لاتتركني

١٩

كريم.... بعد ماعرفت بمرض وجد حياتي نكلبت صار همي كله وجد وخاصه بعد ماعرفت رزان جانت تدري بمرضها

من العصبيه والضوجه الصارت عندي دكيت عليها وبس جاوبت كتلها..
(مع الاسف جنتي تدرين بيها مريضه وماكتيلي كم مره سئلتج وكتيلي ماعرف جنتي شمنتظره تموت مثلا يله تحجين )

رزان... والله اني كل شويه اخابرها حتى اخليها تحجي بس هي حلفت بعد متحجي ويايه وتعرف وجد

كريم.... جان لازم دكليلي الي هذا موضوع حياه او موت

رزان.... كريم اني من عرفت بوجد بس الله يعلم بحالي نوم ماكدر انامه وهسه انت دتحملني اني المسؤوليه

كريم ... مداحملج اذا شايفه عتبي عليج هسه مو شي مهم فااني اسف  واسف مره ثاني خاف انزعجتج يله مع السلامه

سديته
حاولت بعدها دك عليه ودز مسجات تشرح لكن اني جنت قافل منها كلش
سافرنا والتهيت ويه وجد بعدها جان لازم ارجع لبغداد لان عندي شغل لكيتها دازتلي مسج كاتبه (استاذ كريم عرفت من وجد انت بغداد رجاءا قبل متسافر بلغني لان عندي غراض اريدك توصلها لوجد واسفه عالازعاج )

قريت المسج وضحكت كتبتلها ( ست رزان اني يوم الخميس الجاي راجع لبنان فاذا حبيتي تنطيني شي فباجر ماعندي شي اكدر امر عليج للدوام

دزت ( ماكو داعي استاذ كريم الاغراض توصلك للبيت اليوم بالليل )

دزيتلها ( ماشي ست رزان باانتظارج)

اني جنت بالبيت كاعد جرس البيت دك طلعت كلت اكيد رزان اجتي تنطيني الاغراض فتحت الباب لكيت ولد شاب سلم كال اني اخو رزان سلمت عليه واخذت الاغراض ودخلت للبيت انتظرتها دز شي مدزت بعد ثاني يوم رحت انتظرها يم دوامها ظليت انتظرها لحد مطلعت جانت واكفه يم جماعتها يمكن ينتظرون الخط
شافتني وغلست سوت نفسها مشافتني استفزني تصرفها دكيتلها شافت التليفون وكملت سوالف ويه الواكفين يمها
دكيتلها مره ثانيه نفس الحاله
......
رزان .... تاذيت كلش من عرفت بمرض وجد  وخاصه هي وابويه نفس المرض مجان بيدي اسوي شي غير اقنعها تحجي لاهلها كريم كلامه الي اذاني حيل مجان يعرف اني بشنو مريت بشنو داعيش خايفه من كل تليفون يجيني خاف وجد بيها شي احلامي كوابيس
جنت مشتريه شغلات لوجد وردت كريم يوصلها دزيتلها المسج وجنت كلش رسميه وياه رد جاوبني وجان هو هم رسمي دزيت اخويه يودي الاغراض اله تفاجئت ثاني يوم واكف مقابيل دوامي شفته وتقصدت اسوي نفسي مامنتبه دك عليه ومجاوبته جنت ضايجه منه بشكل منتظرين الخط يجي ماشوف الا واحد يكول السلام عليكم جماعتي بدوام واكفين يمي ردو سلام اني صافنه عليه شنو هالجرأه العنده
باوع عليه كال ... مو اتصلت عليج ليش مجاوبين

رزان... اني صراحه فشلت معرفت شحجي كتله مادري تليفون صامت

كريم... تعالي اوصلج سيارتي هناك