لاتتركني

١٧

وجد.... مر على زواجنا الحقيقي تقريبا شهر ونص واني ماحسيت بيوم حبه قل ولا شويه حتى بعز شغل والهوسه الي يصير بيها جان مدللني

عوضني عن كل يوم ودقيقه مريت بيها واني حزينه
جان بالنسبه الي ابني حتى من نسولف يكلي مرات احس اني ابنج هلكد متخافين عليه ومهتمه بكلشي

صار جم يوم احس بدوخه تروح وتجي حتى قادر انتبه الي كال لان مااكل زين واسوي رجيم يجوز فقر دم ظل يلح الا يوديني اخذ تحليل فقر دم واني يوميا ماجلتها المهم فديوم اخذني ورحت سويت تحليل فقر دم طلع عندي نسبه عاديه يعني مو هو سبب بعدها
راد ياخذني لدكتور حتى يشوف الحاله بس اني ماقبلت وكلتله هذا من وره الرجيم لان مااكل واني من ماكل هيج يصير بيه.

رحت لبيت اهلي اسولف  ويه امي عالحاله العندي بسرعه كالت وجد خاف حامل
بوكتها ضحكت كتله اووو هم حترجعين تفتحين هذا الموضوع مانكر كلامها مر عليه مرور الكرام لا خلاني افكر وابني احلام ويجوز اني حامل ويجوز صار ويجوز الله حيرزقني وخاصه الاعراض المشهوره عد اغلب النساء عندي صايره ماحجيت لاحد خفت لاكلشي ماكو واتفشل
رحت اني وماما لدكتوره يمنا بالمنطقه كتلها عالاعراض العندي ومثل اي دكتور طلبت مني تحليل حمل اني خليت ماما كاعده بالانتظار يم دكتوره واني نزلت عالمختبر سويت دم وكاعده انتظر اني اعرف اني مو حامل بس ماظل دعاء مادعيته التوتر موتني

ام المختبر صاحت اسمي وانطتني الورقه بس كلشي ماحجت اني اخذت منها الورقه كلت اكيد لعد مو حامل لان ماحجت حتى ماكلفت نفسي اباوع عالورقه هلكد مامتاكده داصعد الدرج للدكتوره نزلت راسي لا اراديا هالورقه باوعت مكتوب p  ظليت واكفه عالدرج صنم مامصدكه نزلت مره ثانيه  بسرعه رجعت لام المختبر كتلها عفيه اني حامل لولا.

هي باوعت عليه عبالها ماعرف اقره لان بالانكليزي كالت اي حامل p يعني ايجابي
طلعت من المختبر ماعرف اركض ماعرف امشي بهدوء مثل المخبله ابجي مدري اضحك  ممصدكه صعدت فوك لكيت امي كاعده تنتظرني شافتني ابجي اضحك كلبها حس ومبين حالتي غريبه بحيث وكفت كالت ها بشري
رحت حضنتها وابجي كالها ماما حامل فد شعور مينوصف وامي دكلي لاتشاقين بروح ابوج صدك حامل 
بعدها دخلنا للدكتوره شافتني اني وامي فرحتنا موطبيعيه اني ابجي امي تبجي كالت ترى اني اعرف حامل بس كلت نتاكد عاد شرحتلها حالتي وكتلها اني عندي رحم طفولي وكومه اخذت علاج وتقارير دزيتها للخارج وكالو ماكو امل

دكتوره... ماكو شي اسمه ماكو امل كلشي بيد رب العالمين

وجد... اخذتلي سونار وكلسع تعيد سونار كالت... انتي رحمج طبيعي منو كلج طفولي

وجد... اني صافنه عليه كتلها دكتوره راجعت يم ٣ دكتورات ونفس الحجي

كالت .. رحمج كلش طبيعي ماكو هيج كلام عدج تقارير سونار يثبت هذا الكلام .