مراد الروح ﴿ مكتملة ﴾

البارت الثلاثون

روح بانهيار داخل أحضان مالك :- مراد خان روح يا أبيه خاني ....
فجرت روح هذه القنبلة تحت صدمه الجميع ..
مالك باستغراب : خانك اذاي يا روح ..
خالد بغضب وهو يسحب روح بعنف من أحضان مالك : ايه الكلام الفاضي ده رجعتي لجنانك تاني..

مالك بتحذير : خالد اهدي شويه وانتي يا روح فهمني ايه الكلام ده واذاي مراد خانك وجبتي الكلام ده منين ...
روح بدموع : ده من كلام يا أبيه انا جاتلي صور لمراد مع بنت وهما في أوضاع مش كويسه .. هو خاني تعرف يا أبيه انا كنت بقول اني لازم ارجع عن الخطه بتاعتي واكمل حياتي معي مراد عادي زي اي اثنين لاكن هو وجعني تاني وجع لا يمكن اتحمله ابداا ...

خالد : فين الصور دي ..
روح ببحه : في الشنطه بتاعتي ...
خالد : الشنطه في الغربيه تحت انا نازل اجبها.

كان هذا الحوار دائر تحت صدمه مراد لم يستطيع التكلم باي كلمه ...
ظل الوضع متوتر والكل يجلس علي أعصابه الي أن حضر خالد ومعه حقيبه روح ...
قام بفتحها وأخرج منها مجموعه صور تجمع مراد بأحد الفتيات وهم بالفعل في أوضاع ليست طبيعية علي الاطلاق...
كانت هذه الصور صدمه كبيره لخالد هل من المعقول أنه صديق عمره قام بخيانه أخته هل يعقل ...
كان الجميع في حاله صدمه والصور تذهب من يد لآخري .....
روح بانهيار وهستريه : شفت يا خالد صحبك عمل فيا ايه هو دبحني وكمل عليا كلكم بتقولوا أنه بيحبني كلكم بتقولوا اني وحشه بس هو وجعني هو خاني وضمر جوايا كل ذكرا حلوه ليه ...
الي هنا لم يستطع مراد الصمت. ..
خالد بتوهان : الصور دي حقيقية يا مراد ..

مراد بقوه : كفايه .. كفايه يا روح بجد كفايه لحد هنا انا اتحملت منك كتير واتحملت علشانك اكتر اتحملت وجع وعذاب اتحملت انك تكوني بتلعبي عليا علشان تنتقمي مني اتحملت اني اوجع نفسي بس علشان تكوني مرتاحه .. بس تتهمنيني اني خنتك لحد هنا وكفايه مش مراد الالفي الي يخون ابدا وخصوصا لو كان الشخص ده انتي .. انا الي مستعد اموت علشان بس نظره من عيونك انا الي اتحمل وجع الدنيا اخونك في الاخر تطلعيني خاين .. بس خلاص كفايه دور الضحيه الي انتي عايشه فيه علطول اصحي بقي من خيالك ده ياروح .. انتي عمرك ما كنتي ضحيه انا الي علطول ضحيه لحبك ضحيه لطفولتك والأنانية بتعتك ..... نظر إلي خالد وقال عايز تعرف الصور دي حقيقية ولا ولا حاضر والكل يسمع الصور دي انا مليش علاقه بيها الي عايز يصدق اتفضل والله كان نفسي تكون حقيقيه بس كفايه عليكي ياروح دور الضحيه لحد كده ..وانت يا مالك بما انك ضابط تقدر تتأكد وبكل سهوله أن الصور دي فتوشب ومش حقيقية ....بس وقتها اوعي .. اوعي ياروح تفكري مجرد التفكير انك تحولي ترجعني ليكي لأن خلاص
انا دلوقت الي بقولك ياروح اني مش عايزك ....
انهي مراد حديثه وخرج مسرعاً دون انتظار رد أحدهم ..
أما روح فانهارت أكثر من البكاء بسبب هذا الكلام هل من المعقول أن تكون ظلمت مراد للمره الثانيه هل يعقل أن هذه الصور ليست حقيقيه ماذا تفعل أن كانت صدق ليست حقيقيه ...