لاتتركني

١٣

.... يعني المفروض انتي دايما بغرفتي لان زوجتي مو نايمه بغير غرفه بس خالج براحتج اذا تريدين تكمل معامله صديقتج تجين يمي اليوم
.... جاوبته بعصبيه انت واحد استغلالي كلشي بحياته اله ثمن حتى مساعده الناس
ماريد شي منك عفته وصعدت ركض للغرفه وسديت الباب بعصبيه رادت تنكسر ..

كعدت ضايجه ولعبانه نفسي منه عبالي عنده اخلاق ويساعد الناس

ظليت كاعده وافكر بكلامه وانواع الشتائم حجيتها عليه
استغلالي بس يريد ينتهز الفرص
دك تليفون اشوف رزان تتصل يربي شنو اكللها جاوبتها وجان صوتها منتظر البشاره مني
بس كلتلي بشري يكدر يسويها كك
جاوبتها اي يكدر كلي خل جيب اوراقها باجر وهو يمشيها
صارت تدعي الي واله وكلش فرحت سديته منها واني ماعرف شسوي

ظليت حايره شون ارجع اكله موافقه على طلبه اني اعرف قادر كلش يحب يساعد صدمني من  يريد مقابل
رحت رتبت نفسي وغيرت ملابسي ونزلت حتى اكله موافقتي كان صاعد فوك صعدت مره ثاني وكفت يم غرفته كلسع اريد ادك الباب واستحي هسه شنو اسوي
ظليت واكفه شويه بعدين الممر بارد صح لابسه روب شتوي بس بارده
دكيت باب بس دكه متنسمع ظليت انتظره رديت دكيت الباب اقوى هو  سمعته كال ... دخلي

وجد... فتحت الباب واني كلبي يدك سريع واحس ايدي ترجف من التوتر والخوف
دخلت هو جان مدد وجان لابس بس شورت اني ماعرف شسوي ظليت واكفه يم الباب هو بسرعه عدل كعدته ويباع عليه ينتظر احجي

كتله .... اذا نمت اليوم هنا تكملها للمعامله

هو من حجيت هيج وكف اجه عليه سد الباب ولزمني من ايدي اخذني كعدني وكعد بصفي كال ... شبيها ايدج قالب ثلج صايره

وجد... بارد الجو شويه

قادر... خايفه مني

وجد... هزيت راسي ب لا ..( بس اني جنت خايفه ماردت يصير شي بينا واني بعدني ممستعده )
وكف كال ... تعالي نامي حتى اغطيج
كمت نمت وهو غطاني وظل يعدل بي
كلي ... تنامين بظلمه لو ابقي الضوه

وجد... اني بسرعه كتله بظلمه راح تفكيري لغير شي 

هو طفه الضوه واجه نام بصفي جان اكو ضوه خفيف جاي من شباك
يعني الغرفه مو كلش ظلمه ظليت اني متشنجه حتى ماتحرك على نفس نومه
هو شويه وعدل المخده قربها عالمخده الي نايمه عليها وظل يباع عليه

اني جنت بالبدايه اعترف خايفه بس من شفته كلشي مسوه شويه ارتاحيت حتى احتريت

قادر ... نعسانه
وجد... شويه
قادر... يله نامي
وجد... اني ظليت اباع عليه  استغربت لان ماسوى شي هو شويه وحسيته غفى اني شويه حسيت صبح بعدني بالفراش نفتحت الباب

استحيت من دخلت ام حيدر عليه للغرفه وشافتني نايمه على سريره
هي تفاجئت بيه بسرعه كمت الحمدلله بعدني لابسه روب
كالت .... صباح الخير رحت لغرفتج مالكيتج عبالي طالعه