مراد الروح ﴿ مكتملة ﴾

البارت الثالث والعشرين

مراد بثبات وهو يرتشف قهوته :- انتي كنتي معجبه ب ماجد يا روح ؟؟؟؟؟
رمي مراد هذه القنبلة في وجه روح ...
روح بشرقه  وتكح من الصدمه ...
قالت بتوتر :- ايه .. الكلا..م ده يا مراد . 
رد بثبات وبرود :- سؤالي يا روح عايز اجابه مش سؤال عليه ....
روح :- بس..... ولم تكتمل جملتها وقطع مراد عليها الحديث وقال بصوت مرعب :- جاوبي يا روح ....
روح بتوتر وخوف من هدوئه :- هو يعني أنا كنت معجبه بس ده والله كان في أول فتره ليا في الكليه حتي من غير ما عرف مين ده والله يا مراد حتي عمري ما اتكلمت معاه ابدا الي بخصوص الدراسه بس وثواني وخلاص ... والله انا معملتش حاجه غلط
قالت هذه الكلمات وبقت تنظر لمراد وتنتظر رده كتلميذ يقف أمام معلمه ينتظر نتيجه الامتحان ...
طال انتظار روح لأي كلمه من فم مراد ولاكن لا يوجد اي رد .. نظرت داخل عيونه لعلها تجد أي نظره تريحها ولاكن داخل عيونه جافه لا يمكن قراءتها ....
روح بدموع سيطرت علي مقلتيها ولم تستطع منعها :- انت مش مصدقني صح .... انت شيفني وحشه صح ... والله انا معملتش حاجه ....
قام مراد من مكانه بثبات وهدوء وسحب الكرسي المجاور لها وجلس عليه ....
قام بوضع يداها داخل خاصته وتحدث بحنان '- اوششششش اهدي ليه الدموع دي انا لو مش مصدقك ... انا بثق فيكي اكتر من نفسي .. وبعدين مين قالك انك عمله حاجه غلط .... بس منكرش نار قلبي والغيره بسبب اني حاسس انك اعجبتي بحد غيري نظرت الاعجاب دي كانت لغيري ...
نظرت روح داخل عيونه .. كم كانت رائعه وكان حنان العالم كله اجتمع داخل هتان العينان واه منهم يجعلون قلبي يتوه ويبحر داخل امواجهم وياليت اجد سبيل للوصول إلي الشط .....
تحدثت روح ببطء وشرود وهي تنظر داخل عينه :- في حاجه غريبه بحسها معاك انا لما عرفتك عرفت أني مكنتش معجبه بماجد ابدا لا لان الاعجاب والانجذاب الي بحسه تجاهك مختلف مراد انت بتخليني تايهه .. بحس أن قلبي هيطلع من مكانه اذا انا بجد حسيت بالاعجاب الحقيقي اتجاه حد فالحد ده انتي ..........
قالت هذه الكلمات وفجاه وكأنها فاقت من غيبوبتها بصدمه مما تفوهه به هيا لم تتوقع أن يسألها مراد هذا السؤال وايضا لم تتوقع أنها سوف تتحدث عن هذه المشاعر التي ترهقها وخصوصا له هو ...
مراد بتنهيده عاشق وهو ياخذ روح داخل أحضانه :- اه ياروح متتخيليش كلامك ده عمل فيا ايه رفعتي لاعلي سما ... روح انا مش مجرد واحد حب انا عشقتك كأنك بنتي ..بقيت مدمن وحافظ كل تفاصيلك ... روح انا بقيت بتنفسك.....
توقف مراد عن الحديث عندما شعر بهدوء روح الغريب ... نظر إلي وجهها رآها تغمض عينيها براحه وعلي وجهها ابتسامتها التي تذوب بعقله قبل قلبه ...
مراد بهدوء حاني:- روحي انتي نمتي ...
روح بهمهمه وهي تهز راسها :- توت توت
بس انت حضنك حلو قوي يا مراد بحب اكون جواه بحس بالامان والراحه ....
مراد بحب وهو يشد علي أحضانها :- خليكي جوا قلبي يا روح هو ده اصلا مكانك الصح جنب قلبي وعائشه جواه .....
شعرت روح بالخجل من كلامه وخاصه أنهم في مكان عام ..
روح بخجل وهي تخرج من أحضانه :- بس يامراد ....
مراد بعبوس طفل :- خرجتي ليه ..
روح :- مراد احنا في مكان عام عيب كده ...
مراد بخبث  :- ياسلام امال مين الي كان عاجبه حضني من شويه ...
روح وهي تضربه علي كتفه وتقول بخجل وغيظ :- والله انت بارد وبعدين انا مقولتش حاجه ..
مراد وهو يرفع حاجبه :- لا والله ...
روح :- زي ما بقول لك كده .. انت بس الي عندك جفاف عاطفي فا بيجي ليك خيالات مش اكتر ....
ضحك مراد بملي صوته علي هذه المشاغبه وكم كان جذاب ساحر ... لفت نظر روح بعض الفتيات ينظرون إلي مراد بهيام ...
روح بغيظ :- قله ادب ..  مراد انا عايزه امشي من هنا يلا ...
مراد باستغراب من تحولها فجاه :- ليه ايه الي حصل ...
روح :- محصلش حاجه .. انا عايزه امشي ...
مراد بجدية وحنان :- روح حبيبتي في ايه ..
روح وهي تشاور برأسها علي طاوله ما وتقول وعيناها امتلاه بالدموع :- البنات دي هتكلك يعنيهم.  
مراد :- مين دول الي نظرتهم يزعلوا روحي هم هوا ولا ليهم وجود عندي كل البنات الي في العالم بقت انتي في عيوني ... عيوني مش بتشوف الا روح روح وبس ماشي ...
روح بسعاده :- ماشي ...
مراد أحب أن يغيظها :- بس واضح أن تأثيري عالي جدا ...
روح باستغراب :- تأثير ايه ...
مراد وهو يلعب حاجبه :- يابت بتغيري عليا دا انا جامد ...
روح وهي تاخد حقيبتها وتقوم :- بس يا بابا قلتلك إن دي خيالات روح اتعالج علشان خطر عليك ...
مراد :- اخذتي عليا قوي يا روح ...
روح بغرور مصطنع :- برحتي يا ابو عيون رصاصي ...
قال :- ايه حكايه ابو عيون رصاصي الي مسكا فيها من الصبح ...
قالت :- مش انت عيونك رصاصي ولا دي عدسات تصدق كنت عارفه انها عدسات طلعت غشاش يا مراد ...
قال بضحك :- بس يا هبله ...
روح بمرح :- لا .. لا مستحيل انا اصلا وفقت عليك علشان عيونك تطلع عدسات ... خلاص انا عايزه ارجعك مليش دعوه ....
مراد بضحك مكتومه :- يابت بطلي هبل وبعدين ترجعي ايه هو انا تلاجه ....
وصلوا الي السياره ...
قال :- اركبي يا اخرت صبري .. انا الي جبته لنفسي ....
قالت بمرح :- لو مش عاجبك طلقني وخد عيالك معاك مش عيزاهم . ..
مراد بضحك :- مش لما اتجوزك الاول علشان أطلق ...
شعرت روح بالاحراج ونظرت الي الأرض ...
مراد بعبث :- ايه القط اكل لسانك ...
نظرت له بغيظ :- علي فكره يا مراد انت قليل الادب وانا الي كنت فكراك محترم .....