من أنت .. وميمو .. ولفى بيا يا دنيا

لفى بيت يا دنيا ❤6

لفى بيا يا دنيا 6
سبحان الله والحمد لله ولا إله إلا الله والله أكبر ولا حول ولا قوة إلا بالله العلى العظيم ... اللهم صل وسلم وبارك على سيدنا محمد وعلى آل وصحبه أجمعين
❤❤❤💙💙💙💚💚💚💚💛💛💛
لولو : باسل مش وقته تعالى خد شاور وغير ونتغدى مع بعض غدوه تليق بيك
صبحى : ايوا يابنى ما تفضلش متكتف بهدومك لولو تطلعلك غيار من إلا هنا وغير وبعدين إتكلمو براحتكو
باسل بصالها بعتاب
لولو : معلش عشان خاطرى وكل حاجه انت عايز تعرفها نتكلم فيها ها نتكلم حطت راسها فى ضهره وبتزقه : ياله .. ياله .، ياله .. وفعلا باسل دخل خد شاور وغير وقاعد مع صبحى وبيلعب مع إبنه ومستنين الغدا
لولو طالعه من المطبخ وبتقول : يااااه أخيرا الأكل بيستوى أروح أسقى الزرع بقى ودخلت البلكونه وباسل أنتهز الفرصه ودخل وراها
باسل : ممكن أفهم انتى بقالك ساعتين بتتهربى منى ليه
لولو بتسقى الزرع واتعدلت بعد ما خلصت : يا حبيبى ها اتهرب من إيه انا مبسوطه وطايره من الفرح انك رجعت وبنعملك الأكل إلا بتحبه يا بسبوسه .. أمسك الشفشق دا اصل حاجه عورتنى فى رجلى ووطت تشوف ايه فى رجلها ... وقفت عربيه تحت البيت نزل منها واحد شكله غريب ولف للباب التانى ونزلت منه واحده بشعرها ولابسه لبس ديق جدا شايف شعرها بس وحطت ايديها على راسها وبتقول اااه ... قرب عليها الشاب وبيبوس خدودها باسل بهمس ... حبكت تتسافل فى الشارع راجل ملزق طب هه وكب عليهم الميه ورجع براسه لورا ولولو اتعدلت حط ايده على كتفها وعلى صوته ... يووواه يا لولو يابنتى ميت مره قولتلك ماترميش الميه فى الشارع .. تعالى اتفضلى ادخلى
لولو : انا رميت وباسل حط إيده على بوئها تعالى بس ها أقولك جوا مين رمى ودخل جوا والابتسامه على وشه مكملش خمس دقايق وجرس الباب رن وباسل قام ..
باسل : طيب انا داخل جوا اريح شويه
لولو بصوت عالى من المطبخ : افتح الباب يا باسل
باسل ضحك لعمه ضحكه صفرا : طيب أفتح بقى مفيش مفر ياعمى
صبحى بيضرب إيد على آيد : هى البت جننته بجد .. وفتح الباب وصبحى بيبص عليه اول ما شاف إلا على الباب اتنفض من مكانه وبينادى بعلو صوته يا زينب لاما رجعت يا لولو وطالعين يجرو ورا بعض بفرحه
صبحى شدها حضنها : يا حبيبة أبوكى يابنتى وبنوته صغيره معاهم واقفه جمب لاما زياد راح مسك ايديها وشدها لجوا من غير ما حد يحس بيهم الاتنين والكل اتلهى فى السلامات مع لاماااا جوزها طالع بالشنط وباسل اول ما شافه قفل الباب 😂😂
لاما : لا يا باسل عمر على الباب
باسل : الملزق
لاما : نعم
باسل : اسف قصدى جوزك يعنى وفتح وعمر دخل على طول رمى الشنط ومسك زينب حضنها وبيبوسها
عمر : وحشتينى يا طنط وحشتينى وحشتينى .. وفرد إيده عمى ياااه ياعمى والله وحشتنى وحضنه وبيبوسه ... واول ما شاف لولو بصوت عالى .. لولو .. لولا كبرتى يابت وإحلويتى ورايح يحضنها باسل مسكه من إيده
باسل : رايح فين يا أمووور
صبحى بيتنحنح : إحم احم .. دا باسل جوز لولو يا عمر
عمر بضحكه وضربه على صدره : انت جوزها إلا وقعت فى البت الشقيه دى وبيلف إيده يا بختك
باسل متنح : ماتتلم
صبحى : احم احم .. باسل ظابط جيش يا عمر وبيتكى على الكلمه
عمر : منا عارف ياعمى بس شكله قفوش مش فرفوش... وبص للولو .. يابنت اللذينه وحشتينى تعالى فى حضنى
باسل بصوت عالى : وبعدين بقى فى امك
صبحى : احم احم
باسل : ايه ياعمى ها تفضل تقول احم لبكرا الصبح والبعيد ما بيحسش
لاما صرخت : بنتى جومانا راحت فين بنتى
عمر صرخ بصوت عالى : منونه نسيتها تحت ونزل جرى ولاما وراه وصبحى وزينب ولولو ..،
باسل : حتى صرخته ملزقه ... وبعدين ديق عيونه .. هو الواد زياد أختفى راح فين ... دخل الاوضه لقى زياد موقف جومانا على الحيطه وبيضربها على وشها ويبوسها بالعافيه .. ولا ... يخربيت الطفوله المشرده إلا انت فيها هريت وشها ضرب وبص لجومانا إلا بتعيط .. معلش يا حبيبتى ماهى من عمايل أبوكى السودا فاتح مبواسه لازم يتردله فى المهلبيه بتاعته ... تعالى اعمل ايه فى خدك إلا بقى مربعات دا وزعق لزياد ..، ليه كدا بتضربها ليه
زياد كشر : سيب .. أبوووس يا باسن
باسل : مستعجل على ايه المتحرشين مالين الأقسام ومشى بجومانا ... تعالى شاف صوباع روج على تسريحه لولو وراح عليها جرى وحطلها روج على خدودها جااامد وطلع فى البلكونه وبينادى .. اطلعو البنت هناااا .،، وطلعو ورا بعض
لامااا : منونه حبيبة مامى وحضنتها وقعتى قلبى ومره واحده ضحكت .. ايه دا عملتى ايه فى وشك
باسل : اطفال عفاريت والله لسا ما طلعتش من البيضه وحطالى روج
زياد بيشاور على باسل : باسن حط روج ..
باسل حط ايده على بوئه : إفصل بقى
لولو : يااااه خضتينا يا عفريته وحضنتها ...
زينب : يادى الجمال يادى الحلاوه يا حبيبة تيتا هاتيها يا لاما .. هاتى بقلم : لبنى طارق
صبحى : أنا الأول يا زينب تعالى فى حضن جدو
عمر : هى رقيقه قوى زى مامتها تلاقيها خايفه صح يا منونه
جومانا : بابى .. بابى اهئ اهئ .. بابى
باسل قرب من لولو : البت كلت علقه
لولو بهمس : من مين
باسل ابتسم : ابنك حابسها جوا الاوضه ونازل ضرب وبوس لما ورم وشها الواد منحرف .. علمتى إبنك الإنحراف
لولو بصعبانيه : انا .. والله مظلومه يا بسبوستى انا بقوله بوس الكبااااار بس
باسل برد فعل سريع : الله .. يعنى دايس فى كله منك لله يابنت زينبووو
لولو برقت لزياد : اه يا مجرم كدا عيب يا ولد بوس بنت خالتك من غير ضرب .. وزياد مشى من قدامهم .. اختفى لحظه
باسل : ونعمه الأم المربيه وبتريقه بوس من غير ضرب طب ازاى يشكمها عشان تقفلو
لولو ضحكت وحطت راسها على دراع باسل : دول أطفال انت ها تتحكم فيه من دلوقت نقوله لاء ماتبوسش
باسل : ودا يجى اذا كان الهايف الكبير نازل بوس ولا إلا قاعد فى الساحه العامه للبوس راجل ملزق
لولو : يابنى اهدى الراجل لسا جاى انت مش بالعو ليه هو متحرر شويه
باسل بعصبيه مكتومه : على نفسه مش علينا .. المتحرر دا ما يفرضش تحرره علينا .. هو عايز يعمل الغلط يشيل وزر نفسه انما ما يجيش يتلزق فى ستاتنا وعلى الله يا لولو ألإيكى جايه تقعدى جمبه وإلا بيحط ايده عليكى ها أكسرهلو نصين وانتى معاه
وبدون سابق إنذار زياد جاب كوبايه وحدفها بعزم ما فيه فى عمر وهو بيبوس جومانا جت فى راسه ساب جومانا وبيقول الله باسل جرى شاله للولو لتضربه وبيزعق فيه ... ولد ايه إلا عملته دا وبهمس جدع وربنا لجيبلك شيكولاته
لولو : انا اسفه يا عمر والله بابه خده يعاقبه راسك فيها حاجه
عمر : لا لا كويسه خلاص ما تخليهوش يعمل فيه حاجه لسا طفل
باسل بصوت عالى : عارف لو ماكنش عمو أصر إنى اسيبك كنت ضربتك اوعى تكرارها تانى ياله خش جوا
زياد نزل وراح لجومانا ومسك إيدها وبينطر راسه لعمر ومكشر ولاما بتضحك من قلبها
لاما : ابنك فظيع يا لولو بيعمل دا كله عشان جومانا
لولو : هههههه اطفال يا لاما بقى وشدتها تعالى الاكل ها يتحرق وحشتينى
زينب : عامل ايه ياعمر ايه الغيبه الطويله دى يابنى
عمر : اه يا طنط والله والله كان نفسى انزل بس صاحب الشغل شرير شويه
باسل تنح : ماله يا اخويا
عمر : شرير قوى يا باسل مش عارف انا عامل فيه ايه عشان يمسك فيا كدا
باسل : عامله دربكه فى دماغه مش عارف يحدد النوع
صبحى : إحم إحم ..
عمر : مش فاهم وضحك وبيضرب بايده اه انت قصدك يعنى انى انا عنيف وإلا حنين
باسل بيميل راسه على جمب : ااااه انت لقطتها ازاى
صبحى : إحم إحم
باسل : خلاص ياعمى انا ها اسكت خالص وبيبص لصبحى وبيلف إيده إيه إلا انت عملته فى بنتك دا
صبحى برق وبصوت عالى : إحم إحم
باسل حط ايده على بوئه : أهووو سكت
عمر : ايوا ياعمى باسل عنده حق
باسل ضحك : شوفت عارف نفسه
عمر : لا قصدى عليك انت .. لولو بنت فراشه عايزا إلا يطير معاها
صبحى بص لعمر : إحم إحم
باسل : ومين قالك انى ما بيطرش .. انا ممكن اطير دلوقت وأجيلك
عمر ضحك وبيلف إيده : شكلك كدا مزمجر منى قول الحقيقه
صبحى : يااااه العصر اذن
باسل : حمد الله على السلامه يا جى من السفر وبيبص لصبحى .. وبيشاور لعمر قوم صلى ونشوف الموضوع الخطير إلا انت فتحته دا بعدين
عمر هز راسه : انا مابصليش للاسف بس ممكن اقوم معاكو
باسل : بتجاملنا يعنى
صبحى : ليه كدا يابنى حرام عليك
عمر : مشغول والله ياعمو فا مقصر
باسل بهدوء : مفيش اى عذر لصلاتك مش ها نروح لربنا نقوله كنا مشغولين عنك وعن اداء فريضتك قوم نلحق صلاة الجماعه فى الجامع وربنا يثبتك ويعينك على ادائها
عمر قام باحراج اتوضى ونزلو التلاته مع بعض ...
لولو : ليه يا لاما كدا دا إلا أتفقت معاكى عليه
لاما : أعمل إيه يعنى يابنتى عمر بيحبنى كدا وعايزنى كدا بيقولى دايما البرستيج والشياكه ولازم اتفاخر بيكى
زينب : ايه الفخر فى إنه يتباهى بمفاتنك وجسمك يابنتى قدام راجل غيره طب يوفرها لنفسه فى البيت
لاما بزعل : يا ماما منا ماينفعش أقوله لاء
زينب : فى معصية ربنا تقولى الف لاء إنجى بنفسك من عذاب ربنا وإتمنى رضاه عشان تلاقى الكل راضى عنك
لولو : خلاص يا ماما احنا بنكلمها عشان خاطر نفسها ... ماتعيطيش أنتى كمان انتى عارفه اننا خايفين عليكى لو مش خايفين كنا كبرنا دماغنا وسبناكى تعملى إلا انتى عايزاه جوزك طيب جدا جدا بس فى شوية حاجات كدا لازم انتى إلا تقولى لاء فيها ساعديه وساعدى نفسك
لاما : ان شاء الله كفايه لوم وعتاب بقى ... انا جعانه وريحة الأكل ها تجننى بقالى كام سنه محرومه منه ... إبنك خد جومانا وراح فين
لولو بتذكر : اكيد بيلعبو ها اروح اشوفه وانتو طلعو الأكل .. راحت دورت عليه فى الشقه كلها ودخلت أوضتها لقيته ماسك جومانا بيبوسها ويتعدل ويشاور على خده جومانا تهز راسها ب لاء يقوم مديها بالقلم فاتبوسه ..، لولو حطت إيديها على عيونها وفتحت صابعين وبصاله بنص عين اول ما ضربها بالقلم ... قربت عليه وشدته وضربته على ايده كذا ضربه وزياد بيزعق لها
زياد : بس يا لولو .. سيب .. سيب بتاعتى
لولو : لحقت بقت بتاعتك انت طالع مفترى لمين سيب دى أختك
زياد بزعيق وحمقه : لاء بتاعتى وحضن راس البت وماسك فيها بغل
جومانا بتصرخ وتعيط وبتقول : بيب .. بيب
لاما جت جرى : إيه فى إيه
لولو : بنتك بتذمر بتقول بيب .. بيب
لاما : ههههه وبتسلك بنتها : بتقوله سيب .. هو وشها ماله البنت ما ساعة ما جينا وخدودها حمرا حتى بعد ما مسحت لها الروج وهى على رجل أبوها
لولو : إبنى بيحب الخدود اكيد قرصها
لاما كشرت : انت وحش دى اختك
زياد ووشه إحمر وهو بيحزق ويقول : بتاعتى ... سيبى
جومانا بتخبى وشها فى صدر لاما وماسكها جااامد
لاما : طيب تعالى ومسكت زياد شالته وبتقوله بوس أختك صالحها
لولو : هااا هاااا هاااا ... دانتى جيتيلو على الجرح وزياد مسك جومانا باسها وبيملس على شعرها والرجاله طلعت من تحت وقعدو كلهم يتغدو مع بعض
لاما : والله مبسوطه انى شوفتك على الطبيعه لولو دايما تقولى عليك كلام جميل طول الوقت بتشكر فيك
باسل أبتسم : انا زيك مبسوط أكتر منك كلمتك مرتين بس بس حسيتك نسخه تانيه من لولو والحمد لله إنى نزلت على اشوفكم وبص لعمر
عمر هز راسه : والله قاعده لطيفه وأكله ظريفه
باسل كامش وشه على بعض وبيهز راسه وبهمس : ابو ظرافة إلا رامك علينا
زينب شالت صباع محشى وبتأكل باسل فى بوئه : كل يا حبيبى بألف هناااا ...
باسل مسد على إيديها : الله يهنيكى يا طنط
عمر : وانا يا طنط إشمعنا باسل منا جوز بنتك
زينب : خد يا حبيبى وبتأكله
باسل قرب على صبحى وصبحى قرب عليه وبهمس : إيه إلا عملته فى بنتك دا الله يسامحك ياعمى
صبحى متنح وبنفس الهمس : والله ماكان كدا يابنى هو إتحول وإلا إيه ...
بعد ما خلصو أكل باسل ما إداش فرصه للولو وخدها فى الأوضه وقفل الباب ...
باسل : عارفه انا بقالى يوم مرمى على الطريق ومانمتش عشان أجيلك وأفهم إيه حصل معاكى وأفهم موضوع نقلك وانتى بتتهربى منى فهمينى ما تفضليش مأضيها معايا عشان انتى عارفه انى مش ها أستحمل كدا كتير
لولو بقلق : ها أقولك كل حاجه بس إسمعنى بهدوء وإفهمنى
باسل خبط على إيده : انا جاى أسمعك وأطمن عليكى يا بنتى
وبعد وقت قصير باسل طلع من الأوضه جرى ولولو بتجرى وراه وعماله تقوله أستنى
❤❤💙💙💚💚
بقلم : لبنى طارق
❤💙💚💚💚
تصويت للحلقه