لاتتركني

٧

.

أبسطها إلك....

الي يحب من صدك ميعوف....💔

مايخون ..
          مايخذل...

مايوعد بأشياء ويبدل!!!
   
ووو  و وووو يهتم .

..  .............

وجد ... جنت داخله بكأبه مالي واهس كلشي اسوي جنت تعبانه من كلشي .
اجتي امي كعدت يمي ظلت تحجي بس بالي مو وياها حسيت عليها من لزمت ايدي

... شنو دكولين
ام وجد ... صار ساعه احجي شبيج وين صافنه

وجد... جنت اباع عالمسلسل مادري

ام وجد ... هسه المهم داكلج اهل قادر حيجون الاسبوع الجاي .

وجد... ليش يجون ؟

ام وجد... شنو ليش يجون ؟
وجد... المطلوب مني شنو
ام وجد ... وجد ادري انتي متريدين تزوجين بس يعني الى متى لازم يجي يوم وتزوجين وهاي القسمه زينه وناس نعرفهم وشفتي الرجال وافق على شروطج بدون نقاش وحتى من كريم فاتح الموضوع  وياه كايله خليها براحتها وطلب من كريم ميحجي بهذا الموضوع
اذا تحبيني من صدك وتريدين رضايه كلشي عشتيه خليه وره ظهرج انسي عيشي هسه تخيلي نفسج اول مره تزوجين .

وجد ... ظليت اباع على امي واسمع كلامها الي ماكو اسهل منه من احد يحجي ماعندي حتى اي رده فعل او جواب الها ظليت ساكته .

ومرت الايام كلها نفس كل الايام واجه موعد زياره بيت قادر امي جانت محضره تحضيرات كانما عزيمه
احلا الحلويات احلا الاكلات واحلا استقبال استقبلتهم

جنت اعدل نفسي وسمعت امي صيح عليه
نزلت عليها كالت شفت الضيوف وصلو من الكامره طلعنا اني وياها نستقبلهم جنت امشي وره امي بس ماعندي اي احساس وحماس .
جانت جايه عماته اثنين وهاهيه دخلو وكعدو وامي سولف وياهم واني كاعده ماعندي اي مشاركه
امي استغربت الوضع ام قادر ماكو خواته خالاته
عماته كالو..  الحجيه مريضه متكدر تطلع والبنات ملتهيات وياها وحسيتهن اصلا منحرجان من امي سئلت عليهن .
صار حجي وطلبوني رسمي من امي وكلش جان وضع غريب حتى حسيت عماته جايات يادون الواجب

بعدها طلعوا امي خابرت كريم حجتله الوضع والي ضاجت كلش من الي صار كريم كللها اشوف قادر شنو الموضوع
........

قادر .... بعد ما حجيت ويه الاهل حتى يرحون يطلبون وجد رسمي من والدتها  امي رفضت تروح وظلت مصره متريد وجد الي بسبب انه منفصله حاولت بكل طرق ظلت مصره متروح حتى ابويه حجه وياها هم مقبلت
جنت خجلان من اهل وجد شسوي منو حيروح يطلبها حتى خالاتي مقبلن يروحن يخافن لاامي تزعل عليهن
والدي حجه ويه عماتي وطلب منهن يروحن بدال امي
وفعلا راحن جنت مستعجل كلش بس اريد الموضوع يمشي

وصلتهم لبيت وجد ورجعت للشغل وره ساعه شفت كريم يتصل

الو ها كروم شونك