لاتتركني

١٠

الشخص الذي يجعلك من أساسيات يومه يستحقُ أن تبني لهُ في قلبك وطناً يليقُ به ........

..........
تليفون دك شفته رزان كالت طالعه من دوام وحتجي يمي

بعدها بشويه اجتي رزان فصعدنا فوك لغرفتي ناخذ راحتنا سولفنا شويه بعدين كالت

رزان.. اريد اكلج شي بعد ماتحمل
وجد... كولي شبيج
رزان ... البارحه رحت للجامعه لان بدوام يريدون وثيقه تخرج رحت اسويها
وجد... اي سويتيها
رزان... اي سويتها بس شفت علي هناك صرنا  وجهه بوجهه سويت نفسي ماشفته
شو هذا اجه سلم عليه واكلني بسلام عبالك شايف امه وسئلني عليج بس اني ماحجيت شي بالبدايه بس كتله الحمدلله زينه

وجد... وليش يسئل

رزان... باعي اني جنت ناويه مااكلج بس كلت خاف يخابرج .

وجد... شكو ليش يخابرني

رزان... هو كلي اني اريد ارجع لوجد وتعرفيني اني وياها شكد واحد يحب الثاني بس خايف هي متقبل اريدج تحاجيها.. اني من كال هيج ضجت منه كتله بعد كل واحد شاف حياته وانت رجعتك هاي متأخره وجد نخطبت وبعد ايام زواجها

وجد... اي سوه من عرف
رزان .... صاار فاندام براسي وشنو تزوج وحبها الي واني واني عاش اللحظه بعدين كتله اكلك انت مو خاطب
كلي لا اني مخطبت واني ماانسى العشره بسرعه مثل صديقتج
بعدين كلي منو خطبها واني كلتله صديق كريم
شو هو بسرعه كال اكيد قادر
كتله اي شو هذا  شفته كام يخوط بصف الاستكان عفته ومشيت
... شبيج خوما ضجتي لان كلتله نخطبتي

وجد... لا احسن من كتيله  هسه ذكر وجد وين جان كل هالمده
رزان... اكلج والله من اول ماشفته كلتلج مسموم ودمه ثكيل اني ادري شون جنتي عايشه وياه اني حجيت وياج لان كلت خاف يدكلج

وجد... اني من اول المشكله حظرته هو واهله اكول لكريم لو اعوفه

رزان ... لا عوفي الموضوع هسه اذا دكلج كليله ذاك الوكت .هسه عوفينا منه  اكلج شونه عريسنا

وجد... مادري
رزان ... شو مادري
وجد... تعرفين علاقتي بي شونها يعني ليش سئلين مادري
رزان... يعني ماشفتي شي بي زين يخليج تغيرين .
وجد... هو حباب ونفس الوقت شايف نفسه بس اكو شي عجبني بي انه مينطي بيه ابد

رزان... عندي احساس يحبج.

وجد... لا شيحب لا سامع كلمه زينه مني لا تصرف زين اني كلش بارده وياه
ظلت رزان للغده تغدينا سوه وراحت امي بالليل اجتي جايبتلي علاليك كالت هاي صوغتج مناك 
فتحتها جانت جايبتلي شغلات حلوه فساتين وملابس نوم وملابس بيت ودكلي هذني الغراض خليهن من تزوجين

ام وجد... كلت لكريم روح لبيت قادر حتى اخذ من خاطرهم كال باجر ظهر نطلع روح ناخذ من خاطرهم ونرجع مانطول