مراد الروح ﴿ مكتملة ﴾

الخامس عشر

تعالوا نفتكر اخر حاجه وقفنا عندها 🤔🤔

مراد :- ادخل .
دخل الطارق ، مراد بصدمه :- انتي .
الفتاه :- موري وحشتني موت .
وقامت هذه الفتاه بضم مراد بسرعه وعلي غفله منه .
وقبل أن يستوعب مراد ماذا حدث فوجه بصوت الصينيه تقع من احدهم نظر سريعا وداخله يتمني أن لا تكون روح ولاكن ليس دائما ينال المراه ما يتمناه .
روح بصدمه واضحا عليها :- مراد .
مراد بتوتر وهو يشعر كأنه تطفل صغير أمام والدته يجب عليه تبرير ما يحدث .
روح بحزن وصدمة :- انا اسفه عن اذنكم .
اسرع مراد باقافها وقال :- روح دي لما بنت عمي وهيا كانت مسفره علشان كده كانت بتسلم عليا .
نظرت روح له نظره لم يفهم معناها ابدا .
ثم نظر إلي لما الذي تحدثت بغيظ من هذه النظره التي وجدتها داخل اعين مراد وقالت :- انت عارفتها عليا لاكن انا معرفهاش .
مراد وهو ينظر داخل عيون روح لعله يفهم ما يجري داخلها وقال :- روح أخت خالد وبتدرب هنا في الشركه .
لما بغل حاولت اخفاءه وهي توجه يداها لروح وتقول :- هاي اتشرفت .
ردت روح عليها السلام وسحبت يداها سريعا وقالت :- بعد اذنكم وذهبت مسرعه دون سماع أي شئ اخر .
لما بدلع  :-  متعرفش انتي وحشتني اذا يا موري .
مراد بقسوة :- اولا اسمي مراد مش مسموح لحد يدلعني ثانيه اتفضلي علشان مشغول .
لما بغل :- ماشي يا مراد عن اذنك .
خرجت لما وهي تغلي من الغضب وتقول :- روح ايه الي رجعها حياته تاني معقول تكون افتكرت ، مش مهم بس الماره دي مش هتعرف تاخد مراد هو ملكي انا حتي لو كانت الطريقه حياتك .
_____________
أما عند روح ذهبت مسرعه الي الحمام واقفلت الباب ورائها بقوه لم تشعر بنفسها وهي تجلس علي ارضيه الحمام وتبكي بقسوة تبكي من هذه الغيره الذي احتلت قلبها فجاه ويا لها من غيره قاسيه كم تمنت أن تجذب عروسه المولد هذه من شعرها وتقوم بضربها حتي ترتاح ثم يأتي دور هذا الحائط وتصفعه صفعات متتاليه إلي أن تشعر بالتعب ، فاقت روح الي نفسها سريعا واستغربت هذه الحاله التي وصلت إليها قامت من علي الارض ونظرت الي وجهها في المراه وحدثت نفسها وقالت :- انتي اتجننتى ايه الي عملتيه في نفسك مايكون معاه واحده ولا يولع انتي مالك انتي مش بتحبيه ولا هتحبيه مفهوم ياروح مستحيل تحبيه كفايه كده مفهوم لو وصلت انك تكرهيه اعملي كده لاكن مش تحبيه مفهوم ياروح مستحيل مستحيل .
مسحت روح دموعها بقسوة واتجه الي مكتب مراد لإكمال العمل ، خبط روح علي الباب وسمح لها بالدخول .
روح بجمود :- ممكن نخلص الشغل الي متعطل .
مراد باستغراب من هذا الجمود :- ايوه طبعا يلا .
تقدمت روح بفتور اتجاه المكتب وباشرت في العمل .
مراد :- علي فكرة الي شوفتيه ده مش صح هيا كانت جايه من السفر وحضنتني وملحقتش ادي اي رده فعل لاقيتك دخلتي .
روح بلا مبالاة :- عادي الموضوع مش يخصني حضرتك حر ، ولاكن داخلها كان قلبها يقفز من السعاده.
مراد بصدمه من هذا الحديث وهو الذي تخيل أنها تتصرف هكذا بسبب شعورها بالغيرة مسكين هذا المراد .
أكمل روح ومراد العمل ولاكن بال كل واحد منهم في عالم اخر .
_______________
داخل الشركه ولاكن في مكتب خالد .
تدخل نور علي خالد المكتب وتضع أمامه الاوراق وظلت واقفه .
خالد باستغراب :- فيه حاجه يا نور .
نور بارتباك وهي تفرق يداها :- لا اه اقصد يعني هو حضرتك كويس انا من امبارح شيفاك متغير .
خالد :- انا كويسه يا نور عادي .
نور بنفس الحاله :- لا حضرتك مش عادي انت من امبارح مش كويس وباين عليك حزين مش تعب حتي .
خالد بسعاده لأنها لا حظت هذا :- واضح انك متابعه وكده .
نور بارتباك :- لا عادي اصل هو واضح علي حضرتك .
خالد بخبث :- طيب يهمك في ايه إذا كنت زعلان أو لا .
نور بتوتر :- يعني حضرتك أخو روح وزي اخويا كمان ولو حضرتك زعلت روح هتزعل  .
خالد بعصبيه أولا بصوت منخفض :- علشان روح بس ، ثم علي نبره صوته وهي يخبط علي المكتب بعصبيه علشان روح بتعتبرين اخوكي نظرا لها بقسوة وقال بره اطلعي بره .
فزعت نور من هذا المنظر وفره هاربه من أمام هذا الوحش الجديد في حياتها لم تري خالد بهذا الشكل من قبل ، وجدت رضوي امامها وارتمت داخل أحضانها وبكت بقسوه .
رضوي بخوف علي نور :- مالك يا حبيبتي في ايه .
نور بصوت متقطع :- ه..و ..ا نا ..مش ..ع عا..ملت .حا ..جه .ك نت ..ب .س ..بسا ..ل ...م ا ..له
( انا مش عاملت حاجه انا كنت بس بسال ماله )
رضوي بقلق :- براحه يا نور انا مش فاهمه منك حاجه تعالي اقعدي الاول جلست نور واعطت لها رضوى كوب من الماء وقالت اشربي يا حبيبتي واهدي الاول وبعدين اتكلمي ، شريت نور المياه حتي هدأت وبعدها قصت علي رضوي  كل ما حدث .
رضوي :- معلش يا نور اكيد كان مخنوق ولا حاجه ثم تحدثت معي نفسها معقول يكون ثم هزت راسها نفبه هذه الفكره .
تحدثت رضوي بمرح :- ولا تزعل يا كبير احنا نشكيه لماما امل أو البت روح وهما يعملوا منه بطاطس مقليه ونأكل لحد ما تشبع .
نور بضحك :- وبري كمان .
_____________________
عند مراد وروح في المكتب .
نظرت روح الي الساعه في هاتفها وقالت وقت a break بعد اذنك .
مراد سريعا :- خليكي نتغدا سوا ذي امبارح  .
روح ببرود :- sorry افضل اتغدا معي اصحابي بعد اذنك .
خرجت روح وطرقت مراد يغلي من الغضب .
__________________
ذهبت روح الي صديقتها وجدت عيون نور منتفخه من البكاء روح بخضه وهي تمسك نور من يداها مالك يا حبيبتي عيونك عامله كده ليه ايه الي حصل .
نور وهي تضم شفتاها مثل الاطفال وتحكي لروح عن ما جرا .
روح باستغراب :- أبيه خالد مش معقول هو علطول هادي .
نور بحنق :- بتبلا عليه انا يا ست روح ولا ايه .
روح :- ابدا انا مش قصدي كده ثم هي ورضوي نظروا إلي بعضهم نظره ذات مغزى ثم قالت بمرح ولا يهمك يا نوري انا رائحه املصلك ودانه وجايه على طول بس لو تاخرت ابقوا اطلبوا الاسعاف أو المطافي الي تلقوه فاضي .
ذهبت هذه المجنونه الي مكتب خالد اول ما فتحت الباب انصدمت ......
روح بصدمه .. ايه ده يا أبيه انت كنت ماجر المكتب حلبه مصارعه .
خالد بتعب وعصبيه :- روح انا مش فايق لكلام .
روح بحنق :- انا مش جايه اتكلم انا جايه اعرف فيه ايه وليه زعقت لنور بالشكل ده هيا عملت ايه لكل ده البنت منهارة علي الاخر بره .
انتفض خالد بزعر وقال بتعيط وقام سريعا اتجاه الباب ولاكن أوقفه صوت روح وهي تقول بما انك بتحبها ليه عملت كده وليه بتداري الحب ده حرام عليك قلبك .
خالد بنكران :- ايه الكلام الي بتقوليه ده يا روح ميش ابدا حاجه من دي حقيقيه .
روح بخبث بجد الحمد لله اصل كنت قلقانه انك تكون بتحبها اصل في اخو واحده صحبتي عايز يتقدم ليها وأخته دي قالت ليا اقول لنور علشان يتقدم راسمي لو موافقه ، لاكن انا كنت شاكه انك بتحب نور بس الحمد لله طلع كل ده هبل ، عن اذنك بقي اروح اعرف نور بالعريس .
وقبل أن تخطئ روح خطوه اتجاه الباب سمعت صوت تحطيم ما تبقى من الغرفه ، خالد بغضب :- مستحيل نور مستحيل تكون لحد تاني غيري مستحيل .
روح بهدوء :- بما هو كده ليه العند والمكابره ليه تعمل في قلبك كده حرام عليك نفسك يا أبيه .
خالد وهو يجلس علي الاريكه بتعب ويتحدث بضعف :- مش هينفع ياروح انا كبير عليها انا اكبر منها بحوالي عشر سنين هيا طفله وكمان بتعتبرني أبيه خالد اخو روح يعني أخوها هيا كمان يارتها كانت بتعتبرني الدكتور بتاعها ثم قال بمراره بتعتبرني أبيه عارفه يعني ايه أبيه ياروح .
روح بدموع علي وجع اخيها الحبيب :- سن ايه الي بتتكلم عنه ياابيه احنا البنات اصلا بنكون عايزين زوجنا اكبر بكتير يعني العشر سنين هو فرق رائع ، وبعدين محسسيني انك عندك خمسين سنه ، ثانيا بقي انت مش اخوها يعني حاول معاها وأنا وثقه انها هتحبك .
خرجت روح وطرقت خالد يصارع أفكاره.
أما هيا اول ما خرجت سمعت صوت هاتفها يرن برقم غير معرف مسحت روح هذه الدمعه الهاربه وقامت بالرد علي الفون وقالت :- الو .
أتاها صوت مألوف عليها .
روح بهمس وقلب نابض :- مراد .
مراد بجمود :- تعالي علي مكتبي حالا واقفل دون السماع الي صوتها .
روح وهيا تنظر الي الهاتف بصدمه سريعا ما تحولت إلي غضب من فعلته ثم قالت :- غبي وحقير وبتاع احضان حيوان زئب بشري مستر هالك .
قالت روح كل هذه الشتائم وذهبت باتجاه مكتب مراد .
______________________
عند أخوه الشياطين .
صفوان :- ها يا عزت نفذت المطلوب .
عزت :- كله تمام الخدامه تابعنا هتكون عندهم بكره أما في الشركه لسه بنشوف .
صفوان بعصبيه :- بتشوفه ايه يعني يا عز انا عايز تنفيذ علطول ما فيش وقت .
عز :- انت عارف انك شركه الحاوي صعب نزرع فيها جواسيس لاكن هانت بس عايز اعرف ايه هيا خططك .
صفوان بمكر :- اسحب روح الحاوي من حياته اسيبه يتعذب ويتمني الموت الي هايكون رحمه ليه .
اسمع يا سيدي ............. حك له  خطته البشعه .
عز مفاجاه :- دا انت دماغ يا بوب .
صفوان بفخر :- امال علشان كده عايزك تنفذ المطلوب في اسرع وقت .
_____________________
أما عند روح
ذهبت باتجاه مكتب مراد وهيا في قمه الغضب دخلت المكتب بعصبيه وقالت :- نعم افندم خير .
مراد ببرود وهو يشير إلي الأريكة :- اقعدي هنا .
روح بغيظ من بروده :- احنا لسه في a break
مراد بهدوء مرعب :- قولت اقعدي .
روح وهي خائفه منه حد الموت ذهبت باتجاه الأريكة وجلست عليها ، قام مراد من مكانه وتوجه الي الأريكة معي كل خطوه منه كانت دقات قلبها ترتفع شعرت وأنها تموت من الخوف وارتفع الادرينالين في جسمها من الرعب ، لم تلاحظ الشنطه التي كان يحملها في يده الي عندما وضعها امامها  ، أشار مراد لروح بعينه علي الشنطه .
روح باستغراب ايه ده .
مراد بهدوء :- افتحي وشوفي .
مدت روح يداها المرتعشة لفتح هذه الشنطه وامل ما تبين ما يوجد داخلها حتي اندهشت .
روح بدهشة :- اكل .
اوما مراد ببرود .
روح بغيظ :- ايوه وايه المطلوب مني مش فاهمه يعني .
مراد بهدوء :- اكيد مش جايبك تتصوري معي الاكل هاتكلي طبعا .
روح بعصبيه وهي تقوم من مكانها :- لا انا قلت هاكل معي البنات ومش عايزه أكل معاك.
مراد بغضب افزعها :- انا قلت اقعدي .
قعدت روح سريعا بخوف وهي تبلع ريقها .
مراد وهو ينظر إلي الاكياس :- انا عايز الاكل ده كله يخلص مفهوم .
ولاكن لم يجد رد من روح سوا الصدمه فقام بتعليه صوته اكتر وقال قلت مفهوم .
اومات روح له سريعا بخوف ، فقال يلا .
روح وهي تنظر إلي مراد وقالت بخفوت : انا هاكل لو حدي كل معايا لوسمحت .
جلس مراد أمام روح واخذ ياكل بصمت و ابتسامه لا تفارق وجه .
___________________
انقض اليوم وذهب كل شخص باتجاه عالمه .
داخل احدي النوادي اليليه نجد مالك يدخل هذا المكان بحاذبيه مفرطه ومتعبه للأعصاب

جلس مالك امام النادل وتحدث بهدوء واحد فوتكا .
نظرت هذه الفتاه المدعوة لورا نظره إليه نظره اعجاب ولاكنه لم يعيرها انتباه وأدار وجهه الجهه الاخري ، كم ازعجها هذا التصرف وذادت رغبتها به ، تقدم نحوه بحطواط بطيئه حتي وصلت أمامه مدت يداها تجاه وقالت :- لورا .
نظر مالك ليداها التي مقدمه نحوه ثم نظر إلي وجهها ومد يداه يصافحها وقال :- نادر علوان .
__________________
انته الفصل انا عارفه إنه مش طويل لاكن انا كنت مشغوله الفتره دي بأبحاث الكليه وكمان كان عندي محاضره اون لاين لولا أني كنت وعدت بنوته قمر اني انزل النهارده مكنتش نزلت ، قراءه ممتعه واتمني تدخلوا تشوفوا روايتي الجديده مسجونة في قلبه وعايزه رايكم فيها وشكرا .