لاتتركني

٨

.
كريم .. مدد بالغرفه اجاني اتصال جاوبت

الو .. السلام عليكم
وعليكم السلام
اني ابو رزان صديقه وجد
كريم ... اهلا وسهلا
.حبيت اشكرك على السويته اليوم ويه رزان حجتلي كلشي ودكول ماقصر ويايه.
كريم... لا هذا واجبي عمي ابو رزان ماكو داعي تشكرني هي هم مثل وجد .
... تسلم ابني والله رزان كالت انت اخذت رقمه لصاحب سياره
كريم ... اي اتفقت ويه اني ادفع فلوس تصليح

... والله ياريت لو دزلي رقمه حتى اتواصل وياه واحلها

كريم ... خليك مرتاح عمي ابو رزان ماكو فرق بينا اني احلها .

... تسلم ماتقصر  انتظر رقم دزلياه على هذا رقم اذا مابيها زحمه
كريم.. صار هسه ادزه
... ممنون منك

كريم .. سديت التليفون حفظت رقم ابو رزان رجعت دزيت رقم صاحب السياره لابو رزان شويه ودخلت اشوف وصلت الرساله شفت اني داز رقم ابو السياره  للرقم الغريب الجان يدك عليه رجعت كلت شبي هذا تليفون شكل كام يدز بكيفه
رجعت للسجل اشوف اخر مكالمه لكيته مكتوب ابو رزان نوب ارجع ادخل للرسائل الكاه رسائل الي تجيني يوميا فتر راسي كلت شنو سالفه تركت التليفون كلت من انزل عود اكول لوجد .

وره شويه دك تليفوني لكيته ابو رزان كلت اهووو هذا رقم هسه عباله اتحارشت بي .
جاوبته جان يجيني صوت ابو رزان نوب كمت ماعرف شحجي وياه خابرني يكلي وصل رقم ويشكرني .

سديته رجعت للرسائل كلت شدخل رقم ابو رزان بالي يدزلي مسجات .
بسرعه كمت رحت لوجد اريد افتهم الموضوع
شفتها بالغرفه كتلها  ... اكلج متنطيني رقم ابو رزان

وجد ... ابو رزان ليش
كريم ... مو هسه دكلي ويريد ادزله رقم صاحب سياره ورقمه مسح
وجد... ماعندي رقمه تريد انطيك رقم رزان  دزلهياه.
كريم... ماشي  ردي... وجد ردت الرقم مال رزان لكيته نفسه الي اني حافظه يعني شنو رزان دز المسجات
رجعت للغرفه وكلش ضجت من هالتصرف المشكله هي البنيه كلش خجوله هي من سلم صوتها مينسمع.

صح هي صارلها فتره مدز شي بس شنو غرضها من دز هيج مسجات
عفت الموضوع كلت يله ماسوي شي واسوي نفسي ماعرفت الموضوع ..
......
وجد... عده اسبوع على خطوبتي جنت طالعه للسوك اني وماما محتاجين كم شغله رجعت للبيت اني صعدت فوك بدلت وغسلت هسه مددت سمعت كريم صاح عليه كمت كلت اكيد يريد اسويله جاي
جنت لابسه بجامه وشاده شعري كبايه نزلت الدرج  كريم كاعد
حجيت واني انزل كلتله .. اكيد تريد اسويلك جاي .
كريم ... اي والله بس سويها ٢
وجد ... اني كل فكري هو وماما . لتافيت واشوف قادر كاعد صرت تمثال ماعرف شسوي كلت الهلو طلعت ماعرف شون بسرعه للمطبخ لكيت امي كتلها غير دكولون هذا جاي

ام وجد... شو انتي متستحين شنو هذا
وجد  ... اي ياامي باعي شلابسه
ام وجد... واحنا شمدرينه هيج بسرعه بدلتي وغاسله وجهج
وجد... كل مره يجي يكعده بالاستقبال يايوم مستقبلين احد بصاله من جماعته