتيتا وعمو عمر ..
عمر بيوشوشها : هاتيه كله واديله كيس
لاما : انا مالى انت عايزه يضربنى بعزال الشقه كله وراحت خدت كام كيس من زياد وهو قاعد يفتح وياكل جوماناااا وهى تأكله وعمر بيتفرج بيطلع الدره من الشنطه
عمر : خدى يا حماتى جبتهولك من راجل شرانى والله ما مشيتش غير لما جيبته
بقلم Lolo Tarek
زينب : تسلم إيدك يا حبيبى .. بس ايه رجعك مش قولت ها ابات عند ماما
عمر : منا لما لاقيت بتاع الدره نزلت جرى عشانك يا حبيبتى وبيبص للاما وكمان فورجت ولقيت غزل بنات فا اتصلت بماما وقولت لها انى ها اروح لكم عشان خاطركم وسألتها اجيب لها غزل البنات ودره قالتلى لاء اخواتك جابووو ...
لاما : حبيبى يا عمر ربنا ما يحرمنا منك ولا حبك لنااا
زينب بتهز إيديها : صبرنى ياااارب ماله باسل هادى وراسى إلا دا جننى من يوم جه لا وبنتى بقت شبهه
عمر بياكل الدره : بتقولى حاجه يا حماتى
زينب : ها اقول ايه ربنا يصبرنى عليكووو ماتهدو انتو الاتنين وتعقلو شويه انت دواك باسل هو فاهملك ... وصحيح قبل ما انسى فى واحد جه سائل عليك
عمر وهو بياكل الدره : مين يا حماتى عارف انى هنااا
زينب بتفكير : واحد أسمه ااااه نائل
عمر زور وفضل يكح ولاما تخبط على ضهره
زينب : اديلة ميه لروحه تطلع
عمر : كح .. كح .. كح ..اااه .. خلاص خلاص وعيونه مدمعه وحمرا وبيتنحنح .. ماقلش عايز ايه
زينب : بيقولى استنيته انهارده كان فى بينا معاد وماجاش فقولت اجى اشوفه ليكون تعبان وعلت صوتها والا بيتهرب
عمر بهمس : وربنا ماكان فى مواعيد هو جه أمتى
زينب : قبل ما تيجى على طول وقالى خليه يتصل عليااا ضرورى ..
عمر مسك الفون وقفله خالص وفضل قاعد متوتر برغم انه قايله ها ابقى اجى اتدرب معاك بس بدء يكسل ويتراجع
لاما : حبيبى قوم هاتلى غزل بنات من زيزو اصلو مش راضى
عمر : انا مالى دماغى لسا بتوجعنى ورجلى سبيه لما يسيبه نروح ناخده .. حماتى
زينب : نعم
عمر : إقنعى لاما نخلف تانى اصلها مش موافقه
زينب : ليه يا لاما .. دى بنتك وحيده حرام عليكى شوفى من يوم ما جيتى وهى مش سايبه زياد ولا سئله فيكى ولا فى ابوها
لاما : مش عايزا ابوظ جسمى يا ماما ما صدقت جسمى أتظبط
زينب : جسمك ايه وزفت ايه .. هى الأمومه سهله يابنتى والا بالساهل
لاما بصت لعمر : هو ما بيسكتش وبيتكلم انتى جسمك فيه اصلك تخنتى اصلك مش عارف ايه
زينب بصت لعمر : الراجل إلا يعاير مراته بجسمها عشان بتتحمل وتشيل فى بطنها عيل له يبقى مش راجل .. دا بدال ما تقف جمبها وتساعدها دا باسل بيجى يشيل ويحط وعمره ما جرح لولو بكلمه يوم ما قالت زى مراتك قالها هاتى عشره وانا راضى بيكى وها ابقى مبسوط وفرحان بيكى .. ارضو عشان ربنا يرضى عليكووو ويرزقكم بالقناعه فى حياتكم فى كل حاجه
عمر : يا حماتى هو حرام مراتى تبقى جميله وتهتم بنفسها
زينب : مش حرام يا حبيبى .. بس حرام نعايرها بحاجه غصب عنها معاك أصرف عليها وساعدها ترجع احلى من الاول انما ماتعايرهاش وتكرها فى الخلفه او انها تكون ام وترجع تقول هى مش عايزا
عمر : ماشى يا حماتى انا بصرف والا هى عايزاه ها أعمله بس تخلف ماما بتقولى لازم تخلف
لاما ديقت عيونها : وهى لازم ماما تقولك يعنى
عمر : لا بس انا بحب اخد رائيها
زينب زغتت لاما فى رجلها : حقها يا إبنى وانتى مالكيش حق تزعلى انا ما ببطلش زن على لولو ولا عليكى يبقى حلو ليا وحرام على الست .. احنا عايزين نفرح بيكو وبعيالكو وهما حواليكو ما كدبش إلا قال ان العيال عزوه وعلى قد مقدرتك بردو عشان تربى عيلك بما يرضى الله وتطلعيه صالح يعنى مش تخلفى وخلاص ربنا يصلح حالكم كلكم ..
عمر مسك راس زينب : ربنا يخليكى يا ست الكل والله بحبك عشان حقانيه وجميله زى وبهزار لاملومه حبيبتى
لاما ابتسمت : يا سلام
عمر قرب عليها جااامد وبيحضنها وبيبوسها وهى بتزقه وزينب بتضحك سابتهم وقاامت تتصل على صبحى تشوفه اتاخر ليه
*********
أحمد : هو باسل كلمك أخر مره أمتى
منى : امبارح باليل وقالى محدش يتصل عليااا غير لما انا اكلمكووو ولولو لسا قافله وكانت عايزا تكلمك بس قولتلها نايم
أحمد : مش عارف بقيت انا كتيررر ليه كدا .. الواد زيزو وحشنى كلمى الحج صبحى يجيبه انا مش قادر اروح
منى : حاضر ها اكلمه واقوله يجى يقعد معاك شويه بدال ما انت نايم طول الوقت كدا اهو تصحصح شويه
أحمد : أعملى اكله حلوه وظبطيها الراجل فى اى وقت بندخل بيته بيبقى طاير بينا طير وما بيسبناش غير على النوم
منى : عنيه ايه رأيك اقوله يجيب زينب معاه
احمد : أعملى إلا يريحك انا ها اريح شويه مش قادر
منى : أنت لحقت ما تقعد شويه
أحمد : شويه بس ... وسابها ودخل تانى ينام ... زينب اتصلت على لولو ودعت ربنا ترد ..
منى : ايوا يا لولو
لولو : خير يا منونه
منى : انا مش معايا رقم الدكتور بتاع عمك الا بنتابع معاه دلوقت وكل ما اتصل على العياده يقولولى مشغول
لولو بقلق : فى حاجه حصلت لعمى
منى : قلقانه عليه نايم طول الوقت ولو قام ما بيكملش خمس دقايق وينام تانى
لولو : طيب قوليلى أسامى العلاج إلا بياخده حاليا
منى جابت الشنطه وبتقرى لها الأسامى
لولو : بصى يا منونه برشام ال ..... دا بيهديه وينيمه عشان ما يجهدش عضلة القلب الدكتور شايف انه بيعمل مجهود وخايف عليه
منى : يعنى دا طبيعى
لولو : ايوا ما تقلقيش
منى : طيب هو طلب ابوكى كدا مش هايعرف يقعد معاه
لولو : معاد البرشام امتى
منى : كمان ساعه ياخده
لولو : خلاص أجلى معاد دا بس لوقت ما يجى ينام او بعد ما يمشى ابويااا .، الباقى ياخده عادى
منى : خلاص ماشى
لولو : وبردو تابعى مع الدكتور بتاعه لو كلمك او رد عليكى
منى : ماشى يا لولو انتى عامله ايه وحشتينا انتى وباسل والله
لولو : اطلع من دول يا منونه يا عسل لحقنااا نوحشك كدا نصب بقى
منى : امشى يابت انتى خساره فيكى الكلام
لولو تخنت صوتها : خدتينى لحم ورامتينى عضم يا منى سلاااام يا جميله .. لا إله إلا الله
منى : محمد رسول الله يا حبيبتى وقفلت بعد ما أطمنت على جوزها ..
Lolo Tarek: بقلم
باسل : انت بتعمل إيه
رفيق : بعد الفلوس إلا بعت بيها انهارده ههههه
حاتم : انا ما عملتش غير 150 بس
باسل بيطلع من جيبه : 200 يا بشر وبص لرفيق كام .
رفيق : 500 الله اكبر .. الله اكبر حظى كان ايه انهارده بعت ولا خمس عصيان هوا كدا وبيلف صباعه فى الهوا
باسل بيشدها : هات دى فلوس الحكومه وبيعلى صوته وانا الحكومه
حاتم بيبوس الفلوس وبيحطها فى جيبه : ها احوشهم لبامبرز البيبى لما يجى بالسلامه هدير زعقلتى وقالتلى امسك على ايدك شويه عايزين نربى العيال مش عارف عيال مين بس هانربيهم
باسل بهزار : انا ممكن امسكهالك
حاتم : ايه دى
باسل : ايدك وضحك بصوت عالى هو ورفيق وضربو ايديهم فى بعض دخل عليهم واحد وقعد ...
القائد : خلصتو تهريج
كلهم : تمام يا فندم
القائد : ماشاء الله حظكو فى البيع جبااار وعاملين فلوس حلوه
رفيق : بنتعب والله بنلف من الصبح لحد ما ننام لما رجلينا ورمت
القائد بجديه : ايه الأخبار
باسل : دلوقتى يا فندم كل العيال إلا بتتردد على المكان صغيره مراهقين سن 16 .. 17 وهكذا انا اتفقت انا ورفيق وحاتم واحد مننا يحاول يشغل الا بيراقب الطريق وواحد يتسلل لجوا والتالت يراقب الوضع ويتدخل لو حصل حاجه عشان نعرف ايه بيحصل بالظبط جوا وإشمعنا الصغيرين دول
القائد : مش عايزا مفهوميه يا باسل دا اخطر سن يتلعب بيه وبدماغه ومش بعيد يكون دا مكان بيتجمعو فيه وبياخدو دروس لهم وللجهاد وهكذا ... وطبعا بيدربوهم على تركيب وصنع القنابل
باسل : احنا فكرنا فى كدا عشان دا المعتاد عليه خصوصا لأغلب العناصر إلا اتقبض عليها وفاهمين دا كويس بس اشمعنا حدود ليبيا الا صرحو عنها بوضوح فى العمليه الا ها يعملوها انا مش مرتاح للكلام دا
رفيق : ولا انا تحس انهم بيقولو لنا روحو هناك وها نفاجئكم بحاجه تانيه وأكبر
حاتم : فى إحتمال كبير يكون العنصر بتاعنا وسطهم أتكشف او بيتأكدو منه
القائد : اى إحتمال او شك انتو فكرتو فيه إحنا كمان فكرنا فيه وعشان كدا انتو التلاته إلا مسكتو المهمه دى وأصرينا تكون بعيد عن عناصر عاديه بالنسبه لنا ... الخوف انهم يكونو عايزين يدمرو أكتر من مكان او بيتتبعو حد من كبار الدوله ودى كارثه
باسل : ان شاء الله ها نقدر نتمكن منهم قبل ما حد فيهم يعمل اى حاجه يا فندم
القائد : فى اى حاجه تانيه
باسل : أيوااا .. دلوقت فى حد معرفه ليااا وكان ها يضيعنااا لولا لحقت نفسى فا انا طالب تاخدوه لحد ما تكمل العمليه على خير
القائد : واحنا لازم ناخده ما تفهمه عشان ما يحاولش يقرب منك انك فى عمليه مش اكتر واكيد هو ها يفهم ويبعد من نفسه
باسل هز ايده بنفى : لايمكن دا لازم يتحبس ويتعمل معاه الصح عشان يبعد عنى خالص اليومين دول انا كتبت لحضرتك العنوان وأسمه
القائد خد الورقه : تمام انا ها اتصرف
باسل : شكرا يا فندم بس ليا رجاء التعامل معاه يكون كويس هو له طبيعه خاصه فيه فا تحسه غريب شويه بس هو طيب لدرجه انك تحس انه أهبل
القائد : اكيد مش ها اخده اضربه ولا اعلقله المشنقه انت قلقان كدا ليه ... هو بيشتغل ايه
باسل : مهندس كمبيوتر وممتاز
القائد باندهاش : امال ايه طيب واهبل
باسل رفع ايده : لاء انا قولت طيب لدرجه انك ممكن تحس انه اهبل بس هو مش أهبل هو حبوب ولذوذ ..
حاتم : هههههه وكلبوب بيعض اى حد يجى جمبه
القائد أبتسم : متشوق أشوفه .. وقااام اسيبك بقى واى تطورات تبعتولى فورا محدش يحاول يكلمنى ابدا
كلهم : تمام يا فندم
***********
نسمه شغاله مع محمد وعدى وقت الانصراف للراحه ومع ذلك لسااا معااااه ... واقفين فى أوضة التعقيم وبصت لمحمد وملامحها أتغيرت تمامااااا وبصوت عالى : الحقنى يا دكتور قفشت
❤❤💙💙💚💚💚💛
بقلم : لبنى طارق
💛💛💙💙💚💚❤❤