من أنت .. وميمو .. ولفى بيا يا دنيا

لفى بيا يا دنيا الحلقه الاخيره الجزء الاول

لفى بيا يا دنيااا ❤ 20 الجزء الاول
سبحان الله والحمد لله ولا إله إلا الله والله أكبر ولا حول ولا قوة إلا بالله العلى العظيم ... اللهم صل وسلم وبارك على سيدنا محمد وعلى آل وصحبه أجمعين
❤❤❤💙💙💙💙💙💙💚💚💚💚💚💚💛💛💛💛
حاتم : معقول لايمكن .. حضرتك شايف إلا انا شايفه
نجدت غمض عيونه وفتحها على دخول رفيق وبهدوء عكس ما كان : فى حاجه افتكرتها وإلا إيه يا رفيق
رفيق : ايوا يا فندم وانا جوا فى المبنى لقيت دا واتاكدت انه بتاع باسل تقريبا وقع منه مكان ما ضربوه
حاتم مسك دبلة باسل وبص فيها : ايوا فعلا بتاعته
نجدت : طيب لحد ما نحاول نوصل لاى حاجه وبما ان  بص لحاتم مفيش عندك  اى حاجه تانيه تفتكرها دلوقت  انا بقول انتو الاتنين تختفو خالص بس شغلو تليفوناتكم اتواصل معاكم عليها
حاتم بصله بعدم فهم : مش فاهم يا فندم
نجدت سكته بايده : انا ها اتظاهر ان انتو التلاته ضعيتو فى العمليه دى عشان الخاين يظهر
رفيق : مش فاهم يا فندم ازاى .. كل العساكر والدعم عارف انى انا وحاتم بخير .. وكمان إختفائنا ها يفيد بايه
نجدت : دى مهمتى انا يا حضرة الظابط وعارف ازاى أوصل لهم انكووو اتخطفو زى باسل ... اما ها يفيد بإيه .. ها يفيد بإننا هانعرف العناصر الموجوده وبتلعب بالبلد ها يبتدو يشكو فى بعض ويخبطو فى بعض عشان يعرفو انتو عند مين بالظبط  واحنا ها نتفرج ونفهم ونعرف
حاتم أبتسم : فكره بردو .. بس عايزا شغل عالى عشان يتاكدو اننا فعلا أتخطفنا
نجدت : منا قولت سيبوها عليااا دى المهم انا سايب لكم مطلق الحريه انتو الاتنين فى المكان إلا ها تبعدو فيه مش عايز الجن الازرق يلمحكم وعشان تكونو فى امان أكتر كل واحد فيكووو ها يختفى لوحده لا انت بيشاور على رفيق حاتم يعرف مكانك ولا انت وبيشاور على حاتم رفيق يعرف مكانك
الاتنين : تمام يا فندم .. وخرجو من شباك المطبخ بعد ما نجدت بعد الحراسه عنه بحجه ... والاتنين إنطلقووو كل واحد فيهم من طريق ..
حاتم ماشى فى طريقه وبتوعد بينه وبين نفسه : والله لأوريك يا كلب بقى أنت كل القتره دى بتلعب بينا وبتبعنا بكل برود ...
اما بقى فى مكان تانى خالص او دنيا تانيه
باسل وصل مكانهم ونزلوه من شنطة العربيه وماسكينه من دراعه مجرجرينه على الأرض ... راموووه جوا مكان تحت الارض
باسل بيعدل نفسه بالعافيه وبيحاول يقعد واول ما اتعدل ولد منهم شد اللازقه إلا على بوئه بعنف لدرجة انها جرجت شفايفه  ... وتف فى وش باسل وقلب شفايفه وقاله : خليك زى الكلب محدش ها ينجدك مننا يا خنزير  ها نتسلى عليك كلنااا هنااا
باسل أستجمع  قوته وبرغم إن رجله مربوطه خلى الولد واقف قدامه  لف رجله من تحت  رجل الولد طيره من مكانه نزل براسه على الحيطه وبعدها نزل على الارض على راسه ماحطش منطق .. وزميله جرى عليه بيعدله يمين شمال خلاص شكرا ..، الولد بجنون نزل ضرب فى باسل برجله ويشتم شتايم قذره وباسم منشف عضالات جسمه جااامد بحيث الضرب ما يأثرش على أعضائه ... زق الولد التانى بجسمه وقعه والولد قام بغل طلع سكينه وبيقرب على باسل واحد قرب عليه بسرعه  مسك إيده
مجهول : إنت مجنون بنريده عايش يا جفل
مجهول 2 بعصبيه : أبو مصعب قتله الخنزير .. يا ابا الحكم
ابا الحكم : وطى على الولد وبيحاول يسعفه او يعمله حاجه بس خلاص .. لا إله إلا الله جتله هدا الكلب الزنديق تربية الابلاسه .. لاتزعل على اخوك هو فى جنة الخلد مع الحور الحين .. اما هادا وبينطر راسه ناحية باسل فى جهنم راح نرسله بس مو الحين .. شيل معى إكرام الميت دفنه ..
الولد بيعيط : خلاص سابنى ومشى بسرعه متفقين انا وهو نروح الجنه سوا
باسل : تعالى وانا اوديك وكدا تبقو رحتو سوا للحورين العين وبص لأبو الحكم وإلا إيه شيخ المافيا يا ابو دقن عيره
ابو الحكم : اخرس يا كلب راح ارسلك وارسل كل الطواغيت متلك وارفع راية التوحيد هون وتصير كل شبر بهلأرض إلينا هدا هو الحلم إلا راح نحججه يا أحفاد فرعون
باسل : إبقى قابلنى يا ...... .. بيقولك مره واحد حرامى جاب واحد غبى ما بيفهمش بس بعضالات وقاله تعالى ها نفتح كنز على باب واكبش منه زى ما انت عايز .. عارف ليه
ابو الحكم : ليش
باسل : عشان الحرامى لو كان عرف يفتح الكنز ماكنش إستعان بيكووو لأجل ماهو يكبش براحته ولوحده فى الاخر وعلى صوته يا شلة اغبيااا .. بص للولد .. لو هو مؤمن  إن جزاء إلا بيعمله الجنه والحور العين عمره ماكان ضحى بيها لغيره أبدااا صاحبك انا ماكنش قصدى اقتله وماكنتش أحب الصراحه لصغر سنه وما أحبش انت كمان تتحط مكانه سيبك من الراجل دا وألحق نفسك ... وعلى صوته مهما كانت وعودهم كلها كدب فى كدب
ابا الحكم بعصبيه راح ضرب باسل : إخرس يا كلب .. إخرس .. اتركه وتعااا نبعث الشهيد لمثواه الأخير  وشالو الولد وطالعين ..
باسل بصوت عالى : ها يبعتوك انت كمان من غير ما يزعلووو عليك وها يجيبو غيرك وغيرك عمر ما كان الدم فى بلدك حل لمشاكلك وقفلو الباب وباسل بيتعدل بوجع وبتنهيده ... رمى ضهره على الحيطه وبيعدل إيده شاااف الأسوره الجلد إلا على إيده وعيونه لمعت  أخيرااا فى حاجه ها توصل الكلام إلا جواه والاهم ها يكشف عن مكان الكلاب دى قرب الأسوره على دقنه عشان إيده مربوطه وفضل ضاغط عليها لحد ما عملت صوت بسيط جدا جدا 
باسل أبتسم : يارب تسمعنى يا عمر .. وضحك إختراعك طلع له لازمه وانت صح ... بدء يتأثر جااامد .. أنا أسف ما تزعلش منى رسالتك وصالتنى لو كنت أفتكرت الاسوره دى كنت كلمتك انا  شارى خاطرك والله  بس شكلك انت كمان ناسيها ... عمر كل إلا عملته معاك عشان بحبك والله وعايزك راجل محدش يتريق عليك وخوفت عليك منهم لو اتكشفنااا انا ها اعرف اتعامل انا وزمايلى بس انت لاء  ... المهم انت قولتلى تقدر تحدد مكانى لو انا بعتلك رساله او حتى من غير ما ابعتلك .. بس ها اقولك على مكان القاده بتوعى  لازم يوصلو له ضرورى  عرفهم ان قبل كامين ال ....، ها يدخلو يمين عمق 25 كيلوووو جوا الصحرا  .. فى نفق فى المكان دا ها يوصلهم للكلاب لو ملحقتونيش انا أسير عندهم دلوقت  ... وبهدوء عكس ما كان  واااه قول للولو انى حبيتها قوى قوى قوى أكتر ما بحب نفسى هى زيزو خليها تفتكرنى وتزور امى وابويااا وعرفهم ان هم أهم من حياتى وكانو طول الوقت على بالى وبفكر فيهم  بحبكم كلكم  ومش زعلان من حد ومش عايز حد يزعل منى وقول لحاتم انت ارجل صاحب عرفته فى حياتى ونزل إيده ودموعه نزلت رفع راسه لفوق وفضل طول الوقت يتشاهد .. سمع صوت من الاسوره حطها على دقنه وداس عليها  ..
عمر : باسل ان شاء الله هاتكون فى امان وانا مسامحك والله .. انا ها ابلغ القائد بتاعك حالا عشان يلحقوك اوعى تتغابى على حد عشان يسيبوك على ما نوصلك
باسل ضغط عليها تانى : ياعالم ها اشوفكم تانى وإلا لاء .. شوف ها تعمل ايه واهم حاجه المكان يوصلو لمكانهم وللنفق إلا قولتلك عليه خلينى انا اخر همكم لا إله إلا الله ونزل إيده وميل راسه بدء يفقد توازنه من كتر الضرب ...  وافتكر حكايه الأسوره
فلااااش باااك
*********
عمر وباسل وهما فى اخر يوم تدريب مع بعض لبسو وكانو خارجين
باسل شد شنطه صغيره جدا عمر لابسها : ايه دى انت عيل صغير
عمر : تعالى يا ذكى اوريك ان العضالات مش كل حاجه وكله بيكمل كله
باسل لف إيده وابتسم : وكله على كله ولما تشوفه قوله الشنطه دى فيها ايه ..  دا مخه ومش مالين عنيييييه ..  وبيطول فى الكلمه
نائل : انا ماشى يا شباب اتاخرت وورايا شغل ... سلااااام ..
عمر وباسل : سلااااام
عمر فتح الشنطه وطلع منها تلات أسوار  جلد سودا بس ناشفه شويه ... بص دول
باسل : ايه دا اسوره يا تافه
عمر : إلا زيك يشوف انها تافهه بس دا إختراعى إلا بنفذ فيه بقالى كام سنه وجربته وفعلا نجح
باسل : فين الأختراع فى كدا
عمر : دى اسوره عادى جدا ... اى حد ها يشك فيها لاء .. تخيل دى بتحتوى على  جهاز صغير تخزن عليه أى معلومان انت عايزها مهما كانت كبيره بصوتك .. وإلا بيميزها عن اى حاجه تانيه  انى اكلمك عليها زى الفون بالظبط بس من دى لدى لدى وبيشاور على الاساور التلاته ...
ولو مردتش عليااا فى وقتها الاسوره تسجل المكالمه وتقدر تسمعها فى اى وقت واى عدد مكلمات بتسجله بطريقه مراحل الضغط عليها لو الضغطه خفيفه تسمع لو طويله تكلم لو عايز تسجل ها تدوس فى الجمب هناااا  ... ولف إيده زياده على كدا كمان بقدر احدد مكانك عن طريق البرنامج إلا وضعه للاسوره دى على التاب بتاعى
باسل رفع إيده : الله أكبر .. يعنى خلاص مش هاندفع فلوس مكالمات
عمر : لا هاندفع بس ازاى بقى انا إلا بشحن للاسورتين دول زى دى بالظبط واقدر اكلمك وتكلمنى فى اى وقت وانت لو فهمت البرنامج بتاعها تقدر تشحنه عادى
باسل تاه منه : ازاى مش فاهم يعنى هى شغاله بشريحه
عنر بيشاور : حاجه زى كدا  بس المميز فيها ان النت فيها فى اى مكان بيبقى عالى جدا جدا  او بمعنى اصح كمان ممكن اخترق اى شبكه حتى لو تبعد عنى كتير جدا قوة الارسال والاستقبال فيها عالى  .. عشان اقدر اتواصل معاك فى مكان مفهوش شبكه
باسل : دى المفروض تشتغل فى  المخابرات زيها زى البنى ادمين وضحكو وضربو إيديهم فى بعض  .. بس معلش ازاى بتكلمنى عليها
عمر : انا صممت برنامج زى ماسنجر كدا بس مكالمات بس و صطبته على ذاكرة الاساور التلاته بحيث ان مفيش اى شبكه تانيه تخترق المكالمات ويبقى الموضوع فى منتهى السريه يعنى ارسال واستقبال لدول بس ولو حبيت ازود عدد الاساور او اى إن كان ازود عادى جدا  .. دا جهاز كمبيوتر مصغر او فون مصغر ... الضغطه بعمق هناااا يبقى اتصال على الاسورتين التانين على طول
باسل : طيب ليه ميبقاش الاتصال محدد
عمر : دا الا بعمله بحدث البرنامج وها اسمى شبكات الاساور باسامى بحيث يبقى الاتصال من واحد لاتنين مثلا ... او من اتنين لتلاته وهكذا
باسل : هو اى ان كان ايه عشان الموضوع شكله كبير وعميق  بس الله ينور عليك وعلى دماغك اخد دى اجربها اصل الموضوع كبير ومش فاهمه وها نتفاهم انا وهى على رواقه
عمر : مااااشى انا موافق خصوصا انك بتبقى فى اماكن صحروايه يعنى من غير شبكه فا انا عايز اشوف قوتها وفعلا ها تتجح والا لاء فى اصعب الظروف  ولو انا اتصلت عليك هاتسمع صوت بسيط جدا وهزه فى ايدك هاتحس بيها وانا هكذا يعنى ما تقلعاش
باسل : والميه
عمر : ضد الميه ما تقلقش
باسل : الله اكبر مخترع ياناااس .
********
باااااك
باسل أبتسم وبصوت هامس : يارب توهب اختراعك دا لبلدك ما يبقاش لغيرنا برا ويقدروك
*************
عمر بجنون طلع للحارس وبعدين دخل تانى فا الحارس دخل وراه
الحارس : محتاج حاجه يا فندم ..
عمر : كلم العقيد نجدت يجيلى حالا ... وحد يروح يجبلى اللاب توب بتاعى فورا
الحارس : تمام يا فندم وخرج برا اتصل على العقيد نجدت وقاله ...
نجدت ..  سيبوه يمشى ...
الحارس دخل بلغه .. وعمر أصر يكلمه وفعلا كلمه ودخل جوا عرفه انه يعرف مكان باسل ونجدت طااار راح له وامر يجيبلو اللاب زى ما طلب مر وقت كبيررر جدا من بعد اختفاء باسل وكمان وقت كبير من بعد ما طلب من رفيق وحاتم يختفو ولسا ما وصلش لحاجه
نجدت قعد : خير قولى  وصلت لإيه
عمر قلع الاسوره إلا زى بتاعت باسل ورفعها : دى يا فندم إلا هاتعرفك كل حاجه ..
نجدت بعدم فهم : ازاى ..
عمر فتح اللاب وبدء يدخل رقم معين على البرنامج  بتاعه وفتح الذاكره الداخليه إلا فى الاسوره إلا بتسجل كل المكالمات  .. وشغل رسالة باسل كامله لنجدت ... ونجدت وقف  دا بجد ..
عمر : ايوا يافندم
نجدت : تعرف تحدد مكانه بالظبط وانت هنااا زى ما قولتلى
عمر فتح الموقع .. وفضل وقت يدخل ارقام وحاجات تخص اختراعه .. وفعلا اتحدد مكان الاسوره التانيه بالظبط
نجدت : انا لازم اخد الجهاز معايا والاسوره
عمر : محدش هايعرف يتعامل غيرى .. فى نبر كود لأسورة باسل  وانا كذلك بدخلهم على برنامج انا انشأته  والموضوع مش بالسهوله دى 
نجدت : طيب تعالى مفيش وقت .. مشيو الاتنين ... نجدت بدء يعمل اتصالاته وطلب تدخل القوات وانها تكون مستعده لحد وصوله طلب طياره تنقله بسرعه لمكان باسل وفعلا كل شئ بيتم زى ماهو عايز وأكتر ...
لولو قاعده على كرسى ودماغها مصدعه جدا جدا ومزاجها سئ ... بصت لنسمه .. تليفونى فين
نسمه مدت ايديها على المكتب جابت الفون : خدى ماهو قدامك
لولو خدته واتصلت على أمها ما ردتش اتصلت على لاماااا ..
لاما : ايوا يا لولو لسا فاكره
لولو بقلق : فى ايه .. حد حصله حاجه يا لاما
لاما عيطت : يرضيكى باسل يعمل فى عمر .. وحكت للولو كل حاجه .. عمر كلمنى وقالى وقال ما أروحش عند مامته عشان خايف عليااا وطلب منى اكلمها وأخليها تروح عند خالتووو ... عيطت كل ما تفتكر إلا حصل .. هو جوزك بيتعامل مع عمر كدا ليه دا لو مجرم مش ها يعملو معاه كدا ..
لولو بتحاول تبرر : خايف عليه انتى ماتعرفيش باسل بيتعامل مع ناس دماغها وحياتها عامله ازاى فى لحظه فعلا الدنيا بتتقلب  وباسل طلع عنده حق جوزك قالك كل حاجه وفتش سرهم ودا غلط
لاما : والله ما قولت لحد حاجه
لولو : اوعى تكونى عرفتى بابا والا حد عندك بموضوع عمر اوباسل اوعى للدنيا تتقلب
لاما بتشاور على التلفزيون : ماهى فعلا مقلوبه والاخبار فى كل مكان عن منطقه حماتى بيقولو ضرب نااار وقتلى بس مفيش تفاصيل
لولو قلبها دق بعنف وحست إن نفسها بيديق : مفيش أخبار عن الظباط
لاما : لاء لحد دلوقتى كل الأخبار عن الأرهابين وكمية المتفجرات إلا هناااك انتى مش متخيله حجم الحاجات إلا جايبنها فى النشره يا لولو كل دا دخل الشارع ووسط الناس والسكان أمتى دا ينسف بلد
لولو صوتها غشلق : ماما فين وبابا
لاما : كل يوم عند حماتك وحماكى وسايبنى لوحدى حتى منونه معاهم مش راضيه تقعد معايااا  وعشان ما تقلقيش انا حتى ما قولتلهمش على عمر والا عمله باسل
لولو : لامااا أنا اسفه متضره أقفل لا إله إلا الله
لاما بترجى : خليكى معايااا على الفون شويه ارجوكى زهقت من القاعده لوحدى ..
لولو : خدى نسمه اتعرفى عليها لازم اروح للدكتور دلوقت .. وناولت الفون لنسمه وجريت على برا .. راحت مكتب محمد وخبطت ودخلت على طول من غير ما يأذن لها .. دكتور محمد إلحقنى أرجوك
محمد بخضه هو و الدكاتره إلا معاه : خير يا لولو فى حاجه حصلت ..
لولو وشها أصفر وبيصفر أكتر وأكتر وريقها بينشف : كلم حاتم مش معايا نمرته وخايفه اكلم مراته أقلقها طمنى على باسل
محمد بيشاور : أقعدى وخدى نفسك شدت الأعصاب دى غلط وبص للدكاتره .. أتفضلو انتووو ونتكلم وقت تانى .. وفعلا خرجووو ... محمد طلع الفون وبيكلمها  وباصص على الفون .. فى حاجه قلقتك
لولو قالتله بإختصار إلا حصل وهو بيرن على حاتم  ورد عليه على طول ..
محمد : عامل إيه يا حبيبى
حاتم : الحمد لله يا محمد معلش انا أسف مشغول جدا دلوقت وقولت ارد عليك عشان اقولك
محمد قبل ما حاتم يكمل كلامه : طيب طمنى الاول عليك وعلى باسل انا سمعت انكم فى العمليه إلا الأخبار كلها بتتكلم عنها ..
حاتم بزعل : لولو جمبك
محمد بيتظاهر برد فعل تانى وأبتسم : اااه طبعااا انت عارف لازم أهتم وأسأل
حاتم : فهمتك  بس ارجوك ما تبينش قدامها أى حاجه .. باسل مخطوف ولسا بنحاول نوصله او تقريبا وصلناله القائد أكدلى وانا دلوقتى على الطريق رايح لهم ..
محمد ضحك : يااااه يا ولاد اللذينه .. اهم حاجه انكم بخير ولولو شدت الفون  تتأكد بنفسها
لولو : هو فين باسل يا حاتم وإشمعنا هو تليفونه مقفول
حاتم بيحاول يتماسك : هو زى الفل او القرد ما تقلقيش بس الموضوع كبيررر وطبعااا هو القائد المسئول عن العمليه فالازم تلاقيه مشغول شويه ولسااا كمان بنقرر العيال عشان نعرف باقيتهم راحو فين إطمنى يا لولو اول ما اوصل عنده عشان باعونى وسافرو هما بطياره ها اكلمك
لولو بالهفه : ها انتظر المكالمه اوعى يا حاتم تكون بتضحك عليااا
حاتم : الله هى دى كمان فيها ضحك .. ياله سلام دلوقت مش فاااضى وقفل ونفخ بصوت عالى جدا وكأن فى هم كبيررر على قلبه وكأن ليه هو فعلا هم كبيررر  ...
محمد : أطمنتى
لولو بتتنهد ودموعها نزلت : الحمد لله برغم انى مخنوقه قوووى وحاسه ان باسل فى ديقه مش عارفه ليه كنت خايفه يكون بابا او ماما او ابنى او حتى اختى والا جوزها وبنتها وطنط وعمووو كنت ها أكلمهم كلهم بس فهمت دلوقت أنا مخنوقه ليه وعيطت أكتر واكتر ... أوحش إحساس فى الدنيااا لما تحس انك تحت ضغط ومهدد طول الوقت فى الناس إلا بتحبهم اى خبر اى كلمه بتخليك على أعصابك وشبه مجنون وهزت راسها .. ربنا ما يكتبها على حد
محمد : اللهم أمين وبيحاول يقلبها هزار .. ماعرفش انك بتحبى الواد كدا ... ايه شغاله معاه بقلب الام لما التليفون يتقفل ورفع إيده يا بخته
لولو بصت لمحمد وبتوجه له رساله غير مباشره : لما تحب بجد وتتحب وتحس إن فعلا إلا قدامك دا يستاهل تقول عليه دا روحى إلا ها يوجعه ها يوجعك وإلا ها يفرحه ها يفرحك .. أتمسك با إلا يحبك يا دكتور
محمد : هو فين وانا أتمسك بيه ...هز راسه  .. أوعدك لو قابلت الشخص دا ها أتمسك بيه لأبعد الحدود .. ياله يا أبله على شغلك بص فى ساعته عشر دقايق ونتقابل فى العمليااات .. أتفضلى .
لولو قامت بعد ما أستأذنت وخرجت وهى حاسه براحه مزيفه ها تحاول تتلهى فى شغلها وتبعد أى فكر سئ عن دماغها ...
*************
بعد مرور وقت كبير وباسل لوحده والقوات فعلا اتحركت بس للاسف مش قادرين يحددو المكان بالظبط فى عدم وجود عمر إلا لسااا فى الطريق لهم ... وقلبو المنطقه على الممر ملوش وجود مفيش أى أثر ...
باسل مغمض عيونه وواحد دخل عليه بيقلع الجلبيه إلا لابسها وبيشيل القناع إلا على وشه وباسل فتح عيونه وأبتسم افتكر ان طوق النجاااه جاله بس للاسف مايعرفش ان دا قضاااه او حظه السئ 
مجهول : بتضحك انى وصلتلك صح عشان تعرف إنى لايمكن أسيبك
باسل بيمد إيده الاتنين المتربطين  : ياله بسرعه قبل ما الأغبيه دول يرجعووو فكنى وقومنى ضلوعى حاسس انها  متكسره
مجهول مد رجله وضرب باسل نطره فى الحيطه وباسل من الصدمه مش فاهم ولا قادر يستوعب ان دا ممكن يبقى حقيقه اتعدل وعيونه فى عيووون زميله ما نزلتش بيشوف إيه أتغير فيهم ممكن يكون مخدوع ومش هووو ... لاء هوووو .. وضحك باسل بصوت عالى وهز راسه : رفيق ونعمه الرفيق 
رفيق فتح إيده على وسعها : أيوا رفيق وبيشاور على باسل .. إلا بيكره اليوم إلا قابلك فيه وجه الوقت انى أخلص منك للابد واخد المكانه إلا أستحقها وانت تكون خلاص على صوته أنتهيت وبتريقه يا بسبوسه
باسل عدل راسه وجسمه بفخر وعيونه والابتسامه إلا على وشه ما راحتش قرب الأسوره على دقنه وفضل دايس عليها عشان كل حاجه توصل لعمر ويعرفو مين إلا غدر وخااان وكان زى الحيه وسطهم ... وفعلا الاشاره راحت لعمر وبدء يسمع كل حاجه
باسل : ليه يا صاحبى كدا ..  عملتلك إيه وانا إلا فاكر ان رفيق وصل بكل شجاعه يطلعنى من هنااا ..
رفيق : انت لو تعرف أنا بكرهك اد إيه مش هاتصدق وضحك بسخريه يا صاحبى .. عمرى ما كنت ولا ها اكون صاحبك ..واقفلى زى الشوكه فى الزور يا جدع لا قادر أخد ترقيه قلبك ولا مهمه عدله غير لما انت وبيشاور عليه تكون القائد لها وليك الكلمه عليه .. ليه انا أقوووى .. انا احسن منك مليون مره وجه الوقت إلا أقبض فيك وفى روحك تمن يعيشنى ملك زمانى . الباشاااا رفيق إلا داس على رقبة باسل بالجزمه
باسل ضحك جاامد برغم وجعه : غبى طول عمرك غبى وفاكر ان القوه فى الدراع والنفوذ وبس ... بس عادى وعلى صوته تظ فيك يا صاحبى ومش ندمان على كل الخير إلا عملته معااك برغم انى كنت بعمله بحب وانت جواك الكره دا كله ..
رفيق هز راسه وشد السلسه إلا فى رقبة باسل عشان محدش يتعرف عليه ... وصوب المسدس ناحيته
باس ما رمش بعيونه وأتشاهد وسمع ضرب النااار برا ابتسم وفرح انهم وصلو لمكان المجرمين دول والأهم رفيق عشان ما يوقعش ولا يغدر بغيره وغيره وغيره ...
رفيق شد صمام الأمااان وضرب باااسل طلقه ورمى المسدس إلا كان معاااه بعيد ... قعد واتاكد ان باسل فارق الحياااه وخده على رجله وبدء يصرخ ويقول مجرمين
❤❤❤💙💙💚💚
بقلم : لبنى طارق
💚💛💛❤💙💚💚
الاختراع مجرد تفكير او حلم لتغير واقع صعب على غيرنااا ووسيله لتحقيق النجاااح مش لازم الوصف يكون دقيق بس كفايه الفكره توصل ..
كل رواياتى فى جروبى كوميكس روايات لولو طارق
الجزء التانى من الحلقه ان شاء الله ينزل بكرا عشان الحلقه طويله جدا جدا وقسمتها تنزل مرتين وتعبت ومش قادره اكمل كتابه دلوقت