من أنت .. وميمو .. ولفى بيا يا دنيا

ميموووو 1

بما انكو وحشتونى قوى فا دى حبيت اصبح عليكووو فى بدايه اليوم الجديد واقولكم وحشتونى مع العلم دى حلقه قصيره مكيره اد كدهون  لحين اللقاء الاخر على خير ان شاء الله ها استنى رايكم فى الشتا وجماله وسقاعتوووو مع ميمو  تصويت على الحلقه يا بنات ورايكم
******
اللهم أرزقنا السعاده والفرح وابعد عنا شر كل عين حاقده او حاسده .. اللهم أحفظنا بحفظك وأحفظ أولادنا وأهلنا وأحبابنا
سبحان الله وبحمده وسبحان الله العظيم نبدء بها هذا اليوم ويزقنا الله بها من حيث لا نحتسب
لا حول ولا قوة إلا بالله العلى العظيم
سبحان الله والحمد لله ولا إله إلا الله والله أكبر
💙💙💗💗💚💚💙💙💗💗💚💚💙💙
ميمو مطيوره بنوته زى كل البنات .. شكلها بنت لبسها لبس بنات واه بتحب على نفسها زى البنات عاشقه لفصل الشتا  المطر والحركات خلاص خلصت الكليه وقاعده فى البيت تغنى ظلموه
***************

اه من اياام الشتا وجماله وكلفته ..بعشقك يا سيدى .. وقامت جابت كوبرته صوف واتلفت بيها و فى ايديها كتاب ومج نسكافيه .. وقاعده فى وسط النهار والدنيا بتمطر قدام الشباك .. وقافله القزاز بس ..خلصت النسكافيه وبتكمل قرايه الكتاب إلا فى ايديها .. وقفت بعيونها على سطر شدها .... كلامه سحرها .. وكان كالأتى ..
من تكونى اميرتى .. كل يوم أشعر بطيفك ولا اراكى .. سمعت يوما ان العشق هو الهوى .. والهوى من تعذب دوما فى هواكى .. الم يكفى البعد .. الم يكفى بعد .. اصبحت وحيدا فى دنياااا ما اكثر الناس فيها وتعيسا برغم  ضحكاتى .. هل للؤى يوما تشعرى فيه بأهات قلبى واشتياقى  .. من تكونى يا أميرة القلب والعيونى من  A.m
اتنهدت اه مين انت .. وليه مش كاتب اسمك .. طابع الكتاب الا كله غزل فى حبيبتك المستقبليه إلا هى انا وبتشاور على نفسها طبعا .. وماعرفش اسمك .. دا حتى عيب وربنا ..   قامت من قدام الشباك وحاضنه الكتاب وحطت الكوبايه على المكتب .. وراحت على السرير فضلت تقرى فيه لحد ما نامت فى سابع نومه وراسها على الكتاب .. عدى وقت كبيررر  وواحد قرب منها بشويش ونط جمها على السرير وبيدفس راسها فى الكتاب أكتر .. عدلت نفسها بالعافيه وبصوت عالى  حبيبى يا محمد  .. جيت امتى
محمد : لسا حالا .. خدت افراج  وانتى ياختى على طول لازقه فى اى كتاب
هى : ههههه لا دا مش أى كتاب .. دا كتاب حبيبى المجهول
محمد : حبك برص وعشره خرس .. يا ميمو
ميمو : ايه لازمة العشره الخرس .. جبت مراتك والا بطولك
محمد : بطولى طبعا .. دى على اخرها يابنتى .. انتى عايزاها تفرقع منى فى الطريق زى فردة الكاواتش
ميمو : ههههههه داليا دى بتصعب عليا عشان ربنا وقعها فى اخ عسليه زيك
محمد : هههههه .. طيب قومى يا خفه عشان جاى اخدك تقعدى معاها يومين
ميمو قامت وقفت على السرير وفارده ايديها الاتنين وبعلو صوتها : قولو كدا .. اه يا استغلالين يا ولاد التربن تيت
محمد بينطر ايده فى الهوا : تربن تيت شكلك انزلى
ميمو : مش نازله هه وابعد عن سكتى انت ومراتك إلا بإذن الله ها تفرقع فى وشك تجبلك ارتكاريه
محمد : طيب تعالى وشالها على كتف وخارج
امه وابوهم : 😂😂😂😂 . رايح فين
محمد : واخد ميمو  اقولها كلمه سر لمدة يومين واجبهالكم
ميمو : اربوك يا والدى .. ابوها نطر ايده فى الهوا بعدم اهتمام   ... بصت لامها .. طب اربوكى انتى ...
امها : استنا يا محمد وجريت دخلت جوا جابت شال كبير ونطرته على ميمو .. ياله يابنى فى رعاية الله
ميمو : خيال مأته انا يا ست انتى وجوزك تصدقو انا خساره فيكووو  .. امشى يابنى مفيش أمل .. ومحمد نزل بيها وهى على كتفه ورماها جوا العربيه مسكت راسها  .. اه ما براحه يابنى ادم .. وبعصبيه فين الشبشب ها اروح لداليا بالشراب
محمد بيضحك وبيدور العربيه : انتى ناسيه ليكى شنطه عندنا من خيرات ربنا
ميمو بتديق عنيها : اه ماانا يا دوب واخده السكه قياسه سعتك
محمد رفع حاجب : ان كان عاجبك
ميمو : اعاااااا .. اعاا ... انا عايزا اروح عند أمى
محمد : أمك مش عايزاكى
ميمو : طب ابويا طه
محمد : ولا ابوكى طايقك
ميمو بصت له : ولا انا طايقووو .. يا بشر هو انا الخدامه  بتاعتك انت ومراتك
محمد : كله سلف ودين يا بنتى ها يتردلك لما تتقلبى زومبى زى داليا
ميمو : انتو عالم كدابه .. انا ها اتجوز من هنا ومش هااشوف وشكم تانى .. بعد وقت كبير وصلو البيت .. ومحمد طلعها على كتفه . دخلت سلمت على داليا مراته وقعدت
داليا حاطه ايديها على ضهرها وبتقعد براحه جمب ميمو : اه تعبانه يا ميمو ما نمتش
ميمو بتشاور عى نفسها : انا نمت
داليا : نفسى انام وارتاح .. لا مني نايمه ولا مني والده
محمد : ههههههه ولا مني متجوز
داليا : انت تسكت خالص
محمد : حاضر ولا ها افتح بوئى
ميمو : الله اكبر انت طلعت باشا فى نفسك كدا ليه
محمد : انتى لسا شوفتى حاجه .. اسمعى التقيله .. وبصوت عالى .. داليا فين البجامه
داليا بتنطر ايديها  : متلقحه جوا مكان ما قلعتها ها تروح فين يعنى
ميمو : لا بقى دى خربت معاك يا معلم وكل لحظه بقيت بتتعلم
محمد : الا زى دول وبيعمل بايده على بطنه  على الحمل يعنى .. ماتخديش على كلامهم .. الدكتوره كل ما اقولها على حاجه .. تقولى خدها على أد عقلها لحد ماتولد
ميمو : وبعد ما تولد ها تخلص منها
محمد : ها اخلص عليها ههههههه
داليااا : اه .. اه .. اعاااا .. الحقونى .. الحقونى
ميمو بالهفه ومحمد : ايه ها تولدى
داليا بتاخد نفسها : لا خلاص راحت
ميمو : الحمد لله طلع مقلب
داليا : اه .. اه .. لا لا لا .. كدا كتير .  اعاااااا .. خلاص
محمد : خلاص ايه بقالك شهر بتقولى خلاص
داليا : اهاااا .. راحت راحت
محمد : هههههه انا ها اتجنن يا ميمو واقولها روحى اقعدى عند امك لحد ما تولدى .. تقولى ليه عشان تخونى .. بذمك هى دى ينفع تتخان
ميمو : ولا تتعاشر .. بقولك ايه انت وهى .. انا عايزا اعيش اللحظه وسيبنى انت وهى فى حالى مش عايزا دوشا
داليا ميلت براسها وبقى بوئها عند ودن ميمو وبصوتها كله وهى حاطه ايديها على بطنها : أعاااااااااا .. ااااااااه .. اعاااااااااا ... ااااااااه
ميمو فارده ايديها وبتبص لاخوها بتوهان : ايه فى ايه ..
محمد : ههههه ها تروح دلوقت
ميمو مسكت ودانها : بتقول ايه .. انا اترشيت .. اترشيت يا محمد ..
محمد قرب عليها وداليا مسكت فيه وشدته وقعته : اعااااا . بولد . بولد .. اااااه
محمد : طيب ادينى فرصه اساعدك .. اوعى وبيحاول يسلك ايديها
داليا : اه .. اه .. خلاص خلاص ..
محمد وميمو فى نفس واحد : راحت
داليا  هزت راسها : اه
ميمو قامت : منك لله يا محمد .. مش عارف تجبنى بعد ما تولد
محمد بيعيط عياط مصطنع : انا تعبت يا ميمو تخيلى السرينه دى بتقومى بيها من عز نومك عليها انا بشتغل يا ماما .. بصى وزقها وقعها جمب داليا تانى .. اترمى جمبها وها اروح اريح شويه وسابهم ودخل الاوضه .. ميمو بصت لداليا بخوف
وداليا بتحاول تضحك وانفعالات وشها بتتغير فى ثانيه 
*********
مر اكتر من اسبوع وداليا ولدت وعملو سبوع لبنتها وهما كلهم مبسوطين وفرحانين بالفرد الجديد فى العيله .. وميمو لسا معاهم ..
ميمو داليا انا نازله  قبل ما الجو يقلب
داليا شايله بنتها وطالعه من الاوضه .. يابنتى اصبرى على ما محمد يجى يوصلك
ميمو : لا يا حبيبتى رجلى والموصالات العامه توصلنى
داليا : الدنيا ليلت والشارع مفهوش حد من الهوا
ميمو : دا احلى حاجه .. ياله وبتبعت لها بوسه فى الهوا .. اشوفك بعد شهر .. باى يا مرمر وقربت باست البنت
داليا : لا يا ميمو ارجوكى يومين وتيجى انتى شايفه البيت ومحمد وقلة نوم
ميمو : انا مالى .. هو انتووو تتجوزو وانا اتعب يا بشر ... مش عايزا لا اسمع صوتك ولا صوت محمد لمده شهر .. وخلى البت دى تكبر بسرعه عشان العب معاها .. المره الجايه ارجع الاقيها بتمشى وبتقولى يا عمتو ميمو
داليا : 😂😂😂😂 
ميمو نزلت جرى .. وماشيه فى الشارع مفهوش اى حد ... وبتكلم نفسها .. طيب تاكسى وعوضنا على الله وبتبص وحاطه ايديها فوق عيونها وبتلف يمين وشمال .  مش شايفه حد مفيش بردك  ... فضلت ماشيه ولابسه فستان طويل وحجابها المميز الجميل .. والدنيا مطرت .. رفعت وشها لفوق بفرحه وبتبربش بعيونها كل ما مية المطر تنزل عليها .. وبصت للشارع المسفلت والزرع المحاوطها بطريقه مرتبه وجميه على الجمبين وهو بيتمايل مع الهوا وكانه مبسوط وبيضحك .. وطلعت تجرى وتلف بفرحه زيه وأكتر .. مش واخده بالها من الا ماشى بشويش بعربيته وراها .. ومبتسم ومشغل فيروز حبيتك بالصيف .. حبيتك بالشتاااا ..
ميمو طالعه تجرى ومبوسطه اتقلبت لطفله وهدومها كلها اتغرقت تماما .. الوقت بيمر وهى لسا ماشيه .. ووقفت ووطت حطت ايديها على روكبتها وبتقول اه خفيفه وبتنهج .. العربيه قربت منها .. ونزل القزاز الا ناحيتها وبيصفر صفاره خفيفه .. وبغمزه اركبى
ميمو كشرت وشها .. وخافت وطلعت تجرى .. وهو وراها بالعربيه وبصوت عالى : يابنتى ما تخافيش ها اوصلك عشان المطر اتغرقتى
ميمو ولا كأنها سامعه حاجه وبتكمل طريقها برغم انها تعبت .. بس ها تمشى لحد فين .. طيب تطلع تليفونها تتصل على اخوها .  لاء  لو عرف ها يزعق لها وها يخرج من شغله بدرى بسببها.. بلاااش . 
الشاب ماشى جمبها : ايه ها تفضلى تفكرى كتير .. اركبى والله العظيم ما ها اعمل أى حاجه تدايقك او تضرك ها اوصلك للمكان إلا انتى راحه صعبانه عليا مش أكتر
ميمو : لا شكرا انا ها اركب تاكسى
الشاب : تاكسى فين مفيش صريخ ابن يومين .  ياستى اعتبرينى اوبر 
ميمو : ولا ها اعتبرك كريم حتى .. شوف طريقك يا اخ
الشاب : انتى صعبانه علياا .. والمطر اشتدت جدا جدا لدرجه ان ميمو اتخضت من الرعد والبرق
الشاب : اركبى بقى قبل ما نولع فى ام الليله دى
ميو بصت عليه وعلى الجو .. وقربت بتردد
الشاب : ياستى اركبى وصورينى ونزلينى على الفيس وقوليلهم بيوصلنى .. ولو جرالك حاجه ها يجيبونى من قفايا  .. دا انتى غريبه مش ها اخطفك على فكره
ميمو : ايه يثبت
الشاب : حط ايده على المصحف وحلف والله ما ها اخطفك
ميمو ركبت وهو اتحرك وقفل الشباك
ميمو : لا نزلنى .. نزلنى
الشاب : ليه عملت ايه
ميمو : قفلت الشباك .
الشاب : لازم اقفله انتى ها تتلجى دلوقتى بالميه إل انتى استحمتى بيها دى .. اذا كان انا متلج وجوا العربيه
ميمو برعشه : انا ما ببردش
الشاب بص لها بجمب عينه وابتسم : انتى ها تموتى يا شيخه بردتلك سلف ولف بجسمه جاب جاكت منفوخ كبير وبيديه لميمو
ميمو برعشه فى شفايفها وايديها : ايه .. د.دا يا اخخخخ
الشاب ضحك : دا الدفايه المركزيه الا ها تسرى فى جسمك ها تنفعك فى حالتك دى البسيه ياله شكلك كدا بردتى جامد
ميمو بتلبسه وكانها متجمده : انا تلجت .. شكرا .. وبعد ما لبسته غطست فيه ومش باين غير وشها بس وعماله تنزل بوشها فيه عايز تدفيه ومش باين غير عيونها الا بتلفهم يمين وشمال
الشاب ضحك بصوت عالى .. وهى لفت بعيونها له وابتسمت من منظرها .. شكلك دمك خفيف .. اسمك ايه
ميمو : لا بقولك ايه كله إلا أسمى .. اسم ابويا معلش هو راجل بردو
الشاب وهو لسا الابتسامه على وشه : مفيش مانع .. اسم ابوكى ايه وشغال فين
ميمو : ليه ها تخطبه
الشاب : ههههههه .. لا ها اتعرف عليه .. طيب ما قولتيش ساكنه فين
ميمو : هههههه .. فاكرنى هبله وها اقولك انا ساكنه فين
الشاب بيلوى راسه على جمب : ودى تيجى شكلك ناصحه قوووى .. طيب ها تروحى معايا
ميمو : اه قول كدا كنت عارفه .. نزلنى يا قليل الادب
الشاب تنح : يابنتى ها اوصلك ازاى .  اروح فين
ميمو : اهااااا
الشاب : ايه دا خدتى بالك اخيرا
ميمو : ايوا .. بس بدردو مش  ها اقولك العنوان .. بص انت ها تكمل الشارع دا لاخره .. ويمين فى يمين فى شمال .  فى الوش ..الوش بقى بيتنا .. وابويا قاعد مع أمى اصله طلع على المعاش
الشاب فضل يضحك ما فصلش نهائى .. وسايق وكل شويه يبصلها . دفيتى
ميمو برعشه  : لا .. لا .. الدفايه المركزيه طلعت صينى يا أخ
  الشاب لوى شفايفه : ها يعمل ايه فى الكارثه الا عملتيها فى نفسك .. اسمك ايه بقى
ميمو بتريقه : عواتف .. وانت
الشاب : عاتف .. بقولك ايه اسمك ميمو والا دا اسمك السمكه بتاعتك
ميمو بتلف بعيونها : عرفت منين
الشاب : م السلسه الا كانت منوره قبل ما تلبسى الدافيه المركزيه
ميمو : هههههههه .. دا مش اسمى على فكره
الشاب : بما انه مش أسمك يبقى  انا  أمير محمد
ميمو بابتسامه صفرا : قهلا .. قهلا .. ادخل بقى اليمين الا جاى ..
أمير : حاضر يا ستى .. ودخل يمين وميمو باصه لبرا وبتحاول تنسى التلج الا هى فيه وبتندن كلام من كتاب A.m ...
أغرق شتائك حبيبتى قلبى .. واستسلم لهوائه عقلى .. تتساقط حبات المطر فيتساقط معها عندى .. واتكلم أمير معاها بنفس الهمس .. من تكونى يا أميرتى .. من تكونى وبصو لبعض الإتنين
ميمو ابتسمت : قرتله
أمير : حافظه
ميمو : نفسى أعرف هو مين .. واترعشت جااامد وبتلم رجليها على صدرها .
أمير : ليه عملتى فى نفسك كدا
ميمو بعشق الشتا والمطر .. بس حاليا محتاجه اتدفى حاسه ان الدم اتجمد فى عروقى
امير ضحك : كان بودى أدفيكى بس عارف نيتك سيئه وها تفهمينى صح
ميمو : ائئ .. ائئ .. لا لوووو .. اعاااا
امير : ههههههه بتخرفى والا ايه
ميمو : انت تعرف صاحب الكتاب دا مين
أمير : البعيده ايه فهمها تقيل ..  ها أعرفك بنفسى تانى .. أنا المهندس أمير محمد بشتغل فى شركة بترول
ميمو من غير تفكير : باين عليك البترول .. البريمه لعبت معاك الصح وبتلعب مع الشعب الغلط
أمير : هههههههههههه عسل .. انتى عسل
ميمو لفت له وبرقت وبصوت عالى انت A.m
أمير هز راسه : أيون .. يا أميرتى
ميمو قلبها دق بعنف ومش مصدقه وبتبص له وساكته وهو وقف بالعربيه تحت المطره .. وقرب منها وبهمس ميمو
ميمو : ها
أمير : تقبلى تكونى
ميمو : أقبل أقبل
امير قرب شفايفه من شفايفها وغرق معاها ..
ميمو مبتسمه : خلاص دفيت .. دفيت
محمد اخوها بيضحك بصوت عالى وميمو فتحت عيونها وبتحسس على اخوها .. انت ايه جابك وسطنا دلوقت  
محمد : امال ها اروح فين يا ناصحه ووسط مين يابت  وانتى مش ها تبطلى جنان طول ما انتى نايمه .. وعربية ايه الا ركببتيها يا ميمو .. اغتنيتى يابت وركبتى عربيات مش لما انا أركبها الاول
ميمو : انت لسا ماركبتش عربيه يا محمد لسا معفن زى ما انت
محمد : اه وربنا لسااا . مش اتجوز داليا االاول
ميمو ضربت على صدرها : لهوووى انت كمان ما اتجوزتش المضروبه داليا وجبت كائنه لا تنام ولا تتفاهم واسمها مرمر
محمد هز راسه بنفى : ولا جبت لمونه حتى
ميمو :  انا ماقعدش قدام الشباك وملفوفه بكوبرته صوف ومعايا الكتاب والنسكافيه
محمد مد ايده : كتاب ايه يا بايره .. دانتى بتمشى حافيه لحد دلوقتى لما رجلك بقت مقاس رجلى .. وشباك اوضتك الفار واكل نصه ولسا ما اتصلحش
ميمو  : خلاص كفايه ارجوك .. انا فوقت الحمد لله ورجعت لأصلى
محمد : يابنت الناس احلمى على قدك
ميمو : يابنى كل ما تعلى سقف حلمك كل ما توصل أسرع وبتفرد ايديها وترجعها تانى  .. احلموووو .. احلمووووو
محمد : اتنيلووو .. اتنيلوووو اختى مجنونه
بااااااااى
💙💙💗💗💚💚
بقلم : لبنى طارق
💙💗💗💚💚
دا بقى لمحبى الشتا وايامه 💃😍😍😍