لاتتركني

١٤

هو قرب راسه من يم راسي كال ... حعوفج تنامين الفرص جايه هواي ولازم يجي يوم اخليج جربيها

اني غطيت راسي بالغطه وشويه وغفيت جنت تعبانه محسيت الا على  حلم جان حلم غريب اني عساس كاعده بغرفتي القديمه بيت علي وجنت ضايجه لان اني بعدني بهاي الغرفه  وعساس جنت انتظر علي بس الباب نفتحت ودخل قادر اني صرت ادفع بقادر حتى يطلع من غرفتي  لان خايفه يجي علي يشوفه ظليت اعيط اطلع اطلع وشي خانكني بس قادر جان لازم ايدي قوي يريد يطلعني من الغرفه  ماكدر افك ايده من القوه ..
كعدت على قادر يكعدني بسرعه فزيت اباوع اني وين بيا غرفه من شفت نفسي اني مو بيت علي كلش ارتاحيت

كلي ...شبيج
وجد... كعدت بسرعه لازمت ايدي احسها بعدها توجعني

قادر... جنتي تحلمين اهدئي ماكو شي
وجد.... مجاوبته بس رجعت نمت ... هو ظل يباع عليه يمكن جنت اعيط اول مره هيج احلم بحيث لازمت ايد قادر ونمت مجنت حاسه كلش على نفسي
كعدت صبح قادر جان بعده نايم اني كمت غسلت ورجعت اخذت ملابسي وللحمام بدلت ونزلت جوه جانوا خوات قادر بعدهم نايمات جنت احضر الريوك
سمعت صوت ورايه ... شوكت كعدتي

وجد... نداريت لكيت قادر واكف يم باب المطبخ ... صباح الخير

قادر... صباح النور ... محسيت عليج من كمتي
وجد .... جنت نايم ومسويت صوت بالغرفه .. اجه كعد واني جنت احضر ريوك

قادر..البارحه شبيج شحلمتي

وجد... بارحه ماذكر

قادر... متذكرين جنتي تبجين
وجد... مادري ماعرف يجوز كابوس

قادر... يجوز

وجد... شويه ونزلن البنات كعدنا نتريك وره ريوك جنت اغسل الماعين والبنات كاعدات يمي يسولفن
اجانه
قادر كال ... عود حضروا نفسكم نطلع نتغده بره
بعدها حضرنا نفسنا  وطلعنا بسياره دك تليفون قادر كال هذا الحجي حجه وياه وجان الحجي عازمنا عالغده بيته الثاني بس لاحظت قادر انزعج واصلا كله احنا  بالمطعم نتغده وخليها غير مره عاد ابوه مقبل كله لعد عالعشه سد التليفون وكال ... الحجي عازمنا عالعشه طبعا

نور .. اهووو قادر ماريد اروح لهناك
نوال ظلت ساكته
قادر ... لا روح حتى ميكول كتلكم ومجيتوا

وجد...اني جنت ساكته ماعرف شبيهم بس اظاهر عدهم مشكله ويه بيت ابوهم .

رحنا بالمطعم وطلبنا الاكل الكعده كلها  قادر يشاقي بخواته ويضحكنا  تونسنا كلش بعدها طلبنا من قادر يودينا للمول البنات محتاجات شغلات واني هم
طبعا قادر ميحب ابد المول نمشي بالمول ونسولف اني والبنات وهو ورانه يمشي
اني جنت لابس بنطرون وتوب وستره وجنت فاتحه شعري
دخلنا محل ملابس قادر ظل واكف بره جنا نكلب بالملابس وابو المحل من الناس الي يلزكون بالواحد كل مالزم شغله يجي هاي هيج قياسه وهاي كلش حلوه باللبس وهاي الوانها هيج يعني اعرف هذا شغله بس اني من نوع اضوج اريد افتر وحدي واذا عجبتني شي حسئل عليها اكيد..