من أنت .. وميمو .. ولفى بيا يا دنيا

تنبيه

تذكرو الأحداث
لفى بيا يا دنيا فلاش باك 3 والاخيره
سبحان الله والحمد لله ولا إله إلا الله والله أكبر ولا حول ولا قوة إلا بالله
لا إله إلا أنت سبحانك إنى كنت من الظالمين
اللهم صل وسلم وبارك على سيدنا محمد وعلى آله وصحبه أجمعين
❤❤❤💙💙💙💙💚💚💚💛💛💛💛💛💛💛💛
باسل : يا فندم أسمعنى وبعدين قرر إلا أنت عايزه
نجدت بزعيق : أسمع إيه إنك طلعت خاين وكمان ها تسيبه وسطنا زى ما غدر بيك ها يغدر باى حد هناااا دول عاملين زى السوس طول ماهما فى المكان بيخلوه هش من جوووواه فاضى لحد ما يتكسر
حاتم : ليه يا باسل تعمل العمله دى الصراحه القائد عنده حق انا كمان مش معاك
باسل بياخد نفسه وبيحاول يسيطر على أعصابه : طيب أنا غلطت مش إلا بيغلط بياخد فرصه يتكلم لو حضرتك مش قادر دلوقت اجيلك بعدين
أمجد : حاتم روح لم حاجة صاحبك وخدو معاك عشان مش طايقه
حاتم : يا فندم
امجد بيهز راسه وبصوت يرعب : يا فندم .. يا فندم .. يا فندم .. قولت روح لم حاجة صاحبك مبقاش له مكان وسطناااا وشد باسل من صدره وبيجز على سنانه جامد وبهمس مرعب .. المكان دا بالذات ماينفعش فيه تعاطف مع الخاينين وإلا نبقى زيهم وزقه اتنطر بعيد عنه .. ياله
حاتم خرج مخنوق  هو متاكد ان صعب تقنع أمجد بحاجه غلط فى غلط من البدايه صعب وخصوصا لباسل عشان باسل كان إبنه مش مجرد ضابط
باسل واقف ما أتحركش : انا مش ها اخرج من هنا من غير ما تسمعنى ...
نجدت بصله بأسف ؛ كنت فاكر انى ها اقدر أسمعك بس مش قادر أبص فى وشك حتى
باسل : ليه كل كداااا ما تحكمش علياااا وانت ماتعرفش الحكايه للدرجه دى أنت مش واثق فى تربيتك ولا فى تلميذ من تلمذتك .. انت استاذى وقدوتى يبقى إزاى ها أعمل الغلط إلا فى بالك .. اااه كلنا بنغلط ومش معصومين بس غلط عن غلط يفرق صدقنى
نجدت بياخد نفس وبيحاول يسيطر على نفسه 
باسل بدء يركز على رد فعله وفهم انه بدء يوصله :  يا باشا والله لو سمعتنى ممكن تغفر ليا وتساعدنى
نجدت قعد وبيشاور لباسل : أقعد
باسل قعد والابتسامه ظهرت ملامحها على وشه واختفت بمجرد ما نجدت رفع عيونه فى عيون باااسل
نجدت  بيشبك إيده : سامعك .. بس عشان تكون فاهم لو أى كلمه من إلا هاتقولها ما دخلتش دماغى هاتبقى برا وبيشاور على الباب
باسل هز إيده : أتفقنااا ووعد مش هاتشوف وشى تانى وها أكلمك بكل صدق ميل براسه ما أكدبش عليك كنت جاى وبجهز لكدبه او تجميل للموضوع عشان يفضل بينى وبين ربناااا بس أنا عارف إنى يوم ما افكر أبوح بيه ها يبقى أستاذى ومعلمى اول من يسمعه وهو الوحيد إلا ها يصونه
نجدت  : ما تاكلش دماغى وتسحبنى واحده واحده ليك ادخل فى الموضوع وساعتها انا ها اقرر لسا أستاذك وإلا عليه العوووض
باسل هز راسه : حاضر ها ادخل فى الموضوع .. حضرتك عارف ان رفيق كان اقرب ليااا من حاتم من أيام الكليه ما افترقناش لحظه كان أخ وصديق وكل حاجه ممكن حضرتك تتخيلها وأنت علقت على الموضوع دا ..  عشان حظنا حلو  تدريبنا كان معاك بردو .. تفتكر هو ممكن يطلع من تحت إيدك خاين
نجدت رفع حاجبه : نعم إمال إيه ها تيجى تقولى زى ما قولت فى التحقيق كانت خطه بينى وبينه عشان الارهابين يطمنو له ويبين اد ايه بيكرهك فا نضرب عصفورين بحجر كدا ضمنا ان تفكيرهم ها يروح فى رفيق انه  واحد منهم وضمنا انه معانا وها يجيب لنا قررهم وفعلا دا حصل زى ما خططنا  .. والنفق هو إلا قالك عليه والعيال إلا كانت ..،، هو إلا قالك .. لا إلعب غيرها
باسل بيهز ايده : أناااا عارف ومش ها أنكر قدامك رفيق فعلااا بيكرهنى ولما فكر يقتلنى كان من قلبه وعلى استعداد تانى وتالت ورابع طول ما صورتى الا مطبوعه جوووواه زى ماهى
نجدت اتبرجل : بمعنى
باسل : بمعنى ان رفيق عنده حق بس الغلطه الوحيده انه فكر يصفى حسابه معايا فى مكانه دا وهنااا كان فاكر انه ها يفلت من العقاب والتهمه يلبسها الارهابين فعلا ..
نجدت داس على جرس المكتب : ايوا يا بنى قهوه تقيله وبص لباسل وباسل قاله مظبوطه .. وجه نظره لباسل تانى .. واحده واحده وفهمنى
باسل خد نفس : رفيق فعلا ما خانش جيشه هو خانى أناااا او دا إلا ظاهر ليكووو .. بدليل ان مفيش معلومه واحده هو كان بيقولها لهم ولو راحت لهم معلومه بتبقى غلط ميه فى الميه من ناحيته يعنى كان بيلعب بيهم لحد ما يسحبنى انا بس ويخلص منى
نجدت : إمال مين يا باسل باشا وبيتريق .. كان بينقل معلومات ومهمات خطيره لهم
باسل : طرف أكبر من رفيق مليون مره ومحل ثقه ودا إلا طلعت  رفيق  من حبسه عشانه
نجدت : لو على كلامك أو زى ما بتقول أستنى عشر شهور ليه ومقالش
باسل : قال بس فى ورق وبالأدله زى ما تقول كدا قلبه حاسس كاتبه قبل ما يطلع العمليه دى وقال لأمه يوم ما يحصلى اى حاجه الورق دا يتسلم لقيادتى وذكرك انت بالأسم كان عنده أمل يموت وأسمه نضيف خصوصا فى شغله
نجدت : هو متجوز إشمعنا أمه ليه ما قالش لمراته
باسل لف ايده : زى ما تقول كدا هنا مربط الفرس ودا الا ها اجيلك فى الكلام فيه
نجدت : الورق دا رسمى والا ايه
باسل : لاء عشان كدا أجله لو حصله حاجه او لحد ما يرتب نفسه ويوقعه لانه عارف انه لو قال الكلام دا وهو حى محدش ها يصدقه انما لو مات هاتاخدوه فى الأعتبار وتتحركو عشان تعرفو مين الشخصيه دى
نجدت  : انت عمال تلف وتدور مين ما تقول مين
باسل   : دا إلا لسا مش عارفه وانا مخطوف سمعت العيال قبل ما اشوف رفيق وهما بيتكلمو عن قياده كبيره ها توصل بعد ساعه وطبعا رفيق وصل وحصل إلا حصل وملحقتش أعرف مين للاسف
نجدت : نرجع من الاول ايه بينك وبين رفيق يخليه يضحى بمستقبله
باسل : بيناااا ...........،....
باسل خلص كلامه مع أمجد وقاعد منتظر رده
نجدت  ساكت خالص ما بيردش وكل شويه ينفخ : أستغفر الله العلى العظيم
نجدت : تفكيره لازم يتعاقب عليه
باسل : يا فندم مش هو إلا يتعاقب إلا لعب بيناااا وورطه وعمل مسافات بيناااا ووصله انه يفكر فى قتلى والإنتقام منى هو إلا المفروض يبقى مكان رفيق هو غلط وغلط قوى كمان بس جزاءه مش الخيانه وولاده يعيشو طول عمرهم بيهربو من نظارات الناس ويخافو يقولو ان رفيق أبوهم
نجدت : انت بتبرر قتله ليك مسك طبنجته وماراعش يوم واحد من العشره إلا بينك وبينه يبقى خاين
باسل : لو مكانه هاتعمل ايه
نجدت : ها أتاكد
باسل : أزاى وكل الطرق مسدوده فى وشه ... كل حاجه وضحت قدام حضرتك .. والدليل انه مخانش جيشه لما طلعنا نراقب العيال دى فاكر روحنا لمكانهم ومكان تخزين السلاح وهما نفسهم اتفاجئو بيه يعنى كان ممكن يحذرهم هو كل هدفه كان أناااا .. ويعلم ربنا ان دى الحقيقه .. طلع ورق وأدى كل الورق الا كاتبه رفيق قبل العمليه
نجدت  : جبته ازاى وليه أمه ما جابتهوش زى ما قال لها
باسل : عشان هو بعت مرسال ان مفيش حاجه تتسلم من الورق دا غير لو اتحكم عليه غير كدا ماكنش فارق معاه غير حاجه واحده سمعته وسمعة ولاده من بعده انا عملت له زياره تانيه وعرفت موضوع الورق منه وروحت جبته وقريته  .  كله عن طبيعه كل الناس إلا إتعامل معاها وايه الأسئله إلا كانو طول الوقت بيسألوها وهو رد قال ايه والاماكن وتحركاتنا وكله كله وتحرك القياده إلا عايزين نعرف شخصيتها وأتورطت فى كام عمليه وإيه العمليات إلا بيترتب لها  الخاين ما قابلش رفيق لحد دلوقت المفروض المقابله كانت يوم قاتلى هو حريص او هما حرصين عليه وعلى وجوده فا دايما اسمه أسم حركى  محدش بيقول أسمه الحقيقى  ... رفيق كان منتظر اللحظه إلا ممكن يتقابلو ويعرف شخصيته الحقيقه بس للاسف كان صعب مع إلا حصل لانه أكيد هرب لما عرف  .، عشان كدا انا أتفقت أخرجه منها بشرط يسلمنا القياده وهو متورط عشان دا أهم من رفيق مليون مره انا متاكد
نجدت هز راسها ومسح وشه بايده وبيتمطع : تعبتنى يا باسل وإحترت فيك
باسل : خليك واثق فيا زى ماكنت ومش هاتندم
نجدت : ورفيق ها يرجع الجيش وياخد مكانه وممكن فى يوم من الايام يمسك مكان القياده إلا خانت ويمشى على نهجها كدا انت بتعمل صح
باسل : انا لو سامحت فى حقى  فا دا بشروط ولو طلع من السجن بردو له شروط أولها يخرج من الجيش خالص يبعد عن طريقه ويفضل تحت عنينا مش ها نسيبه ونتاكد انه ماشى مظبوط
نجدت : هز راسه حل وسط بس مش مقنع لانه أتدرب وسطنا وعاش معانا فا صعب  .. ما علينا هاتعمل ايه
باسل طلع ورقه : بص يا فندم كدا معاياااا .، انا اتفقت معاه انه يطلع ويتعامل عادى جدااا وواحده واحده يرجع لهم طبعا ايه سبب انه خروجك اول سؤال ها يجى قرى بالهم  ها ينفض ايده .. بإن مفيش دليل وضغط علياااا عشان عارف ان ليا تجاوزات تودينى فى داهيه فا الدليل الوحيد بح راح وطبعا فى شرح هنا بالتفصيل  بكل الكلام إلا بينى وبينه المهم نزرعه تانى وسطهم وهو يعرف مين القياده ويقولناااا
نجدت : هانثق فيه إزاى
باسل أبتسم : أتفقت مع النابغه بتاعتنا يحلهلنا بدماغه .. رفيق فى ساعه تقريبا لا يمكن يقلعها أبدا .. أبدا  ..كانت موجوده فى الامانات لما كان محبوس خدتها بعدم علمه وعمر ظبطلى الدنياااا هانسمع النفس إلا بيتنفسه ..  عملتها ساعة تجسس نسمعه ونحدد مكانه من غير ما يعرف ولا حتى الساعه تعمل إشاره مع اجهزه فا يشك فيها  هااا تمام
نجدت ضحك : دانت مرتب كل حاجه .. تربيتى بردو اوعى تنسى
باسل : أنا أقدر المهم رضيت عنى
نجدت: ها أخلينى معاك للأخر وفى بعد النقاط ها نظبطها مع بعض هاتقول ايه لحاتم
باسل  : انك أقتنعت ان رفيق فعلا كان متعاون معاياااا عشان تنجح العمليه ويقنع الخليه كلها بالا حصل عشان يوصل للخاين الحقيقى
نجدت  : تمام قوم شوف هاتعمل ايه وأبتدى فى ترتيباتك كلها 
باسل ادى التحيه : تمام يا فندم وخرج  خد نفسه وماشى لقى لولو بتتصل .. لولو انا وصلت وكله تمام الحمد لله بس لازم اقفل دلوقت .. سلام سلام
لولو ديقت عيونها وباصه للفون : إيه مفيش فرصه أرد سالت وجوابت على نفسك بصت لابنها .، مش انت .، هو وبتشاور على الفون راجل غريب وربنا ساعه يروح وساعه يجى .. طبعااا فيها سهره حضرتك نمت وقايملى زى زغلول الحمام عمال تصوصو .. ااه جعانه قوى قوى .. تيجى نعكرت فى المطبخ وبعدين  أكملك الحكايه او نكملها مع بعض عادى منا خلاص اتجننت بحكى لابنى ابو لفه هو يعنى  كنت لقيت حد يسمعلى وقولت لاء .. وحد الله .. قول لا إله إلا الله  .. ايوا شطور .. تاكل زتون هو رامى على لمون وبتستطعمه .. بس حلووو حدق معايا مفهاش حاجه حدق وإلحق نفسك بالحلو ولما تحلى إلحق وحدق ويووواه مش عايزا اقولك طول الليل الستات  قاعده تعمل الموازنه دى انها تتظبط أبدددددا ابدا ضحكت أنت فاهم حاجه .. وربنا بتضحك شكلك فهمت  .. بص يا سيدى بعد ما روحنا شقة محمد وبقينا فعلا 3 عرايس ايه روحنا شقته .. نسيت أقولك محمد اصر يكتب كتابه هناك فا روحنا هناك كلناااا وماشاء الله شقته يا شكلكيته اد دى 3 مرات ربنا يبارك ويزيد ... المهم خالتك ساميه أم البت نسمه كانت ها تشلنى كل شويه الاقيها جيالى وجيبالى عريس ماتفهش فقدت الذاكره عندى انا بس وإلا إيه ..
فلاااش باااك
❤❤❤❤❤
لولو ونسمه ولاما وساميه ومامة محمد وابوه وكلهم فى  الشقه وأصدقاء وعيلة محمد ونسمه وهيصه بقى ... بعد كتب الكتاب الزغاريط عليت فى المكان ...
لولو نتشت المنديل
محمد ضحك ومبسوط جدا هو ونسمه على صوته بيسمع نسمه : طول عمرها بلطجيه
نسمه : ايوا صح
لولو : هات قلم
محمد : انا جاى كتب كتابى وإلا العياده ماتشوفى مع حد تانى
لولو : فى عريس يجى  كتب الكتاب من غير قلم هاتسطر حياتك ازاى وتخططها ... علت صوتها وكله سكت حتى الأغانى قفلوها ... حد معاه قلم ... وصف شباب اتقدم بالقلم للولو .. قربت لمتهم كلهم عايزنهم تانى
كلهم : لاء
محمد : هههههههه والله العظيم انتى ما ليكى خروج من غير باسل
لولو : البنات تقفلى صف والولاد صف ياله إنجزو وفعلا سمعو الكلام ووقفو وهى بتسند على ترابيزه وبتكتب على المنديل كلمه من قلبها لنسمه ومحمد ... وبعدين لاما وبعدين واحده من صف البنات وواحد من صف الشباب ... لحد ما ظبطت المنديل كله إلا هى اصلا جابته لنسمه منديل من بتااااع زمان الكبيرررر قوى الفاضى بس هى مليته بكلمات فرح وسعاده وتمنى لهم من كل إلا الموجودين ...
لولو : خلاص روحووووو منكم لله تعبتونى ووقفتونى لما رجلى ورمت
الشباب والبنات : 😂😂😂
محمد : مبروك يا حبيبتى
نسمه باحراج : الله يبارك فيك .. مبروك عليك أناااا
محمد ضحك بصوت عالى : الله يبارك فى صحتك والله عندك تواضع رهيب .. وقام حضن ابوه وامه وباسهم ... وبادلو نفس الشعور لنسمه .. 
ساميه بعياط : مبروك يا حبيبتى يا روحى يا قلبى يا حته من كبدى ولولو جمبها ..
لولو : ساميه إحضنيها قبل ما تدخلى على الزايده
ساميه : تتشكى يا لولو خرجتينى من حالة التأثر إلا انا فيها
لولو بتشاور بايديها : ادخلى تانى هو انتى بيهمك ... قومى إحضنيها خلينا نخلص ... وحضنو الاتنين بعض قوووى يمكن دى أول مره من يوم جوازها من واحد غير ابو نسمه تحضنها كدا وتحسسها بالأمومه إلا كل بنت بتحتاجها من امها مجرد إحساس حسته فى لحظه من اجمل لحظات عمرها ربنا رزقها بواحد أى بنت تتمناه بسبب اخلاقه وكمان رزقها بقرب أمها من جديد ... محمد إتلهى مع اصحابه ونسمه وقفت على جمب بعيد عن الكل فى اللى  بيضحك والا بيرغى والا قاعد يدندن ... دموعها نزلت وبتحاول ما تبهدلش نفسها معقول ربنا عوضها بالجمال دا كله بعد الصبر والتعب والمشقه بمعنى الكلمه إلا عاشتها من يوم وفاة أبوها أخيرا ها ترتاح ولقت حد يشيل عنها وينقذ اخواتها من الضياع إلا كانو عايشينه ... إيد سحبتها لأوضه ...
محمد : تعالى
نسمه بخضه : قلبى كان ها يقف انت جيت أمتى
محمد بابتسامه  : دلوقت ليه الدموع إلا فى عيونك دى انهارده
نسمه عيطت أكتر وبتهوى على وشها : مش مصدقه إن ربنا كرمه كبيرررر عليااا قوى أكتر بكتير ما كنت أتمنى
محمد ضمها جااامد ونسيو الناس إلا برا أصلاااا والدوشه وكله ونسيووو أهم شئ تالتهم لولو  😂😂😂
لولو : لاما هى نسمه راحت فين
لامت : مش عارفه والله أسألى طنط .. وبفرحه لولو انا بقى ليا اصحاب .. هنا .. ومنه .. وخدنا ارقام بعض
لولو بابتسامه : هاتصاحبى غيرى يا نصه  وسابتها وراحت لساميه ... مسكتها من دراعها .. بنتك فين يا ست هانم سيبك من الجاتوووو لا محمد ظاهر ولا بنتك هى دى الأمانه إلا ربنا استئمنك عليها
ساميه بتفكير : ماهى خلاص اتجوزت يعملو ما بدالهم بقى مراته وبتضحك
لولو شهقت : ازاى يا ساميه .. ازاى
ساميه : ازاى ايه
لولو : يضحك عليها ويشربها حاجه اخضرا ويبقى فى بيبى ويطلقها ويقول لها ادى جزاء إلا تفرط فى ساعة إيديها على راى اللمبى يا ساميه وتقع فى اربيزك هى والواد
ساميه شرقت ولولو بتخبط على ضهرها ... اوعى تموتى دلوقت استنى لما تجوزى العيال لأحطهملك فى ملجأ
ساميه بنهجه : روحى هاتطلع بسببك شوفى البت فين قبل ما تشرب الاخضر والأزرق ..  انا شفتها جمب الاوضه دى أخر مره اتصرفى اعملى اى حاجه على ما اخد نفسى اهجمى اوعى تبقى فى خط الدفاع
لولو بتدعك ايديها فى بعض : استعنا على الشقى بالله وراحت على الاوضه وفتحت ودخلت هجم عليهم خضتهم الاتنين
لولو باصه لهم وهما باصين لها ومحمد حاضن نسمه بايده
محمد : ايه خلصنا من المستشفى هاتنطلنا هناااا
لولو دخلت وسطهم زقتهم وراحه على السرير : انا جايه انفض الأوضه ساميه قالتلى اتصرفى وبتصرف اهووو على الله تنضفو معايا  قصدى تنضف الاوضه وبتشاور على نفسها معايا
نسمه كتمت الضحكه ومحمد ها يفرقع من لولو قاطعه عليه كل الطرق ...
محمد : اخرجى برا يا لولو
لولو بصعبانيه : بتتردنى إهئ اهى
محمد بيقطع فى الكلمه : بقولك براااا
لولو خرجت ومديقه عنيها وبتبص لنسمه وبتشدها : تعالى معاياااا مبحبش اخرج لوحدى
محمد : لا سيبيها وبالسلامه انتى
لولو طلعت وسايبه الباب مفتوح محمد قرب قفل الباب فى وشها وضحك وهو بيبص لنسمه
محمد : بقولك لازم أطلع عشان المجنونه دى مش هاتسيبنا فى حالنا
نسمه الصراحه منظرنا وحش والناس هاتفكر تفكير مش هوووو هى عندها حق
محمد : هههههع اقولك الحقيقه جدعه وبتحبك وبتخاف عليكى
لولو برا مش عارفه تعمل ايه راحت لساميه شدتها : تعالى طردنى وبنتك واقفه زى المسمار الخشابى فى الاوضه ومش عايزا تتعتع من مكانها إهجمى يا ساميه إهجمى
ساميه بالهوجه : اعمل ايه اقول ايه طيب
لولو : قولى أى حاجه المهم تخرجيه برا الاوضه عيب يا ست انتى هاتجلطينى انتى وبنتك باسل مسك ايدى فى الدخله بضرب الجزم
ساميه راحت على الاوضه جرى ومن غير ما تستأذن : محمد يا دكتور  انت فين ... بت يا نسمه انتى هنا وسايبه لولو بتفطص برا
محمد رفع حاجبه الاتنين : حماتى
ساميه : انت واقف وانا إلا بتلفت زى الحراميه ومش شايفك  طب ماترد علياااا
محمد : خير مالها لولو .. هاااا .. مالها  انا عارف انها مش هاتهدى
ساميه بتهوى على وشها : مسورقه وعماله تسورق .. تسورق ولا حد معبرها ممكن تيجى تعبرها يا محمد يا دكتور
محمد : دانا ها اطلع ... اطلع زمارة راقبتها فى إيدى .. وخارج على برا وساميه وراه ... بيشاور على لولو ما هى زى القرده اهه وساميه واقفه ورا محمد تهوى على وشها وتعمل نفسها مغمى عليها عشان لولو تفهم
لولو : اااه اعمل مغمى علياااا ... وجريت عند مامة محمد ومحمد طاير وراها قربت منها وبتهوى على وشها .. إلحقينى يا طنط إلحقينى ونامت على كتفها وهى قاعده
مامة محمد : مالك يا حبيبتى إلحق يا محمد
محمد قرب على لولو ونسمه سايحه على نفسها من الضحك وامها عماله تقرصها من تحت لتحت : انتى حتى فى التمثيل فاشله الناس كلها عرفت انه فلم .. انتى اتجننتى يالولو دى مراتى خايفه من ايه
لولو اتعدلت رمت الكلمه ورجعت تانى على كتف أمه : تتحرش بيها وبنتنا شريفه عفيفه نضيفه هه
محمد : يالولو ما طلعيش الوش التانى  وانهارده عارفه لو شفت وشك يوم الفرح ها اقلبك من العربيه على الطريق
لولو بعياط مصطنع : يرضيكى يا طنط دا انا حتى حامل وهبطانه وعايزا اكل وهو بيزعقلى وانا ما بحبش حد يزعقلى
مامته : بس يا حبيبتى ما تخافيش مالك يا محمد
لولو بالامضه : اه مالك يا محمد مفروس منى ليه يا محمد
محمد بيكتم غيظه وبيلف خبط فى واحد باصص على لولو ومبتسم : فى ايه يا نزار مالك متنح كدا ليه وبيلف وشه بايده بصلى هنا لاخزق عينيك
نزار : يعنى يا اخى شفت حياتك سيبنى اشوفها انا كمان
محمد : ايوا تشوفها فين وانا اوريك
نزار : المزه دى عايز اتقدم لها هى تبع مين يا محمد
محمد : تبع باسل يا حبيبى مراته اكلمهولك
نزار كشر : متجوزه
محمد : اااه من باسل
نزار : مين باسل يعنى انا أبسل منه
محمد : باسل دا اجن منها بمراحل ومش باقى على حاجه انت باقى على حاجه
نزار : يعنى امشى خلاص طارت
محمد : اتفضل ... وبينفخ وبيقرب على ساميه إلا واقفه مع واحد ...
ساميه : دى بنتى حبيبتى هى ونسمه تؤام
محمد : مين دى
ساميه بضحكه : لولو جننت الشباب جاتها الهنا أسمك إيه يا حبيبى
الشاب : هشام
ساميه : شام عايز يخطب لولو وانا قولتله من العين دى قبل العين دى
محمد بيلف إيده  : هى فته .. متجوزه يابنى ومخلفه وحامل وبص لساميه .. حماتى لولو متجوزه
ساميه هزت راسها : اه منا عارفه
محمد : ولما انتى عارفه واقفه تخطبيها لهشام ليه
ساميه : بوفق راسين فى الحلال
محمد بيطقش ايده فى بعض : هو أى راسين والسلام
ساميه : 😂😂 باخده على قد عقله دا فى تلاته غيره بعتلك واحد قابلته والا أبعتلك تانى 
محمد تنح وماشى قرب يكلم نفسه من ساميه ولولو الاتنين مع بعض 😂😂😂 قرب خد نسمه وقعدو جمب بعض يتكلم معاها ويضحك على عمايلهم ..،
مامة محمد : نورتى يا لولو محمد ما بيبطلش كلام عنك من يوم ما روحنا اتقدمنا ليكو فاكره
لولو : طبعا .. طبعا بس شفتى نصيبه طلع جميل أزاى وبتشاور على نسمه .. الحمد لله ربنا كرمهم ببعض والله ونعمه الاتنين
مامة محمد : وأنتى مبسوطه فى حياتك
لولو بابتسامه : جدا والحمدلله ربنا رزقنى بواحد إبن حلال قولا وفعلا ومبسوطين انا وهو ... شايفه دى اختى
مامة محمد : ماشاء الله عسوله شبهك .. خلفتى
لولو : معايا زيزو وفى باشا تانى جاى فى السكه وادينى منتظره
مامة محمد : ربنا يكملك على خير
لولو : يارب تسلمى ها اقوم انا بقى أدام المهمه تمت بنجاح
مامة محمد : ربنا معاكى افرحى واتبسطى والله إلا يشوفك يقول ما دخلتيش دنياااا
لولو : ههههه إلا جوزى مقتنع إنى طلعت على المعاش
ساميه واقفه جمب بنتين بيتكلمو على محمد ونسمه بنتها او بمعنى اصح بيحقدو على نسمه جدا ...
ساميه بضحكه : أسمك إيه يا قمر
البنت : داليا وداليا
ساميه : اتنين دالياااا وانتى يا حبيبتى انتى وهى أتعلمتو تعملو قطايف
داليا وداليا تنحو : نعم
ساميه : مش رمضان قرب يابت منك لها .. بصو انا ها اعلمكوووو حاجه تنفعكو بدال ما تبقو موكسين بتشاور بايديها ... هتجيبوا طاسه
شاورت على البنتين ... زى ما بتجيبوا سيرة الناس وهيا مش موجوده  ... قوم ايه .. تحطوا فيها زيت  .. زى ما بتحطونا ف الحوارات ... بعدين تحطوها ع النار
اللى هتولعوا فيها لو ملمتوش لسانكو يا بعدا 
واوعى تنسى منك لها ... تتأكدوا ان الزيت سخن  ...
زى ما بتسخنوا الناس على بعضيها .. وبعد كده تحطوا الحشو والمكسرات ... زى ما بتحطوا مناخيركوا ف حيات بنتى الغلبانه الشقيانه
وبعدين تلفوها  زى ما بتلفوا وتدوروا ... بعد كده تحطوا القطايف فى الزيت
زي ما بتحطو الكلام على بعض وتشيلو الناس من بعض
وبعدين تطلعوها من الزيت
وبتهز ايديها جامد ... عقبال ما تطلعونا من دماغكوا
خدو بالكم ... خلوها سليمه متقطعوهاش
زى ما بتقطعوا ف فروتنا  .. وبعدين تحطوا عليها الشربات يكون بارد  زي كلامكم السم إلا زى وشكم .. نجينا يارب واعميهم عننا وبتخمس فى وشهم ..
البنات بصولها من فوق لتحت وبعدو عنها ...
نسمه : ما بلاش يا محمد
محمد : تعالى اسمعى الكلام نخرج أنا وانتى ونسيبهم كلهم نفسى افرح وأعيش الفرحه مع إلا حبيتها
نسمه : والله هانعيش ونتبسط بس ما ينفعش عيب نسيب الناس ونمشى ..
لولو ماسكه لاما ومقربه عليهم : مبروك .. مبروك .. احنا لازم نمشى بقى أشوفكم فى الفرح ان شاء الله
نسمه بترجى : خليكى يا لولو قوليلها يا لاما
لاما : عشان ماما والاولاد وجوزو وجوزو
محمد : نورتينا والله تعالى يا نسمه نوصلهم
لولو : عايز تخلص منى ماشى ماشى ... انا معايا عربيتى والحمد لله مش محتاجه توصيله ..
محمد : سلميلى على باسل وقوليله الليله كانت ناقصك ومش عايز اشوف وشك فى الفرح
لولو  : ههههههه  ماااشى كابسه على نفسكم بردو  قربت على نسمه باستها وحضنتها جااامد هى ولاما وسلمت على الكل ومشيت بخير وسلامه
بااااااك
********
لولو : بس كدا يا حبيبى ونسموه اتجوزت وكتبو كتابك يا نقاوة عينى وبعد العيد اتجوزو فعلا وكان فرح ايه يا واد يا شيكولاته جميل خالص  عقبال ما اشوف فرحك ... ابوك بقى كان شد حيله وراح اتشقلب هو ومحمد وحاتم ... كان هايوقع قلبى من جنانهم كلهم مع بعض ... ايه جعان ليه دلوقت
أحمد : أعاااا اهى اهى اهى
لولو : خلاص أقفل الجعوره
***********
حاتم : يعنى أكيد أقتنع
باسل بتاكيد : أيوا عيب عليك انا مقنع
حاتم : مش مرتاح لكل عميلك ولا لرفيق
باسل ضرب على كتف حاتم : أطمن خير إن شاء الله .. المهم انا خارج برا أعمل مكالمه وراجع تانى ..
حاتم هز راسه : تمام .. ها اتغدى معاك ما تروحش فى حته
باسل : تمام يا وحش وسابه وخرج ... أتصل على رفيق .. منتظر يرد .. الووو
رفيق : أيوا
باسل : روحت وإلا لسااا هنا
رفيق : مطلعين عينى بقالهم أسبوع ولسا ها اتحرك
باسل : انا عايز أشوفك قبل ما تروح ونتكلم لازم تفهم كل حاجه
رفيق بتعب : محتاج ارتاح وبعدين اسمع واشوف
باسل : لاء عشان المره دى غلطتك بفوره مش هاتطلع منها سامعنى ... أعرف الحقيقه وبعدين روح ارتاح واربط الاحداث ببعض زى ما انت عايز وشوف الغلط كان على مين
رفيق بتنهيده : قدامك أد إيه أنا فى ال....
باسل : ها اكون عندك بعد نص ساعه سلام وقفل معاه ...
حاتم : ياله يابنى جوعت جدا ماكلتش حاجه من الصبح  ولا اتغديت
باسل راح لحاتم :  ها اكل معاك وأطير عشان ورايا مشوار
حاتم : تعالى بس ياله جعان قوى الناس بتتعشى وهاتنام وانا مش عارف ارتاح منك ومن عمايلك
باسل : ههههههه دانا ها اوريك أصبر ..
حاتم : هههههه ياله بسم الله كلو لقمه مع بعض وباسل مشى على طول راح لرفيق  على المكان إلا اتفقو عليه ..
رفيق بص لباسل بإنكسار وباسل كلمه برسميه : اركب .. ركب جمبه فى العربيه والاتنين ساكتين ... باسل دخل جوا الصحرا ...
رفيق ابتسم بعدم إهتمام : إيه واخدنى تخلص طارك منى
باسل : مش انا إلا أغدر با إلا كلت معاهم عيش وملح وانت كلك مفهوميه
رفيق هز راسه وبيمسح وشه جااامد : ااااااه بص على الطريق وبهمس ... غريبه الدنيااا دى قوى يوم تبقى واقف شامخ محدش هامك ويوم تتذل وأى حد يدوس عليك ويعرفك إن ملكش قيمه ...
باسل وقف ونزل وعلى صوته : أنزل ... نزل رفيق وراح قعد جمب باسل ... الاتنين باصين للارض ومنتظرين مين فيهم ها يبتدى يتكلم ...
رفيق : سامعك
باسل خد نفس : تحب نبتدى منين ... من يوم ما كنت بتنام فى سريرى وإلا انا لما بنام فى سريرك وإلا لما حطينا إيدينا فى طبق واحد وقسمنا اللقمه سوا وإلا لما شيلتك على ضهرى ومشيت بيك 20 كيلو وانت مصاب عشان محدش من كلاب السكك يقتلك ويمثلو بجستك ... وإلا وإلا وإلا ..
رفيق عيط : إبتدى من عند  رهف عشان زى ماكنت ليا اخ كنت ليك اخ ... فاكر وإلا نسيت
باسل لف بغل ومسك رفيق من صدره وضربه جاااامد : غبى لو فاكر إن فى حاجه بينى وبين مراتك ... غبى .. علاقتى بيها اتقطت من اليوم إلا انت حطيت دبلتك فى إيديها ..
رفيق نطر باسل وبعلو صوته وبقهر كبير : كداب ... هى قالتلى انكو على علاقه ببعض وضحكت علياااا ما قولتليش ليه انك بتحبها كنت سبيتها ... انا اتجوز وانت تعيش حياتك صح .. بكرهك وبكرهها  وعيط جااامد على قد ما حبيتها كرهتها قدمت لها كل الخير وهى قدمت ليا الشر ضيعتنى خلتنى كل ثانيه بتمنى موتك .. بتمنى أخد مكانك زى ما خدت مكانى فى قلبها ... لحد ما جاتلى الفرصه واتعرض علياااا من واحد جارى  عارف حكايتى معاها  أنضم ليهم واخلص منك وأكبر فى مكانى ... الفكره عجبتنى قولت اخلص منك وبعدين اخلص منهم من غير ما اخون زى ما قولتو علياااا  واترقى وما اخدش فيك يوم واحد بالعكس ...
باسل مسك رفيق من دراعه الاتنين وباصص فى عيون رفيق : بصلى يا رفيق ... بص فى عيون اخوك .. ممكن يخونك ... قول شايف فيهم ذرة خيانه ليك ولا رهف خانتك صدقنى طنط كريمه جاتلى وانا تعبان وحكتلى كل حاجه وقالتلى روح قوله ان بنتى صانتك وحبيتك وندمت على إلا عملته معاك  حاولت تجيلك تفهمك بس ماعرفتش توصلك
رفيق عيط جااامد : كدابه .. هى قالتلى انها بتحبك وانكو مش ها تسيبو بعض وهاتطلق منى وتروحلك ... ليه انت بالذات والله قطعتنى ميت حته بقيت ماشى تايه مش مصدق إنك أنت ورهف وهز راسه لاء .. لاء .. أذتونى قوى وقضيتو على كل أحلامى يا صاحبى عرفت انا كرهتك ليه .. عرفت كنت بضربك بغل ليه والله لو كنت فلت منها لكنت قتلتها هى كمان وأرتحت ... عيط بقهر رهيب وضرب على صدره .. تفتكر ارتحت انا تعبت اكتر .. تعبت قوووى  ومحدش حاسس بالنار إلا جوايااا بنت خالتى إلا حبيتها وعشت طول عمرى أتمنها بيشاور على باسل معاك انت .. انت
باسل : فوق يا رفيق صعب تعيش والسكينه سرقاك .. رهف مش ها انكر إنى كنت بحبها وهى بتحبنى قبل ما اعرف انك حاطت عينك عليها ويشهد ربنا انى ما اتعدتش حدودى معاها ... واليوم إلا جتلى فيه فااااكر
فلاش بااااك
*********
رفيق بفرحه داخل على باسل أوضته : قوووم يابنى انت نايم واخوك ها يخطب
باسل اتعدل : ماتخطب انت جاى تصحينى عشان تخطب دانت بنى ادم مزعج ومين تعيسه الحظ بقى
رفيق بفرحه : رهف بنت خالتى ... ياااااااه اخيرا الحلم ها يبقى حقيقه .. اخيرا إلا اتمنتها هاتبقى مراتى يارب .. قوم قوم والله لاعزمك على الغدا
باسل بتوهان : رهف مين
رفيق : ما انت عارف رهف ها تستهبل وكلمتها وعرفتك عليها أكتر من مره
باسل بارتباك وضحكه مزيفه : قام حضنه ألف مبروك يا حبيبى ... مرت الأيام وباسل طلب نقله لسينا عشان يهرب منها ومن اتصالها بيه اليوم إلا ارتبطت فيه بصاحبه قطع هو خالص ...
بااااك
*******
باسل : ماعداش وقت كبير وقابلت لولو وحبيتها واتجوزتها ومن اللحظه دى ما فكرتش فى واحده غيرها .. انا مش عارف ايه حصل بينك وبينها وليه قالت ان فى علاقه بينى وبينها ... والله العظيم دا كل إلا حصل يا رفيق انا صنتك وانت فرطت فياااا بكل سهوله  .. تعرف الموقف دا حسسنى اد ايه جيت على لولو وجرحتها لما أتغابيت ولغيت عقلى وشكيت لمجرد الشك فيها ... اوعى تظلم مراتك وحياتك يمكن ربنا نجانى عشان انت تفوق وتعرف مين صاحبك ومين عدوك ..
رفيق :  انا اتجرحت واتداس علياااا قوى منها ... يوم ما أتجوزتها من كتر ماهى قافله وشها عليااا كنت بقول يمكن عشان هى بتتكسف ودايما بتتحرج تكلمنى .. أتبدلت يوم الدخله ..
فلاش بااااك
********
رفيق بيقرب على رهف وبفرحه : الف الف مبروك يا اغلى ما فى حياتى .. مبروك ياااا
رهف اتقلبت : ابعد عنى .. انت فاهم على الله تقرب منى ها اقتل نفسى انت سامع
رفيق تنح : انتى بتقولى ايه .. لو محرجه منى  اطلع يا حبيبتى
رهف : انا بكرهك ومش عايزاك وزعقت انت سامع خالتك غصبتنى على الجواز منك وحرمتنى من الانسان إلا بحبه وزعقت اكتر وها افضل أحبه مش ها انساه ومش ها اسيبه
رفيق بغضب رهيب مسكها من دراعها وشدها : انتى بتقولى ايه .. اتجننتى .. واعيه للبتقوليه .. دانا ها اشرب من دمك ونزل عليها ضرب ... مين هو .. مين
رهف بعياط : واحد احسن منك مليون مره  حتى وهو فى مكانك متميز عنك وبحبه .. انت فاهم .. ما تحاسبنيش حاسب خالتك إلا غصبتنى وهدت أحلامى معاك كانت بتمنعنى اقابلك عشان ما اقولكش انى مش طايقك ومش عايزاك ..
رفيق نزل تكسير فى كل حاجه حواليها وسابها ونزل ... راح لخالته واتعصب واتكلم كتيرررىى ... هدته وقالتله انه انسب واحد لها ويصبر عليها ويقربها منه لحد ما تنسى وتحبه هوووو .. حاول يعرف مين اتهربت ومقالتش مين .. مرت الأيااام ورهف مصره على رأيها بتتهرب وبتبعد عن رفيق برغم كل إلا بيعمله لها .. حتى بعد حملها منه .. كان كلامها واحد ما بيتغيرش وهو صابر على أمل انها تتغير وتحبه حاسس انها بدئت تتغير شويه بعد خلفت البنت التانيه وفى يوم اتخانق معاها وعشان تدايقه وهو بيعايرها بحبها الاولانى استفزته وقالتله انها مش ها تنسى ولا ها تسيبه  رفيق اتجنن معقول لسا على علاقه بحد تانى وهى متجوزه .. كان ها يموتها لولا تدخل الناس ومشيت وسابت البيت ... تمر الشهور وهى عند امها وهو رافض يطلقها ورافض يرجعها  .. لازم يعرف بتحب مين .. بيقلب فى هدومها وحاجتها  لقى صوره لها هى وباسل  بيضحكوووو فيها من قلبهم وعرف ساعتها إن اعز اصاحبه هو إلا عامل فيه كدا .. معقول هان عليه الصداقه وهان عليه العشره
بااااك
*******
عرفت انا مش مصدقك ليه .. عرفت انا عملت فيك كدا ليه
باسل بيأكد له : والله ما اعرف حاجه عنها من يوم ما اتخطبتلك حتى خطوبتك وفرحك ماحضرتهمش عشان ما تحنش ولا انا احن لها .. خرجت من قلبى وبقت اخت لياااا يوم ما دخلت بيتك  .. بس ارجع واقول العيب عليك واحده بتضغط عليك كل الضغط دا  ومكمل معاها .. ليه تضيع نفسك عشانها
رفيق بعياط : حبيتها قوووى لدرجة انى ماكنتش قادر حتى اطلقها مسح دموعه .. خلاص إلا حصل  حصل وانا ضعت وإنتهينا قوووم ما تضيعش وقتك
باسل مسكه : لسا مش مصدقنى
رفيق بحيره وخنقه : مش عارف ومش فاهم ليه كانت بتنتقم منى بالشكل دا ما استهلش منها كدا 
باسل : صفى إلا بينك وبيها فى بيتك وفوق لشغلك وصلح إلا عملته القائد أمجد على علم بكل حاجه ودا يمكن يغفرلك .. انا كدا عملت إلا عليااا وبعد العمليه دى انت من طريق وانا طريق .. رفيق رفع راسه وباصله
باسل : بكرا تعرف انك ظلمتنى وخسرت اخ ليك بجد  وكل ما الجرح دا يئلمنى  وحط ايده على صدره ها افتكر اد إيه غدرت وبعت كل إلا بينا ... وبإهمال اركب ..
رفيق ركب وبيعيد كل إلا حصل وكل إلا بينه وبين باسل حتى بعد ما كان ها يقتله هو الوحيد إلا أنقذه وخرجو منها ..، ليه رهف كانت بالغباء دا .. كانت بتحب باسل بجنون لدرجة انها تعمل كدا  ... نزل من عربية باسل وركب موصلات وكمل طريقه سافر سفر طويل حاسس انه بيبعد مش بيقرب لحد ما وصل شقته ... إتفاجئ بوجودها هناك .. فعلا ما بقاش طايقها ولا قادر يبص فى وشها ..
***********
لولو بتتصل على باسل قلبها قلقان عليه وباسل ماسك الفون متردد يرد عليها دموعه ما بتقفش مخنوق قوووى ..
باسل : الووو
لولو : بسبوسه يا حبيبى وحشتنى يا جميله خالص 
باسل ابتسم : انتى إلا جميله وبحمد ربنا إنك مراتى
لولو بدلع : جد يا بسبوستى طيب مش ناوى تودينى المالديف بقى واسبح زى البطريق
باسل ضحك بصوت عالى : ها اوديكى فايد ايه رايك وتسبحى زى السمكه ام ديل 
لولو : مش مهم المهم اسبح ... عمر بيسلم عليك قوى قوى وبيقولك كلمه اصلك وحشته
باسل من قلبه : وهو كمان وحشنى والله ..، فاكره يوم ما كان مسافر
لولو : هههههههههه فاكره دا صعب عليااا بسببك انت جبار يا مان وإلا منظره وهو بيجرى منك لما رجع يحضنك
باسل : 😂😂 يالولو دخل المطار هو واختك ست مرات ويطلع ويقولى هاتوحشنى خلينى معاك خلفته ونسيته .. اعمل إيه اخر مره طارت وراه لحد شباك الجوازت جوا هو يجرى وانا اجرى وراه
لولو : ههههههههه لاما ماكنتش عارفه تعمل ايه تسيب بنتها والا تجرى ورا جوزها والله انتى راجل مفترى
باسل : المهم انه سافر دا كل دماغى وحاضنى فى العربيه اقسم بالله بدأت اشك فى نفسى ... الوحيده إلا بتقدر على دماغى انتى .. انتى فى قلبى ما تقفلى بقى كل ما ابعد عنك بيتحط عليا عصير قصب وبحلوووو
لولو : ماشى يا باسن انا غلطانه اقفل يكش الديابه تكلك وقفلت
باسل باصص للفون : ماهى ناقصه ديابه كمان
وحطه فى جيبه وراح للكتيبه بتاعته
************
رهف اول ما شافت جوزها : رفيق .. وقايمه تجرى عليه .. حمدالله على السلامه
رفيق بعدم إهتمام قعد : إيه إلا جابك
رهف : انا هنا من ساعة ما سافرت كنت جايه اصلح إلا عملته معاك سامحنى ارجوك واوعدك .. اوعدك انى مش ها ادايقك تانى
رفيق : انا عايز اعرف حاجه واحده : ايه بينك وبين باسل
رهف : والله العظيم ما فى اى حاجه من يوم ما اتخطبنا احنا كنا بنحب بعض وكان عايز يخطبنى وخايف يقولك تزعل منه إنه كلمنى من وراك ... بس واتقطعت علاقتنا او هو قطعها بعد شبكتنا على بعض ... كنت عاميه ومش فاهمه خسرتك بغبائى بس انت كنت ساعات بتدايقنى بكلامك .. انى ماشيه على حل شعرى فا كنت بستفزك وادايقك مش اكتر والله صدقنى ... والله حبيتك وعايزا اعوضك وبتقرب منه وهى بتعيط
رفيق زقها : إبعدى عنى انا ادمرت وانتى السبب اساسا ها اسلم نفسى بس بعد ما اسلم راس الحيه إلا زيك ..، كلكم واحد انتى زيك زيهم وانا ها انضفكو من حياتى كلكووو على الاقل لما اتحاكم ساعتها مش ها احس انى زعلان ولا ندمان عشان باسل طلع عنده حق وطلعت انا غبى  ..
رهف بعياط اكتر : هاتعمل إيه هاتضيع نفسك تانى
رفيق قرب عليها وضغط على دراعها : مين ضيعنى أولانى انتقمتى من امك فيا .،، روحى كملى حياتك بقى بعيد عنى انتى طالق ... وطلعها برا وقفل الباب ...
رهف : بتخبط .. رفيق .. افتحلى ارجوك ماتهدش كل حاجه فى ساعة شيطان والله ها اصلح كل إلا عملته بس إدينى فرصه عشان خاطر بناتك .. رفيق ... رفيق ..، وهو دخل الاوضه بيقلع هدومه ..، بيلف وضهره للشباك وفجأه طلقه اخترقت جسمه فى نفس المكان إلا ضرب فيه باسل .. فعلا كما تدين تدان  ... بس يا ترى مين عايز يخلص من رفيق وبالسرعه دى  ...
❤❤❤💙💙💙💚
بقلم : لبنى طارق
💚💚💛💙💚💚
من بكرا ان شاء الله تكملة الاحداث الساعه ٨