لاتتركني

٩

خابرني كريم العصر كال... ام قادر متخربطه وناقليها للمستشفى خابري قادر سئلي عليها

سديته ونقهرت عليه هو دايما يكلي امي مريضه بس اني ماصدكه عبالي هيج يحجي حتى يسكتني
دكيت عليه مرتين ب ثالثه جاوبني .. وجان صوته تعبان وضايج بالكوه يحجي

..الو هلو قادر شونك
..الحمدلله
..هسه كلي كريم الحجيه متخربطه خير شبيها
..اي والله هسه بالمستشفى ضربتها جلطه وحالتها كلش مو زينه
..يا سلامتها مشوف شر ان شاءالله صير زينه .
..تسلمين .
..ماريد اعطلك بس حبيت اسئل عالحجيه
..متقصرين
..مع السلامه
..مع السلامه

...
لليل اني كاعده بالغرفه اجه كريم عليه كلي وجد ام قادر توفت

وجد... كلش صدمني الخبر .. كتله لا اله الا الله شوكت

كريم ... قبل شويه هسه خابرني واحد من ولدهم

وجد .. وشنو حتروح هسه

كريم... مادري والله دكيت على قادر كال الفجر الدفنه
مقبل اروح كال باجر تعال

وجد... خطيه هو كال مريضه بس ممصوره كلش صايره

كريم ... جان رحت هسه عيب من قادر بس انتي وحدج ماكدر اعوفج

وجد... روح اذا تريد اني اقفل البيت واكعد بغرفتي قابل شيريد يصير .

كريم... لا مترهم خليها الفجر اروح وانتي خابري صديقتج تجي يمج حتى لتبقين وحدج اليوم كله

وجد.. ان شاءالله . طلع كريم رحت وراه كتله اكلك كريم

كريم .. ها
وجد... اخابر قادر اخذ من خاطره لو هسه مو وكتها
كريم ... مادري والله اذا حصلتيه خابريه بس اني وين يله حصلته .

وجد... رجعت لغرفتي دكيت عليه كله مشغول يطلعلي
كلت باجر اخابره الصبح
ب ٥ الصبح كريم طلع راحلهم اني قفلت البيت ورجعت لغرفتي نمت للتسعه تليفون حسيت عليه يدك باوعت امي كلت شبيها من صبح داكه

📱وجد....الو ها ماما
📱ام وجد....ها حبيبتي جنتي نايمه
📱وجد...اي والله
📱ام وجد...اكلج ماما كريم خابرني  ام قادر متوفيه خطيه
📱وجد...اي والله من البارحه هو طلع من صبح الهم
📱ام وجد...خطيه مالحكت تفرح باابنها
📱وجد...اي هي متخربطه ومضروبه جلطه
📱ام وجد....الله يرحمها برحمته حجيتي ويه قادر
📱وجد....لا دكيت عليه البارحه كم مره كله مشغوله
📱ام وجد...هي مو مال مخابره لازم تروحين تأدين الواجب
📱وجد... شون اروح والله استحي وبعدين اروح واني ماعرف اي احد هناك
📱ام وجد...اي لعد شون ياعيني هذا واجب حبيبتي اني لو موجوده جان رحنا اني وياج
📱وجد...مادري والله استحي وشيوديني
📱ام وجد....هسه اخابر كريم اكله لازم تروحين اخذي من خاطر قادر وخواته ورجعي

شويه وخابرني كريم  كال... ميكدر يرجع ياخذني ويرد يروح حيدزلي واحد اسمه عقيل يشتغل عدهم دازي ياخذ غراض ويمر عليه من يكمل مسواكه رحت غسلت وبدلت وكعدت انتظر
وره تقريبا ساعه ونص خابر كريم كلي طلعي لعقيل بره واكف
طلعت هو  بسرعه نزل من سياره سلم جان رجال حباب ومبين فقير قفلت البيت وركبت ونطلقنا كلشي ماحجه ويايه وره مسافه سئلته بعد شكد ونوصل
كال ... مضل شي شويه ونوصل