كريم ... كعدت من صبح مشغول اليوم زواج وجد وقادر تاخر الوكت واني بعدني ممبدل اجتي امي كالت.. روح بدل حيجون اهل قادر
رحت سبحت عالسريع وجنت ابدل بعدني اسد بدكم القميص ندكت الباب اصورت وجد فتحتها تفاجئت ببنيه لابسه فستان اسود وتفاجئت بيه بحيث متعرف شتحجي المشكله اني مذكر منيه هاي شايفها بس مادري وين معقوله من كرايبنا
ظلت محرجه مني كالت ... اني اخت قادر والحجيه كالت غرفه وجد فوك صعدت اشوفها
كريم... اي اهلا وسهلا .. هاي غرفتي غرفتها هناك
نوال ... اني اسفه عالازعاج
كريم.... عافتني وراحت لغرفه وجد
دخلت كملت تبديل ونزلت جوه كعدت يم اهل قادر ونسولف نزلت هي ويه وجد ورزان وياها صراحه هي جانت مستحيه مني حتى متباع عليه مع العلم اني جنت اتقصد احجي واضحكهم بس هي جانت تضحك بس بدون متباوع عليه صراحه جذبتني بساطتها وخجلها ظليت خلتني افكر بيها حتى بعد ماعدا الموضوع وراح ....
......
وجد...فتحت الباب بهدوء اريد اسمع صوته هو بالبيت طالع اريد اروح للحمام ماعرف البيت هدوء جان طلعت شفت الورد بعده مشمور بالكاع من البارحه مشيت بهدوء دخلت للحمام غسلت وكملت وطلعت وكفت يم الدرج مديت راسي اسمع اكو صوت جان هدوء لتافيت ارجع للغرفه ماشوف الا قادر واكف ورايه اني كتله شكو بعصبيه لان من صدك خوفني
قادر... صباح الخير
وجد ...مجاوبته عفته وسويت نفسي انزل الدرج هو ورايه ينزل وصلت لاخر بايه وماعرف وين اروح سويت نفسي رايحه للمطبخ اخذت بطل ماي ورجعت صعدت الدرج هو جان كاعد بصاله يباع عليه واني اصعد
رجعت لغرفتي ظليت كاعده شويه والباب ندكت
ظليت ساكته ماحجي رد دك الباب رحت فتحتها جان واكف وساند نفسه عالحايط كال... تعالي تريكي
وجد... ماريد
قادر... يرضيج اكل وحدي
وجد... اي عادي يرضيني
قادر ... ماشي براحتج (كالها بعصبيه وراح)
وجد.... رجعت للغرفه سمعت صوت بره باوعت من شباك شفته يطلع سيارته من كراج وراح ماعرف وين
اني نزلت جوه اريد اكل شي لان جوعانه
رحت للمطبخ لكيته مجهز الريوك ومحضر حتى الكواب الشاي بس هو مماكل مغطي الاكل وعايفه
شفته مسوي بيض واكو كيمر واجبان وعسل وشغلات شهي كعدت اكل بس دورت صمون مالكيت كعدت اكل بدون صمون ماسمع الا صوت الباب نسدت لتافيت شفت قادر ورايه وبيده صمون
اني صرت بنص هدومي ماعرف شسوي واني الاكل بعده بحلكي .
كال... ها نزلتي اني رحت اجيب صمون لان ماكو
وجد... اني عدلت كعدتي وسويت نفسي اخوط الشاي
كتله نزلت لان راسي يوجعني كلت اكل واخذ حبايه راس
هو جر الكرسي وكعد كال... الف عافيه راسج يوجعج لان جوعانه
وجد... اني اكلت شويه وكمت
قادر... وين رايحه
أنت تقرأ
لاتتركني
Любовные романыقصه مشوقه جدا باللهجه العراقيه ومختلفه عن باقي القصص اتمنى ان تنال اعجابكم ❤️❤️ سوزان ليث🌹
