لاتتركني

٤

من طلعنا من المطعم لكيته يركب سيارته بس مالحكت عليه حرك وراح
رجعت لرزان الي تباوع عليه بااستغراب ...

رزان .. شبيج هسه هو الولد سوه
وجد ... لا جاوز حدود هو منو حتى يدفعلنا الحساب
رزان ... ترى السالفه جدا عاديه يعني هسه لو كريم هنا وشاف وحده من خواته مو هم يدفعلهم
وجد.. من ارجع احجي لكريم
رزان .. وجد لتكبرين السالفه نكلج ماجاوز الرجال

.. صعدت بالسياره وحركت رزان كالت .. شبيج ليش كارهته هيج للرجال
وجد ... اموت منه مسوي نفسه محبوب وهو دمه ثكيل يلطش

رزان ... الرجال اني ماعرفه بس مبين عليه محترم ومرتب وصراحه كلش حلو 😁

وجد .... شو كلبنا على هذا 😒
رزان ... هههه وعادي ليش ماكلب ماعندي احد  وعندي جفاف عاطفي 😪
وجد ... ههههههه ها وكريم ميسد هذا الفراغ 🤨
رزان ... كريم وشعليه بيه 🙄
وجد ... والله يا رزونه مادري ليش متحجيلي 🤔
رزان .. شحجي هاي شبيج ههههه
وجد ... اعرف بيج عينج على كريم ومعجبه بي
رزان  ... هههه مرحله الاعجاب تعديتها هسه دخلت مرحله الحب
وجد ... شنو هالحب وهو ميعرف
رزان ... شسوي لاخوج هو حتى اذا شافني يكلي رزونه عبالك اخته الصغيره
وجد.... هههههه لج غير هو معتبرج مثلي الرجال شمدريه انتي غركانه سفنج
رزان ... وجد هو ماعنده وحده
وجد... لا ماعتقد عده حاليا
رزان ...ليش جان عده قبل
وجد  ... اي جان يحب وحده وياه بجامعه حتى امي راحت تخطبها اله اهلها مقبلوا
رزان ... والله ليش مقبلوا
وجد ... جانت من غير ديانه واهلها مقبلوا تاخذ مسلم
رزان  ... اوي حبيبي نقهرت عليه هو بعده يحبها لو عافها
وجد ... مادري والله بس قبل اشوفه محتفظ بصورها

... شفت رزان ظلت ساكته وسوق كتلها...  شبيج شو ضجتي

رزان ... وجد اني معجبه بي كلش شكد يجون عليه بس ماكو احد مثله هسه من عرفت هاي سالفه الامل الجان عند وكع بالكاع

وجد ... سالفه قديمه هاي يعني حتى البنيه يمكن زوجت هسه
رزان ... هو ليش ممزوج لحد الان اذا مزوجه

وجد .. يجوز بعده مملتقي بوحده مناسبه
رزان .. شسوي حتى يشوفني
وجد ... لسوين شي اذا هو من قسمتج اكيد حيجي الج
واذا مو من قسمتج لو تحركين نفسج ميصير الج

رزان .. حجت حجيه وجد

وجد ... ههههههه بس لتخافين كل مااشوف كريم كاعد ححجي بيج

رزان .... اي عفيه كثريلي اسم رزان بيتكم

... وصلتني للبيت وراحت دخلت لكيت امي وكريم بالحديقه كاعدين يشربون جاي

وجد ... هلو شونكم
كريم ... هلا بيج شونه الغده
وجد ... زين
امي ... رزان وصلتج
وجد ... اي هي وصلتني .. نداريت على كريم كتله .. اكلك شفت قادر بالمطعم
كريم ... قادر !!!
وجد  ... اي وحتى هو دافعلنا الحساب بس مالحكت عليه طلع
كريم ... مادري كال حرجع للبيت انام
وجد ... طلعت تليفوني من جنطه ودخلت عالصور الي اخذناها اني ورزان
شوفتها لامي كتله.. ماما باعي صورنا اني ورزان