من أنت .. وميمو .. ولفى بيا يا دنيا

لفى بيا يا دنيااا 1

لفى بيا يا دنيا 1
************
سبحان الله وبحمده وسبحان الله العظيم
سبحان الله وبحمده وسبحان الله العظيم
سبحان الله وبحمده وسبحان الله العظيم
لا حول ولا قوة إلا بالله العلى العظيم
اللهم صلى وسلم وبارك على سيدنا محمد
💗💗💗💙💙💙💚💚💚💚💚
لولو واقفه محتاره وبتدور  : كنت حاطها هناااا .. راحت فين يارب استرها عليا انا مش حمل الدكتور عاتف دا بيكره نفسه وممكن يقتلنى فيها .. وبرقت وضحكت وطلعت الورقه .... اهه الغبيه كانت وسط اوراق تانيه وبتخن صوتها وبتقلده ...  انا ادتهالك يا مهمله شكلك كدا ها تاخدى فوق دماغك .. وبغل بتبق ايديها اااخ لو انا الا اديك فوق دماغك
قرب على ودنها وبهمس : تدى مين فوق دماغه
لفت بجسمها والضحكه على وشها : ها ادد ي .. وبتنزل ايديها واحده واحده ..وضحكت .. الورقه يا دكتور .. ياااه دى غبيه دوخنتى عامله زى العفاريت كل شويه تختفى
عاطف : فعلا واضح عليها وشد الورقه من ايديها جااامد ... روحى شوفى شغلك بطلى لاكاعه وبعد كدا تباشرى الحالات كلها وتمرى عليهم بنفسك ماتبعتيش حبايبك انا مش نايم على ودنى هنا
لولو كشرت وبصتله بغيظ : حاضر بعد اذنك وخرجت وهى بتبرطم .. مسكت واحده ماشيه من ايديها .. سموحه هاتيلى فطار وكوباية شاى
سماح : عنيه يا لولو مالك مكشره كدا ليه اوعى تكونى قابلتى الدكتور عاطف انتى ما بتدايقيش كدا غير لما بتقابليه 
لولو : هو فى غيره .. وبتزق سماح ورفعت ايديها لفوق .. وسعى خلينى استرجع طاقتى ..وبتاخد نفس جااامد ... شهيييييق ...قرب على ودنها وبهمس
عاطف : زهقت منك
لولو نزلت ايديها وبتفتح عيونها : زهييييق .. قصدى زفيررررر وبخضه اعااا .. دكتور انت هنا وهناك وفى كل حته
عاطف هز راسه وبضحكه رخمه : على قلبك لحد ما اعملك ازاى تشوفى شغلك زى باقى زمايلك 
لولو : هههه حضرتك مش على قلبى وبس وبتفكير امال انا بشوف ايه اااه بشوفك انت
عاطف :  نعم
لولو : بقولك انك يعنى بعد اذنك وطارت من قدامه  ... اااه يا سماح بابنت اللذيكه طب ادينى إشاره والا ادينى فوق دماغى وقولى انه ورايااا والله احسه مارد  ... بدئت تمر على المرضى المسئولين منها وتدى كل واحد علاجه وتقيس الضغط واللازم تعمله وراحت مكتبها نايمه عليه من كتر التعب ..
أميره :  لولو بت يا لولو وزقتها بايديها ..  انا سمعت ان فى كام مستفشى تبع القوات المسلحه محتاجه تمريض وها يمدوهم بتمريض من عندنا عشان الخبره وأسمك نزل فى الكشف
لولو :  كشف ايه .. دا لسا بيقول عليا مش نافعه فى حاجه ماتسيبونى فى حالى بقى كفايه عليا عاتف  هولكووو .. ثم كمان هو احنا تبع طلخا مااحنا قوات مسلحه بردو .. مين نزل أسمى فى الكشف اقوم اديله على دماغه
اميره ضحكت : عاتف بيقول تستهاليها ولازم يوجب معاكى
لولو رفعت ايديها لفوق ونزلتها وبتجز على سنانها : هو الراجل دا بيكرهنى كدا ليه مولوده فوق راسه دا فرق بينى وبينه يجى عشين سنه
أميره : 😂😂😂😂 بيقول عندك خبره تودى فى داهيه ولازم نستغلها صح
لولو مشت ايد فى الهوا كانها بتزحلق حاجه : أم ودانى هووو فى الداهيه الا عايزها .. النقل فين تصدقى احسن خلينى اخلص منه .. فين اخلصى
أميره ضحكت اكتر : العريش 😂😂😂
لولو تنحت  : انتى مالك فرحانه كدا ليه اتعديتى من عاتف يا اميره .. امشى سيبينى لوحدى دلوقت .. عارفه لو روحت السلوم  احسنلى .. الله يكون بعونى مالها العريش روحى ياختى
أميره : يعنى انتى موافقه على النقل
لولو : يعنى لو ما وافقتش حد ها يعبرنى .. ومسكت السندوتش وبتاكل وتشرب الشاى الا جابتهم سماح ..
اميره ضربت كف على كف وزقت راس لولو : بطنك هنا وبتشاور على راسها  مش هنا وبتشاور على بطنها .. وسابتها وخرجت ..
لولو خرجت بعد أميره بشويه ودخلت اوضة مريض وببتسامه ماليه وشها : حمدالله على سلامتك عرفت انك خارج انهارده والا لسا ..
المريض بنفس الابتسامه : لسا عارف منك حالا .. خبر حلو تستاهلى عليه ميت جنيه
لولو : استاهل عليه دى وخدت شيكولاتيه من على الكمود .. مش عايزا اكتر من كدا وحمدالله على سلامتك مره تانيه الدكتور عاطف هايمر عليك دلوقتى يطمن ويكتبلك على الخروج
المريض : شكرا على كل حاجه عملتيها ليا تعبتك كتير بالاحباط الا كنت فيه  وادتينى امل وطاقه كبيره
لولو : دا واجبى وبتمنى انك تفضل بنفس الطاقه دى على طول .. بعد اذنك وخرجت والمريض متابعها بعيونه . 
عاطف : راحه فين
لولو من غير ما تبصله : راحه اشوف شغلى بعد اذنك
عاطف : من امتى
لولو : من دلوقت دا لو مش مدايقك يعنى وسابته ومشيت وهو دخل للمريض
بعد وقت  خلص المريض ومضى على خروجه ورجع المكتب وطلب لولو .. وراحلته ..
لولو ربعت ايديها :  أفندم
عاطف : مالك قالبه وشك ومش عاجبك حد .. هو الا لما اقولك شوفى شغلك دا يزعل
لولو : مين قال لحضرتك انى زعلانه والا اللى بيعمل حاجه بيبرر أفعاله بأى حاجه
عاطف خبط على المكتب : ماتنسيش نفسك يا لولو وابتسم بمكر وكأنه افتكر .. قصدك يعنى عشان ناقلك
لولو بعصبيه نوعا ما : هو انا ايه سلعه كل اللى ماعجبوش ينقلنى من هنا لهنا .. ها أعيش حياتى منقوله
عاطف ضحك : طيب ما تقولى لنفسك قعد نص قاعده من على مكتبه من قدام وربع ايده .. انتى حتى المره دى منقوله عشان كفاءه يعنى بتتساوى بأحسن الممرضات هنااا عشان تعرفى بس انى بخدمك ثم كمان انتى زعلانه ليه مش دا وجبك تجاه المهنه الا كنتى حابه تكملى فيها
لولو بصتله بغيظ : تصدق عمرى ما حبتها ولا حبيت المستشفيات ولا القاعده فيها وقربت عليه برد فعل مفاجئ وصوت واضح ولا الدكاتره بكرهكم وسابته وخرجت برا
عاطف ضحك بصوت عالى وقعد : وبصوت هامس  ولسا دا أنا ها أكرهك فى حياتك مش قادره على كام مريض هنا او حالات مبتشوفيهاش غير بعد ما بيتم تحويلاها يعنى يدوب هاتظبطى وتهتمى وبس .. وبيمشى ايده فى الهوا قابلى بقى
لولو خرجت وبصت فى الساعه وهى مخنوقه وشايفه الدنيا سوده وكل تفكيرها هى عملت ايه فى دنياتها عشان تشوف دا كله .. دخلت تمريض عسكرى عشان ترضى ابوها وما تزعلوووش واختها متجوزه وسافرت برا مصر .. حاسه ان محدش فاهمها ولا هى فاهمه حد الا كانت بترغى معاها بتكلمها تخاطيف وكل ما تبقى فاضيه ملهاش أصحاب قريبين منها ومغلوله من عاطف  ..  ليه الدكتور دا بيكرها كدا وعشان ايه ... روحت بيتها بعد ما خلصت كل حاجه وطلبت يومين أجازه قبل نقلها العريش  دخلت ورمت شنطتها بعيد بعد ما طهرتها وعلى طول على الحمام خدت شاور كويس  وحطت كل هدومها فى الغساله تتغسل ولبست خرجت قعدت بإهمال وفارده ايديها ورجلها رفعت ايد ... ازيك يا بابى .. ازيك يا مامى
أمها بتريقه : بابى ومامى ... ودا من ايه
لولو بتشاور على بوئها  : من هنا مالك يا صبحى مابتردش ليه
صبحى نطر ايده : ابعدى عنى مش عايز وش
لولو : اهئ اهئ اهئ .. ليه هو انا لسا قولت حاجه يا زينب
زينب : رفعت ايديها .. يارب ما تقولى دلوقت اصلى يابنتى واخده برشامة صداع ورابطه راسى اهوووو وبتشاور على راسها فيونكه يرضيكى افك الفيونكه واربطها قامطه بسببك
لولو ضربت على ايديها : لاء ازاى خليكى فيونكه وانت خليك على الصامت .. بتشاور على أمها هى فيونكه وانت صامت قامت وبصوت عالى  وربنا منا واكله
صبحى : عندك نص فرخه مشويه وطحينه ورز جوا وصباع كفته 
لولو ابتسمت ولفت وبصوت واطى : فراخ مشويه وطحينه وكمان رز  ورفعت صباع وصباع كفته يا فرج الله
زينب : مش لسا حالفه مانتى واكله  ماتثبتى على حلفانك خليكى اد كلمتك
لولو : وانتو سايبنى أحلف ليه الغلبانه دى عملتلكو ايه وبتشاور على بطنها   .. ها ابقى اصوم تلت تيام ... وحطت ايديها على بطنها . لاء استحمل شويه أحسن بدال ما اصوم ويمكن ما اقدرش فى الحر دا  وراحه على اوضتها ولفت جريت على المطبخ لا ها صوم مش قادره جعانه 😂😂... وابوها وامها انفجرو فى الضحك
خلصت أكل ودخلت اوضتها وسابت ابوها وأمها زى ما هما قاعدين .. نامت على سريرها وبتفكر ممكن يكون شكل حياتها ايه هناااك .. هو المكان أمان طيب أكيد لاء دا قريب من الحرب على الأرهاب هناك فتحت النت وفضلت تبحث وتعرف هى راحه فين ولمين بالظبط .. والخوف بان على ملامحها وبهمس  : هايعملو بيا ايه هناك مش بعيد انام جمب الحالات وأعيط ..  وربنا انا ما كان ليا تمريض ولا حاجه تخص الطب من قريب او بعيد انا بحلم بأشباح واول ما بقوم من النوم وابص فى مرايه بشوف شبح أد كدهون وبتفرد ايديها على أخرها . وبتقلب وشها انا شبح .. ايوا انا شبح ولاعمر حد منى اتوجع او خاف عادى  ... ااااه يارب  خليك معايا دايما واتحولت وبتنفخ نفسها  وإدينى القوه والعزيمه اثبت لعاتف ولأمثاله إنى ناجحه وأدها وعيطت عياط مصطنع او ادينى نص تناحته مع التعامل مع الحالات دا بيشوف الجروح كأنه شايف طبق فته باللحمه ... بيشوف الرجول كانه شايف كاوارع ودفست راسها فى المخده وبتقول لاء لاء لاء .. مش ها اقدر انا الا جبانه بزياده صحابتى بتقول كدا وكل ما اشوف حد بيعيط أقعد أعيط جمبه واروح المكتب أكل عادى  . طب إيه دخل العياط فى الأكل .. اه ماهو العياط بيهز الكرش والكرش لما بيتحرك  بنجوع وضحكت .. هو دا تصدقى يابت المفروض اكون فليسوفه 😂😂😂 انا لايق عليا الدلع والتفكير الهادى .. وعلت صوتها نامى يالولو واستمتعى بيومين مع أهلك الصامتين .. استمتعى ياحبيبتى وراحت فى النوم بعد جدل كبير مع نفسها كله ملوش علاقه ببعضه
مر اليومين وهى زى ماهى لا جديد وماقالتش لابوها وأمها على قرار نقلها واقفه تحضر شنطتها وتليفونها رن فتحت الكاميرا وضحكت :  وزتى حبيبتى وحشتينى قوى يا لاما
لاما : وانتى كمان وحشتينى قوى يا لولو .. بابا وماما عاملين ايه
لولو : عاملين عاميلهم فيا انا مش عارفه هما محسسانى انى عبدالحليم فى فلم الخطايا .. انت مش ابنى انت ابن امك .. طررررراخ
لاما : 😂😂😂 معلش يا لولو استحملى دول حبايبك بردو
لولو : والله ساعات ضميرى بيأنبنى واقول هما الا مستحملين بلوه مسيحه ياله ربنا يجعله فى ميزان حسانتهم .. ابقى اتصلى عليهم كل يوم لما بيلاقوكى قافله بيقلقو عليكى
لاما : وانتى هاتكونى فين يعنى
لولو : ها أكون سافرت إعاره اصلى ممتازه واستاهل كل الا يجرالى هما المميزين كدا يستاهلو حد قال لهم يبقو مميزين
لاما : 😂😂😂 عملتى ايه تانى يا مميزه
لولو : عاتف .. عاتف يالاما اتبرع بيا للجمعيات الخيريه 😂😂
لاما : هو لسا مش طايقك
لولو : الدكتور الوحيد إلا لا طايقنى ولا طايق روحه كل الدكاتره نسمه بسلم إلا دا ما علينا عشان الراجل دا شايلنى ذنوبه كلها الله يسامحه .. انا اتنقلت فى مستشفى كدا الحمد لله لطيفه ظريفه وهواها يرد الروح ..  بس بعيده شويه عن بابا وماما ومضطره اسافر ابقى أطمنى عليهم
لاما : ان شاء الله يا حبيبتى ربنا ها يوفقك وتثبتى نفسك وتكونى أدها .. ما تقلقيش على بابا وماما انا على طول ها اكلمهم وانتى بردو كلميهم وما تقلقيش  هما وسط أهلنا وحبايبنا .. خلى بالك من نفسك بس
لولو ابتسمت بحب حقيقى : ربنا يخليكى وما يحرمنى منك ولا منهم .. ان شاء الله يا حبيبتى اشوفك انتى كمان فى أحسن حال وجوزك يحبك اكتر ما بتحبيه ويهدى كدا
لاما رفعت ايديها : يارب اللهم أمين .. ياله اخرجى ادينى ماما وبابا عشان أقفل ..  زمان جوزى جاى من برا .
لولو خرجت ادتهم التليفون ودخلت كملت شنطتها امها دخلت عليها هى وابوها .
زينب : انتى اتنقلتى
لولو هزت راسها : اه
صبحى : ماقولتيش لنا ليه نعرف من اختك
لولو : كنت لسا خارجه اقولكم
زينب : انا مرارتى اتفقعت منك وانتى ماشيه جايه تقولى ليه يعنى
لولو بضحك : كنت عملاها مفاجأه .. المهم اشوف وشكم على خير ان شاء الله كل ما اخلص الا ورايا ها آكلمكم
صبحى : انتى عايزا تجننينى يابت انتى
لولو : يابابا مش بمزاجى والله .. وكمان يعنى ها اقول لاء
صبحى : اتنقلتى فين
لولو بصت لهم وبخوف بتقولها بالعافيه : العريش
زينب  بصرخه نطرت لولو من مكانها : العريش .. اتجنيتى والا اتهبلتى عشان توافقى تروحى هناك
لولو بتبلع ريقها : ياماما انتى فاهمه غلط احنا بعيد عن الا فى دماغك خالص ماتقول لها يا صبحى
صبحى بيخبط على رجله : صبحى ها يموت بسببك وبسبب عمايلك .. نفسى تبطلى مفاجئتك الا قضت على مفاصلى
لولو : ماهى حديد اهى يا راجل .. ياله هاتووو بوسه وقربت حضنتهم وباستهم
زينب : طمنينى عليكى على طول
صبحى طبطب عليها : انا عارف انك قدها
لولو ضحكت : أقسم بالله انت واخد فيا مقلب غريب عجيب .. ياله ربنا يستر .. ادعولى بس .. وبصت لهم اى أكل تاكله نصه تشلوه فى الفريز ليااا .. وباستهم تاااانى ونزلت
وسافرت فعلا بس ياترى هاتعمل ايه وهاتتغير والا وضعها ها يكون ايه؟
💗💗💙💙💚💚
بقلم : لبنى طارق
💗💗💙💙💚💚
النوفيلااا من وحى الخيال لا تمت للواقع بصله لا من قريب ولا من بعيد .. مجرد خياااال مش أكتر زى باقى كل رواياتى
ياريت يبقى فى تفاعل ورايكم عليها ..
كل رواياتى فى جروبى كوميكس روايات لولو طاق
تصويت للحلقه يا حبايبى