من أنت .. وميمو .. ولفى بيا يا دنيا

لفى بيا يا دنيا 13

لفى بيا يا دنيا 13
**************
بسم الله الذى لا يضر مع إسمه شئ فى الأرض ولا فى السماء وهو السميع العليم
سبحان الله عدد خلقه ورضا نفسه وزنة عرشه ومداد كلماته
رضيت بالله رباً وبالأسلام  ديناً وبمحمد صلى الله عليه وسلم نبياً ورسولاً
💗💗💙💙💙💚💚💚💚
لولو واقفه صعبان عليها نفسها وفى نفس الوقت نفسها تترمى فى حضن جوزها وتقوله على خبر حملها إلا كان منتظره حاسه إنها فى موقف صعب ياترى ها يتنازل عن كبريائه ويسمعها ويفهم الموقف والا ها يرفض .. وباسل قام وقف وحاسس بمشاعر غريبه بتغلبه .. هى لولو أشدها وأخدها فى حضنى مشتاق لكلامها .. هزارها معاه ومش قادر يقرب ولا عارف لو نطقت وطلعت هى بجد مش مجرد تهيئات ها يعمل إيه  ..
لولو بصوت محشرج ودموع بتمنعها بالعافيه من النزول : باسل وحشتنى
باسل غمض عيونه ولولو قربت لفت إيديها حوالين راقبته ولسا ها تضمه مسك إيديها جااامد واتحول وهو بيجز على سنانه
باسل : إيه جابك هنااا .. مش حذرتك وقولتك مش عايز أشوف وشك وميل راسه والا انتى مأضيها من دا لدا ومصلحه على كل لون
لولو عيطت : أنت بتقول إيه .. الكلام دا من قلبك يعنى انت شايفنى بالسوء دا
باسل زقها : بلا شايفك بلا زفت .. غورى من هنااا عشان ما أشربش من دمك سبحان من خلانى أمسك أعصابى وما ارتكبش جنايه ولعلمك انا ها اخليكى زى البيت الوقف لا تنفعينى ولا تنفعى غيرى وها أتجوز وأعيش حياتى هنااا وبيشاور على الشقه ومش ها يبقى ليكى لا مكان ولا لازمه
لولو بعصبيه اول مره باسل يشوفها : أتجوز واشبع بالشقه وبحياتك .. فاكرنى ها أزعل وأقعد اعيط على بعدك عنى
باسل هجم عليها ومسكها بعنف : أه منا مليش لازمه .. فى محمد يسد وشدها أكتر .. صح وبزعيق أنطقى مش دا الا فى دماغك
لولو بعنف أكبر زقته : ملكش دعوه بعتنى فى لمح البصر وبتتهمنى بأبشع تهمه وعايزنى أريحك مش ها اريحك ها أسيبك كدا تعمل الا انت عايزه ها تلف على رجلك وتجيب بدال الوحده عشره وقربت بس يكون فى معلومك مفيش غير لولو واحده ساكنه هناااا ومش ها تعرف تهرب من قلبك ومن ظلمك ليا  ويوم ما تفكر ترجع ها اقولك لاء .. زى ما سديت بابك فى وشى انا كمان ها أسده فى وشك وطلعت حاجته من شنطتها ورامتها على الكنبه ... أتفضل أخر ما عندك ليااا وشالت الشنطه الا جايه بيها ونزلت وباسل واقف مكانه نفسه  يروح يجبها من شعرها ويحبسها فى البيت ونفسه ياخدها فى حضنه ويقولها أسف ها أسمعك يمكن غلطان .. قعد وحاسس بخنقه رهيبه وبيبص حواليه هو بيته فعلا اتخرب دا لسا بيقلولو يا عريس .. كان فيها إيه لو سمعها يمكن أرتاح
لولو نزلت وإنهارت وهى ماشيه ومستغربه نفسها ازاى قالت له كدا وقدرت تطلع الكلام دا لباسل .. ركبت تاكسى وطلبت منه ينزلها فى جنينه قريبه على النيل .. نزلت ودخلت قعدت فى مكان قريب جدا من الميه باصلها وساكته قربت منها عربية الفشار الا فى الجنيه .. الراجل شافها قاعده مسهمه ودموعها نازله .. عمل قرطاس كبير وراح لها مد إيده وبابتسامه راجل عجوز : ماتاخدى منى يا بنتى يمكن ربنا يفرجها عليااا ويرزقنى أصل انهارده الحمد لله ما بعتش بجنيه
لولو بصتله وابتسمت ومدت إيديها خدت القرطاس وبتطلع فلوس
الراجل : لاء .. منى ليكى والله ما ها أخد حاجه بعد الأبتسامه الجميله  دى .. أرمى همومك على الا خلقك إنتى لسا فى عز شبابك وياما ها تشوفى حلو ووحش .. وانا أهو وبيحط إيده على صدره عمك أيوب بدعيلك إن أيامك الجايه كلها تبقى حلوه وأصفى وابيض من قلبك والوحش يبقى أقل ما فيها ..
لولو ابتسمت واختفت دموعها : اللهم أمين تسلم إيدك يا عمو وربنا يرزقك
أيوب رفع إيده لفوق : طول ما بنسعى وبنتوكل عليه ها يرزقنااا .. شايفه شيبتى دى ومسك شعره  عمرها ما أشتكت من السعى بس بتشتكى من قلته اصل يوم ما ها اقعد ها احسسها أد إيه أنا راجل عجوز مستنى الا يعولنى وفرد إيده واستنى من الناس ليه لما اسعى وأستنى من رب كل الناس ..
لولو ابتسمت اكتر وحست إن همومها اختفت : يعنى عمرك ما إدايقت من شغلك أو قولت ربنا مديقها عليا وتعبت
ايوب : عمرى أبدا أبدا .. اللقمه الا بتتاكل بنفس لو كانت فول وطعميه أطعم من اللقمه إلا بتتاكل من غير نفس حتى لو كانت خروف .. فقرنا مش عيب عشان الغنى هو الله مهما أغتنينا ها نفضل فقره عنده ومحتاجين له قومى كدا وفوكيها أتمشى وانسى همومك تبات نار تصبح رماد يابنتى ..
لولو عيطت : يارب يا عمو يارب .. إدعيلى أصلى مظلومه
ايوب : الله يفك كربك وينصرك وما يوطى راسك أبدا ..
لولو : يارب
أيوب ضحك : مش ها تقوليلى رأيك فى الفشار مش ها تاكلى احسن منه فى حته
أطفال ومعاهم ناس بينادو : عمو يا عمووو .  عايزين فشاور
ايوب ضحك : شايفه يا وش الخير اسعى يا عبد واوعى تقلق ابدا ربك كريم
لولو ابتسمت تانى .. وبتاكل الفشار وبتبص على عم أيوب راجل كبير واقف على رجله بيضحك ويهزر بين الأطفال والكبار وبيناول دا ودا ودا .. حاجه بيحبوها وما بيصدقو يأخدوها وبدال ما هى الا تهون عليه وقفته هو الا بيهون عليها ديقتها بأبسط الأشياء ..  فضلت وقت كبير .. وفى الأخر روحت عند ابوها وأمها
صبحى : لولو .. تعالى يا حبيبى مالك معيطه والا إيه
زينب سابت الا فى إيديها وخرجت جرى اول ما سمعت جوزها وبالهفه : مالها لولو مين عيطها
لولو بتعب وإرهاق : مفيش يا بابا .. مفيش يا ماما .. انا تعبانه شويه وباسل مسافر وقولت اجى اقعد معاكو
زينب قعدت جمبها وبتمسد على ضهرها : تعبانه فيكى إيه .. ألبس يا صبحى نكشف عليها وشها خاسس النص وعدمانه
لولو ابتسمت عشان تهون عليهم : انا حامل يا ماما
الاتنين بفرحه
صبحى : ألف بركه ربنا يتملك على خير يا بنتى
زينب : الله اكبر .. الله اكبر .. والحامل تمئت روحها كدا .. دانا ها اغذيكى يا حبيبتى واخلى الدمويه ترد فى وشك عشان الا فى بطنك يشبع ويطلع واد مقلبظ كدا يملى العين
لولو ضحكت  : مش كفايه قلبظتينى يا زينب
زينب ضحكت : نقلبظ ورانا إيه يعنى ..
صبحى : جوزك عرف .. فرحتيه والا أفرحه انا
لولو : معلش يا بابا انا عملاها مفاجاه لما يرجع بالسلامه .. انا ها اقوم أصلى تعبانه وعايزا أنام ..
زينب : طيب قومى روشى جسمك بشوية ميه ونامى وها اخلص الأكل واصحيكى
لولو هزت راسها وقامت دخلت خدت شاور ولبست جلبيه واسعه وراحت على سريها ونااامت فى سابع نومه
**********
باسل رايح جاى فى الشقه ما قعدش لحظه واحده كلامها ما ريحوش دايقه أكتر وخلاه على نار   نزل وكلم حاتم وقابله برا وقاعد معاااه حكاله على كل حاجه حصلت
حاتم نطر إيده : ما سمعتهاش ليه يابنى
باسل بيهز راسه : ماقدرتش يا حاتم ما قدرتش أنا مش عارف مالى لأول مره أحس إنى عاجز ومش عارف اتصرف لاول مره افهم يعنى إيه باب النجار مخلع .. انا بقيت  لحد نفسى مش عارف أعمل إيه ومحتاج الا يدلنى
حاتم : روح أسمعها وروح لمحمد وأسمعه ولو قال كلام غير الا قالته يبقى الموضوع مش تمام
باسل هز راسه : لاء دى ما صدقت قولت الكلام وكانها بتخلع منى كنت فاكر انها ها تمسك فيا ومش ها تسيبنى غير وانا فاهم كل حاجه عشان باقيه عليا
حاتم : باقيه عليك وانت بتقول لها ها اتجوز عليكى .. انتو الاتنين بتستكبرو وبتستغبو فى حق بعض
باسل حاسس إن دماغه ها تتفرتك من الصداع : خلاص مش قادر أفكر .. انا ها أرجع شغلى اهدى وافكر ها اعمل إيه وبعدين اخد قرار نهائى دلوقتى ممكن اتغابى عليه وعليها
حاتم : شغلك ايه وانت بالحال دا
باسل : مفيش حل تانى لازم أبعد من هنااا ..
حاتم : سافر هدى اعصابك يومين فى أى حته شغل مش ها ينفع انت لسا تعبان
باسل قام وقف وحاتم هو كمان والأتنين بيطلعو فلوس وباسل زق أيد حاتم وحاسب هووو .. ومشيو ورد قاله ها أشوف ها أعمل ايه وأقولك  .. 
حاتم اول ما روح هدير قربت عليه : عملت إيه باسل كويس لولو رجعت اصل بتصل عليها ما بتردش
حاتم هز راسه : اه رجعت وباسل كويس الحمد لله بس الامور متوتره بينهم شويه .. وجت فى دماغه فكره تعالى عايزك فى حاجه
هدير قعدت براحه : خير
حاتم فضل يتكلم معاها وفهمها هو عايز منها إيه وماعرفهاش أى حاجه من الا باسل قالها ... بس قرر يتصرف هو ..
اما باسل فعلا تعب من كتر التفكير والضغط وقرر يسافر يقعد فى اى مكان يريح أعصابه فيه عشان ما ياخدش قرار يندم عليه وقت غضبه وجهز نفسه وسافر فعلا ما صبرش ليوم جديد ..
هدير سمعت كلام جوزها إحساسها بيقول إن فى حاجه كبيره حصلت .. وراحت تانى يوم زياره للولو .. ورحبو بيها جدا .. لولو خدتها ودخلت اوضتها وقعدو فى البلكونه .. فضلت تتكلم معاها وهدير بتسحب منها الكلام لحد ما اتكلمت ..
هدير : إيه سبب المشكله من الاول وليه باسل فهم غلط
لولو رفعت كتفها : انا ماعرفش إنى حامل
هدير بفرحه : انتى حامل
لولو عيونها دمعت وبصوت واطى : ايوا .. فى اليوم الا حصل فيه المشكله دا كنت اول يوم اعمل فيه تمارين واجرى فا تعبت لانى كنت اجازه قبلها .. لما بدأت بقى ادخل العمليات واشم ريحه المعدات الطبيه والتعقيم والبنج كان نفسى بيديق وحاسه ان ها يغمى عليااا والتعب زاد .. فضلت اقاوم .. لحد اخر اليوم ودخلت عمليات تانى فى اخر العمليه بعد ما خلصنا حسيت يا هدير إنى مش شايفه حاجه وبتخنق جامد ووقعت مش فاكره إيه حصل بعدها غير وباسل بيهجم عليا انا والدكتور محمد فى الاوضه ..
هدير اتنهدت وحطت إيديها على رجليها : معلش يا لولو هى ساعة شيطان زى ما بيقولو وأى حد مكانه يشوف مراته فى وضع مشكوك فيه مع راجل تانى عقله بيضيع
لولو اتعدلت ومسحت دموعها : اصلا الموضوع  انتهى بالنسبه ليا .. أى مشكله ها يعمل فيا كدا ويتهمتى بالشكل دا
هدير : بطلى هبل ياما بيحصل وبيقولو اكتر من كدا هو بيحبك وبيغير عليكى يعنى عايزاه بارد وملوش لازمه مجرد خيال فى حياتك وبتهز ايديها ماعندوش رجوله ولا كرامه
لولو : فين الكرامه والرجوله فى إنه يصدر حكم قبل ما يفهم ضربنى وكان ها يموت الطفل الا لسااا يادوب بينبض وبس وأتهمنى فى شرفى
هدير ابتسمت : والله انتى نفسك ترجعيلو إنهارده قبل بكرا وعايزاه يعرف ويفهم الحقيقه ويجى يقولك السماح السماح
لولو رفعت راسها : دا متكبر ومغرور واصلا براحته يعمل الا يعمله مش فارقه
هدير ضحكت : طب عينى فى عينك كدا وربنا لو فكر يتجوز بجد دانتى تاكليه صاحى .. انا عن نفسى ممكن ابلغ عن حاتم هههه
لولو : ههههه اصيله يا أم قلب حنين
هدير : جوزى .. جوزى وأعمل اى حاجه عشان احافظ عليه ليا .. غيرى السيره بقى ربنا يبعد عننا التفكير السئ دا ويبعده عن دماغهم
لولو : ههههه والله انتى عسل
هدير :  بلا فخر جدا .. المهم ها أقوم أنااا
لولو : هدير انا مش عايزا باسل يعرف حاجه ممكن
هدير بتفكير : ها نشوف مش ممكن يعرف لوحده .. ياله وقربت باستها  .. ومشيت .. اول ما وصلت قالت لحاتم على كل حاجه لولو قالتها .. وحاتم مكمل فى الا بيعمله ..
مرت الأيام وباسل أختفى وقافل تليفونه خالص  ولولو كل شويه تدخل على الفيس عشان تتطمن عليه للاسف مفيش اى حاجه بينزلها .. مأضيه وقتها كله فى البيت ما بتخرجش خالص
زينب : يا بنتى اطلعى أتمشى شويه انا تعبتلك من حبستك فى الاوضه دى وما بتاكليش وحالتك حاله
لولو : يا ماما هو انا مدايقاكى فى إيه
زينب : يا حبيبتى  مين قال انك مدايقانى انا مدايقه عشانك ثم كمان باسل 15 يوم لا حس ولا خبر ولا شوفته بيتصل بيكى
لولو بإرتباك : اصله بيخلص وبيكلمنى باليل وساعات لاء .. انا ها اقوم أخرج  .. وقامت وبتلبس
زينب ضربت على رجلها : الله يهديكى يا لولو وسابتها وخرجت برا ولولو خلصت ونزلت .. وكلمة 15 يوم لا حس ولا خبر بترن فى ودنها .. وكل ما تسأل هدير عليه تقولها مانعرفش عنه اى حاجه .. قاعده فى كافيه وطلبت عصير .. مسكت تليفونها وفتحت نت وكلمت أختها لاما شات بتطمن عليها .. جابت صفحتها الرئيسيه وبتقلب فيها تشوف اى تحديث جديد .. وأتفاجئت بباسل منزل صوره له على البحر وجمبه واحده وبيضحكو الأتنين وكاتب فوقها مشروع خطوبه إنما إيه يفرح ويرد الروح   .. لولو وشها جاب ميت لون ما اتوقعتش يعمل كدا فاكره انه تهديد مش أكتر قامت وهى تايهه طلبت الحساب وراحت شقتها فتحت ودخلت التراب فى كل مكان يعنى هو فعلا مش موجود بقاله فتره كبيره وعايش حياته وهى هنا مهمومه .. دخلت أوضة النوم وجابت شنطه وخدت كل الهدوم الا ممكن تحتاجها فى الوقت الحالى  ومشيت راكبه التاكسى شافت واحد واقف يبيع قصب
لولو : أستنى من فضلك وبتنادى لو سمحت بكام الحزمه
الولد تخن صوته : قصدك الشله
لولو : ايوا بكام الشلفه
الولد وصاحب التاكسى : ههههه ..
الولد : ب50
لولو : هاتلى واحده حطهالى فوق التاكسى وجابها وحطها وادته الفلوس وكملت طريقها لبيت والدها .. طلبت من صاحب التاكسى يطلع الشنطه وحاسبته .. وهى طالعه وحطا القصب على كتفها والراجل نزل .. لولو بصوت عالى سبتلك اتنين اتسلى فيهم
سواق التاكسى : متشكرين
لولو داخله على امها وابوها
زينب زقت القصب : إيه الا انتى عملاه دا كدا تسقطى العيل حرام عليكى
لولو : ماهو الا طالبه كمان بشيل له ومش عاجب
صبحى : هههههه .. نادينى وانا اجاى اشيل انا .. او هاتى على قدك انتى ها تبعى قصب يا بنتى
لولو : لا ها اعصره فى بوئى محتاجه أتروش
زينب : سيبها يا صبحى اهو اى حاجه تغذيها بدال قلة أكلها
لولو حولت القصب أوضتها وقعدت فى الأرض  بعد ما غيرت .. وتكسره برجلها وتقشر وتاكل وهى بتمص فى القصب .. بقى انا .. تعمل فيا كدا .. بتخطب واحده عريانه ملط سيبت إيه يا أبو زبيبه يا راجل يا مؤمن  للعيال السيس إلا بتروح و تيجى وعامله زعارير  .. أل ذبيبه أل .. ودى بقى وبتاكل بغل ها تتجوزها والا تربيها وتعلمها الآدب والحشمه  غيران وبيحبنى واضح من اختيارته المهببه الا شبه وشه .. وبتقلب فى القصب الا رمياه قدامها .. كان فى عود فيه شق القمر هنا  .. راح فين  .. لا دا مش شق القمر دا سوسه طويله وهبله وعامله نفسها شق القمر  .. وسع كدا .. وجابت واحد .  أهووو شق القمر ... تعالى وبتكسره برجلها .. نكسر الزعزوع ونخليه جمب الزعازيع هنااا .. اااه لو أشوفك انت وعروسة المولد الا جمبك كنت نزلت عليكو بالزعازيع دى كلها وخلتيكوو  تنورو فى الضلمه يمكن تبرد نارى .. وفى إيديها عود قصب صغير .. عملته زى الناى وكانها بتعزف عليه
امووومووو .. مووومووو .. اعين .. أليل .. امووو .. غدارين .. كدابين .. يازمان .. انا الزمن هدنى وبتعيط عيط مصطنع .. قوى قوى .. ولا حد بيهمنى  .. وبتهز راسها وبتقول ايون .. وبتعلى صوتها ولما اقول ااااه فردت إيديها .. باسل يقول الله .. غدارر .. غدارر .. غدار  .. اتعدلت على روكبها وبتدور على قصب .. وبتكلم نفسها . فين الزعزوع الكبير الا كان هنااا .. وحطت إيديها على جزمه وبتزقها ورفعت راسها مره واحده لقت باسل واقف ومربع إيده دخل عليها وهى سايبه باب الاوضه مفتوح وضهرها له ووقف جمبها من غير صوت مسكت زعزوعه فى إيديها وبعصبيه .. انت إيه جابك هنااا ..
باسل : إيه إلا انتى عملاه فى اوضتك دا
لولو كشرت : ملكش دعوه .. وبصت له وديقت عيونها .. إيه جاى تاخد القايمه
باسل شاور عليها : لا جاى اخد إلا فارشه فى السوق قدامى
لولو : لاء طبعااا .. انا مش فاضيه السوق على اخره مش شايف الزباين وبتمشى إيديها فى الهوا وبتزق رجله اتفضل ياله من هنااا .. عندك ابويا وامى خلص معاهم بس هاتها لهم واحده واحده انا بقى ها أحلى هنااا بالقصب
باسل مسكها من دراعها وقومها ورجع بيها للحيطه وقفل الباب برجله وحاوطها وبهمس وهو مقرب وشه منها .. وحشتينى يا لولو ونفسى اطير بيكى على شقتنا  دلوقت وأعتذرلك عن كل حاجه
لولو بتوهان : هااا
باسل بهمس اكتر : إيه ما وحشتكيش وبيوسها برقه .. انا اسف .. حقك عليااا .. غلطه ومش ها تتكرر تانى ..
لولو بتبلع ريقها ولفت إيديها حواليه وبتحضنه قوووى ..
زينب بتسلك رجلها : بت يا لولو .. انتى قفشتى فى رجلى زى الأوراده كدا ايه .. قومى نامى على سريرك بدال ما انتى متسطحه  على الأرض .. تقفشى فى الا رايح والا جاى
لولو : ايه جابك دلوقت يا زينبووو  .. بتقطعى على بنتك ليه  وكل دى رجل اد وسط باسل وهمتينى وجبتيلى تهيؤات
زينب : 😂😂 باسل فى عينك  دانا حتى خاسه
لولو : زينبووو بلاش انتى .. احنا لو عاملين صبه اسمنت  مش ها تنزل بالحجم دا .. الله اكبر يعنى
زينب : ههههه قومى يا اخرة صبرى .. قوى
لولو قايمه وبتبرطم : حتى الحلم  بصنلى فيه .. هى الصفرا سها نبرت الليله قلبت ضلمه اعوذ بالله خليها تتبط لحد ما بقت شبه البط يمكن نقلبها فى ترعه فى الاخر .. ورفعت ايديها .. هى والمشرفه فى يوم واحد .. تلاته  ملهمش أمان المشرفه وسهااا .. والبطروخ الكبير باسن
زينب بتلم الا لولو عملاه : ربنا يشفيكى يا بنتى ليل نهار تكلمى نفسك لما اتجننتى .. ونطرت إيديها هى اصلا مجنونه
لولو ماسكه الدبدوب الا على سريرها وبتشد مناخيره وبتكلمه على إنه باسل وبغل .. بتخونى مع زعزوعة قصب .. سايب شق القمر وبتجرى ورا زعزوعه ... اااه  دانا معبيه ونفسى أرومك وبتعض الدبدوب جااامد ..
باسل بصوت عالى بيزق لولو
💗💗💙💙💚💚
بقلم : لولو طارق
💙💙💚💚💚
اللهم إنى أسألك علما نافعاً ورزقاً طيباً وعملاً متقبلاً
اللهم إني أسألك أن تصرف عني شتات العقل و الأمر والتفكير، ربي اثرني و لا تؤثر على ، ربي انصرني و لا تنصر علي. إلهي ارحم ضعفي و فرج همى وإخرجنى من حلق الديق إلى اوسع الطريق بك ادفع ما لا أطيق ولا حول ولا قوة إلا بك
أستغفر الله من كل الذنوب والخطايا
جميع رواياتى فى جروبى كوميكس روايات لولو طارق

يارب تتفاعلو مع الأحداث وتقولو رأيكم يارب وتنصفونى زى ما بتنصفو اى كاتبه تانيه .  يارب زهقونى وخنقتونى وها أعيد النظر فى حرقة الدم دى الا على طول ومش عايزينى اعكنن عليكو وانتو معكننين عليا يا بعده ما بسمعش صوتك ولا تفتكسو غير فى الأحداث الغم غير كدا بتستخسرو يعنى تندمجو معايا وتألفو وتسمعونى شايفين الاحداث الا جايه ها تكون ازاى هما كام واحده يتعدو على الصوابع الا بيهتمووو وبتسألونى ماعملتش  روايات  ورقى ليه .. هو انتو معبرنى فى ابو بلاش لما تعبرونى فى ابو فلوس 😂😂 اقف كدا فى المعرض وما ابعش ولا روايه بسببكو شكلى ومنظرى قدام نفسى ورواياتى والجماهير الغفيره إيه  يبقى ايه
نجمه يا هانم أعترضو كمان على النجمه دانا اجيب نجوم وانورهم وأقعد باشا 😂😂