طلعت على كريم كان كاعد وحده بصاله كتله قادر يريدك
كام كريم ودخل للاستقبال واني امشي وراه
وصل لقادر كله ها يابه شتبين
قادر وكف ...
اني من وكف كلت هاهيه حيروح جنت فرحانه خطتي نجحت
قادر ... تبين اختك شاريتني ومتريد تخسرني
كريم ... باوعت على وجد الي منزله راسها كتله.. شكو
قادر ... اني ماكدر اكول غير موافق على شروطها
صراحه ماريد اخسر عائله مثلكم علمود جم شغله متسوى
كريم ... باوعت على وجد الي رفعت راسها مستغربه لان وافق
وجد.... من سمعته هيج كال ظليت صافه عليه هذا شون وافق هيج اباع عليه ونظرات التعجب واضحه هو انطاني نظره حاده ورد باوع على كريم كله... اني ان شاءالله ابلغ الاهل واشوف جيتهم شوكت حتى ابلغكم
بعدها كال يله اترخص منكم .
كريم ... طلعنا للكراج . كتله ...تعال غير افتهم شنو الشروط شبيك ضايج هيج انت
قادر... لا مابيه شي
كريم ... شنو شروطها
قادر .... عود اسئلها الها يله اني تاخرت حروح
كريم ... والله اكو شي
قادر ... يله مع السلامه
كريم... دخلت للبيت شفت بس امي كتلها ... وين وجد
امي ... مادري شو هاي طلعت من الاستقبال بسرعه صعدت فوك حتى حجيت وياها ماردت
شبيها
كريم... قادر وافق على شروطها
امي .... وافق .. معرفت شنو طلبت منه
كريم ... قادر مقبل يحجي كال عود اسئل وجد
امي ... والله هاي الوجد ربتلي عله اصعد اشوفها شبيها مو قبل شروطها بعد شتريد .
كريم.. عفت امي وصعدت لوجد بغرفتها
وجد... بعد ما تفاجئت بقادر قبل شروطي اني تورطت كلش حسيت نفسي غركت وكعت بئر وماكدر اطلع منه
جان بالي حيرفض طلبي وميوافق بس صدمني من قبل شروطي
كطع صفنتي دكه الباب .. ادخل .
كريم... ها ولج شو صعدتي غير نفتهم صار جوه
وجد... مصار شي كلتله شروطي وقبل
كريم.. جنتي مفكره حيرفض
وجد... هزيت راسي ب اي
كريم... استغفر الله رحت كعدت عالجربايه كتلها ... شنو طلبتي منه
وجد... ليش صديقك محجالك
قادر.. لا محجه كال اسئل وجد
وجد... جنت اخاف احجي الي طلبته من قادر كدام كريم ..كتله ..طلبت بيت وسياره باسمي
كريم... وبعد
وجد ... هاهيه كلشي مطلبت
كريم ... سالفه مو بس سياره وبيت قادر جان ضايج
وجد ... يجوز يشوف البيت وسياره هواي عليه
كريم.. قادر ابد متهمه هاي سوالف متعرفيه بكدي انتي سالفه مو سالفه ماديات اكو غير شي طلبتي منه .
أنت تقرأ
لاتتركني
Roman d'amourقصه مشوقه جدا باللهجه العراقيه ومختلفه عن باقي القصص اتمنى ان تنال اعجابكم ❤️❤️ سوزان ليث🌹
