لاتتركني

٢٠

بهذه الايام كلش التهينا بعرس كريم جانت نوال تراسلني بشكل يومي وتفتحلي كامره اشوف احمد حالتي نفسي تحسنت كلش

هالفتره اجوي بيت خالتي حتى يحضرون عرس كريم جان مبين على وجههم الصدمه من شافوني بس مثلو كانما ماكو شي صار سوينا حنه بالبيت صغيره بيناتنا معزمنا احد كريم صدمني صدمتين اول وحده بالحنه من جاب احمد الي جانت الكاع مسايعتني بي شايلته وافتر بي سمعت كريم يكول لامي  قادر جان ميقبل يخليني اخذ احمد بس كايله بيبيته تريد شوفه كال لامي مقبل الا كلتله وجد ماكو بالبنان بعدها يله قبل كلش نقهرت من كلامه بس من ظل ابني الليل كله يمي نسيت  ماقبل احد يشيله نام بحضني طول الليل مانمت بس اباوع عليه

رزان جانت جايبتلي باروكه اللبسها  من جربتها كلش حبيتها جانت قصيره كاريه والغره جنن اول مره اجرب هيج شكل على وجهي ستايل شعر القصير يموت طلع وكلش حبيته اول مره بعمري هيج اشوف شكلي متعلمه عالشعر طويل
دزيت صورتي لرزان بسرعه خابرتني

رزان ..... ولج شنو هالجمال والنزاكه يخبل عليج
وجد... ههههه الله يجبر بخاطرج على هالكلام
رزان... والله يخبل من جنا صغار واني اكلج شعر القصير يلوكلج
وجد... اي شفتيني سمعت كلامج وزينت صفر
رزان.... يله روحي نامي باجر وراج كعده اليوم تعبتي
وجد.... ماشي حبي روحي انتي هم ارتاحي باجر وراج عمل شاق
رزان.... ههه شكد حقيره يله روحي باي

وجد... ههههه يله باي

رجعت نمت يم ابني وكلسع ابوس بي من الصبح دخلت امي عليه كال.... قادر بره يريد احمد ياخذه

وجد.... كلبي يدك سريع حتى ماحجيت بسرعه بدلت لاحمد وامي اخذته اني رحت من الممر اباوع من شباك يطل عالكراج بس ماكدرت اشوفه كلبي جان متلهف على شوفته رجعت لغرفتي لكيت رزان دك عليه جاوبتها كالت فد نص ساعه وتطلع من بيتهم وتجيني روح للصالون كتلها روحي انتي اني مابيه حيل البارحه ماكدرت انام زين اني من اكعد اجي واني بس مكياج يعني ماعندي شي

رجعت نمت كعدت ب ١٢ ونص على تليفون رزان فتحته صارت تعيط عليه لان تاخرت ومارحت كتله هسه ابدل واجي
بين ماغسلت وبدلت طلبت من كريم يوصلني للصالون عاد كلي اصلا اني حروح لان رزان مكمله حاخذها حتى نكمل جلسه تصوير وصلني للصالون وطلعتله رزان

جانت تخبل ماشاءالله عليها لعابه اني دخلت ظليت انتظر كالو لان مجيتي من وكت راح سراج لل ٣ واني كاعد كلشي ممسويه والمكالمات عليه كلسع ب الربعه الا ربع يله وحده نقهرت عليه وبلشت سويلي مكياج بعدها  رحت بدلت ولابست الباروكه هي عدلتها الي جانت محتاجه شويه تعديل عدلتها وخلتلي ورده صفح لون فستاني جان سمائي اول مره اشوف نفسي حلوه بعد المرض المكياج خفه التعب الي بوجهي كلش حبيته خابرت كريم كال اني ماكدر اجيج بعد شويه دخوليه مالتنا كلي حيدزلي ابن خالتي يجيني
اني اصلا تاخرت بصالون بدا العرس واني بصالون بعدني بين مااجه ابن خالتي الي ورجعنا للقاعه بالساعه تقريبا وازدحام العرس بلش ب ٥ اني ٦ ونص يله وصلت للقاعه
ماحجيلكم رجلي ترجف واني ادخل القاعه عبالك اني العروس دخلت وصارو كرايبي يسلمون عليه هاي الي دكلي ضعفانه هاي الي دكلي ليش هيج متغيره مجانوا يدرون بيه هاي لدكلي ليش هيج كاصه شعرج رحت لكريم ورزان سلمت عليهم ورزان ترزل بيه لان تاخرت  المفاجئه الثانيه من لكيت كريم مزين شعره صفر سئلته ليش هيج كلي...هيج احلا