لاتتركني

٢١

الكل سكت حتى امي ماحجت شي باوعت عليه بمعنى شنو رئيج اني ماحجيلكم الخوفه العندي
وكف كال.... يله اني بره انتظر سلم وطلع بس شنو جان جامد لدرجه مو طبيعيه يعني حتى خالتي كالت ... قادر مبين عليه بالكوه مسيطر على اعصابه

اني ماكدر احجي شي صعدت بت خالتي جابتلي شغلاتي وامي اجتي عليه كالت حطلع احجي وياه تبقين هنا ليروح يسويلج شي
ضحكت من حجت هيج كتلها لتخافين ميكتلني بس خليني اروح احسن ماردت يعرف بهيج طريقه ...

ام وجد... اخابر كريم يخابره

وجد.... لا لا لتخابريه ابد خلي خطيه هاي ليلته لاتحجين شي ابد عوفيه . بعدين قادر هسه وضع ماريد احد يحجي وياه خليني اروح حتى احجي وياه

ام وجد.... ديري بالج على نفسج حبيبتي اذا صار شي خابريني

وجد .... ان شاءالله ... طلعت اني وخوات قادر امي ويانه وصلتنا للسياره هو واكف يم سياره جان امي دكله .... يمه قادر دير بالك عليها

هو باوع على امي بنظره يمه تخوف حتى ماحجه بس هز راسه صعدت يمه والبنات ليوره واحمد يمهم حرك وجان يمشي سريع وكلسع احس حنسوي حادث اني والبنات سكوت سمعين بس النفس مالتنا اني لازكه يم الباب اخاف التاف عليه .

وصلنا للبيت اني والبنات بسرعه نزلنا ودخلنا هو جان يفتح باب الكراج يدخل سياره دخلنا للبيت نور بسرعه كالت شماحجه لاتحجين والله ينطيج راشدي يسوي عندج ارتجاج بالمخ .
جانت تحجي وبصوت هادء حتى ليسمع اني حركتها ضحكتني بعز الخوفه
نوال كالت.... اني حصعد احمد فوك لان نام بسياره عافتنا وصعدت نور راحت يم الباب الصاله مدت راسها وبسرعه اجتي عليه تأشر اجه اجه وسويلي باي حصعد فوك وركض صعدت

اني مادري وين اروح خايفه منه رحت كعدت جان يدخل هو سد الباب بعصبيه واجه للصاله كعد مقابيلي شمر مفتاح سيارته واخذ جكاره وشمر الباكيت هم عالميز بعصبيه اني عيوني تتحرك وياه
بدا يدخن ورفع راسه يباوع عليه اني لازمه الورده الي بالفستان واعصر بيها
يدخن ويباع عليه اني جنت اباوع عليه شويه وشويه انزل راسي اريده يحجي شي حتى احجي ماكو ساكت واحسه حينفجر بحيث يحاول يهدء نفسه
اني تعبانه وتوتر كلش تعبني والباروكه صارت تحك راسي اريد اشيلها
وهو على نفس الوضعيه كلت هذا محيحجي خل اني ابدي يجوز ينتظرني احجي
بس كلتله .... قادر اني

قادر.... ماريد اسمع شي ولاتحجين كلمه
وجد.... من حجاها حجاها بعصبيه رديت كتله ... والله اعرف اني غلطانه

قادر.... غلطانه ليش غلطانه عادي ليش صار عفتينا اني وابنج ب ٧ شهور واحنا منعرف شبيج عادي شنو يعني مو مهم اني جنت اموت يوميه الف مره واني اشوف ابني يدورج هم عادي مو مهم ليش اني منو حتى تكوليلي خلك زوجج مو مهم اني

وجد.... تعرف كلش زين انت مهم

قادر.... ااااااششش ماريد اسمع شي البيه بس الله يعرف بي وماريد احجي لان اذيج بكلامي