لاتتركني

١٨

صعدت فوك ودخلت عليها لكيتها كاعده صافنه عالكنتور رحت يمها كتلها صاير بينج وبين قادر

وجد... شويه مشاكل

كريم .... شويه وعايفه ابنج وجايه وجد خابرني قادر صاير نار يحجي وصوته يرجف من العصبيه احجيلي صاير

وجد ... مصاير شي بس اني وقادر وصلنا مرحله بعد منكدر نكمل

كريم... شنو منكدر نكمل شدتحجين

وجد... ماريده بعده كله وجد تريدك تطلكها

كريم... شنو ؟!!!!!!
وجد.. .......

كريم... شنو تطلكين تخبلتي انتي

وجد... ماريده بعد ليش كلشي بحياتي لازم انجبر عليه
كريم.... تخبلتي مو!!! لج هذا قادر الي سوه كلشي علمودج طز بيكم انتي وياه ابنج شنو ذنبه مفكرتي بي

وجد... ماريده خل ياخذه هو يربي اني مفيدهم بعد

كريم.... لحد الان اني ضابط اعصابي وياج واكول نتناقش بس طريقه كلامج الكلها الالغاز متفيدني صاير بيناتكم احجيلي عرفتي بي مزوج غيرج مصادق

وجد... لا

كريم... يمد ايده عليج بخيل
وجد... لا
كريم... ماشي اني وياج هسه ادز عالرجال اكله اختي تريد تتطلك ميكلي شنو سبب شكله

وجد.... ......

كريم... وجد لاظلين ساكته لو تحجين شكو لو هسه ترجعين لبيتج
عفتها وطلعت واني صاير نار من وره تصرفاتها  دكيت على رزان على امل تحجي الي بيها لكن رزان كالت ... ماعرف شبيها وهي لو عدها شي تحجيه اسئلها كتلها مو سئلتها ومدتقبل تحجي

رزان... ماعرف شكلك والله
كريم... رزان اعرف وجد كلشي تحجيلج ومتاكد ١٠٠% انتي تعرفين شبيها

رزان ... كريم اسئلها الها ليش دتسئلني الي اني البيه كافيني

كريم... استغفر الله زين هسه ليش تبجين
رزان .... مابيه بس لان صاير عصبي عليه
كريم... اني اسف بس والله وجد ماخلت براسي عقل تخيلي تريد تتطلك

رزان.... اني باجر اجي احجي وياها وان شاءالله خير

..........
وجد..... اكيد الكل مستغرب من تصرفي هذا عمري ماتخيلت بيوم اوصل مرحله اطلب الطلاق من قادر تبدي القصه قبل ٣ اسابيع تقريبا من المشكله من جنت بالبيت يم رزان بعد وفاه والدها لمن جنا نحجي وحسيت نزف خشمي اخذت الموضوع عادي رزان انخبصت من شافتني خطيه كتلها يجوز لان بقيت هواي بشمس وراسي صار يوجعني عفت الموضوع يعني مهتميت بعدها صرت احس بارهاق مو طبيعي وتعب مستمر صارت
جنت احجي ويه رزان دتسئلني شون صرت داحجيلها اكلها خشمي كل ماحس بارهاق يصير نزيف هي صارت عدها حاله رعب
رزان....شونها شهيتج
وجد... يعني موكلش اشتهي ولج حتى وزني دينزل يمكن هلكد ماداتعب ويه احمد