مراد الروح ﴿ مكتملة ﴾

الأربعون

كان العشاق في عالم اخر يعيشون لحظات من السعاده والشغف كانت روح ترقص بين يد مراد كالفراشه في شعر الربيع ..
روح : مراد احنا اتجوزنا صح ؟.
مراد : صح يا روح مراد .
روح : عايزه اصوت واقول بصوت عالي للناس دي كلها اني بحبك ..
مراد : وفري صوتك يا عيوني .. شاور مراد لمصمم الاغاني فقام الاخير باطفاء الاغنيه ..
مراد بصوت عالي : يا ناااس الكل يسمع ويعرف اني بحب روح وعشقها هو الحياه عندي ..
روح بسعاده وهي تحضنه : يخربيت جنانك فضحتنا ..
مراد بغمزه : عدي الجمايل ..
روح : هههههه هعد حاضر واحد ..

_____________________

علي الجانب الآخر كانت لما تسير بشكل سريع وورائها ماجد ..
ماجد وهو يمسك يداها : لو سمحتي يا لما اسمعيني ..
لما : ماجد لو سمحت ابعد عني ..
ماجد : مش هبعد يالما انا عايز اعرف ليه رفضه جوازنا ؟
لما : ماجد انتي واعي لنفسك انا اكبر منك بثلاث سنين مينفعش نتجوز ..
ماجد : ده لا هو عيب ولا حرام لما انا بحبك أو مره احب واعرف معني الحب معاكي انتي خلتيني أشوف الدنيا بشكل تاني غيرتي فيا حجات كتير انا مش عارف امتي واذاي حبيتك بس اعمل ايه لقيت قلبي متعلق بيكي ..
لما بضعف : ماجد لو سمحت صدقني هتندم في يوم انك ارتبط بيها ..
وضع يده علي خدها بحنان وقال : اندم اني حصلت علي السعاده اندم اني لقيت النور الي نور قلبي من الظلمه الي كان فيها في حد يندم علي حياته يا لما انتي حياتي .. لما قولي انك بتحبيني قولي يالما واحي قلبي ..
لما بضعف : ب حبك بس مينفعش ..
ماجد بهمس امام أذنها : ساحتويكى ساتمسك بكي مهما حصل بيننا ولن اتركك ‏انت لي ..
أصبح نفسها ثقيل وشعرت أنها ستفقد وعيها في أي لحظه هذه الكلمات جعلت من حصونها تنهار واحده تلو الأخري ..
لما بتوتر : ا نا لازم اروح ابارك لمراد
قالت هذا وفرت سريعا ..
ماجد : مش هسيبك يا لما وراكي وراكي لحد ما ترفعي الرايه البيضه وتقولي بعشقك يا ميجو ..
ماجد بصوت عالي : استني يابت انا جي معاكي ..

لما بابتسامة : مبروك يامراد بتمنالك حياه سعيده ..
مدت يداها لكي تسلم ولا كن دخلت روح في المنتصف ومسكت يداها وقالت وهي تضغط علي اسنانها : الله يبارك فيكي يا لما معلش بقي اصل مراد متوضي ومش بيسلم ..
كان مراد يقف ويكتم ضحكته بصعوبه ..
لما بلطف علي غير العاده : تمام مش مشكله اتمنالكم السعاده ..
ماجد : مبروك يا روح مبروك يا بشمهندس مراد..
مسك مراد يد روح وضغط عليها وكأنه يحزرها من الرد ..
مراد بسماجه : الله يبارك فيك ..
ماجد باحراج : بعد اذنكم ..
قامت لما بضم روح تحت صدمتها وتحدثت بهمس ': اتمني لما ترجعي من شهر العسل تكلميني مبروك مره تانيه ..
ذهبت لما وتركت روح في صدمتها ..
مراد : روح رووووح انتي يابت ..
روح : هاا كنت بتقول حاجه .؟
مراد : لا انتي سرحانه في ايه .
روح : ولا حاجه ثم قاله بغيره انت اذا كنت هتسلم عليها انا كيس رز قاعد جنبك ..؟
مراد بضحك : هههههه معلش اصل مراد متوضي فصلتيني والله ..
روح بغيظ : امال اسبها تسلم عليك عفن الجبنه دي تسلم عليك انا كل ما افتكر انك هاخطبها حتي لو تمثيل بتعصب واحس اني هشيط ...
مراد بخبث : انا شامم ريحه غيره في الموضوع ..
روح : نعم غيره اغير علي مين أن شاء الله والأهم اغير من مين عفن الجبنه دي مستحيل ..
مراد بخبث وهو يقترب منها : يعني مش غيرانه عليا ..
روح بتوتر وهي تعود إلي الخلف : انت بتقرب كده ليه مراد ابعد شويه علشان الناس ..
مراد : تؤ انا عايز أقرب اصلي لازم اتاكد انك مش غيرانه ..
روح وهي يدفعه برفق : لا مش غيرانه وابعد كده علشان النفس ..
مسكها من يداها وقربها من صدره وتحدث بهمس وهو يمشي خده علي خدها : مش غيرانه علي مرادك ياروح ..
روح وهي تتنفس بسرعه وصدرها يعلو ويهبط بسرعه : اه مش غيرانه ..
اقترب اكتر وأصبح أنفاسه مخالطه لانفاسها : لسه مصره انك مش غيرانه ..
روح بنهج : انا غيرانه لا هموت من الغيره ..