من أنت .. وميمو .. ولفى بيا يا دنيا

لفى بيا يا دنيا ❤18

لفى بيا يادنيا ❤ 18
سبحان الله والحمد لله ولا إله إلا الله والله أكبر ولا حول ولا قوة إلا بالله .. اللهم صل وسلم وبارك على سيدنا محمد وعلى آل وصحبه أجمعين
سبحان الله والحمد لله ولا إله إلا الله والله أكبر ولا حول ولا قوة إلا بالله العلى العظيم...اللهم صل وسلم وبارك على سيدنا محمدوعلى آل وصحبه أجمعين
❤❤❤💙💙💙💙💚💚💚💚💛💛
محمد بارتباك وعدم فهم : هى ايه إلا قفشت فى حاجه مسكت فيكى مالكما تنطقى
نسمه بصريخ واطى :رجلى رجلى قفشت
محمد : ورينى كدا ... نسمه مدت رجليها وكلها ملويه لورا بصوابعها ومحمد تنح .. كدا اتشلت مش قفشت هى عامله كدا ليه.. الموضوع دا بيتكرر عندك
نسمه : اااه يا دكتور اصلى عندى روميتزم
محمد  بيردد الكلمه وبيلف إيده : روميتزم ..  كمان روماتيزم  انتو كلكو جاين تتعالجو .. دا إيه دا ياربى وبدون سابق انذار شد رجلها نطرها بطريقه معينه ونسمه صرخت ...
نسمه بتتعدل وبتقف وبتتنى صوابعها لقدام ومحرجه من محمد جدا ما اتوقعتش انه يمسك رجلها ابدا ..
محمد : كدا تمام خفيتى الحمد لله
نسمه : اه شويه
محمد : خلاص روحى انتى كفايه عليكى كدا ... وأسمها جالى شد عضلى ايه قفشت دى
نسمه أبتسمت : إلا جت على بالى اسيبها قافشه يعنى وأفكر أقول إيه
محمد : والله انا الا دماغى قفشت منكم ومن عمايلكم وسابها وخرج وهى بتنطر ايديها وبتضحك من غير صوت ... نزلت راحت للولو فى السكن او ما صدقت تجرى ...
لولو : اتاخرتى قوى كدا ليه عجبك الموضوع
نسمه : هههههه أسكتى يا لولو مش عارفه أخلع منه شغل شغل داكان ها يخلينى أطبق معاااه وادخل عمليات أقعدلى 7 ساعات كمان دا بينتحر
لولو : هو دا الدكتور محمد بينسى نفسه وينسى اى حاجه فى الشغل عملتى ايه عشان تيجى
نسمه ضحكت بصوت عالى : عملت فيها مقفوشه وبتهز ايديها شلت يدى يابن أبى حنظله  وكدا
لولو : مثلتى انك تعبانه على دكتور محمد
نسمه هزت راسها : لا وقولتله انى عندى روماتيزم كمان ماكنش ها يسيبنى وانا هنجت
لولو : عارفه لو عرف وقعتك هاتبقى سوده بيكره الكدب بيكره عمى الحاجه الوحيدهإلا مش بيغفرها لحد
نسمه : هايعرف منين انتى حبيبتى ومش هاتبعينى ... وربنا ماكنت قادره اقف فعلا والصراحه صوابع رجلى كانت قفشه بس مش رجلى كلها انا زوتها شويه عشان يحس
لولو : عشان خاطر ربنا ما تبدئيش معاه كدا خليكى شفافه قدامه هو يستاهل تكونى صريحه وبتتعاملى بطبيعتك
نسمه : على فكره انا عارفه ان إلا زى محمد لا يمكن يبصلى او يفكر فيااااا .. هو فين وانا فين انا بالنسبه له ممرضه .. حتت ممرضه
لولو كانت ها تقول لها انه كان ها يرتبط بيها عشان نسمه ما تقللش من نفسها  بس تراجعت خافت نسمه تفهم غلط او تغير منها فى يوم من الايام فضلت تكون علاقتها بيها بعيد عن السكه دى وتحافظ عليها
نسمه : هااااى سرحتى فى إيه
لولو أبتسمت : ولا حاجه انا جعانه قوى واستنيتك ياله قومى بقى كملى جميلك وحطى الاكل هو سخن اصلى تعبانه قوى وهمدانه
نسمه بخوف عليها : حاسه بإيه
لولو : إجهاد بس مش أكتر بس كسوله قوى وبتحضن المخده وتليفونها رن .. كان باسل ردت بهدوء غير طبيعتها ... حبيبى وحشتنى
باسل : على طول كدا من غير مراوغه.. وانتى اكتر على فكره .. بتعملى ايه
لولو : نايمه بريح بعد يوم شغل طويل .. وانت
باسل : نفس الوضع بالظبط .. حلموسو عامل إيه
لولو : هههههه حلموسو لاوى بوذه .. تمام الحمد لله كله تمام
باسل : على فكره انا سافرت  ومش موجود عندك
لولو كشرت : ليه رايح فين
باسل : يومين كدا شغل وان شاء الله ارجع واول ما ها أرجع نتفق واقابلك
لولو : باسل خلى بالك على نفسك
باسل : عنيه حاضر وانتى كمااان خلى بالك على نفسك بحبك
لولو : وانا بحبك
باسل : تليفونى ها اقفله ماشى ما تقلقيش لو اتصلتى لقتيه مقفول
لولو : ماشى يا حبيبى بس حاول تطمنى .. لا إله إلا الله
باسل : محمد رسول الله وقفلو الأتنين
نسمه : خلصتى واصلة الحب اتفضلى تعالى كلى
لولو : تعالى قومينى .. هو كدا بالنسبه ليكى واصله حب دانا مقدرتش ارد عليه ولا طولت عشان ما يحسش إنى تعبانه
نسمه : ليه  مش جوزك والمفروض يعرف فيكى ايه وتعبانه والا لاء
لولو : لو عرف ها تلاقيه جاى ياخدنى وانا مش ها اقدر اروح اى مكان تانى الصراحه وخصوصا الزفته الا كنا فيها
نسمه هزت راسها وبتقوم لولو .. قعدو على الارض وسمو الله وبياكلووو ..
نسمه طلعت الفون الا بيرن وردت : ايوا يا ماما .. الحمد لله خير ... انا لسا ما قبضتش طيب أعمل ايه .. علت صوتها سنه .. مش ذنبى .. مش ذنبى حرام عليكى شقايا وتعبى يروح هدر .. طيب مع السلامه   لا مش زعلانه .. لو زعلانه يبقى زعلانه عليكى مقهوره يارب تفوقى بقى .. مع السلامه وقفلت سابت العيش ودموعها نزلت بخنقه رهيبه ..
لولو : ايه يا حبيبتى مالك ..  متخانقه انتى ومامتك
نسمه هزت راسها ودموعها نازله مش عايزا تقف خالص وبتتشنهف
لولو قربت عليها وزقت الأكل وحضنتها قوووى ونسمه بادلتها الحضن وكانها بتستخبى بأواجعها وبتفضفض بصمت .... بس إهدى شكلك طمعانه انى أعملك فشاااار ودا من النوادر لو عبرت حد وانا تعبانه ضربتها .. أضحكى بقى مش واخده عليكى كدا
نسمه بتهز راسها : تعبانه قوى يا لولو قوى ومحدش حاسس بيا
لولو بتمثل بهزار كانها مخنوقه : انا الا حاسه بتقل جوايااا وبراياااا كابس على نفسى
نسمه اتعدلت وأبتسمت ولولو شدتها تانى حضنتها : بهزر معاكى مش كان نفسك فى دبدوب اهووو ربنا رزقك بقلبوظ واخدك فى حضنه
نسمه اتعدلت وبتمسح دموعها وبتضحك : حبيبتى يا لولو ..
لولو : ها مالك وبتكلمى مامتك بجفى كدا ليه حرام عليكى
نسمه : انا زعلانه قوووى عليها ومنها وغصب عنى لو بكلمها كدا بس تعبت بتستغلنى لأبعد الحدود عشان جوزها
لولو : هو والدك منفصل وهى متجوزه والا إيه
نسمه بتلعب فى ايديها وباصه لها وبتعيط : والدى متوفى من خمس سنين وهى اتجوزت بعد موته بسنه بحجه انها تربينى انا وأخواتى ويبقى فى راجل فى البيت  .. ما تفهميش عامل فيها ايه راجل تنح وبارد وعايش سفلقه على معاشى انا و اخواتى ومرتبى دلوقت محسسانى انى بقبض فى الشهر تلات او اربع مرات كل شويه عمك محى عايز فلوووس عشان خاطر سالف بسبب مصاريف اخواتك  وبعصبيه اخواتى ايه دانا لو مجبتش لهم هدوم محدش بيعبرهم بيستنو ادخل عليهم باى حاجه حلوه أو بأكله حلوه ودا مضيع فلوسنا على مزاجه وكل ما اكلمها اقول لها اطلقى تعيط وتقولى بحبه
لولو بزعل : اخواتك عندهم كام سنه
نسمه : ولد عنده 7 سنين وأختى 15 سنه ودى بكلمها كل دقيقه اخاف عليها من القذر دا
لولو : هى بتحبه على ايه بقى
نسمه : مش عارفه ودا الا ها يجننى مسكالى ابوكى ما شوفتش منه ريق حلووو طول ماهو عايش مش عايزانى افرح وأعيش يومين .. هى تعيش يومين واحنا نندفن بالحيااا
لولو : هو ماعندوش شقه
نسمه : دا صايع وأصغر منها بعشر سنين وما صدق لقى بيت يلمه ... عيطت جااامد عرفتى انا رافضه الجواز ليه عارفه ان يوم ما حد ها يدخل بيتنا ها يعايرنى بيه وبأرفه وبا إلا أمى عملته
لولو مسكت إيديها : إهدى يا حبيبتى كل شئ وله حل ثم كمان دا ها يعيبك فى ايه دانتى بطله انك شايله هم اخواتك وكمان امك ... هى حقها تتجوز بس يبقى حد محترم يشيل همها مش يزيده ..  ماتزعليش ربنا عوضه كبيررر واكبر مما نتوقع على فكره
نسمه بتمسح دموعها : شيلتك همى
لولو : ازاى محسوبه صاحبتك وما شيلش همك وتشيلى همى .. تعالى ياله انا جعانه وها اعملك فشار وعلت صوتها يا طفصه
نسمه : هههههه
*************
القائد فى مكتب قاعد قدام لوا شرطه دخل ظابط اسمه عماد  وادى التحيه
عماد : تمام يا فندم
اللوا : اقعد يا عماد .. فى مهمه بسيطه عايزك تخلصها حالا
عماد : اتفضل يا فندم
اللوا : العقيد نجدت ها يفهمك إلا هو عايزه
نجدت مد ايده بالورقه إلا باسل ادهالووو وفهم عماد يعمل ايه بالظبط ويوديه فين ... خد معاك اتنين
عماد : ليه يا فندم انا كفايه
نجدت : ممكن يرفض ويعمل اى شئ ما تتوقعوش ولو رفض هاتوه بالقوه
عماد قااام : تمام يا فندم ..، وخرج وطلع هو واتنين  امناء شرطه طول بعرض ومنهم واحد له شنب كبير جدا وضخم .. وصل عند بيت لولو وعماد والاتنين طلعووو .. رن الجرس ولاما إلا فتحت الباب عشان صبحى وزينب وبنتهم وزياد راحو لأحمد ومنى  ..
لاما بخضه : ايوا
عماد : البشمهندس عمر السيد جابر موجود
لاما : ايوا موجود .. عمر يا عمر
عمر خارج من المطبخ ورابط على وسطه فوطه وكله عجين : يا  حبيبتى خلاص عجنت الزلابيه ووقف تنح .. مين
عماد نطر راسه : انت عمر
عمر بقلق : ايوا انا فى ايه
عماد : اتفضل اقلع الا انت لابسه وتعالى معانااا اللوا نجدت طالبك على وجه السرعه
عمر بص للاما الا بان على وشها التوتر وبص له : اعرف ليه الاول
عماد : ماعنديش اوامر اقولك حاجه هناااا اتفضل
عمر طالع يجرى ويصرخ وهو بيقول لاء ... وعماد دخل هجم هو والاتنين الا معاه واول ما عمر شافهم فضل يصرخ ويمد ايده يمسك فى اى حاجه ولاما تعيط ... الحقينى يا لاما ..، اتصلى بعمى .. وبباسل .. ونائل انا ما عملتش حاجه ... وامين الشرطه الضخم جدا شاله على كتفه وماشى والتانى بيبعد ايده عن اى حاجه يمسكها
لاما  : سيبوه يا مجرمين يا متوحشين عمر طيب ما بيعملش حاجه
عمر بيمسك فى الباب ونصه متشعلق فى الباب ورجله بيشدها امين الشرطه وهو فى الهوا فوووق : كلمى الرياسه .. قولى للريس عمر لاء .. لاء
امين الشرطه شده جااامد : سيب فرهدتنى ... هو حد عملك حاجه
عماد : ياريت بلاش شوشره انا مطلوب منى اجيبك حتى لو بالقوه فى حالة رفضك وبطمنك ان مفيش حاجه تقلق
لاما بعياط : طيب سيبوه وهو ها يجى لوحده وانا معاااه
عماد : ماعنديش اوامر حد يجى معااااه وخدوه ونزلووو ولاما اعصابها سابت خالص  وقاعده مش قادره تفكر ...
عماد وصل للمكان المطلوب ودخلو شقه فى دور أول والعقيد نجدت قاعد مستنيه فيها واول ما دخلو امناء الشرطه رمو عمر فى الارض
نجدت بعصبيه : إيه الا عملتوه دا فى ايه يا عماد
عماد بيكتم الضحكه : هارهم عض وقرص يافندم
وعجين على وشهم 
عمر : تستاهلووو يا متوحشين 
نجدت بيشاور على عمر ..  وشه وهدومه وايده كلها عجين : مين دا
عماد : هو دا المهندس عمر ..
نجدت : اتفضلو انتووو وخرجو وعمر بيقف ... اولا انا اسف انهم اتعاملو معاك بالأسلوب دا
عمر : دا اسلوب غير حضارى وبيحاول يتماسك ممكن أفهم انا هنا ليه
نجدت : طيب ادخل اغسل وشك عشان أفهم انا بكلم مين واقعد وها أفهمك
عمر : لا افهم الاول
نجدت استسلم وقعد وفهم عمر كل حاجه
عمر : يعنى باسل خايف لأكشفه وعايز يحبسنى هنااا ليه دانا اساعده وامسك معاه المجرمين وعلى صوته انا وطنى وبحب بلدى
نجدت : احنا عارفين والله بس خوفا عليك ولحمايتك وحماية باسل ولو حد منهم حس بحاجه او عرف ان اهلك فى المنطقه ها يقتلو باسل ويقتلوك ويقتلووو اهلك
عمر شهق وبرق وتقريبا مش باين غير عيونه : يقتلونا كلنااا لاء .. طيب سيبونى ومش ها اروح هناك ها افضل عند حماتى
نجدت هز راسه : أسف ما اقدرش احنا ها نستضيفك وانهارده ها تكلم مراتك واهلك تطمنهم عليك ونبعت حد يجبلك هدوم من البيت ممكن وعيش حياتك بس تحت عيونا احنا ممكن
عمر سكت وما ردش وزعل قوى من باااسل وحس انهم بيعاملوه على انه صغير ..
نجدت : مالك يا بشمهندس
عمر بأستسلام : مفيش اعملو إلا انتو عايزينه
نجدت : عين العقل واتمنى انك ما تزعلش من باسل هو خايف عليك وبيحمى حياتك وبيحمى عمليه كبيره ممكن تروح فيها ارواح كتير
عمر : ايوا منا عارف ربنا معاكم بس قوله مش انت لوحدك إلا بتخاف على إلا حواليك ولو كانت جت منه كان ها يبقى احسن وألطف بكتير
نجدت : على فكره بعتلك زميله نائل واتصل عليك وانت ما ردتش عليه
عمر هز راسه وفهم بس زعل بردوووو ... موقف مش لطيف هز حاجه كبيره قوووى جووواه افتكر كلام باسل له ايام التدريب .. انت لو اتحطيت فى موقف ها تتعامل معاااه ازاى وانت كدا لازم رجولتك فى التفكير والشكل والقوه العضليه تبان يبقى فى تناغم وتوافق فى كل شئ فى حياتك ما تبقاش راجل بالأسم والافعال ست وبتخاف وتتراجع زيهم ..، الا يشوفك لام يحس ان انت أد المسئوليه ويقدر يعتمد عليك مش يخاف منك ومن أفعالك . .. نجدت مشى بعد ما عمر كلم لاما وطمنها عليه وقال لها ما تزعجش حد وها يكلمها تانى يفهمها ..   فضل لوحده والبيت عليه حراسه من برا ... لأول مره يحس انه وحيد وحزين جدا جدا غير هدومه وخد دش بعد ما امين شرطه جابلو هدوم وفضل يفكر يعمل ايه  عشان يرد لباسل إلا عمله
****
كله راح يريح ويستعد ليوم جديد بشكل مختلف ياترى ايه ممكن يحصل لهم كلهم ... تعالووو ياله بسرعه نشوووف
********
باسل بيستعد للمهمه هو ورفيق وحاااتم وها يجازفو بحياتهم فى مقابل بس يدخلو المكان ويعرفو او يفهمووو فى إيه
******
لولو ونسمه والبنات اخر النهار أستلمو شغلهم كالعاده ولولو بتحاول تكون حريصه على نفسها عشان تعبها وإلا تاعبها أكتر الكفته هههههه عايزا تاكل كفته وفراخ مشويه  ... اما نسمه منطلقه لمجرد انها مع الدكتور محمد بتحس انها انسان تانى ..، كل واحد فى وادى 
لولو ماشيه راحه مكتبها : كريمه .. انتى يا بنتى
كريمه : ايوا فى ايه مش فضيالك
لولو : هو فى حالة طوارئ انا حاسه بدربكه مره واحده
كريمه : لاء بس تقريباااا فى رتبه كبيره قوى فى الجيش مصابه وهما قالبين الدنيااا تحت ربنا يستر
لولو : والله غبى امال ايه مفيش روحى الله يسهلك
كريمه نطرت ايديها ونزلت جررررى ولولو مكمله على مكتبها
عدت  من قدام مكتب محمد وشمت ريحة كفته خرمت نفوخها .. رجعت بضهرها وبتميل راسها تشوف حد جوا مالقتش دخلت وشافت صنيه على المكتب عليها 3 سندوتشات كفته وفنجان قهوه وهى ماسكه رغيف عيش وعلبة جبنه صغيره وطماطم وخيار متقطعين فى طبق عشان ملهاش نفس لأكل المشفى  .. قعدت وفضلت باصه للسندوتشات وبعدين مدت إيديها فتحت الرغيف وفضت كل الكفته فيه إلا فى التلات سندوتشات ...
لولو  بتأنيب ضمير : انتى ها تسيبى العيش كدا .. لا ما يصحش حرام بردو انا احطلو الجبنه والطماطم والخيار ونبقى كدا خالصين وقعدت تعمل سندوتشات جبنه بالخيار والطماطم وحطت الكفته كلها فى جيبها وخرجت ... بعد لحظات محمد قاعد مصدع جدا جدا .. وجعان قوى وبيبص فى السندوتشات وفتحها واحد ورا التانى
محمد : هو جايبلى سندوتشات على الريحه ... جبنه بريحه الكفته .. شال واحد وهو بيتنهد ولسا ها ياكل لولو دخلت عليه حط السندوتش بخضه من منظرها  .. فى حاجه يا لولو .، تعالى كلى
لولو : أعااااا ... انا سرقتك .. انا حرميه يا دكتور انا مجرمه
محمد بعدم فهم وقلق : سرقتينى إزاى
لولو بعياط طلعت الرغيق إلا منفوخ على أخره  ومحمد اول ما شاف الكفته إنفجر فى الضحك ومش فاصل ..
محمد : طيب كنتى قوليلى وخوديهم بألف هنااا ويضحك ويضرب إيد على إيد
لولو : انا بقيت بعمل حاجات غريبه وخصوصا لو فى كفته سامحنى وخد ما كلتش حاجه ضميرى قرصنى لحد ما تعبت وجتلك تانى قالى هاتروحى النار عشان كرشك
محمد : ههههه قرصك والله كتر خيره ضميرك عشان كنت ها اقرص حد مظلوم ... وبطيب نفس ..  خلاص خوديهم بألف هنا ولو عايزا تانى أجيبلك
لولو بتمسح دموعها : يعنى مش زعلان ولا هاتاخد منى موقف
محمد : لاء بس ماتعمليش كدا تانى كنت ها اظلم الراجل وحصل خير
لولو : طيب خد نصهم وبتطلع  صباع واحد من الرغيف و كلته .. وانا نصهم
محمد وشه إحمر من الضحك ولولو ضحكت هى كمان : والله ابدا ماحد واكلهم غيرك .. اقعدى وها ابعت اجيبلك تانى
لولو لفت وماشيه : لا شكرا  وبتعلى صوتها صحيح   أتقى شر من أحسنت إليه
محمد : ههههه دانا وإلا أنتى وحط إيده على صدره .. أقسم بالله جباره .. عمرها ما عملتها يجى عيل صغير لسا بيتكون سبحان الله يخليها أسيرة الشم والأكل طول اليوم ماشيه تشم فى دا ودا لما روشتنا
************
باسل بمجرد ما دخل المكان وحاتم بيأمن ورفيق بيحاول يلهى إلا برا وحصلت حاله من الدربكه كبيره جدا جدا ... وضرب نااار ملى المكان كله ورفيق طلب تدخل قوات الامن السريعه ... والموضوع كبررر بس الغريب هو إختفاء باسل تماما ..
❤💙💙💙💚💚💚💛
بقلم : لبنى طارق
💛❤💙💙💚💛
تصويت يا بنات ورأيكم انا بقيت احب الواتباد أكتر من الفيس عشان إهتمامكم ماتزعلونيش منكم انتو كمان