من أنت .. وميمو .. ولفى بيا يا دنيا

لفى بيا يا دنيا 7

لفى بيا يا دنيا 7
سبحان الله والحمد لله ولا إله إلا الله ولا حول ولا قوة إلا بالله العلى العظيم ..
سبحان الله والحمد لله ولا إله إلا الله ولا حول ولا قوة إلا بالله العلى العظيم ..
سبحان الله والحمد لله ولا إله إلا الله ولا حول ولا قوة إلا بالله العلى العظيم ..
.. اللهم صل وسلم وبارك على سيدنا محمد وعلى آل وصحبه  أجمعين
❤❤❤💙💙💙💚💚💚💚💛💛💛💛
لولو : يا باسل أستنى وكلهم وقفو ...
صبحى  : خير يابنتى
لولو : مش عارفه يا بابا جالو تليفون من مامته ونزل زى المجنون كدا .. انا داخله ألبس واروح لهم
صبحى : أستنينى انا جاى معاكى ادخلى يا زينب طلعلى هدوم ورفع إيده أسترها يارب .. وجهزو الأتنين ونزلو مع بعض .. اول ما وصلو طلعو جرى لما لقو الإسعاف قدام الباب ..
باسل بيتكلم وماسك فى ابوه : براحه عليه .. براحه
لولو : ماله عمووو يا طنط
منى بعياط : مش عارفه كان قاعد كويس والله وعمال يقولى اتصلى هاتى البت لولو وزيزو وحشونى مالحقتش اتصل ما لحقتش
لولو بتمسد عليها : طيب إهدى .. خير إن شاء الله انا نازله راحه معاهم ..
صبحى  : أستنى خودينى معاكى
منى : وانا مش ها أقعد وأسيبه ونزلو كلهم راحووو معاه .. لولو قاعده جمبه فى الإسعاف بتتطمن بنفسها عليه .. وصلو وطلعو بيه على فوق على طول ولولو دخلت مع الدكتور بحكم شغلها فى المستشفى  وكلهم واقفين برا ..
باسل واقف جمب منى وحاضنها بايده وبيمسح دموعها : كفايه يا ماما
منى : كان كويس يا باسل والله مسك صدره وقعد يصرخ مره واحده
صبحى : ربنا يقومه بالسلامه ويطمنك عليه
منى : يارب ياحج صبحى إدعيله ..
لولو خرجت وقربت عليهم
منى : طمنينى  يا لولو
لولو أبتسمت باصطناع : زى الفل بيدلع عشان تشنهفى يا حماتى ويشوف غلوته
منى أبتسمت : بجد يا لولو وإلا بطمنينى
لولو : لا أطمنيى دلوقت الدكتور يطلع يقولك بنفسه .. وباسل خدها على جمب
باسل : فى إيه بابا ماله
لولو : ازمه بس الحمد لله بسيطه ولحقوه ايه رجعه للسجاير تانى
باسل : لولو ماتلعبيش بيا
لولو : والله زى الفل وبفضل الله نص ساعه وإلا ساعه بالكتير ويروح معاكم لو حبيتم كمان إيه رأيك
باسل هز راسه وربع إيده : يارب وبيسند راسه على الحيطه
صبحى : تعالو جمب الحجه بدال وقفتكو كدا عشان ما تقلقش .. ها يابنتى اخباره ايه الحج أحمد
لولو : الحمد لله يابابا كويس
صبحى : الحمد لله
باسل : انا نازل أجيب ميه ريقى ناشف ونزل واقف قدام سوبر ماركت جاب القزازه وبيشرب لف خبط فى واحد بدون قصده واتكب عليه شوية ميه ..
-مش تفتح ياغبى وإلا عميت ما بتشوفش
باسل لف بصله : بتغلط ليه وانت الغلطان
-أنا الغلطان وإلا البعيد ما بيفهمش
باسل مسك القزازه على راسه دلقها كلها والتانى رفع ايده وتنح وهجم على باسل والناس بدات تتلم .. باسل شاله ورماه بعزم ما فيه على الأسفلت برا الراجل حط إيده على ضهره وقال اااااه وبيقول لباسل والله منا سايبك يا كلب ...
باسل بزعيق : غور من هنا بدال ما أفرمك ومش ها أسمى عليك  والراجل هجم عليه تانى ضرب باسل على وشه بالبونيه .. وباسل نزل عليه بالأقلام وادله برجله طيره تانى وهدوم الراجل اتقطعت ورايح يمسكه تانى الناس بتبعد  بينهم بأعجوبه ... ومشو الراجل وباسل لسا فى السوبر ماركت والناس مشيت .. طلع فلوس وبيحاسب
صاحب السوبر ماركت : خليها عليا بقى دانت عملت فينا جميله راجل رزل وتنك
باسل حط له الفلوس : باين عليه اهو دا درس يعلمه يحترم الناس عشان الناس تحترمه
صاحب السوبر ماركت : دا دكتور يا باشا وفاهم إن محدش زيه ...
باسل بيشاور على المشفى : بيشتغل هنا
صاحب السوبر ماركت : اه بعيد عنك أمشى بقى أصل دول واصلين رتب فى الجيش محدش ها يسمى عليك
باسل أبتسم : ماشى ياعم كتر خير بس مش كل إلا فى الجيش وحشين كل مكان فيه الوحش والحلو
صاحب السوبر ماركت : ولا كل الشعب وحش يا باشا .. بس بيعاملونا واحد كل واحد معاه سلطه بيتفرد ويتنى على الغلبانين إلا زينا ويقطم راقبته حتى لو هما الا غلطانين وإحنا بنقول يا حيطه دارينا
باسل : ربنا معاكو ومعانا ..، السلام عليكم
صاحب السوبر ماركت خرج وراه وهو بيقول : وعليكم السلام ورحمة الله وبركاته .،. دا دخل المستشفى ونطر إيده راح فطيص خلاص ها يتلمو عليه دانت واقع فى دكتور رزل .. مش عارف والله إشمعنا دا مافى دكاتره كدا تتحط على الجرح يطيب إلا الدكتور دا يتحط على الجرح يلزق
لولو واقفه والممرضه بتجرى : ساميه فى ايه
ساميه بتهز ايديها : بيقولو عاتف اضررب كل علقة موت راحه اشوفه
لولو : مين إلا ضربه إلهى يسعده ويباركله
ساميه ضحكت : أكيد حد قلبه مات
لولو رفعت إيديها : وضميره صحى استنى انزل معاكى يمكن يكون بيفرفر .. نزلو  شافوه قاعد وشه ملوش ملامح وهدومه كلها تراب ومقطعه    لولو بهمس .. دا داسه قطر يا ساميه لا بصى خدوده بقت اد إيه
ساميه : بت يا لولو ربنا بيخلص ذنبك
لولو : ولسا ممكن يفرقع دلوقت بخدوده إلا بقت شبه كاوتش العربيه استنى دا بيزعق لسا فيه نفس راجل كوبه 
عاطف : لا يمكن أسيب الكلب دا لازم أحبسه واشرده وباسل داخل وسمعه ووقف قدامه ..،
باسل : أنا قدامك أهووو ياله ورينى شاطرتك
لولو شهقت وحطت إيديها على بوئها : باسل
ساميه : مالك يابت يا لولو مين دا
لولو : جوزى وسابتها وجريت
ساميه : حلاوتك وأنتى واقعه واقفه أوعدنا يارب
عاطف بيهجم على باسل وامن المستشفى أتدخل والموضوع كبر .. لولو وقفت قدام عاطف وحطا إيديها على باسل وبتتكلم بحرقه
لولو : انت عايز مننا إيه ما تسيبنا فى حالنا
باسل : انتى تعرفيه
لولو : رئيسى فى الشغل
عاطف على صوته : كدا بانت ... وكلهم  دخلو اوضة المدير ... واتعرفو على باسل 
المدير : يا باسل المفروض نبقى أعقل من كدا مع بعض  لو واحد عادى ها اقول مش قادر يسيطر على أعصابه انما أنت
باسل : يا فندم مع احترامى ليك قليل الأدب مش ها يلاقى غير قليل الأدب إلا زيه دى شخصيه وبيشاور على عاطف ما بتحترمش حد
عاطف بعصبيه بيشاور على لولو : تلاقى الهانم مسلطاه عليا عشان نقلتها من هنا
باسل قام بعصبيه وعاطف بيدارى وشه بايده : انت مالك ومال مراتى وانت مين عشان تنقلها وتشحططتها من هنا لهنا ... ايوا افتكرت انت بردو سبب نقلها قبل كدا للعريش 
لولو بتشده : خلاص يا باسل عشان خاطرى بلاش تكبر الموضوع
باسل بص لها وزعق : ما تقوليش خلاص وبص للمدير ازاى تسيبو واحد زى دا يتحكم فى حياة الناس وليه
المدير : فى شكاوى كتير من دكتور عاطف تجاه مراتك فى الشغل ودا حقه
باسل : حقه على حق وإلا على باطل هااا إلا اعرفه ان مراتى فى شغلها ملهاش فى العك ولا قلة الضمير  أنا عايز اعرف بقى إيه الحكايه
المدير : دكتور عاطف قال انها مهمله وعرضت أكتر من حاله للخطر والموت وتم التحقيق فى دا
لولو : وانا قولت لحضاراتكم فراغو الكاميرات استدعو الحالات واسألوهم بس صدقتو الدكتور وانا خدت جزا .. يا فندم انا مش زعلانه ولا حكيت لجوزى على حاجه والله .. جوزى جاى مع والده عنده ازمه قلبيه وهو محجوز فوق وتقدر تتأكد بنفسك .. بس يعلم ربنا انى اتظلمت من دكتور عاطف كتيرررر وبعض التجاوزات إلا ماقدرتش اقولها فى حقي وخجلت منها
عاطف هاج : دى كدابه .. هى بتحبنى وانا رافضها
باسل بشر : يابن ال ... وضربه فى وشه تانى والمدير بيحاول يبعد باسل ... المدير بصوت عالى ها احول الموضوع لمحاكمه عسكريه ليكو كلكو لو المهزله دى ما وقفتش ... وانتو بتقولو ايه انتو وبيبص للولو وعاطف ..  هى وصلت للأخلاق
لولو بعياط : والله هو انسان كداب .. حاول يتحرش بيا أكتر من مره بالكلام والفعل وانا صديته ومدايق انى اتجوزت وحالف ليأزى جوزى فى شغله دايما يهددنى بيه ...  باسل لسا ها يهجم عليه ووشه بقى جمرة دم المدير منعه
المدير : وساكته ليه دا كله انسان بيهددك وعايز يعتدى عليكى ايه المبرر انك تسكتى
عاطف : ساكته عشان كدابه
لولو : يافندم ماحدش ها يقف جمبى الممرضات خافت وحضرتك شوفت انساحبهم بنفسك بسبب  تهديده لينا طول الوقت ... قولت لكم فرغو الكاميرات عشان تسمعو وتشوفو  بنفسكو وتعرفو اد ايه انا مضغوطه بس محدش سمعنى فضلتو تلمو الموضوع عشان مكانته هنا
باسل بيخبط بايده على المكتب : ومين يتحاسب على الكلام دا ... انا ها ادخل قيادتى فى الموضوع ومش ها اسكت .. مبقاش انا مرمى  على الحدود شايفين الموت كل يوم وكل ساعه عشان البلد وعشانكو ودكتور و...، زى دا بيعمل فى مراتى كدا
المدير : صدقنى إلا غلط ها يتحاسب وحسابه كبير حتى لو الدكتور عاطف هو مش كبير على العقاب
عاطف : يعنى ها تصدقوها
المدير : التحقيق المره دى غير المره إلا فاتت ومحدش فيكو لو غلطان ها يفلت من عقاب بجد وحقيقى
لولو بثقه : انا موافقه وواثقه فى ربنا ثم فيكو وطلعت تليفونها ... بص حضرتك انا عملاله حظر من بعد ما بعتلى الكلام دا .. ودا اثبات ان هو إلا كان بيحبنى مش أنا وباسل بينفخ ومش طايق نفسه
المدير بص لعاطف بخيبة أمل وقال طيب تمام ..، روحو انتو وانا ها اتصرف وها ابلغك وبيبص لباسل  وانتو الاتنين موقفين من العمل لحد ما التحقيق يخلص
لولو : والنقل
المدير : ها يتوقف لحين انتهاء التحقيق
باسل : رقم حضرتك
المدير مد ايده بكارت : إتفضل وخد لولو وطلع ..
لولو بتمسك إيد باسل نطر إيده  : باسل انا
باسل : هشششششش مش عايز أسمع صوتك خالص ولا كلمه معايااا .. اطلعى خدى والدك عشان ما يحسش بحاجه وأمشى
لولو وقفت : انت كمان ها تظلمنى
باسل بحزم : لولو .. ولا كلمه ولا نفس ونفذى أحسلك عشان مش طايقك انا عايش معاكى مش عارف حاجه عنك  وكله عك فى عك  ياله عشان ما اتهورش عليكى والامور توصل بينا لطريق مسدود
لولو بعصبيه : توصل زى ما توصل هو ليه الكل جاى عليااا .. حتى أنت وعيطت انا تعبت حسو بيا .. حسو بيا أنتو ايه
باسل شدها ومشى من المكان وإنفجر فيها فى عربيته : أحس بيكى لما أبقى عارف كل المهازل دى وانا ساكت او مقصر انتى ازاى طلعتى جبروت كدا بتكلمينى وتنامى جمبى على السرير ومش معرفانى إن فى واحد وسخ بيضغط عليكى طول الوقت .. بيشاور على نفسه ..  طب انا تفكيرى يروح لفين لكام مره اتجاوز معاكى وإلا كان بيحاول يعمل ايه .. مش كان ممكن يحطلك منوم ويستغل شغلك والمبيت فيه ويعمل إلا هو عايزه وساعتها مش تقدرى تفتحى بوئك
لولو بنفس العصبيه : حد قالك إنى هبله وإلا ها أسمح له بأى حاجه ماكنش نقلنى وشحططنى .. ماكنتش ها أشتغل شغل مضعاف مرتين وتلاته عن زمايلى
باسل بصرامه : انا مش فايقلك دلوقت عايز أطلع اشوف ابويااا وفرى مبرارتك لوقت تانى
لولو لفت وشها وعيطت أكتر وقالت بصوت عالى : هئ مبرارت وفتحت بابا العربيه وقالت .. انا نازله اطمن على عمو وأمشى وسابته وطلعت على فوق وباسل فضل يخبط فى باب العربيه وبيخرج هوا سخن من صدره ونفخ بصوت عالى جواه بركان لولو فورته فى لمح البصر وصعبان عليه انه واضح وصريح معاها لأبعد الحدود وهى لاء نزل جرى وخد جزا بسبب نزوله عشانها وعشان يوقف نقلها ... حتى وهو فى الاوضه بتلف وتدور فى الكلام وماعرفتوش حاجه ... ميت الف سؤال بدئو قدام عيونه يمشو زى شريط الأخبار ... لحظات وشافها نازله لوحدها واخده فى وشها وماشيه بتشاور لتكسى
❤❤💙💙💚💚
بقلم : لبنى طارق
❤💙💙💚💚
تصويت للحلقه يا حلويات